صفحة 1 من 16 12311 ... الأخيرةالأخيرة
النتائج 1 إلى 10 من 158

الموضوع: ساحة نقاش وتداعيات الأجازة .... هلموا يا معشر رابعة

  1. #1
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    Thumbs up ساحة نقاش وتداعيات الأجازة .... هلموا يا معشر رابعة

    السلام عليكم ورحمة الله وبركاته

    هنا ساحة حوار الاجازة يعنى ساحة حوار الفضا يعنى الكلام عن اى شىء غير مهم فى اى اتجاه
    ايها السادة تلك دعوة لتضييع الوقت والرغى الغير هادف
    وعشان نسلى وقتنا بعد ليالى طويــــــــــــــــــــــــــــلة
    ميد تيرمات
    شيتات
    امتحانات
    سلطات
    وبعد ما وصلنا لدرجة على حافة الانهيار اعتقادا بإن السنة طويلة وبتمط ومش هتخلص ولقينا مخنا بيتمدد ويتمدد لحد ما كان بقا عامل زى البالونة وقرب يفرقع من كتر الحشو الى فيه
    خلونا نستمتع بالاجازة بعد العذاب والشقاء والبؤس والمذلة والهوان والبهدلة و........خلاص محدش يعيط


    اتفضلوا لزووم التسلية




    []







    وعشان نسلى وقتنا اكتر تعالوا نتابع مسلسل حلو اوى

    يلا جاهزين؟؟؟؟

    موعدكم الان مع المسلسل العالمى والذى استمر عرضه لمدة خمس سنوات متتالية والحائز على جائزة القلق الاولى

    مسلسل:

    إرعبنى ....مش شكرا

    الجزء الاول:
    عنوانه :هى النتيجة امتى؟
    والناس تدخل فيه تعيط من الرعب وغالبا اللى بيتفرج على الجزء دة من اوله الى نهايته يااما هنلاقيه فى المستشفى او هنلاقيه فقد النطق



    الجزء الثانى: يلا نعمل الاستبيان يا د///*مطحونة*\\\
    وغالبا دة بتكون مشاهدته مصحوبة بفقدان للامل فى التغيير فى اى حاجة
    وفى الاغلب فى نهايته كلنا ادينا بتوجعنا
    من كتر المواد والدكاترة واحب ابشركم ان السنة دى المواد اكتر من اى سنة والدكاترة ماشاء الله
    يعنى ايدنا هتتهرى
    الا اذا ايا منا شق طريقه ومعملوش ونتيجته بانت


    الجزء الثالث : يا جماعة ارجوكم ساعدونى
    مش عارفة الباسورد بتاعة الاستبيان

    فيرد باقى ابطال الجزء بالرد على هذا التساؤل ضمن احداث المسلسل :
    -ايوة وانا كمان ساعدونى يا جماعة لو سمحتم اعمل ايه
    -طب واللى مش من المنصورة يعمل ايه والله حرام كدة

    ونفضل بقا زى النحل نلف من الموضوع دة للموضوع دة ونتعب فى اعصابنا بقا ونطلع اشاعات ونبتدى نسمع الكلمات المعتادة :

    -هما بيعملوا فينا كدة ليه
    -المفروض النتيجة معادها يبقى متحدد
    -حسبنا الله ونعم الوكيل
    -بجد حراااااااااااااااااااااااااااااااااااااااااااااااا ااام
    -انا اعصابى باظت بجد
    -انا تعبت بقا
    -هو محدش بيرد علينا لييييييييييييييييييه
    -من مصادر موثوقة يا جماعة النتيجة على يوم الاحد
    -فى مادة فى الكونترول
    -انا جبت النتيجة خلاص

    وفى وسط كل دة تطلع اصوات خافتة من بعيد :

    -بس بقا بطلوا اشاعات
    -يا جماعة ما تبان زى ما تبان
    -وهناك ايضا ردود بتبقى من العينة دى:
    -
    -

    -

    -

    -
    وهناك ردود من لاردود
    يعنى هناك من يكتفى بالفرجة فقط دون التعليق وتلك أسمى المراتب
    ودى عينة من عينات تاريخ الدفعة مع هذا الحدث

    اعدادى:

    اولى:


    تانية:


    تالتة:



    فى النهاية احب اوجه نداء

    بالله عليكم بلاش تقلقونا من بدرى سيبونا نستمتع شوية وبعدين اعملوا اللى انتوا عاوزينه
    انسوا حاجة اسمها النتيجة خالص دلوقتى والاستبيان والمشاكل

    خدلك بريك....خدلك كيتكات

    او اللى مش بيحب كيتكات


    سنيكرز.....وقف لحظة



    وكمان فى احداث مهمة جدا لازم نهتم بيها قبل مواضيع النتيجة والكلام الفاضى دة




    مولتو دلوقتى بقا بالجبنة





    بس انا عاوزة اسال سؤال مهم جدا:

    .
    .
    .
    .
    .
    .
    .
    .
    .
    ..
    .
    هى النتيجة امتى؟؟


    اجازة سعيدة للجميع



    إنتشرووووووووااااااااااااا


    .....




