مجانآ .. البرنامج التدريبى بأجازة نصف العام الدراسى من الجمعية العلمية

[عامر إبراهيم]

طيب هو الساعة كام بالظبط و اليوم كام ساعة وكام محاضرة ؟؟؟؟؟؟؟؟؟؟؟؟؟

انا عاوزه اعرف كل حاجه عن البرنامج ياريت تقوله بالتفصيل

هل اى حد ممكن يشترك ولا لازم شروط وايه علاقتها بصيدليات العزبى وجزاك الله كل خير

إن شاء الله هيكون فى مدرج الفرقة الثانية بالأيام المحددة فى الأعلى, تقريبآ مدة اليوم الواحد من 4 إلى 5 ساعات من الساعة 12 ظهر , لكن اللى إشترك وبعت الرسالة إن شاء الله على المحمول أو عمل كونفيرم فى الفيس بوك هيحصل على آخر الأخبار أول بأول على طول إن شاء الله
علاقة الكورس بصيدليات العزبى, إن فى قسم تدريب بمجموعة العزبى لتدريب الصيادلة اللى شغالين بيها, القسم ده بينظم دورات وما إلى ذلك, والدكاترة اللى فيه, بيكونوا دكاترة ذوى خبرة كبيرة فى مجالهم, يعنى لو المحاضرات طبية وعلمية, بيكونوا معيدين من كليات الصيدلة, أما لو محاضرات إدارة الصيدليات أو تنمية بشرية أو عن البيزنيس, بيكون من ناس متخصصة فى الموضوع ده بالتوجه الصيدلى أيضآ ....

وكان اول تعاون بين صيدليات العزبى وبين الجمعية العلمية, كان فى أجازة الصيف الماضى, ودى تانى بنقدم الكورس, لكنه هذه المرة مدعوم من عدة مصادر لتقديمه مجانآ للطلبة و الوصول لأكبر عدد ممكن من زملائنا الطلاب ...
وجزاكم الله خيرآ دكتورة أسماء ...

اممممممم
بالتوفيق يا عامر ان شاء الله
بس انا كنت حابة استفسر عن امكانيه انى اعمل سكيب ليوم منها
يعنى انت عارف ميعاد الرحلةبتاعتنا يوم 3 ان شاء الله
فهل ينفع عدم حضورها متصله

وان شاء الله دايما فى تميز

جزاكم الله خيرآ يا د. أمنية,
للأسف فعلآ أنسب المواعيد كانت متعارضة معاكم بسبب إن الإسبوع التانى إسبوع شباب الجاماعات وكده فعلآ برده مش هعرف أطلع معاكم الرحلة ...
يلا خير إن شاء الله, بس أنا هطلع المعرض قبلكم شوية وأقعد هناك يومين كمان مش يوم واحد
بالنسبة للبرنامج بقى,
الشهادات هتكون للى حضر الـ 3 أيام كاملة إن شاء الله ... بس إن شاء الله الإستفادة تعم على حضرتك فى الأيام اللى تقدرى تحضريها معانا إن شاء الله ....

شكرا ليك عامر .. و ان شاء الله يكون برنامج مميز كالعاده

ربنا يخليك يا علاء, وإن شاء الله يارب يكون بصورة كويسة تفيد الطلبة كلهم يارب, وشكرآ ليك يا حبيبى على ردك

وشكرآ ليكم جميعآ على إهتمامكم

[خادم أبى القاسم]

جزاك الله خيرا أبا خالد وجعله الله فى ميزان حسناتك وجميع المسلمين آمين يارب العالمين..بوركت وبورك المسلمين

[BoNbOoNa]

تماااام جدا و ان شاء الله ربنا يوفقكم و يوفقنا و يا رب نستفيييييييد
انا قلت لكل اصحابي و فيه كتير عجبهم و ان شاء الله هنيجي
جزاك الله خيرا يا عامر
تحياتي للجميــــــع
أمنية

[Omneya]

جزاكم الله خيرآ يا د. أمنية,
للأسف فعلآ أنسب المواعيد كانت متعارضة معاكم بسبب إن الإسبوع التانى إسبوع شباب الجاماعات وكده فعلآ برده مش هعرف أطلع معاكم الرحلة ...
يلا خير إن شاء الله, بس أنا هطلع المعرض قبلكم شوية وأقعد هناك يومين كمان مش يوم واحد
بالنسبة للبرنامج بقى,
الشهادات هتكون للى حضر الـ 3 أيام كاملة إن شاء الله ... بس إن شاء الله الإستفادة تعم على حضرتك فى الأيام اللى تقدرى تحضريها معانا إن شاء الله ....

يالا خير تتعوض ان شاء الله مرة تانية
بس انت بتغيظنا ولا ايه
يومين واحنا يوم
ماشى ماشى
يالا بالتوفيق للجميع

[CONTESSA]

ميرسى يا دكتر.....ان شاء الله معاكم......ويارب يكون كورس كويس باذن الله
دا اول كورس تدريبى احضره.....اهو نبدأ نقتحم الحياة العملية
بس هو ليه هايبدأ الساعة 12؟؟؟؟ مش ممكن بدرى عن كده؟؟؟!!!!

[norten]

جزاكم الله خيرا د عامر وsamps على التدريب الصيفى اللى شكله مميز ومفيد بس بصراحه فى حاجات عاوزه استفسر عنها
أولا ايه لزمه اننا نبعت رساله بالاسم والبريد الالكترونى على الارقام دى بما ان الدوره مجانا وامكانيه الحضور لكل الطلبه..........يعنى لازم يكون فى حجز مسبقا ولا يعنى النظام ايه
ثانيا فى نهايه الدوره شهاده معتمده من الكليه طيب الشهاده دى لكل اللى حضروا ولا اللى هيشتركوا فى المسابقه
كمان حضرتك قلت ان الدروس العمليه هتكون للطلبه اللى هيشتركوا فى المسابقه
طيب بمناسبه المسابقه ممكن نعرف معلومات أكتر عنها وايه الفائده من الاشتراك فيها
ياريت يكون فى توضيح اكتر لأن بجد فى حاجات كتير مبهمه بالنسبالى
وجزاكم الله خيرا

[sokar-resala]

أولا ايه لزمه اننا نبعت رساله بالاسم والبريد الالكترونى على الارقام دى بما ان الدوره مجانا وامكانيه الحضور لكل الطلبه..........يعنى لازم يكون فى حجز مسبقا ولا يعنى النظام ايه
ثانيا فى نهايه الدوره شهاده معتمده من الكليه طيب الشهاده دى لكل اللى حضروا ولا اللى هيشتركوا فى المسابقه
كمان حضرتك قلت ان الدروس العمليه هتكون للطلبه اللى هيشتركوا فى المسابقه
طيب بمناسبه المسابقه ممكن نعرف معلومات أكتر عنها وايه الفائده من الاشتراك فيها
ياريت يكون فى توضيح اكتر لأن بجد فى حاجات كتير مبهمه بالنسبالى
وجزاكم الله خيرا
أنا كمان عايزه أعرف لو سمحت يا د عامر

[Ahm@d Mott@we3]

بعد اذن عامر هجاوب انا عن الاستفسار ده

أولا ايه لزمه اننا نبعت رساله بالاسم والبريد الالكترونى على الارقام دى بما ان الدوره مجانا وامكانيه الحضور
لكل الطلبه..........يعنى لازم يكون فى حجز مسبقا ولا يعنى النظام ايه

تسجيل الاسم والبريد عشان الحجز وكتابة اسماء الناس اللى هتشترك معانا ان شاء الله
واللى بناء عليه هنقدر نسجل نسبة الغياب ونعرف مين اللى عاوز شهادات .. عشان اللى هياخد الشهادات لازم يكون حضر المحاضرات وكمان عشان يبقى فيه نوع من التنظيم في الشغل
وكمان لو حصلت اى ظروف نقدر نبلغ المشتركين عن اللى حصل عن طريق الايميل ان شاء الله ..

ثانيا فى نهايه الدوره شهاده معتمده من الكليه طيب الشهاده دى لكل اللى حضروا ولا اللى هيشتركوا فى المسابقه

لأ ان شاء الله الشهادات هتكون للى عاوزينها واللى حضرو المحاضرات مقابل سعر رمزى جداا حوالى 25 جنيه ان شاء الله

كمان حضرتك قلت ان الدروس العمليه هتكون للطلبه اللى هيشتركوا فى المسابقه
طيب بمناسبه المسابقه ممكن نعرف معلومات أكتر عنها وايه الفائده من الاشتراك فيها

الأول بيتم الإعلان عن تسجيل الأسامى فى المسابقة,
ثانيآ بيكون فى إمتحان MCQ و أحسن النتائج هى اللى هتشارك فى المسابقة والجزء العملى ...
المسابقة عبارة إن بيدخل شخص بيمثل دور مريض ويقابل المشارك فى المسابقة, ويقعد يسأله وبيبقى فى مراقب بيدى درجات للمتسابق على أساس مدى معاملته للمريض ومدى إهتمامه بالموضوع و إلمامه بالموضوع اللى المريض بيسأل عنه, وهيربط بين الأمراض اللى ممكن تكون على علاقة بالمرض والأعراض اللى عند المريض, و الأدوية اللى المريض عنده حساسية منها, وسجل مرض المريض و المواد الفعالة اللى الأدوية ممكن تتعارض عنده مع حاجة تانية, وهكذا ...

" المريض هيمثل عن مرض معين, يعنى مثلآ كل المرضى اللى بيمثلوا دول, هيمثلوا إن عندهم السكر, وهيتوزع على المتسابقين كتب صيدلانية عن السكر, وهيبقى فى محاضرة عن السكر برده مثلآ إن شاء الله ... "

و أصحاب المراكز الثلاثة الأولى بيشاركوا فى مسابقة من نفس النوع على مستوى الإتحاد المصرى وبيكون ليهم جوائز وتدريب فى صيدليات العزبى إن شاء الله ...

ياريت يكون فى توضيح اكتر لأن بجد فى حاجات كتير مبهمه بالنسبالى
وجزاكم الله خيرا

ياريت أكون وضحت لحضرتك الحاجات المبهمة دي ..
ولو فيه حاجة تانية مش واضحة ياريت تسال واحنا هنوضحها لحضرتك ان شاء الله ..

[* Esraa_resala *]

جزاكم الله عنا كل خير وجعله فى ميوان حسناتكو ان شاء الله

وان شاء الله هحاول ابلغ اصحابى وتعم الفائده باذن الله

[monosh]

مشكور يا دكتور عامر ع المجهود..........ومشكورة الجمعية العلمية كلها ع النشاط المتميز ديما.

يارب ديما فى نجاح مستمر.

بس رجاء د \عامر أنا تقريبا خلاص بعت الSMS بس إزاى أكد على اشتراكى.

وجزاكم الله كل خير.