عاوز ايه من سنة تانية ؟؟؟ .... تعالى و شاركنا هدفك ...

[@Noh]

الموضوع مش بدرى أنا بافكر فيه من اول الأجازة ونفسى ربنا يكرمنى بتقدير كويس وادخل سنة تالتة عشان أحس انى قربت على النهاية

[Dr / MESHMESH]

الموضوع فعلا مهم لنا جدا
عن اهدافي ان شاء الله نفسي اجيب تقدير احسن من اولي امتياز مع كل الانا بسمعه عن تانيه


وذاكر اول باول اشتغل كويس في السكاشن واحول افهم في المحاضرات

وطبعل قبل كل حاجه اكون اكثر طاعه الله ويكون ربنا راضي عني

[5ald m7md]

نفسي طبعاً ربنا يوفقني و يهديني لفعل الصواب

[showman]

عندما تذكرت كتيب صغير عن كيفية الاستعداد للمذاكرة

وكان منه أن استفيد مما اتعلم واحاول الابتكار

ايه فائدة التقدير وايه فايدة الكلية أن لم افيد به المجال الي انا فيه

كل سنة الاف بيتخرجوا ومنهم الاف الامتيازات وفي الاخر..............كل سنة وانتم طيبين

مجال الصيدلة في مصر والدول العربية يقتصر علي خد وهات في الصيدلية

وعموما أنا نفسي ادخل الجنة

سلام عليكم

[بنت أفندينا]

اولا انا قبل اما ابتدي اتدرب في الصيدلية
كان طموحي اني ما جبش في كل السنين اللي جاية ان شاء الله اقل من تقديري في سنة اوي
و احاول احافظ عليه بقدر الامكان
بس بعد اما ابتديت اتدرب في الصيديلة
قررت انا انا اهتم بالمذاكرة نفسها
يعني ما تبقاش مذاكرتي علشان انجح في الامتحان و بس لا
انا بذاكر لقدام و احاول اني افهم كويس و اجمع خبرات من دا و من دا و يكون عندي كم من المعلومات ان شاء الله
يعني انا بصراحة ناوية اذاكر الميكرو كويس جدا ان شاء الله
لاني حاسة انها هتفيدني في شغلي في الصيدلية
اه صحيح زي ما الدكتور شومان بيقول العملية بقت خد و هات
بس مش للدرجة دي
لان ساعات بيجيلك واحد يقولك انا عندي كذا اخد ايه
لو انت مش فاهم و مش متدرب كويس و مش بتحاول تدري و تطور من نفسك
و تعرف الدوا دا بيعمل ايه و الدوا دا ليه
هتحس انك ملكش لزمة و العملية فعلا هتبقي خد و هات
بس
فا انا اتمني من ربنا انو يوفقني و احافظ علي تقديري و اجيب اكتر ان شاء الله
و كل دا والله في الاول و الاخر علشان بابا و ماما و اخواتي يكونوا مبسوطين دي اهم حاجة عندي
و ان شاء الله كلنا ننجح و نبقي كويسين

[tamatmaya]

en sha2 allah ntwaf2 kolna

[MAHMOUD ABO ALMAATY]

اكيد ان شاء الله عاوز احافظ على تقديرى اللى جبته السنه دى واحاول ازيد منه واجيب امتياز ليه لآ
مع ان المعظم بيقولوا ان تانيه صعبه اووى بس مفيش مستحيل

بس انا نفسى الظروف تساعدنى وميحصلش اى حاجة تمنعنى من حاجة زى دى
واكيد نفسى اضغط على نفسى شويه واذاكر لانى بجد لما بذاكر بحصل وبعرف اقدر
لكن لما بطنش خلاص بقى ع الدنيا السلام

وان شاء الله السنه الجايه كلنا نحقق هدفنا واللى عايز يقدر يقدر واللى عايز ينجح ينجح واللى عايز يرتب ان شاء الله يرتب

