مشاهدة نتائج الإستطلاع: اسباب الإعتماد على أوراق الكورسات ..

المصوتون
513. أنت لم تصوت في هذا الإستطلاع
  • الأوراق تعرض فيها المادة بطريقة منظمة و مركزة و شيقة

    381 74.27%
  • بها ما قل و دل و هو المطلوب

    299 58.28%
  • لأننى لا أحضر المحاضرات بإنتظام

    142 27.68%
  • لأننى لا إجيد تبييض المحاضرات او تلخيص الكتب

    206 40.16%
  • تركز معلوماتها على إجابات اسئلة الإمتحانات

    205 39.96%
  • اشتريها بإستمرار من اول الترم

    226 44.05%
  • اشتريها فقط قبل الإمتحانات بغرض المراجعة.

    52 10.14%
  • لأن الكتاب الجامعى غير جيد فأنا اشتريه و لكن لا اذاكر منه

    380 74.07%
  • لأننى لا أفهم من شرح الدكتور فى المحاضرة

    150 29.24%
  • اشتريها (و إن لم استخدمها) لأن هذا يجعلنى اشعر بالإمان اكثر.

    97 18.91%
  • لأننى تعودت على ذلك منذ الثانوية العامة.

    69 13.45%
  • لأنى لا أطيق المذاكرة من كتب كبيرة الحجم فهذا يرعبنى.

    182 35.48%
  • لأنى اريد الحصول على تقدير فالتالى احب ان اطلع على إنتاج غيرى

    83 16.18%
  • لأن كل الطلاب يشترونها فأكيد لا غبار عليها.

    85 16.57%
  • لأنها لا تكلفنى كثيرا مثل الدروس الخصوصية

    153 29.82%
  • أشترى لبعض المواد فقط دون غيرها (أكيد المواد الصعبة أو المملة)

    71 13.84%
  • لأن اسئلة الإمتحانات لا تخرج عنها

    145 28.27%
  • لأن الأساتذه لم يعودونا على التعلم الذاتى بأبحاث تطلب او سيمنارات او غيرها

    198 38.60%
  • أعترف بأننى أدمنتها و لا أدرى كيف استذكر المواد بدونها

    191 37.23%
  • اعترف بأن الإعتماد عليها قد قلل من قدرتى على التعلم الذاتى و البحث عن المعلومة بنفسى

    211 41.13%
إستطلاع متعدد الإختيارات.
صفحة 2 من 7 الأولىالأولى 1234 ... الأخيرةالأخيرة
النتائج 11 إلى 20 من 63

الموضوع: ورق الكورسات....... جريمة ام غنيمة

  1. #11
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    - هم الطالب هو النجاح (يعنى يعدى بدون مشاكل) و ليس بناء الشخصية المهنية المحترفة

    هذا هو السبب الأول و الأخير ..

    أنا عن نفسي بجيب ورق الدروس لأنه بالنسبة لي مصدر المذاكرة الأساسي اللي أحل منه في الامتحان علشان أنجح و أعرف أحل ..


    لكن طبعا الورق بطلع منه أخطاء كتييييييييييييييير , عادي جدااا


    أنا لا ألغي شخصيتي قدام ورق الدروس و لا ألغي عقلي قدام أي كتاب , لأن كل كاتب ممكن يخطئ ..

    و ليس كل ما نقرأه في ورق الدروس نقتنع به ..

    كثيرا ما أجد طلاسم لا أفهمها في ورق الدروس , و أبحث عنها على الانترنت أو أبحر فيها ( لأجلي أنا و ليس لأجل الامتحان )


    و المعلومة التي نقرأها و نبحر فيها و نفهمها لا ننساها ,

    أما المعلومة السطحية المحفوظة فهي سريعة النسيان ..


    اللي عايز يفهم بجد لا يكتفي بورق الدروس ..

    اللي عايز ينجح بس و يعدي , يجيب ورق الدروس و يحفظ كلمتين و بينجح و يجيب تقدير و بعد انتهاء الامتحان لا يتذكر ولا كلمة و دة السبب في تردي المستويات ليس على مستوى كلية الصيدلة و لكن في جميع كليات الجامعة ..

    في كلية الطب فيه مذكرات دروس , و في هندسة و في علوم و في جميع الكليات تقريبا ..

    الجيل كله عايز ينجز و يحفظ كلمتين ينجح بيهم و يتخرج علشان يقعدوا في البيت بعد كدة و معاهم شهادة ..

  2. #12
    Pharma Student
    تاريخ التسجيل
    Jul 2007
    المشاركات
    100

    افتراضي

    ومع كامل احترامي وتقديري لحضرتك يا دكتور .. الأسباب اللي حضرتك تفضلت بإلقاء الضوء عليها متعلقة بالطالب وأنا موافق علي كثير منها لكن مفيش غير سبب واحد أو اتنين حضرتك كتبته متعلق بالأستاذ والكلية والعملية التعليمية من البداية والمناخ العام اللي بنعيش فيه في مصر ومستقبل المهنة وسوقها اللي موجود ..مع اني شايف ان الطالب ده عامل زي الورقة البيضاء .. اللي بيكتب فيها والمسؤول عنه هو اللي بيحدد وجهته وطريقة تفكيره ومنهجيته في التعلم .. فمش صح اننا نحمل الطالب المسؤولية .. مع ان المفروض ان المسؤولية الكاملة علي المنظومة التعليمية اللي بيتعلم فيها الطالب .. ببساطة الطالب ملوش أي ذنب في أي مشكلة تخص انخفاض مستوي التعليم في مصر
    تحياتي لحضرتك
    هوه ده بالضبط رأيي يادكتور وهي دي نفس وجهة نظري يا دكتور

    وشكرا لحضرتك يا د/عطالله علي عرض الموضوع ده للمناقشه

  3. #13
    Pharma Student
    تاريخ التسجيل
    Feb 2008
    المشاركات
    541

    افتراضي

    شكرا جزيلا لحضرتك يا دكتور لطرح هذا الموضوع
    بالنسبه لى ورق الدروس كان منقذ ايام الامتحانات فى اعدادى
    وبعد كده بقى مصدر مذاكره
    هو فعلا فيه اخطاء بس مش قاتله وغالبا بتبقى واضحه
    ومع احترامى لكل الدكاتره نفسى اعرف ليه معظمهم
    يذم هذا الورق او الكورسات نفسها ذما شنيعا
    انا مش باخد كورسات بس كل اللى اعرفهم بياخدوا
    تقديرهم مش اقل من جيد جدا
    واذا كان مايعيب الورق والكورسات هو السطحيه
    فيستطع الطالب التعمق فيما يحب بعيدا عن التقدير
    فهو التاشيره لدخول العمل الذى سيبرز فيه العلم

  4. #14
    Pharma Student
    تاريخ التسجيل
    Jul 2007
    الدولة
    المنصورة
    المشاركات
    166

    Smile

    احنا كنا زمان بنحضر التحليلة لدكتورة ناهد و كانت ناس كتير بتحضرها و بنكتب وراها و كنا بردو بنشتري الورق ليه بقا ؟
    ممكن مثلا يكون في خطأ في جملة
    ملحقتش اكتب معلومة لكن فعلا انا كنت بمسك الورق و امسك جمبها المحاضرة و اضيف المعلومات اللي ناقصة في الورق من المحاضرة بتاعتي و بعد كدا اذاكر من الورق


    مذاكرتنا من الورق لاسباب كتير
    انا مش هقول شكل الكتاب من برة و لا الغلاف و لا لون الورق
    انا هقول ترتيب المعلومات في الكتاب و طريقة العرض خصوصا
    هي اللي بتخلينا نشتري الورق
    الورق المعلومات فيه منظمة و مرتبة
    ودا فعلا انا حسيته لما فكرت السنة دي اذاكر من الكتب رغم ان السنة دي الكتب فيها رحمة عن السنين اللي فاتت
    و طبعا في بعض الناس ما بتحضرش المحاضرات و بتقول ما هو نفسه اللي في الورق "بس بصراحة اكيد بتفرق جداااااا "

    و في حاجة مهمة عايزة اقولها
    اكيد كلكم شفتو ورق الفارما العملي اللي تبع الكلية اللي دكتور طارق سمح انه ينزل في المكتبات

    بجد انا لما شفت الورق قلت لنفسي " و مستغربين ان احنا بنروح نشتري ورق و سايبين الكتب" دا حتي لما نزلوا ورق قلنا هيبقي حلو و نجيبه بصراحة طلع ورق ما يتبصلوش و طريقة الكتابة و الكلام مضغوط اسغربت جدا
    و جبت ورق برده تاني مش ورق الكلية و فيه نفس المعلومات بس بطريقة تانية خالص اعرف اذاكر منها


    طبعا الكلام دا مش واحد عند كل الناس
    في ناس بتحضر المحاضرات وما بتفوتش محاضرة و بتضيف المعلومات الزيادة في الكتب "داطبعا في الكتب اللي تنفع فقط زي الفارما و الاساي مثلا " و الناس دي بقا ما بتشتريش ورق و بتذاكر من الكتب
    انما ممكن لو اتزنقت في الاخر تجيب ورق التجميعات

    طبعا في مننا اللي عايز ينجح و خلاص و في مننا اللي بجد عايز يتعلم فعلا
    و في الاخر كل واحد بياخد علي قد تعبه
    يعني مش معقول مثلا ان واحد ما بيحضرش محاضرات ولا حاجة ولا مهتم بشغل العملي في السكاشن و في الاخر
    يطلع و يبقي زي حضرتك كدا دكتور و يبقي محبوب كدا زي حضرتك
    اكيد حضرتك تعبت علشان توصل للمكانة اللي حضرتك فيها الوقتي


    و كل الشكر لحضرتك علي التواصل المميز معانا
    و بجد حضرتك اخ كبير او اب لينا مش بس دكتور بيدرسلنا مادة

    و
    شكرا
    التعديل الأخير تم بواسطة بنت أفندينا ; 04-05-2010 الساعة 02:05 AM

  5. #15
    Pharma Student
    تاريخ التسجيل
    Mar 2009
    المشاركات
    1,136

    افتراضي



    جزاكم الله خيرا على طرح هذا الموضوع للنقاش

    و من وجه نظرى

    الورق جريمة و فى نفس الوقت غنيمة

    جريمة

    لأن معظمنا بيلغى دماغه و عقله و هو بيذاكر م الورق و بيركز على جانب الحفظ و بالتالى مفيش تفكير و لو الامتحان جه فى أى فكرة ممكن نسبة كبيرة متقدرش تتعامل معاها و بتكون واضحة جدا و بيكون معظم الدفعة عندها نفس الخطأ

    كمان الورق بيشيل كتير و بيركز على الخلاصة و خصوصا ورق التجميعات اللى بينزل ينقظ الطلبة أيام المراجعات و الامتحانات و بالتالى المادة العلمية بتكون ناقصة جدا

    فى تجربة قسم الطبية عملهاو هى تحضير أجزاء م المنهج و عمل presentation فى السكاشن
    لأسف كنت أول مرة ادخل المكتبة بنية البحث و روحت أسأل الدكاترة و المعيدين على مراجع أشتغل منها
    استفدت كتير قراءة ... تلخيص .... شرح .....
    و لما حضرت الجزء اللى كان عليا فى المحاضرات كنت فاهم كل كلمة الدكتور قلها
    حسيت انى ظلمت نفسى
    و صراحة الكلية ظلمتنا برده لأننا محتاجين توجيه و الزام خصوصا و احنا فى بداية رحلتنا فى مجال الصيدلة


    جريمة أكبر

    هى المجتمع اللى ما زال يثق فى الصيدلى و يستشيره فى أخص الأمور
    مقابل أن مستوى الخريجين فى تدن مستمر لا يقابل و لا يلبى احتياجات المجتمع من حولنا
    فى أخطاء كتير و أحيانا حالات وفاة ( فعلا فى ناس بتموت.... )بسبب ضعف مادتنا العلمية
    كتير من الحالات بتعدى ع الصيدلى قبل ما تروح للدكتور
    و فى ناس بتثق فى الصيادلة أكتر م الدكاترة
    كمان الحالات الطارئة... و غيرها و غيرها
    ازاى هنتعامل معاها
    و كل الناس دى مين اللى هيساعدها دون مادة علمية و خبرة مميزة



  6. #16
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    السلام عليكم أيها الأحباب
    جزى الله خيرا كل الذين شاركوا فى الإستبيان و المداخلات
    هذه بعض التعليقات البسيطة و لى مناقشة معكم بعد مشاركة عدد كبير من الطلاب فى الإستبيان حتى تضح معالم الواقع و الدوافع.

