صفحة 2 من 4 الأولىالأولى 1234 الأخيرةالأخيرة
النتائج 11 إلى 20 من 37

الموضوع: Simple OTC cases

  1. #11
    Pharma Student
    تاريخ التسجيل
    Oct 2007
    الدولة
    Mansoura
    المشاركات
    186

    افتراضي

    اللاكتيلوز يستخدم فى علاج الامساك بشكل عام نظرا لمقدرته على increasing water content of colon and increase volume of stool in bowel making it softer and easier to pass (so it can be used in case of hemorrhoids to make stool passes without restrianing)

    ومن استخدامات اللاكتيلوز ايضا فى حالة متلازمة الوصب الدماغى الكبدى hepatic encephalopathy

    لان اللاكتيلوز يحدث له ميتابولزم بواسطة البكتيريا التى تعيش فى القولون منتجة حمضى اللاكتيك والاستيك وهذه الاحماض تعمل على التفاعل مع الامونيا وتحتجز الامونيا فى القولون على هيئة ايون الامونيوم وبالتالى تمنع امتصاصها من القولون وتصل الى الدم (لان محتوى الامونيا فى القولون اعلى من محتوى الامونيا فى الدم ) وحيث ان الشخص فى هذه الحالة مريض بمشاكل فى الكبد يعنى المكان المسئول عن ايض الامونيا وتحويلها لماده اقل سمية ليس بفعال ففى هذه الحالة تزداد امونيا محدثة متلازمة الوصب او التلف الدماغى الكبدى وبالتالى لو استخدمنا اللاكتيلوز فانه سوف يحتجز الامونيا فى القولون ويمنع امتصاصها مما يساعد على تقليل مستويات الامونيا فى الدم ويقى من مشاكل زيادة امونيا الدم

  2. #12
    Pharma Student
    تاريخ التسجيل
    May 2010
    الدولة
    Mansora
    المشاركات
    46

    افتراضي

    بسم الله والصلاة والسلام علي رسول الله
    شكراعلي مشاركتك الرائعه يادكتوره أحب أضيف حاجه كمان لكلامك _ الكبد السليم يقوم بتحويل الأمونيا إلي يوريا ويحصلها اخراج عن طريق الكلي _ في الحالات المتأخره من تليف الكبد يكون المريض عنده نزيف أو قئ دموي وفي الحاله دي البكتريا الموجوده ف الأمعاء بتحول البروتين اللي موجود ف الدم لأمونيا ولأن الكبد تعبان فبيكون غير قادر علي التخلص من الأمونيا لذلك الأمونيا بتوصل للمخ وتسبب غيبوبه لأن النيتروجين بيحل محل الأكسجين في دورة كربس _لذلك بياخد المريض اللاكتيلوز عشان نتخلص من الدم الموجود في الأمعاء بسرعه قبل ما البكتريا تشتغل عليه_أيضا يعطي الطبيب نيومايسن لقتل البكتريا المعويه_لو أي حد من الدكاتره الزملاء حابب يضيف حاجه ياريت يتفضل عشان نستفيد جميعا_
    ماكان من توفيق من الله وما كان من خطأ من نفسي ومن الشيطان .
    ‏Zyelhawa‎@‎@‏

  3. #13
    Pharma Student
    تاريخ التسجيل
    May 2010
    الدولة
    Mansora
    المشاركات
    46

    افتراضي

    بسم الله والصلاة والسلام علي رسول الله
    في مره من المرات وانت واقف ف الصيدليه جالك عم عبدو تاني بس المره دي كان عند دكتور مسالك بوليه عشان عنده u.T.I ولقيت الدكتور كاتبله فوار فواكه انت سألته كالعاده هو انت عندك حموضه قال لأ طيب ياتري الدكتور كاتب فوار فواكه لييييييه

  4. #14
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    اقتباس المشاركة الأصلية كتبت بواسطة عبدالله عبدالرحمن مشاهدة المشاركة

    طبعا موضوع الotc
    ده موضوع كبير وله أساسياته
    وفى كتب كثير بتناقشه
    مشاركة زى مشاركة دكتور دايموند مشاركة ممتازة
    ولكن
    انا عايز اناقش حاجة مهمة
    جدا
    بالنسبة للسودافيدرين
    فى منشور من وزارة الصحة نازل بعدم استخدامه
    للأطفال أقل من 6 سنوات
    وعامة عدم استخدام خافضات الحرارة
    ايضا مع الأطفال الى سن 12 عام
    دون استشارة الطبيب
    ايضا من المعروف انه
    لا يجب استخدام خافض الحرارة
    دون معرفة سبب ارتفاعها
    ومعالجته سواء باستخدام المضادات الحيوية
    او العلاج المناسب فى حالات العدوى المختلفة

    كل الكلام اللى فوق ده
    للأسف محدش بيطبقه
    وكل الدكاترة بيوصفوا للأطفال
    الحاجات دى
    ياترى انتوا رأيكوا ايه
    لو العلاجات دى
    بطلت تتكتب ايه
    هو البديل فى رأيكوا

    أنا عندى فى الصيدلية .. مش بطلع غير قطرات الملح .. أو بخاخات الملح ...

    مش بطلع الأوتريفين و شبيهاتها ... إلا إذا طلبت بالاسم أو وصفة طبية .. و طبعاً بسأله عن مرض مصاحب .. و بقوله على مدة الاستخدام و عيبها ..

    و كتير من الناس بيقتنع ... و بياخد قطرة الملح كبديل الأوتريفين .. و شبيهاتها ..

    فى حاجة كمان ..

    إيه رأيكوا فى دكتور كاتب فى الروشتة .. أوتريفين بخاخ 3 مرات فى اليوم لمدة شهر ..

    ده أقوله إيه بالله عليكم ؟؟؟

    الروشتة دى وقعت فى إيدى .. و سألته عن مشكلته ..

    و طلع إنه بيعانى من Sinusitis ..

    و مرضاش يصرف حاجة من الروشتة لما قلتله ..

    و خد الحاجات اللى أنا وصفتهاله .. و الحمد لله جه يشكرنى تانى يوم ..

    طبيعى مش بقول إن كل الناس تعمل كده ..

    لكن أنا مهنتى تحتم عليا إنى أقول الضرر قبل الفايدة ..

    و تحتم عليا إنى أمتنع عن الصرف فى حالة الشك ..

    و تحتم عليا إنى أمتنع عن الصرف فى حال معرفتى بضرر واقع ..

    فللمرة التانية فى خلال أسبوعين يجيلى وصفة طبية لاحدى الحوامل ..

    عندها حموضة فى المعدة .. و الدكتور كاتبلها على زانتاك !!!

    و من أسبوع جاتنى واحدة فى الشهر السابع و بتاخد الزانتاك من قبل الحمل لحد الوقتى ..

    و طبعاً قلتلها على الضرر .. و امتنعت عن الصرف ..

    و هى دى وظيفتى التى لن أقبل غيرها بديلاً ..

    و بالنسبة لخافضات الحرارة .. الحمد لله .. مفيش حد بيجيلى الصيدلية إلا و لازم بقوله ع العلاج الكامل لأى حالة .. أياً كانت ..

    و كتير بيقتنع و بياخد خافض حرارة مع مضاد .. أو مضاد ( و بيعمل هو كمادات لأن الموضوع مش مستاهل ) ..

    و كتير من اللى مش بيقتنع .. ساعات بلاقيهم تانى يوم أو تالت يوم جايين ياخدوا المضاد الحيوى .. أو جايين بوصفة طبية فيها مضاد حيوى ..

