خمس سنين عدت علينا فى الكلية .... عيشنا فيهم لحظاتنا الحلوة مع بعض .... وفى الاوقات الصعبة كنا برضه كلنا مع بعض .
والسنة دى مبروك علينا كلنا فى رابعة صيدلة ..من أول السنة بدأناها احتفالات عشان قربنا نتخرج ..... حتى مصر كلها احتفلت بدفعتنا
و شعبنا رفض ان دفعتنا تتخرج من الدراسة الا واحنا احرار
احنا دلوقتى فى بداية حياة جديدة لينا ... وكل واحد مننا كان طول الفترة اللى فاتت من حياته بيبنى نفسه وشخصيته وعلمه وتفكيره للفترة اللى جاية دى واللى هيبدأ يكون فيها نفسه ويحقق ذاته ...... كلنا هنتشغل ... و كل واحد مننا هيبدأ يشوف هيعمل ايه فى حياته اللى جاية
وعايزين نحتفل بآخر يوم لينا فى الدراسة بشكل مختلف
عايزين نتجمع مع بعض فى آخر يوم امتحانات ويبقى اليوم ده ذكرى حلوة تبقى لنا طول حياتنا
خصوصا اننا كل سنة فى اخر يوم امتحانات كل مجموعة مننا بتفكر تعمل ايه ... عايزين السنة دى نقضى اليوم ده بشكل مختلف ... هنتغدى مع بعض .. وهنجتمع مع بعض فى الحفلة دى ..... هيبقى فيه فقرات ومسابقات ان شاء الله تعجبكم ... وبنجهز لمفاجآت كمان كتيير جدا
الحفلة دى بتاعتنا كلنا فى الفرقة الرابعة
كل واحد مننا جاى عايز يستمتع باليوم ده ويقضيه بالطريقة اللى هوا يحبها
عشان كده لو اى حد عنده اقتراحات لليوم ده والبروجرام ياريت يكتبها هنا
وان شاء الله هتتعمل فى الحفلة
ياريت كل واحد فينا يعتبر نفسه منظم فى الحفلة دى
نتمنى ان شاء الله ان اليوم ده يعجبكم و نفتكره ان شاء الله طول حياتنا
الحفلة ان شاء الله فى نادى النيل
اشتراك الفرد هيبقى 30 جنيه
ان شاء الله فى يوم شيت الصناعية هيبدأ تجميع الاشتراكات
هتبدأ الحفلة يوم امتحان البابليك الساعه 4.30 او 5 على ماكل الناس تخلص الشفوى ان شاء الله
فقرات الحفلة هنبدأ نعلنها واحده واحده ...