    اقتباس المشاركة الأصلية كتبت بواسطة AhmadRaed مشاهدة المشاركة
    و أنا و مجموعة من الأصدقاء لنا تجربة و هي إننا في الفصل الدراسي الأول في سنة ثانية في مادة الكيمياء التحليلية كان الورق اللي بينزل في المكتبات به الكثير و الكثير من الأخطاء و لذلك في الترم الثاني
    و بمساعدة من الأساتذة الأفاضل أعضاء هيئة التدريس في القسم :
    ا.د / فتح الله بلال
    د/ أمينة
    جهزنا المحاضرات بنفسنا و قدمناها للقسم ليراجعها و بعد كده ذاكرنا منها و هو بالتأكيد أحسن و أفضل بس صعب و يحتاج مجهود مش بسيط
    احترم جدا ذلك الإجتهاد و الجهاد. من فعلوا ذلك ليس كمن تسوقوا الأوراق (جهد غيرهم) فالذين تسوقوه ظلمو أنفسهم و سيظلمون المرضى مستقبلا الا من رحم ربى.
    شكرا يا أحمد
    -----
    اقتباس المشاركة الأصلية كتبت بواسطة زهرة الياسمين مشاهدة المشاركة
    بس من اهم الاسباب يادكتور وراء انتشار الورق
    ان اولاد الدكاترة والاوائل يا بياخدوا دروس (وده الغالب ) يا اما بيذاكرو من الورق
    التعميم نحن منهيين عنه فى الأحكام كمسلمين. و لكن لو صح ذلك لبعضهم فلا فخر لهم
    اقتباس المشاركة الأصلية كتبت بواسطة زهرة الياسمين مشاهدة المشاركة
    صحيح حضور المحاضرة والتبييض ومحاولة تجميع المعلومات ذاتيا بتدى للفرد ثقة اكثر فى نفسه وتنمى مهاراته
    و هذا ما نريد قوله

    شكرا يا زهرة الياسمين
    -----

    اقتباس المشاركة الأصلية كتبت بواسطة Amira Said مشاهدة المشاركة
    المراجعات بقى، في آخر الترم في مواد زي العقاقير لازم تتجمع في جداول مقارنات،، يا إما بعملها بنفسي كطالب يعني وده نادرا لما بيحصل بسبب نزولنا الكتير، يا إما الاسهل اجيب ورق متجمع من المكتبة


    و من هنا يكون الخطر - ثقافة الإستسهال - اين القدرة على المقاومة يا جماعة؟
    شكرا يا أميرة
    "من لا يتقدم يتقادم .. فلا بصمة و لا أثر"

  7. #17
    Pharma Student
    تاريخ التسجيل
    Jul 2008
    الدولة
    الدقهلية
    المشاركات
    34

    افتراضي

    "السلام عليكم" بصراحة يادكتور ومن الآخرالكتاب معقدها قوى وملياااااااااااااان حشو كتير هوه ممكن فى يوم من الايام ينفع مرجع نقرأ فيه بعد كدة بس مش مرجع نذاكر منه ومنالاخر برده كل واحد يهمه انه يلاقى حاجة كويسة يذاكر منها مش لسه هيقعد يدور على المعلومة خاصة وان فترة الترم يادوب والطالب بصراحة بيبقى متمرمط طول السنة وكفاية عليا انى اقعد احضر محاضرات طول اليوم وبعد كدة الاقى البهدلة مستيانى فى المواصلات بعد كده بارجع البيت مقتولة من التعب وكفاية بقى اصل انا ضلمتها قوى معلش بس هو ده الواقع فبدور ع اللى يريحنى وهو الورق ده واسفة ع الاطالة بس دا هو الحال