  5. #15
    Pharma Student
    تاريخ التسجيل
    Nov 2008
    المشاركات
    187

    افتراضي

    طيب ايه اللي حضرتك وصفته فحالة ال sinusitis ؟

  6. #16
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    اقتباس المشاركة الأصلية كتبت بواسطة toqaa مشاهدة المشاركة
    طيب ايه اللي حضرتك وصفته فحالة ال sinusitis ؟
    لو كانت الحالة خفيفة .. ممكن توصفيله أقراص combination من السودو إفدرين مع مضاد هيستامين .. زى الكلارينيز مثلاً .. أو بخاخ ( و أنا بفضل بخاخ ملح ) مع مضاد هيستامين فيه لوراتادين أو سيتريزين ..

    لو كانت الحالة شديدة .. و بيقوم الصبح يلاقى بلغم فى زوره .. أول حاجة لازم تنصحيه بإنه يشرب مية كتير .. و ده أهم حاجة عشان لزوجة البلغم ده يخف ..

    ممكن تديله كمان حاجة مذيبة للبلغم .. زى البيسولفون أو الميوكوسولفان أو السولان ..

    بالإضافة طبعاً للمسكن .. و المضاد الحيوى ..

    المسكن .. ممكن تدى الديكلوفيناك 50 ملجم .. بشرط متزيدش الجرعة عن 150 ملجم فى اليوم ..

    أو تدى حاجة زى النابروكسين .. و ده كويس برده و بيساعد فى تقليل الالتهاب ..

    و كمان ممكن تدى معاها مضاد حيوى .. أموكسيسيلين .. أو كوأموكسيكلاف ..

    و تنصحيه بإنه يحاول ميتعرضش لبرد مباشر بعد الهوا السخن .. مثلاً آخد حمام دافى و خارج على بره علطول ..

    و كمان يغسل وشه بمية سقعة مش سخنة .. عشان تأثيرها زى تأثير الدش الساخن ..

    يحاول يتجنب نزلات البرد .. و الأنفلونزا .. لأنها هتقلبها عليه ..

    ده وصف سريع و بسيط للحالة .. و ممكن تبحثوا فيها أكتر ..

  7. #17
    Pharma Student
    تاريخ التسجيل
    Nov 2008
    المشاركات
    187

    افتراضي

    جزاااااااااك الله خيرا يادكتور بجد ربنا يكرمك وياريت حضرتك تفيدنا بخبراتك دى دايما.

  8. #18
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    اقتباس المشاركة الأصلية كتبت بواسطة toqaa مشاهدة المشاركة
    جزاااااااااك الله خيرا يادكتور بجد ربنا يكرمك وياريت حضرتك تفيدنا بخبراتك دى دايما.
    جزانا الله و إياكم .. و علمنا و علمكم .. و إن شاء الله حضرتك تفيدينا برده بخبراتك

  9. #19
    Pharma Student
    تاريخ التسجيل
    May 2010
    الدولة
    Mansora
    المشاركات
    46

    افتراضي

    شكرا يادكتور علي مشاركتك المفيده دي ياريت تفتح مواضيع زي دي ونتناقش فيها كلنا عشان نستفيد من خبرات بعض

  10. #20
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    اقتباس المشاركة الأصلية كتبت بواسطة زى الهوا مشاهدة المشاركة
    شكرا يادكتور علي مشاركتك المفيده دي ياريت تفتح مواضيع زي دي ونتناقش فيها كلنا عشان نستفيد من خبرات بعض
    طيب عاوزين مثلاً نتكلم عن حالة من العيون ..

    فى ناس كتير بتخاف تحط إيدها فى أى دوا خاص بالعيون .. و بسرعة بتعمل Refer للمريض على الدكتور .. برغم إنها ممكن تكون حاجة بسيطة ..

    يعنى لو جالى حد فى الصيدلية .. و عاوز حاجة لاحمرار العين أديله إيه ؟

    و إيه الأسئلة اللى ممكن أسألهاله ؟؟؟


صفحة 2 من 4 الأولىالأولى 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •