اولا علشان نكون متفقين
الاسماعيلى مش قوى للدرجه
الاسماعيلى مظهرش الا لما الاهلى بقا وحش
الدورى ميبقاش قوى الا لما يكون بيتنافس ع القمه 4 او 5 فرق من بدايه الموسم
انما اللى حصل السنه دى ان الاهلى مستواه قل و ضيع حوالى 27 نقطه
و لسه الدورى مخلصش
لاسباب كتيره
اولها عنااااااااااااااد جوزيه و اللعب براس حربه وحيد
و يوم ما ييجى يلعب براسين حربه
يلعب بابو تريكه مهاجم
و بيضيع نص خطورته
اضافه للاجهاد
بقالنا 5 سنين بنفس اللعيبه و ماتش كل 4 ايام
و اشتراك فى 6 بطولات سنويا
الدورى
كاس مصر
بطوله افريقيا
السوبر المصرى
السوبر الافريقى
كاس العالم للانديه
ده غير مباريات المنتخب
اضافه
لاننا مدعمناش خط الدفاع بتاعنا
و كل اللى بنعمله بنشترى مهاجمين
و مع ذلك
رغم القلق
الدورى للاهلى ان شاء الله
و بدون ماتش فاصل
لان عندنا لعيبه رجاله
و لعيبه الاهلى بيظهروا فى وقت الشده
و المجهود بيتضاعف
ده غير كمان اننا بنلعب بشرف
و هنفوز على الترسانه
و الحرس فى اسكندريه
و الطلائع
و جمهور الاهلى هيولع ال3 ملاعب
بعد عوده
رابطه AFC للتشجيع
هيبقا عندنا
ULTRAS AHLAWY
AFC
REDS
ULTRAS DEVILS
4 روابط يحركوا الحجر
و حتى لو مفزناش بالدورى
حب الاهلى و لعيبته يكفينى بقيه حياتى
طول عمرى الاهلى بيفرحنى
و اخر 5 سنين محتكرين كل حاجه
مش هتيجى على بطوله و يخسروها هنتضايق و ندمر اللعيبه
هو اكيد هتضايق
بس مش اوى يعنى
دولاب البطولات مبقاش مستحمل يتحط فيه ميداليه زياده
فما بالكم بدرع الدورى
اللى عامل زى كاوتش العربيه
اهلاوى و جى الليله عشان اقول
وراك يا اهلى مهما العمر يطول
اولاد صالح سليم
ع الفوز دايما ناويين
انصر فريقنا يا رب العالمين