مهي دي مشكلة أكبر ... لو حصل ضرر بصورة أو بأخرى لأي حد بسبب انه كان معاه ورق و مش مطلعه
يعني لو الدكتور مسك ورق قدام طالب و فاتحه قدامه و شغال بيه ... يبقى الطالب ملوش حق
غير كده لأ
مهي دي مشكلة أكبر ... لو حصل ضرر بصورة أو بأخرى لأي حد بسبب انه كان معاه ورق و مش مطلعه
يعني لو الدكتور مسك ورق قدام طالب و فاتحه قدامه و شغال بيه ... يبقى الطالب ملوش حق
غير كده لأ
والله احنا كنا بنشتغل الاسبوع اللى قبل اللى فات
و شغالين و مزاجنا آخر حلاوة
و مطلعين الشامبو والستيك
و خلصنا و خدنا 10 فى كل السكاشن
و سلمنا الشيت بقى
و قعدنا عشان نحل التيوتريال
و فجأة
صاحبى اللى جنبى لقى الكتاب مش بتاعه
فقلتله انقله بقى فى كتابك تانى و خلاص
و هو بينقل
بدون مقدمات
د..خل د/ جلال و خد منه الكتابين
و شطب على الشيت و ادى لكل واحد زيرو فى كل السكاشن
بيقولوه استنى يا دكتور أقول احضرتك اللى حصل
مردش عليه و مشى
أنا عاوز رأيكم
طبعا اللى حصل معاكم ده مهزلة و بكل المقاييس
و انا لو كنت فى السكشن ده كنت لمت حاجتى و اخدت بعضي و روحت و يحصل اللى يحصل
سبق و اشتكينا من المعامله فى قسم الصيدلانيات و انه الاسوء على مستوى الكلية لكن مفيش حاجه بتتغير
بالرغم من ان المادة نفسها سهلة و كويسه و كله بيحبها
لكن القسم مصر يكره الواحد فى اليوم اللى دخل فيه الكلية
إيه المشكلة لما الطالب يبقي معاه ورق
أنا وجهة نظري .. انت كنظام تعليم وكجامعة وكلية في إيدك تخلي الطالب مش محتاج ورق ولا دروس .. بس انت ما عملتش ده وفشلت .. لما تحمل الطالب نتيجة فشلك يبقي ده فشل زيادة .. بستغرب لما يقولوا بلاش دروس خصوصية .. بلاش تعتمد علي ورق من بره .. طيب انت عملت ايه عشان تمنع حاجة زي كدة؟ يا تري عملت كتاب كويس وبسعر رخيص .. يا تري نظامك في تعليم الطالب ملهم ومنشط لملكاته عشان كلمة ورق دي تتمسح من قاموس العملية التعليمية؟ أبدا .. بالعكس كل يوم والتاني الكتاب أغلي والمصاريف أغلي وتعليمنا في النازل .. خلاص يبقي كل واحد ينام علي الجنب اللي يريحه .. أنا عايز أنجح وأجيب تقدير لأن في سوق بيحكمني .. انت قدرت تساعدني علي ده بأساليب متقدمة ووعي بمعني التعليم؟ لو قدرت أهلا وسهلا .. غير كدة ما تسألش أنا بعمل إيه عشان انجح .. الجامعات في مصر بترخص قيمة خريجيها في السوق كل يوم اكتر من التاني
مش عايز حد يزعل مني .. بس الدكتور جلال دخل وعاقب طلاب معاهم ورق داخل الكلية؟ يا تري الطلاب دول هيبطلوا يشتروا ورق؟ لا أظن
يا تري يا دكتور في هدف من التصرف ده ؟ هدف تربوي مثلا؟ .. هيفيد في حل المشكلة؟ لا أظن
بالعكس إدارة الكلية ساعدت علي انتشار الدروس بالجدول العجيب الغير مبرر ده .. بالعقل كدة .. أنا واحد شايل مادة من الترم الأول وقبلها يومين وخايف أشيلها .. هروح أخد درس .. أنا واحد عايز أجيب تقدير وعندي يومين قبل كل مادة .. هروح آخد درس
ده أولا
ثانيا سكشن الصيدلانيات .. احنا بنشتغل اتنين مع بعض .. وكل اتنين يعني مش هيتفاهموا بالإشارة .. الدكتورة كل شوية بلاش كلام يا جماعة .. انت بتتكلم مع زميلك ليه ..
إحنا مش أطفال .. وده مثال علي أسلوب المعيدة عندي (بدون تعميم) .. المعاملة بينا قائمة علي الخوف والشدة بدلا من الود والتفاهم .. المشكللة ان خلاص الواحد ما عادش بيهمه في الكلية دي طالما بيحترم الناس .. فمبدأ المعاملة بالشدة ده صعب يتحكم في سلوكي .. عشان كدة هو مبدأ فاشل
ثالثا موضوع الشرح اللي بيحصل في آخر السكشن ده موضوع فاشل ..يعني إيه أطلع أكتب المكونات وأضرب كمية كل واحد في فاكتور وهو ده .. دي أختي اللي في ابتدائي تعرف تعملها .. لا والغريب الدكتورة بتقولي قول لزمايلك يا دكتور اشرح لزمايلك .. ويا تري زميلكم بيتكلم صح يا جماعة؟ علي أساس اني بشرح النسبية
معلش طولت عليكم
التعديل الأخير تم بواسطة Dr.A7med ; 16-04-2010 الساعة 05:51 PM
احنا فينا من كدهعموما لو حصل حاجه اعمل حسابك انت هتشيل الليله لوحدك ى رفعت ده انت صاحب الموضوع وانا هكتفى ى جماعه انى هتفرج عليكو
!!!!
أنا اقترحت مسبقا فى موضوع (أحسن قسم فى الكلية )تخصيص موضوع مستقل لمناقشة سلبيات وايجابيات كل قسم على حدة
وعلى رأسهم قسم الصيدلانيات
علي فكره طبعا انا معاك يا رفعت (مهما تغير اسمك هعرفك برضه) ان ده مينفعش يحصل مع حتي طالب في دبلوم لان ده يعتبر في حد ذاته اهانه للطلبه اللي كلها سنتين وهيبقوا دكاتره وبصراحه انا لو موجود كنت لازم هاقول رايي حتي لو وصلت ان انا مش اخد صفر بس لا حتي لو وصلت ان انا اشيل الماده كمان
وبالنسبه للدكتور جلال فهو من بدايه السنه وهو عايز يفرض شخصيته بطريقه التخويف والترهيب وده طبعا غلط لان علي سبيل المثال الدكتور طارق بيكون معدي وانا واقف مع اي حد متجيش سيرته الا بكل خير وطبعا مش الدكتور طارق بس (ده مثال ) عشان كده انا كنت عايز اقول حاجه للدكتور جلال كده كده السنه هتخلص ومش هيدوم الا ان الطلبه لما يفتكروا الدكاتره يتكلموا عليهم بالخير
والسلام ختام
-----
والله يا جماعة كويس ان الموضوع ده اتفتح لان قسم الصيدلانيات وخصوصا المعاملة فى السكاشن محتاجة مناقشة وبصراحة دكتور جلال بيتعامل معانا فعلا باسلوب الترهيب والتخويف والعقاب بس طبعا الاسلوب ده ممكن ينفع لطلبة فى اولى ابتدائى ومش لطلبة فى كلية محترمة زى كليةالصيدلة ولسة ليهم سنة ويتخرجوا ويبقوا دكاترة محترمين مسئولين عن نفسهم وعن ناس كتير معانا وبعدين بصراحة دكتور جلال دخل عندنا السكشن اكتر من مرة وبيهددنا ان اللى مش هيلتزم بقواعد الادب ولاخلاق مش هيعدى سنة تالتة طول ماحضرته فى الكلية وفى الاخر يقولنا انه مش تهديد وكان السبب فى كل مرة مش مستاهل التهديد بالمرة يعنى متلا فى المرة الاولى كان السبب واحد بينقل السكشن من واحد زميله ويشطب اسمه والمرة التانية واحد مكانه مش نضيف اثناء الشغل ومش بعده وبصراحة ان شايفة ان ده طبيعى لان الشغل كتير وبعدين احنا كده كده بنضف بعد ما نخلص ده غير ان واحد تم تنفيد العقاب عليه فعلا او دكتور جلال قال كده ومنفذشال الله اعلم انا اسفة ان انا طولت عليكم بس بصراحة انا كان نفسى اكلم من زمان فى الموضوع ده والموضوع شجعنى