  2. #2
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    اعدادى واولى وتالته !
    هو احنا مدخلناش تانيه ولا ايه :d

  3. #3
    Pharma Student
    تاريخ التسجيل
    Sep 2008
    الدولة
    حدانا فالبلد
    المشاركات
    903

    افتراضي

    ههههههههههههههه والله يادكتورة المسلسل ده هو بالظبط اللي بيجي كل سنة ع قناة منتدي الكلية ومابيتغيرش وللمره الخامسة برده هيتعرض بس نستني عليه بس شويه عشان يستوي ويطلع جااامد كده



    لكي سلاماتي يادوك


  4. #4
    Pb Elite
    تاريخ التسجيل
    Apr 2009
    المشاركات
    1,362

    افتراضي

    هلموا يامعشر رابعة......!!

    إذاً إنها الحرب.....

    إيه ده يادكتورة مطحونة..
    احنا في أيام الجاهلية ولا ايه....


  5. #5
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    اقتباس المشاركة الأصلية كتبت بواسطة Amira مشاهدة المشاركة
    اعدادى واولى وتالته !
    هو احنا مدخلناش تانيه ولا ايه :d
    تم يا فندم
    معلش تانية سقطت سهوا
    بس الحمد لله متكسرتش


    اقتباس المشاركة الأصلية كتبت بواسطة Mahmoud_Seif مشاهدة المشاركة
    ههههههههههههههه والله يادكتورة المسلسل ده هو بالظبط اللي بيجي كل سنة ع قناة منتدي الكلية ومابيتغيرش وللمره الخامسة برده هيتعرض بس نستني عليه بس شويه عشان يستوي ويطلع جااامد كده



    لكي سلاماتي يادوك

    والله يا دكتور نفسى يتاخر فعلا الغريبة انه فعلا كل سنة بيتكرر بنفس المنوال
    معرفش ليه احنا مبنلحقش نفرح او مبنديش فرصة لنفسنا ننسى كل دة
    بس المهم بعد ما يستوى يطلع طعمه حلو وميبقاش مقلب فى الاخر
    ربنا يستر
    اهو شوفتوا التوتر بدا اهو
    اقتباس المشاركة الأصلية كتبت بواسطة محمد فهمي مشاهدة المشاركة
    هلموا يامعشر رابعة......!!

    إذاً إنها الحرب.....

    إيه ده يادكتورة مطحونة..
    احنا في أيام الجاهلية ولا ايه....

    ناخذ من كل رجل قبـيــــــــــــــــلة
    والله يا دكتور بعد اللى حصلنا الترم دة والتعب اللى تعبناه لازم منستبعدش اى حاجة

    كل دة نتاج رابعة وبهدلتها
    .....

  6. #6
    Pb Elite
    تاريخ التسجيل
    Nov 2008
    الدولة
    In my own world
    المشاركات
    1,044

    افتراضي


    سكر و الله يا مطحونة
    علي فكرة حراااام اللي بيحصلنا ده حصلي امباح موقف مأساوي عديت عالسوبر ماركت بعد امتحات الادارة مليت الشنطة حاجات و أعدة بتفرح عالتلفزيون اتصدمت و أنا بفتح الكيس أنا جيباه علي انه كرانشي شيتوس طلع دوريتوس و أنا مبحبش دوريتوس

  7. #7
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    عسسسلللل
    الف مبرووووك الاجازة يا أحلي اخوات
    خلاص هانت لسه زقة و تتخرجوا ان شاء الله



    إنتشرووووووووااااااااااااا
    و في اثناء الانتشار متنسوش تدعولنا نحصلكم و ناخد الاجازة علي خير بإذن الله


  8. #8
    Pharma Student
    تاريخ التسجيل
    Feb 2008
    الدولة
    فى حب الله
    المشاركات
    1,641

    افتراضي

    مبروووووووووووووووووووووووك الاجازة يا سنة رابعة

    انا كنت مخططة اعمل حاجات امبارح بس بصراحة كل اللى عملته
    نمت مصحتش الا تانى يوم شكلى كنت بعوض

  9. #9
    Pb Elite
    تاريخ التسجيل
    Oct 2007
    المشاركات
    2,246

    افتراضي



    بصراحة يا دكتورة عاجبنى الموضوع ده جدا جدا والله العظيم
    حضرتك قلتى غالبية السلبيات اللى فينا باسلوب جميل جدا ورسمتى البسمة على وجوهنا واحنا بنقراه
    وسالتى عن معاد النتيجة برده علشان تطمنى نفسك
    وجبتيلنا فشار ولب علشان تسلينا ماشاء الله يعنى محرمتنياش من حاجة
    بصراحة انا شايف الموضوع ده موضوع متكامل
    بجد بجد الف شكر يا دكتورة على الموضوع ده والله
    حضرتك تستحقى جايزة على الموضوع ده والله
    موضوع عسل عسل عسل والله

  10. #10
    Pharma Student
    تاريخ التسجيل
    Sep 2008
    الدولة
    حدانا فالبلد
    المشاركات
    903

    افتراضي

    اقتباس المشاركة الأصلية كتبت بواسطة Hope1 مشاهدة المشاركة

    و أنا بفتح الكيس أنا جيباه علي انه كرانشي شيتوس طلع دوريتوس و أنا مبحبش دوريتوس

    متقلقيش يادكتورة حدويه بس هنا وهو هيتنسف


صفحة 1 من 16 12311 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •