صفحة 3 من 3 الأولىالأولى 123
النتائج 21 إلى 24 من 24

الموضوع: الصيدلى الأهلى ما له و ما عليه

  1. #21
    Pharma Student
    تاريخ التسجيل
    Jul 2009
    الدولة
    MaNsOuRa ,El DeRassaT , El Metwalli elashry ST hhhhhhhh
    المشاركات
    3

    افتراضي

    اقتباس المشاركة الأصلية كتبت بواسطة dr_dede مشاهدة المشاركة
    بصراحة يادكاترة انا بشتغل فى صيدلية على مستوى تقديرى تعتبر مثالية والفضل فى كدة يرجع للدكتور صاحب الصيدلية يعنى مثلا:لو الصنف مش موجود عندنا بكل امانة بيقول لا مش عندى بس ممكن تلاقية فى صيدلية تانية .... وموضوع البديل عمره مايعرضة على المريض الا اذا المريض طلب مننا كدة ويكون الصنف اللى هوة واخده على مسؤليتة وهوه مقتنع
    وبعدين لازم لما تكون بتتكلم مع شخص تركز معاه ونحسسه ان هوه اهم واحد فى المكان وتراعى حالته النفسية يعنى لو واحد تعبان اومتوتر ماينفعش تهزر ولا طبعا انك تتصرف قدامه بتجاهل للحالة اللى هوه فيها .... بجد ياجماعة كلمة صغيرة تطمنه بيها مش هاتكلفنا كتير بس ممكن يفرق مع المريض كتير وبعد كدة اكيد الشخص دة هايقدرك
    يعنى احنا ممكن نجبر الناس انها تحترمنا وتقدرنا اذا احنا فى الاول قدرناها



    انا معاكى فى ده يا دكتور لاننا بجد لازم نحترم اللى قدامنا لانه بيستنى كلمه تحسسه وتفرحه وده طبعا بيفرق مع الحاله النفسيه لاى حد اوك

    بس انا عندى سؤال تعمل ايه لو حد جالك ولقى مثلا الروشته اللى هو طالبها عدت اللى معاه وهو موش قادر يدفع ولا اصلا معاه هتساعده ولا .......................؟ مع العلم انه الروشته محتاجهاضرورى جدا مثلا .

  2. #22
    Doaa Awad
    Guest

    Smile

    شكرا يا دكتور على الموضوع المهم دة لكن اسمحلى ابدأ تعليقى من تعليق العضو mostafa_labib73


    (ولو فيه زبون رخم تقوله دا علاج بديل يقولك انا عايز العلاج اللى فى لروشته يا بشمهنس مش يا دكتور كمان)


    من وجهة نظرى قليلة الخبرة ان مهارة الصيدلى بتظهر لما يعرف يتعامل مع جميع الفئات الغير متعلمة البسيطة والمتعلمة وان اللى اتكلم علية العضو المحترم مش زبون رخم بل انسان بسيط لازم نتكلم معاة ببساطة ولو مقتنعش خلاص نقول مش متوافر عندنا النوع دة والمفروض ان يتحلى الصيدلى بالصبر ولباقة الكلام وبساطتة فى نفس الوقت والاهم من دة فهمة للمهنة والدراسة وحبها قبل كل شىء لان الانسان لما يحب حاجة بيتفانى فى دراستها وتعلمها وتوصيل وجهة نظرة لللناس

  3. #23
    Pharma Student
    تاريخ التسجيل
    Oct 2008
    الدولة
    عند بابا وماما
    المشاركات
    24

    افتراضي

    انا بجد مبسوطة جدا من الكلام اللى قراته حسسنى ان انا فعلا مهمة فى المجتمع واقدر اساعد فر رقيه وكمان افيد غيرى بعلمى وكمان استفدت كتيير من كلام زمايلى الصيادلة واحب اشكرهم واشكر الدكتور عطا الله وبجد انا فخورة انى صيدلانية

  4. #24
    dr.zahraa
    Guest

    افتراضي ردا على الموضوع

    السلام عليكم ورحمة الله وبركاته

    اولا طبعا نشكر دك عطا الله على طرح الموضوع ده

    ثانيا من وجهة نظرى ان الصيدلى حقه مهضوم عندنا في مصر يعنى انا في الصيدلية بيشاركنى دبلومات التجارة والكليات العادية والمعاهد وبيشاركنى في شركات الادوية اطباء البيطري مشاركانى وكليات العلوم والمعاهد وكل الاطياف وفوق ده كله الطبيب البشري مش بيعملى تقدير ولا احترام وبشكك المريض فيا وفي انى ممكن اكون خايفة على مصلحة المريض قبل الدكتور نفسه وبعد ده كله المريض نفسه اللى بيشك فيا وبيحسسنى انى جاهلة ومش فاهمه حاجة اصلا تدخليله يمين شمال هو اخد صورة زبالة عن اللى بيقف في الصيدلية وبيقولى يا ابلة ويا بس بس بس وحاجة مش موجودة بالاضافة ان انا لو رحت اشتغلت في صيدلية وشلتها على دماغى من فوق شغل كل حاجة في اخر الشهر مش بقبض مرتب يقدرنى ولا يقدر شغلى وتعبي طول الشهر كل الحاجت دى بتخلى الصيدلى ميبقاش صيدلى وحتى لو قرر انه يفضل في شغل الحكومة اللى هيا نفس الاصناف ومعظمها ناقص ووزارة الصحة باللى شغالين فيها بيتحسبن عليها المرضي في اليوم ييجى ميه مرة وبنتعامل كاننا خدامين من فوق ومن تحت بالاضافة ان انا اتحولت لكاتب لو خطى حلو ماشي خطى وحش برضه ماشي وبصرف ادوية بالعربي نسيت حاجت الانجليزى كانت ازاى وشغل غريب جدا جدا جدا كل الضغوط دى فعلا بتخلي الصيدلى ميبقاش صيدلى ويكره انه في يوم دخل الكلية د انا مش عارفة ممكن يكون ايه الحل بس انا شايفة ان ده حال الصيدلى من وجهة نظرى

    مرة تانية اشكر دك عطا الله على طرح الموضوع

صفحة 3 من 3 الأولىالأولى 123

المواضيع المتشابهه

  1. توقعات للمباراة بين الأهلي وحرس الحدود..؟
    بواسطة محمد غريب في المنتدى السـاحة الريـاضيـه
    مشاركات: 4
    آخر مشاركة: 21-06-2010, 01:57 AM
  2. أبو تريكة وحسني يقودان الأهلي للفوز
    بواسطة basma 90 في المنتدى السـاحة الريـاضيـه
    مشاركات: 14
    آخر مشاركة: 21-06-2010, 01:27 AM
  3. |||(( هنا التهــــانى)) الأهلى يتوج بلقب الدورى رسمياّ !!!
    بواسطة wh_kaboo في المنتدى السـاحة الريـاضيـه
    مشاركات: 35
    آخر مشاركة: 30-04-2010, 10:00 PM
  4. الأهلي يتوج بطلا لكأس مصر لكرة اليد
    بواسطة subzero في المنتدى السـاحة الريـاضيـه
    مشاركات: 12
    آخر مشاركة: 30-05-2009, 02:38 PM
  5. ( الأهلي Vs الإسماعيلي) :: الدوري المصري 2008 - 2009
    بواسطة dano_90 في المنتدى السـاحة الريـاضيـه
    مشاركات: 2
    آخر مشاركة: 28-05-2009, 01:10 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •