فكره رائعه ........
بقترح انه يتم تنظيم دورات تدريبه وتعليميه تكون تحت رعايه الادراه فى الاجازه .........بجانب التدريب الصيفى
ندرس فيها اساسيات الفارما ونربطها بالادويه اللى نشوفها فى الصيدليه
يعنى يتم الربط بين مواد الدراسه والحياه العمليه
فكره رائعه ........
بقترح انه يتم تنظيم دورات تدريبه وتعليميه تكون تحت رعايه الادراه فى الاجازه .........بجانب التدريب الصيفى
ندرس فيها اساسيات الفارما ونربطها بالادويه اللى نشوفها فى الصيدليه
يعنى يتم الربط بين مواد الدراسه والحياه العمليه
انا مع حضرتك جدا يا د.عبد الله رغم اني لسه في اولي
لكن فعلا انا بحس ان فيه مواد بندرسها غلط زي التحليلية مثلا كنت حاسة بالغباء وانا بذاكرها الترم الاول لانها عبارة عن نظريات وكيرفات للتيتراشان ............كلها حفظ مع ان المفروض ده كله نفهمه عن طريق العملي في السكاشن مش نحفظه نظري
لحد دلوقتي بحس ان التحليلية دي مادة متنفعشي نظري خالص
وكمان العقاقير ازاي يقولوا شكل الورقة ولا البارك واحنا نتخيله مش المفروض يورونا شكله والمارجين والابكس بتاعه ولا نحفظه كده بالتخيل
انا شايفة ان العملي لازم يبقي اكتر من النظري في كليتنا بالذات
ده هو الصح مش نحفظ بدون فهم ولا رؤية
كانت واحدة خريجة صيدلة نصحتني اني ادخل طب ومش ادخل صيدلة وقالتلي جملة مهمة اوي ان...........
في صيدلة لا علاقة بين اللي بندرسه في الكلية واللي هنشتغله بعد كده لما نتخرج
وفعلا انا اقتنعت دلوقتي بكلامها للاسف من المواد اللي شوفتها
انا بقعد اسمع المواد الطبية من فسيولوجي وهستولوجي في المحاضرة.............. بحسد طلاب طب ان دي هي موادهم الاساسية
لكننا نأمل التغيير والاهتمام بالطالب وليس كيفية انهاء المنهج في الوقت المحدد
ونحن منتظرين برنامج حضراتكم يلحقنا قبل ما نتخرج _جاهلين_للاسف
اسفة علي الاطالة
شوفى يادكتورة كل حاجة لها تطبيق وكل حاجة لها أهمية
بس فى المكان والوقت المناسب
المقصود ان عندى دفعة فيها 1000طالب
بيطلع 800 أو أكثر بيشتغلوا صيادلة فى صيدليات
يبقى الأولى انى أعلمهم يشتغلوا فى المجال ده
واللى عايز يتخصص أو يدرس نقط تانية
بعطيله الأساسيات وبسمح له بكورسات اختيارية
لأن فى ناس بتحتاج التحليلية دى فى شغلها
وكذلك العقاقير
المعادلة الصعبة
انك تأخذى فكرة عن كل شىء
وفى نفس الوقت تخرجى مؤهلة ومتخصصة فى حاجة معينة
---------
بالنسبة لتطبيق البرنامج
هحاول أنسق مع الأتحاد
المنتخب بعد انتهاء اختيار مقرر اللجنة العلمية
لأنهم دلوقتى رسميا هم صوتنا الوحيد عند الأدارة
وأنا سعيد جدا بعدد الموافقين اللى واصل ل600 تقريبا
أنا كنت بأتمنى بس فى البداية حتى أن 200أو 100
بس يشاركوا
وقت العمل أتمنى ان الظروف تسمح لكل العدد ده أنه يشارك
وان شاء الله متنتهيش السنة الا واحنا واضعين حجر الأساس للبرنامج
ان شاء اللهوان شاء الله متنتهيش السنة الا واحنا واضعين حجر الأساس للبرنامج
لكن انا مش قصدي مش ندرس التحليلية او العقاقير
انا قصدي قبل ما ندرسها نظري نشتغلها عملي
في الامتحان بيسألونا عن المورفولوجي بتاع الليف
طب ازاي واحنا مش شوفناه اصلا هنحفظه كده وخلاص ولا نتخيله
