بيوتيفول ..
:d
.,,
بيوتيفول ..
:d
.,,
والله انا رايى فعلا ان المشكله فى الا متحان ده كانت بتتمثل فى سؤال 17 درجه اللى مسائله غريب ومحناش واثقين من ولا واحده 100% و الاكمل يعنى برضه واول سؤال ماشى الحال والحمد لله هنعمل ايه بس اتمنى ان العقاقير تفرحنا باذن الله شويه بقى كفايه صدمااااااااااات
اتمنى فى اللى جاى
أنا رأيى زى رأى د/محمد ،
جزء د/ناهد يعتبر كان سهل ومعظمه جه من الحاجات اللى قالت عليها مهمه ومن الاسئله اللى نزلتها ،
بس المشكله انه كله كان بيدخل فى بعضه بصراحه وخصوصا اللى يبدأ بجزء د/فتح الله وبعدين يدخل على جزء د/ناهد ..
جزء د/فتح الله بقى هو اللى كان مش حلو ، كان مفكرنى بعضوية الترم اللى فات ،
لكن الكومبليت كان الى حد ما كويس ..
المهم دلوقتى يا جماعه ، واللى أنا عايزة أعرفه فعلا ،
ليه د/فتح الله جاب الامتحان كده ؟؟؟
هل العيب فينا ولا فى المادة ولا فى اييييييييه ؟؟؟
يعنى هو اينعم الناس اللى قبلنا قالوا ع المادة صعبه ، لكن امتحانات د/فتح الله ماكنتش كده ،
والناس كانت بتشكر فى د/فتح الله من كل حاجة ..
انا بجد نفسى اعرف السبب ، لآن ده هيترتب عليه حاجات كتير جدا ..
التعديل الأخير تم بواسطة dr queen ; 04-01-2009 الساعة 10:46 PM
يا جماعة انتو ليه قلقانين كده بس؟
والله النتيجة هتطلع حلوة وزي الفل
انا من تجاربي مع التحليلية...طول عمري بدخل ألبخ فيها جامد جدا وأخرج متضايقة من الامتحان
بس في الاخر بتطلع أحسن درجة عندي ومقلتش فيها عن الامتياز غير الترم الاول في سنة تانية بس
انسوا اللي فات وركزوا فيما هو قادم
وربنا يوفقنا جميعا
ياريت حد يقولنا نتائج المسائل بس
لكن امتحانات د/فتح الله ماكنتش كدههل العيب فينا ولا فى المادة ولا فى اييييييييه ؟؟؟
الله اعلم
صدمنا كلنا بـ 17 درجه مسائل معظمها كان غريب شويه ومحتاج وقت وتفكير .. وياعالم النتايج هتطلع مظبوطه ولا لا ..
واول سؤال برضه كان يخض شويه
كفااااااايهكفايه صدمااااااااااات
يارب ننجح في المادة دي
بالنسبة ليه مش طالبة اكتر من كدة
فيه ايه يا جماعه؟؟؟الامتحان مكنش وحش انتم عايزينهم يجيبوا ايه؟؟؟ طبيعي انه امتحان يعني فيه حاجات هتجاوبها وحاجات لا وكمان هتكون شاكك في كل اجاباتك انا شايفه ان الامتحان نمطي ومش كان فيه افكار جديده غير حاجات بسيطه وده طبيعي عشان يفرقوا المستويات يا ريت مش نتحامل علي الدكاتره اوي كده مش لازم نقفل الماده 100 % وعموما انا متفاءله جدا والتقديرات فيها هتكون احسن من كل السنين اللي فاتت
التعديل الأخير تم بواسطة آيه محمد ; 05-01-2009 الساعة 08:20 AM
صدقوني النتيجه هتكون كويسه هي الصدمه بتاعه الامتحان بس
هي الفكرة زي ما حضرتك قلتي المستويات ... يعني حضرتك مستواكي كويس في المادة فبتعتبري الامتحان كان كويس اوي على حين ناس تانية مستواها عادي ( انا بعتبر نفسي واحد منهم يعني) الامتحان كان صعب عليهم شوية ...
في حاجة كمان احنا لما بنحسب لنفسنا الدرجات مبنحسبهاش بالظبط .. بمعنى اني لو حالل ف سؤال كويس و متأكد منه بدي لنفسي مثلا فيه 3 من 5 ... انما مش هقول هجيب فيه 5 من 5 لأن طبعا انت متضمنش اذا كانت اجابتك صح 100% او اذا كان المصحح هيعتبرها كويسة او لا لأن دي حاجة راجعة لوجهة نظره ....
و كمان بالنسبة لكلامك بياريت مش نتحامل على الدكاترة ... احنا و الله مش بنتحامل و لا حاجة ... هو كل ما ف الأمر بس ان الواحد بيتعب .. و بيبقى منتظر انه يلاقي نتيجة لتعبه ده ... مش بيتعب عشان يروح يقرا ورقة الاسئلة ف الاول يلاقي درجات كتير على حاجات صعبة عليه يقوم يرتبك (اكتر مهو مرتبك اساسا بحكم كونه ف امتحان .. ده غير الضغوط اللي عليك بحكم انك متضمنش ان حلك ف الشفوي و العملي كويس ) فتقوم اللي انت كنت مذاكره تحل فيه بنسبة 80% و لا اقل من كدة كمان ... و ف الآخر تيجي تبص ع اللي انت حله تلاقيه مش مكمل اللي ينجحك بعد التعب اللي انت تعبته كله ....
فالشكوى م الامتحانات دي شئ عادي .... و كمان الناس هنا بتشتكي من حاجات تستدعي بدليل ان اكتر من شخص بيشتكي من نفس الحاجة .... و طالما الناس بتتكلم باسلوب مهذب فمعتقدش انهم غلطانين في حاجة ... و اكيد طبعا الدكاترة عارفين ان كلهم قدوة لنا و اننا لما بنشتكي بنشتكي بغرض انهم يراعونا .... مش بنتحامل عليهم و لا حاجة
و الا بقى الواحد يروح ينتحر و لا يولع ف نفسه عشان يريح المدينة الفاضلة اللي احنا عايشين فيها دي من شكاويه ....
عموما ربنا يسهل ..
وماشاء الله السنة دي واضح ان امتحاناتها زي الفل ... و الواحد بيذاكر المادة كلها و ف الآخر بيدعي انه يعدي بدرجة النجاح حتى بس .... يللا ادينا بنصبر نفسنا و بنقول نفكر ف اللي جاي ....
يارب يكون اللي جاي أحسن .. و ان شاء الله ربنا يسهل و تكون النتيجة كويسة