لحظة صدق

[dr/mero]

بصراحة يا جماعة ومن غير هروب من سؤالي وبعد 3 سنين في الكلية فيه حد حاسس إنه ندمان إنه دخل الكلية ولو كانت إجابنك أه إيه أسبابك ولو كانت لا إيه برده أسبابك أنا من وجهة نظري إحساس الندم بيجيلي في 3أوقات وقت الامتحان ووقت النتيجة لما بتكون مش عجباني أما الحالة الاخيرة ويمكن تكون دي أهمهم لما حد يتكلم عن الكلية بشكل مش كويس وأكيد طبعا كلكم سمعتم الكلام المش كويس ده قبل كده بلاش أسمعهلكم تاني وأقلب المواجع عليا وعليكم على أي حال سبق السيف العزل ولا وقت للندم بس دي حاجة جت على بالي فجأة حبيت أشوف رأيكم فيها إيه سلام

[ملكة القلوب]

بصراحة اجابتي ممكن تكون غريبة شوية لانها اه ولا.
اه اوقات بحس بالندم اني دخلت كلية صيدلة وده حسيته اكتر من التدريب لان معظم الناس بتتعامل معاك علي انك بياع مش دكتور تعبت وسهرت عشان تكون علي دراية كاملة بكل انواع الادوية وتركيبها واهمية معرفة جرعتها .
ولا لما بكون في الكلية وبدرس حاجه بحس اني ممكن افيد بيها ولو حتي شخص واحد وان انا بعلمي ده الي هتحاسب عليه واللي هيساعدني اني اوصل لاعلي مراتب في الجنه بكون سعيدة اني دخلتهافعلا

[dr/mero]

المشكلاة الحقيقية فعلا يا ملكةالقلوب في التدريب بأمان أنا بحس ان الدراسة مختلفة تماما تماما عن سوق العمل وبمعنى أوضح حاسة ان العلاقة بين الدراسة وسوق العمل ضعيفة جدا أنا هقولك على حاجة طريفة في الصيدلية في واحد خريج خدمة اجتماعية بشتغل في الصيدلية اللي بدرب فيها الناس يقولوا له يا دكتور وبيقولولي يا أبلة هي الحكاية دي مش بضايقني أوي يعني بس برده بتأثر في نفسيتي .شكرا على المتابعة يا ملكة القلوب

[Dr_asosh]

المشكله اللى بتخلينى اندم بعض الاوقات لما بدات التدريب
لقيت تلات تربع الى بدرسه مالوش اي لازمه فى الصيدليه

[Dr.aya]

فعلا الواحد بيحس انو اول 3 سنين فى الكلية مالهومش لازمة وانى بستفاد بس باخر سنتيتن تقريبا وكمان بعد الخمس سنين دول لازم ادرب كتير عشان يبقى اسمى دكتورة صيدلانية بجد

[queen]

انا مش ندمت عليها
وبحمد ربناانى دخلت كلية الصيدلة
بس اما بشوف المواقف دى فى الصيدلية بزعل اوى ان مهنتنا بقت كدة ونفسى نعمل حاجة علشان نغيرها ونرجعها لاصلها زى ما كانت

[Mohamed Al Gohary]

عمري ما حسيت بذرة ندم .. الكلية دى حياتي .. بقعد فيها اكتر ما بقعد فى بيتنا اصلا ..

فيها صيف وشتا .. ليلا ونهارا ..

وكل ما بحس ان علاقتي بيها بتقرب على الانتهاء .. بتضايق جدا ..

[سندريلا]

عمرى ما حسيت بالندم انى دخلت صيدلة
وبأحمد ربنا كتير ان انا فى كلية الصيدلة جامعة المنصورة
وبأحس انها بيتى ودنيتى كلها وقاعدة فيها على طول
وفيها أحلى أيامى
وبأكتئب لما بأحس انى ها أتخرج وأسيبها
وبالنسبة للتدريب حاول تقضى وقت طويل فى الصيدلية وتتعرف على الأدوية أكتر
وعلى فكرة موضوع ان الدراسة مش مرتبطة بسوق العمل دى فى كل الكليات مش فى صيدلة حبيبتى بس
كم أحبك يا كلية الصيدلة جامعة المنصورة

[dr/mero]

يا جماعة كلامكم حلو أوي بس للأسف فهمتوني غلط أنا مش قاصدة الكلية والأصدقاء والانشطة والحاجات التانية اللي بتتكلموا عنها أنا قاصدة بعد ما نتخرج والمشاكل اللي هتقابلنا لكن الكلية أنا بحبها زيك برده يا سندريللا لكن خلينا نكون واقعين ونبص لنظرة الناس للصيادلة لان ان شاء الله هنخرج في يوم من الايام ونحس بده دا الي أنا قصدته لكن أن كان واصل ليكم حاجة غير جده فاسفة سوء تعبير مني .شكرا ليكم على المتابعة

[marmar mo7amed]

لما بيدخل عليا الصيدليه حد بسيط زي راجل كبير او ست غلبانه
ويشتكولي من وجع فيهم مش عارفين يعملوله ايه
وباجيب لهم الدوا المناسب
واحاول اهزر معاهم واخفف عنهم
وفي الا يدعو لي
بجد ببقى حاسه اني طايره
وبالرغم من عشقي للكليه (باتريق طبعا) الا ان لو الزمن رجع بيا تاني هادخلها وهادخلها وهادخلها
اهي ارحم من غيرها
والعبره مش بالكليه
العبره باننا نقدر نفيد الناس
سوري طولت قوي عليكم
وحشتينييييي يا كليتي