اه نسيت ان عايزة بردوا انجح ف السيكوووووو ان شاء الله اصل البتاعه دى واقفه ف زورى اووى
يارب السنه الجايه اكون نجحت ف السيكو وعديت وكمان معايا تقدير جيد جداا او امتياز

ودعواتكم معانا

ان شاء الله هتعدي في السيكو أصل في ناس كتير شايلينها



أحب أن أهني كل الدكاترة بالعام الدراسي والجديد
وأتمنى اني أجيب تقدير أكتر من أولى ان شاء الله وأتمنى أيضا ان الدكاترة في المحاضرات والسكاشن يعاملونا كويس
وأتمنى التوفيق لي ولكل الدكاترة زملائي

عندما تذكرت كتيب صغير عن كيفية الاستعداد للمذاكرة

وكان منه أن استفيد مما اتعلم واحاول الابتكار

ايه فائدة التقدير وايه فايدة الكلية أن لم افيد به المجال الي انا فيه

كل سنة الاف بيتخرجوا ومنهم الاف الامتيازات وفي الاخر..............كل سنة وانتم طيبين

مجال الصيدلة في مصر والدول العربية يقتصر علي خد وهات في الصيدلية

وعموما أنا نفسي ادخل الجنة

سلام عليكم

متبقاش متشائم قوي كده

امضاء : واحد معاك في السكاشن

بالنسبه لتحديد الاهداف من البدايه .. انا السنة اللى فاتت ( واللى قبلها كمان )
كنت محدده لنفسى اهداف كتير .. هى طبعا مش مستحيله ، وكنت حاسه انها سهله جدا بس للاسف ما حققتهاش على اكمل وجه زى ما كنت عايزة ..

وهى تقريبا نفس اهدافى السنة دى .. انى اجيب تقدير كويس جدا وانتى اشترك فى الجمعيه العلميه SAMPS ويكون ليا فيها نشاطات مفيده وبناءه ..( بس مش عارفه الحلم ده ممكن احققه ولا لآ )

ونفسى كمان ترجع ليا ثقتى فى نفسى زى الاول (قبل الكليه دى ) ،
ونفسى ابطل التوتر والقلق اللى بيحصل لى أيام الامتحانات لانه بيبقى اوفر قوى وبيضيع مجهودى وتعبى طول الترم للأسف ..
ونفسى أرضى ربنا وماما وبابا علاطول ..


وربنا يحقق لنا كل اللى بنتمناه ان شاء الله ..

ان شاء الله نجيب تقدير كويس جدا

[ABO El-DAHAB]

الهدف الاول و الثالث عاوز اخلص من عضوية اولي الي معايا علشان اموووووت نضيييييف محبش يبقي عليا حاجة لحد
انا كلمة عضوية دي بتضايقني اوي
الهدف الثاني و الاخير هو اني احاول افهم اي حاجة في اي مادة

[آيه محمد]

صراحه الكليه كدراسه مش تفرق معايا
بس عايزه ونفسي بجد اني احفظ القرآن كله وعايزه اساعد ناس علي قد ما اقدر
كمان نفسي اقرأ اكبر كميه كتب مش كده وبس واستفيد منها
وربنا يقدرني

[dr_amoona]

السلام عليكم ورحمة الله وبركاته
الحمد لله اني شفت الموضوع قبل ما يتقفل واحنا النهاردة ليلة بدأ الدراسة
انا نفسي اجيب تقدير في سنة تانية .. زي سنة أولى وربنا يقدرني يارب.. ده الهدف الأساسي
وإني احضر محاااااااااااااضرات ربنا يصبرني كدا عالقعدة في المدرج لان فعلا حضور المحاضرات مهم
وناوية ان شاء الله انا ومحموعة من اصحابي نتعاون في مساعدة طلبة إعدادي .. خاصة الترم الاول
وربنا يقدرني وأفعل نشاطي أكتر في الأسرة
وجزاك الله خيرا يا دكتور أنس