كمان التحليلية المفروض نشتغلها عملي مش نحفظ الكيرفات من غير ما نشتغل التيتراشن بايدنا
انا قصدي احنا كلية المفروض العملي يكون اكتر من النظري
لأن الحاجات اللي بناخدها عملي مش بننساها لان احنا شوفناها بعينا واشتغلناها بنفسنا
لكن فيه مواد نظرية عادي زي الصيدلانيات و الاورجانيك مفيهاش مشكلة
انا مش بعترض علي المواد انا بعترض عن كيفية تدريس المواد
والله انا نفسي اتعلم كل حاجة واتعلم صح
بالرغم من اني في ساعات بستمتع بالدراسة جدا
انا مستعدة ادرس 10 شهور من السنة لكن يدرسولنا بتوسع وبفهم ويدرسولنا صح
ده المحاضر بيقعد يتكلم يتكلم والجو حر والدنيا زحمة والواحد بيقاوم الملل والنوم ومفيش تفاعل ولا شيء مثير ولا حاجة تصدر من المحاضر
اشمعنا لما بحضر ندوة عن اي حاجة بكون طالعة منها مستمتعة متفهمة الموضوع كله............... لانهم بيحاولوا يشدوا انتباه الحاضر وطريقة القاء رائعة
ليه مش بيهتموا بينا كده في الكلية زي ما بيهتموا بالندوات
نحن منتظرين الفرج من الله
جزاك الله كل خير يا عبدالله ..
أنا برده مجهز حاجة كده كويسة .. لسة بتكم ..
بس دى عبارة عن محاضرة و توظيف لخبرة عملية من داخل صيدليات و مجموعات و شركات ..
و لكن باهتمام 90% بالصيدليات الأهلية ..
إن شاء الله لما أنزل أناقشها معاكوا ..
وجزاكم بمثل يادكتور ياسر
الأمر يتطلب تكاتف الجهود وتوحيد الأهداف
للتغلب على العقبات والمعيقات
وفى انتظار طرحك ان شاء الله
==========
انا وصلت البرنامج للمسئولين فى الأتحاد الطلابى
وسوف نناقش معا ونتبادل وجهات النظر فى تطبيق البرنامج
وسوف أحرص ان شاء الله على نقل المستجدات بشكل دورى
من خلال الموضوع
ان شاء الله في الانتظار
رائع جدا يا دكتور ان شاء الله انا اول واحدة هبقى معاكوا فى البرنامج ده لانى بجد متضايقة نفسيا من الموضوع ده والله وحاولت اتكلم قبل كده مع ناس اتخرجوا عشان ينصحونى وكنت برده عايزة اروح لدكتور عندنا فى الكلية انا شخصيا بحترمه جدا وبتعجبنى افكاره علشان اسئلة فعلا انا نفسى اكون دكتورة كويسة اعمل ايه؟ نفسى اكون اتعلمت حاجه بجد حرام اضيع خمس سنين كده من غير ما اتعلم حاجه بس للاسف محصلش فرصة كويسة عشان اتكلم مع الدكتور ده بس بجد البرنامج ده هيحللى انا شخصيا مشكلة كبيرة جدا وهى انى عايزة احس انى هبقى حاجه (والله انا ساعات كتير بقعد اقول يارب انت ليه دخلتنى كلية زى دى يمكن يكون فى غيرى كان احق بالمكان ده منى) بس انا والله بحب الكلية اوى ونفسى فعلا ابقى دكتورة كويسة
فكرة رائعة يادكتور وياريت تتنفذ قريب جدا وفى اسرع وقت ان شاء الله على الاقل نبدا فى الاجازة السنادى ان شاء الله
وحضرتك ليه كنت متوقع ان عدد قليل هو اللى هيوافق على الفكرة معظم طلبة صيدلة متعطشين انهم يحسو انهم مؤهلين لانهم يكونو مؤهلين بجد ومتخرجين وهما عندهم القدر الكافى من العلم والتطبيق اللى ياهلهم انهم يبقو دكاترة فاهمين وعارفين ايه المطلوب منهم بالضبط ومتدربين عليه كويس
وانا شخصيا نفسى جدا اتعلم اعمل تركيبات صيدليه
ربنا يوفقك يا دكتور وتقدر تنفذ البرنامج ده السنادى ان شاء الله
برنامج حلو جدا وكتير مننا محتاجه خصوصا اللى هيتخرجوا السنة دى وهيحتكوا بالمرضى اتمنى ان يبقى لى مكان فيه