يا دفعة 2010 ... إيه رأيكم

[بحلم ببكره]

السلام عليكم ورحمة الله وبركاته

دفعة صيدلة 2010 لها وضع متميز في قلبي

ليه؟؟

لأنها أول دفعة هتخرج بإذن الله من الكلية بعد دفعتنا

أظن كدا واضح إن اللي بيتكلم خريج 2009

دا حقيقي والحمد لله

طب عاوز إيه يا عمنا .. بالتأكيد مش جاي أذاكر معاكم حاجة

ربنا يعينكم علي اللي انتم فيه ... هانت وكلها أيام وتنطلقوا لترفعوا لواء كلية الصيدلة عاليا بين الأمم

المهم

عاوز أقول الآتي::::

طبعا يا جماعة بعد 5 سنين الطالب بيقعدهم في الكلية عندنا بكل ما فيهم من مواقف لطيفة أو مش لطيفة وخلافه

بتيجي لحظة مهما وصفتها مش هتتخيلوها غير لما تجروها بنفسكم

وهي لحظة التخرج ...

وحفل التخرج

وأعني هنا حفل تخرج نقابة الصيادلة في الصيف (بيبقي في أول شهر 8)

للأسف حفل تخرج الكلية بيكون متأخر .. وبتكون الدفعة أغلبها بح .... اختفي

لكن دي إلي حد ما مش موجود في حفل النقابة اللي بيكون بعد النتيجة بحاجة بسيطة ..

المهم

النقابة بما إن هي تعتبر المكان اللي بننتمي ليه بعد ما نتخرج من الكلية ..

كل سنة بتعمل حفل تخرج للدفعة اللي هتتخرج

بس بقالها سنتين بتحاول تعمل حاجة مختلفة في حفل التخرج

يعني هتكلم علي آخر سنتين اللي حضرتهم

السنة اللي قبل اللي فاتت .. اتعمل عرض مسرحي تحفة ... عجب الكل

ولسه بيتكلموا عنه حتي اليوم

السنة اللي فاتت في دفعتنا (2009) الوضع اختلف شوية لظروف يطول شرحها

بس برضه كان في فكرة جمية اتطبقت .... هقولها بس مش حالا..

السنة دي

حصل الآتي ..

في لجنة في النقابة اسمها لجنة الشباب ...

دي خاصة بشباب الصيادلة ...

اللجنة دي هي اللي بتنظم حفل التخرج ...

اللجنة السنة دي فكرت في فكرة لذيذة

إن الدفعة مش هتسمع عن اللجنة غير بعد حفل التخرج

فليه ميحصلش إن يتم الإعلان عن اللجنة للدفعة من بدري ..

واللي عاوز من الدفعة (اللي هو أنتم) يشارك في حفل التخرج كفريق تنظيم وأفكار وابتكارات عشان نخلي يوم فرحنا دا يوم محصلش

أي حد عاوز يشترك يشترك

خلاصة الكلام

- حد ممكن يحب يشارك في حاجة زي كدا ... كلها هتتم بعد انتهاء الامتحانات .. لأن محدش هيبتكر ليوم تخرجكم غير من دفعتكم ...

- في فكرة هقولها بكره بإذن الله بس بعد ما أقرأ تعليقاتكم

الفكرة دي أظن جميلة ورائعة بس هتبقي فاشلة جدا لو الدفعة مش هتتحرك فيها مع لجنة الشباب

مستني تعليقاتكم بشغف

وربنا يعينكم

ويقويكم

ودمتم في أمان الله