التعديل الأخير تم بواسطة dr toty ; 16-04-2010 الساعة 08:15 PM
السلام عليكم
أنا عندي كلام كتير بس شايفة إن مفيش فايدة إني أكتبه لأن في حالتين إما إن الكلام ده مش هيوصل لحد مهم بحيث إنه يساعدنا إننا ما يتعملش فينا كده أو إنه يوصل وفي الحالة دي لو حد تعاطف معانا وبلغ ده للدكاترة اللي احنا بنشتكي منهم ففي الحالة دي الدفعة هتكون في خطر لأن اللي في قلبه رحمة كان عاملنا كويس من الأول مش بعد ما حد يطلب منه كده وكمان انتو ما سمعتوش الدكتور وهو بيقول لمجموعة بيشتغلوا على بنش إنكو هتكونوا معايا في ثالثة السنة الجاية لو ماقلتوش الورق بتاع مين أكيد لو وصله اللي احنا كاتبينه ده فممكن الدفعة كلها يتقالها انتوا معايا السنة الجاية ...............لو سمحتوا احذفوا الموضوع ...... كفاية اللي حصل
لا انا احكى على اللى حصل بجد مينفعش كدة كليكت لتان مرة فى نفس المادة مع نفس الدكتور مع نفس المعيدة مع نفس الطلبه من السكشن بجد حراااااااااااااااااااااااااااااام اللى يحصل دة
يعنى ايه دكتور يقف ويحلف اكتر من مرة ويقول والله لتكونوا معايا السنه الجايه فى المادة دى نفس السكشن وقوم واخد الشيتات بتاعتنا كل دة ليه وليه الاسلوب دة هيستفاد ايه معلش مش هيتبقى جوانا ليه غير الكرة والحقد مكنتش احب اقول كدة بس لاول مرة احس انى بتعامل كا طفل صغير عاوز يتعاقب على حاجه معملهاش ليه؟؟؟؟؟؟؟؟؟؟؟؟؟؟؟
وايه السلبيه اللى المعيدة كانت فيها دى يعنى ايه احضر سكشن واتخد غياب فى النهايه علشان طريقه التحضير مش كتباها زى ما الدكتور عاوزها انا اللى اعرفه من اول ما دخلت القسم دة انه بيهتم بحاجه واحدة بس انى اكون مكمله كتابى والشغل صح ومكانى نظيف ملهمش دعوة حضرت ازاى لانى بكل بساطه مش بكتبها فى الامتحان يعنى لازم اعمل نفسى انى بدرب على كدة ايه بقى دلوقتى وفى اخر سكشن اجى اتحاسب عليها على الرغم انه ذكر فى المحاضرة قبل كدة ان كل اللى يهم الدكتور هو الكتاب كامل والتحضيرة مظبوطه والمكان نظيف
مينفعش اللى بيحصل دة فى القسم دة انا بجد جوايا قنبله موقودة شويه وراح تنفجر من القسم دة بمسك اعصابى بالعافيه ميجوش بقى بزودوها اكتر من كدة
وبعدين سكشنى كل ناجح فيها يا دوب درجه النجاج عاوزين يشلوهنا ليه ؟؟؟؟؟؟؟؟؟؟؟؟؟؟؟؟؟