[Hope1]

سلام عليكم
كل سنة و انتو طيبين
أنا عارفة أنه مش طلباها وجع الدماغ اللي أنا هتكلم فيه ده بس يلا بقي نتحمل شوية بجد ما كل شوية حد يحرق دمي و يقولي

(( امال انتي في صيدلة بقالك 5 سنين بتنيلي ايه ))



هو ايه الفرق بين كريم النهار و كريم الليل هو يعني الوش عارف احنا الصبح و لا

بالليل ؟؟؟

اتسألت السؤال ده من بنت خالتي بس الحمد لله ربنا وفقني و جاوبت ان كريم

النهار يبكون نسبة الزيوت فيه قليلة و البشرة بتمتصه بسرعة مش معقول

هنمشي بالنهار مزيتين يعني

O/W emulsion طبعا مقولتلهاش كده عشان متدنيش في وشي ده بينا و بين

بعض بس الكلام ده

أما كريم الليل فبيكون العكس نسبة الزيوت فيه أعلي شوية و ممكن يبقي

W/O emulsion تمام كده ؟؟؟

السؤالين بأه الاخطر

1- هو ليه في كريم مخصوص للايدين يعني هيجري ايه لو حطينا كريم الايد

عالوش

العكس مش هيعمل حاجة ما كلنا بنعمل كده

2- السؤال التاني هو ليه في شامبو clear للرجال وواحد للستات يعني انا لو

استعملت بتاع أخويا هيجري ايه غير طبعا انه هيقتلني ايه يعني اللي

هيجري لشعري

قصدي يعني هو في الـ formulation في فرق و لا دي اشتغالات بس الشركات

بتعملها ؟؟؟

[Mouri Ran]

وعليكم السلام ورحمة الله وبركاته

كل سنة وانتي طيبة

انا بقالي في صيدلة شهر فطبعا ولا أعرف أي حاجة بس الأسئلة دي سألتها لنفسي كتير وأسئلة تانية كمان مش فاكراها

يا ريت حد يعرف يجاوب عليها.

[lost*soul]

اسئله غريبه بس فعلا كلنا بنسالها لنفسنا وبنتسالها وبنتوقع ايجابتها
كريم النهار والليل زى ما جاوبتى كمان كريم النهار بيكون واقى للشمس ولو spf قليل

كريم الايدين
الايدين بتشتغل فالمايه كتير وتفقد مرونتها ومرطباتها الطبيعيه وتجعد من عند الصووابع كده جربو اشتغلو فالبيت جامد وكتير فكريم الايد بيكون فيه نسبه كبيرة من فيتامين Eوالمرطبات

الشامبو الرجالى والحريمى الفرق بينهم ان الحريمى فى نسبه ترطيب عشان شعرها حاجه جماليه يعنى لان معظم شامبوهات الشعر بتعتمد انها تقشر القشرة وتنزل الزيوت فده بيجهد الفروة ودة مش مشكله عن الرجال لكن مشكله عن البنات

انا بخمن ان دى ممكن تكون الاجابات

[Hope1]

اقتباس المشاركة الأصلية كتبت بواسطة Mouri Ran وعليكم السلام ورحمة الله وبركاته كل سنة وانتي طيبة انا بقالي في صيدلة شهر فطبعا ولا أعرف أي حاجة بس الأسئلة دي سألتها لنفسي كتير وأسئلة تانية كمان مش فاكراها يا ريت حد يعرف يجاوب عليها.

ما شاء الله انتي بتنزلي صيدلية من بدري بس كده أحسن
المفروض أصلا التدريب يبقي في أول أجازتين عشان بعدين ناس كتير بتتخطب و بتبقي عايزة تنقذ مايمكن انقاذه و تتعلم طبختين كده للزمن

[Mouri Ran]

هههههه لا مش بنزل طبعا انا عمري ما هنزل دلوقتي خالص

في صيدلة مش صيدلية

[Hope1]

اقتباس المشاركة الأصلية كتبت بواسطة lost*soul اسئله غريبه بس فعلا كلنا بنسالها لنفسنا وبنتسالها وبنتوقع ايجابتها كريم النهار والليل زى ما جاوبتى كمان كريم النهار بيكون واقى للشمس ولو spf قليل كريم الايدين الايدين بتشتغل فالمايه كتير وتفقد مرونتها ومرطباتها الطبيعيه وتجعد من عند الصووابع كده جربو اشتغلو فالبيت جامد وكتير فكريم الايد بيكون فيه نسبه كبيرة من فيتامين Eوالمرطبات الشامبو الرجالى والحريمى الفرق بينهم ان الحريمى فى نسبه ترطيب عشان شعرها حاجه جماليه يعنى لان معظم شامبوهات الشعر بتعتمد انها تقشر القشرة وتنزل الزيوت فده بيجهد الفروة ودة مش مشكله عن الرجال لكن مشكله عن البنات انا بخمن ان دى ممكن تكون الاجابات

كلامك مظبوط و منطقي و الله

اقتباس المشاركة الأصلية كتبت بواسطة Mouri Ran هههههه لا مش بنزل طبعا انا عمري ما هنزل دلوقتي خالص في صيدلة مش صيدلية

مختش بالي سوري
بس بجد حاولي تنزلي الاجازة الجاية بغض النظر عن موضوع الطبيخ هتحتاجي تاخدي كورسات أبل متتخرجي ان شاء الله فلو قصرتي في الصيدلية مش يبقي مشكلة

[Mouri Ran]

امممم .. أنا خايفة اصلا من فكرة الصيدلية دي بس كدا كدا هييجي يوم وأقف في صيدلة فلازم أعود نفسي

ربنا يسهل بقى حسب الظروف إن شاء الله

[chemist girl]

(( امال انتي في صيدلة بقالك 5 سنين بتنيلي ايه ))
هو مش المفروض فعلا اننه نتخرج من صيدله عارفين كل الكلام ده
والا احنا بنتعلم هندسه فكليتنا دي