  8. #18
    Pharma Student
    تاريخ التسجيل
    Oct 2007
    المشاركات
    285

    افتراضي

    السلام عليكم ورحمة الله
    الورق الخارجي في الوقت الحالي غنيمة لأن الآن المتوفر كتب أسلوبها لا ينفع للمذاكرة فهو كموضوع التعبير يمكن اللجوء إليه للبحث عن معلومة أما للمذاكرة فصعب جدا وحتى إن كان أسلوبه جيدا فما الجدوى أن أذاكر من منهج مختلف عن المحاضرة والإمتحان في كثير من الأحيان ولماذا يلزم المحاضر الطلاب بأشياء قيلت في المحاضرة وليست في الكتاب هل مطلوب منا أن نحضر المحاضرة ونظل خمس ساعات في المحاضرات نكتب ثم نرجع إلى البيت ونرتب ماكتبناه في خمس ساعات أخرى ؟ لو كان الكتاب جيدا كان من الممكن ألا يكون هناك ورق دروس من الأساس لأن الذي يعطي درس سيوفر عن نفسه العناء إن لم يجد رغبة من الطلاب في تغيير الكتاب . أما من ناحية التلخيص فالكثير منا لا يجد الوقت الكافي لأن يدخل الإمتحان بكل الأجزاء حتى لو اعتمد على مذكرات المراجعة فما لا يدرك كله لا يترك كله . وكل إنسان له ظروفه فما الحل إذا لم يكن هناك وقت كافي في ظل الإمتحانات العملية والمناهج المكدسة والكتب الغير منظمة ؟ .


    وجزاكم الله خيرا على جهودكم

  9. #19
    Pb Elite
    تاريخ التسجيل
    Dec 2008
    الدولة
    MANSOURA
    المشاركات
    2,308

    افتراضي

    السلام عليكم ورحمه الله وبركاته

    انا بشترى الورق مع انى بحضر المحاضرات وبحاول على اد ما اقدر انا اكتب كل كلمه الدكتور بيقولها بس بخاف انى اكون فوت حاجه فبلجا للورق

    والدكاتره بتقول المحاضره اهم حاجه والامتحان مش بيخرج عنها فبالتالى انا بلجا للورق لانه ببساطه بيكون شامل لكل حاجه فى المحاضره مع العلم انى برده بقارنه بالى انا كتباها خشيه ان يكون فى حاجه غلط او ناقصه

    كمان يا دكتور الكتاب صعب قوى نبص فيه اولا بيكون مليان كلام كتير واحنا متعودناش من اول مادخلنا الكليه اننا نذاكر منه يعنى لو الكتاب يجى زى كلام الدكتور فى المحاضره اكيد هنذاكر منه

    ثانيا فى كتب ملهاش اى علاقه بالمنهج اللى احنا بندرسه زى الميكرو السنادى فبالتالى هنلجا للورق
    لانه فيه ما قل ودل

    انا اتمنى يا دكتور انا الكتاب يتحسن شويه ونذاكر منه بدل ما احنا بندفع قيه فلوس كتير ولا يتفتح حتى ونترحم شويه من صرف الفلوس على الورق حرام الفلوس دى والله

    وجزاكم الله خيرا
    التعديل الأخير تم بواسطة white light ; 04-05-2010 الساعة 04:21 PM

  10. #20
    Pharma Student
    تاريخ التسجيل
    Aug 2007
    المشاركات
    1,318

    افتراضي

    اقتباس المشاركة الأصلية كتبت بواسطة ...مصر... مشاهدة المشاركة
    هل مطلوب منا أن نحضر المحاضرة ونظل خمس ساعات في المحاضرات نكتب ثم نرجع إلى البيت ونرتب ماكتبناه في خمس ساعات أخرى ؟
    وجزاكم الله خيرا على جهودكم
    ده كلام مظبوط وهو ده مربط الفرس ... وعلي فكرة أنا أعرف ناس بتشتري ورق قديم في بداية الترم وبتدخل المحاضرة بيه .. ودول اكتر ناس بيستفيدوا من الورق ومن المحاضرة في نفس الوقت

صفحة 2 من 7 الأولىالأولى 1234 ... الأخيرةالأخيرة

المواضيع المتشابهه

  1. الكورسات المطلوبة مننا إيه ؟؟؟
    بواسطة ahmad_888 في المنتدى قسـم الخريـجين
    مشاركات: 0
    آخر مشاركة: 03-08-2010, 08:05 PM
  2. بدأ الحجز فى اول الكورسات لهذا العام
    بواسطة dr/elmallah في المنتدى ETOP
    مشاركات: 5
    آخر مشاركة: 06-04-2010, 09:42 PM
  3. جريمة في المرآة (لأغاثا كريستي)
    بواسطة ameer في المنتدى المنتدى الأدبي
    مشاركات: 4
    آخر مشاركة: 02-04-2010, 03:52 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •