المشكلة الأولى- مواد التخصص

[yojeena]

مع حضرتك يا دكتور ياسر في نقاط كثيره

لكن ممكن اسأل حضرتك سؤال

ازاي درست طبيه و فارما و اساي في نفس الوقت

بالرغم من ان الفارما اساس دراسه المواد الاخري؟؟؟؟؟

طيب الفيزيا اللي درسناها في اول سنه فادت حضرتك بايه لاني مش فاكره اني استفدت بيها في اي حاجه

اللي يفيدنا في مجالنا اخدناه تحت عنوان صيدلانيات فيزيائيه

حتي في الصناعيه القوانين اللي اخدناها كانت ليها علاقه بالدراسه

بتهيألي مكنش في داعي لمادة الفيزيا دي نهائيا

ايه المشكلة في اننا نبدأ فارما من الاول؟؟؟؟؟؟؟

دا اساس شغلنا و علم محتاج تعمق و دراسه و الاهم من كدا وقت ادولنا وقت نفهم اللي بتقولوه و شوفوا النتيجه

مع ان انا مش عاوزه ادخل في الموضوع دا لاني اتفقت مع دكتور عبدالله ان احنا نمشي في خطين بالتوازي اللي في ايدينا الوقتي نحاول نصلحه علي اد مانقدر


""""""""""""

هدفنا ربط المنهج بالواقع يعني تهيأ الطالب نفسيا انه يتقبل معلومات تقيله لانها هتفيده في كذا و كذا

و نضرب امثله و يبقي دا منهجنا ,,,,,و هعيد الكلام اللي قلته قبل كدا

العلم في كل مكان في الكتب و في النت و سهل انك تلاقيه

لكن المهم انك تطلع طالب عنده القدره علي التفاعل ......عنده قدره علي التنفيذ

ايه الفايده من اننا ناخد كل حاجه بتعمق و في الاخر تتخرج تايه و مش فاهم حاجه من الكميات الرهيبه اللي اخدتها

لكن بالمقابل لو اخدنا كلمتين في كل موضوع بس فهمناهم و عارفين هنستفيد منهم ازاي ...

هتلاقينا تلقائيا بنضيف عليهم من تفكيرنا و قدرتنا علي ربط كل الداتا اللي اخدناها

[Amira Said]

ان شاء الله هنمدّ النقاش في المشكلة الأولى شوية علشان نضمن ان كل الناس شافت الموضوع وأكبر عدد ممكن شارك في الاستفتاء
وأرجو اني أشوف تفاعل من أساتذتنا

[Dr_r.m.m]

متفقة معاكى جدا جدااااااااااااااااااا وياريت تشتركى معنا فى صيادلة مصر معا للتغير على الفيس دى بيج وليس جروب

[..::ciZar_Resala::..]

مع حضرتك يا دكتور ياسر في نقاط كثيره

لكن ممكن اسأل حضرتك سؤال

ازاي درست طبيه و فارما و اساي في نفس الوقت

بالرغم من ان الفارما اساس دراسه المواد الاخري؟؟؟؟؟

طيب الفيزيا اللي درسناها في اول سنه فادت حضرتك بايه لاني مش فاكره اني استفدت بيها في اي حاجه

اللي يفيدنا في مجالنا اخدناه تحت عنوان صيدلانيات فيزيائيه

حتي في الصناعيه القوانين اللي اخدناها كانت ليها علاقه بالدراسه

بتهيألي مكنش في داعي لمادة الفيزيا دي نهائيا

ايه المشكلة في اننا نبدأ فارما من الاول؟؟؟؟؟؟؟

دا اساس شغلنا و علم محتاج تعمق و دراسه و الاهم من كدا وقت ادولنا وقت نفهم اللي بتقولوه و شوفوا النتيجه

مع ان انا مش عاوزه ادخل في الموضوع دا لاني اتفقت مع دكتور عبدالله ان احنا نمشي في خطين بالتوازي اللي في ايدينا الوقتي نحاول نصلحه علي اد مانقدر


""""""""""""

هدفنا ربط المنهج بالواقع يعني تهيأ الطالب نفسيا انه يتقبل معلومات تقيله لانها هتفيده في كذا و كذا

و نضرب امثله و يبقي دا منهجنا ,,,,,و هعيد الكلام اللي قلته قبل كدا

العلم في كل مكان في الكتب و في النت و سهل انك تلاقيه

لكن المهم انك تطلع طالب عنده القدره علي التفاعل ......عنده قدره علي التنفيذ

ايه الفايده من اننا ناخد كل حاجه بتعمق و في الاخر تتخرج تايه و مش فاهم حاجه من الكميات الرهيبه اللي اخدتها

لكن بالمقابل لو اخدنا كلمتين في كل موضوع بس فهمناهم و عارفين هنستفيد منهم ازاي ...

هتلاقينا تلقائيا بنضيف عليهم من تفكيرنا و قدرتنا علي ربط كل الداتا اللي اخدناها

دا خطأ فى ترتيب المواد ..

لكن الفيزيا على حسب منا فاكر و حضرتك كمان قلتى .. الصيدلانيات الفيزيائية .. تقريباً كان جزء الدكتور محمد الشابورى ..

كان فيه حاجات من بعض مما درسنا فى الفيزيا ..

افتكر كمان كان فى جزء بيديه دكتور ملتحى .. كان عن الحرارة ..

بيتهيألى إنى استفدت منه فى الكيميا التحليلية مع جزء الدكتورة فاطمة الزهراء فى إعدادى .. و كمان فى الصناعية مع الدكتور اسماعيل فى 4 ..

الموضوع مش موضوع مين استفاد و مين مش استفاد ..

و مش موضوع خلاف على قضية إفادة المنهج .. لأن لو جيتى تفسرى كل المناهج هتلاقى كل حاجة موضوعة عشان تخدم حاجة تانية ...

بغض النظر عن إنها اتاخدت قبل .. أو بعد .. أو مع الحاجة التانية دى

لو جبنا كل المناهج و قعدنا نفسرها كده مع بعض هنلاقى إنهم بيخدموا بعض ..

لكن كلنا متفقين إن فى خطأ فى التوزيع .. أو الترتيب ..

مين ييجى قبل مين ..

و كلنا متفقين على النقطة دى ..

يبقى المشكلة ليها محورين أساسيين أياً كان اللى هيندرج تحته ..

الأولى: ترتيب المناهج مش متوافق مع التسلسل الدراسى .. و دى كانت واضحة جداً لما درسنا جزء الـ CVS فى الطبية الترم الأول .. و بعدين أخدناه فى الفارما الترم التانى !!

التانية: بعد المنهج كل البعد عن الـ Practicality ...

يعنى أنا مباخدش فى الكلية مادة اسمها Marketing .. و لا باخد مادة اسمها Selling .. على الرغم من إنهم ممكن يندرجوا تحت بند دراسة مادة إدارة الأعمال فى سنة رابعة .. لكن معلوماتها غير كافية .. و كلامها نظرى بحت .. و المنهج ناقص حاجات كتير جداً ..

مخدناش حاجة اسمها Pharmacy management أو Supply chain أو Chain management ..

بمعنى أصح .. و بالبلدى كده .. اتقلبنا فــ حاجة اسمها إدارة أعمال برغم إنى بعتبرها أهم مادة درسناها فى الـ 5 سنين بجانب الفارما ..

و عشان تقدر تعمل Support للمناهج دى .. لازم يكون فى جزء ميديكال كويس ..

ده شفناه فى الـ Pathology .. بس برده كان لا يسمن و لا يغنى من جوع ..

و نسى إن فى حاجة اسمها Simple OTC Cases .. و Simple OTC Drugs ..

هكمل مناقشة بالليل إن شاء الله .. عشان عندى شغل الوقتى ..

[yojeena]

دكتور On Line

دي تجربة اثبت نجاحها و مثال ليها منتدانا

بعض الدكاتره الافاضل كانوا بيدخلوا معانا في حواراتنا و بنسألهم و بيجاوبوا علينا

و بجد بنستفيد جدااااا من تواجدهم

انا فاكرة ساحة حوار الفارما لماكنت في تالته

كنا بنحدد ساعه نتناقش فيها و اللي عنده نقطه مش واضحه بيسأل ......كان دكتور احمد جمال بيدخل معانا في النقاش و كل واحد فينا كان بيتسأل سؤال و يجاوب عليه

كانت تجربه مميزه و تأثيرها كان واضح علينا كلنا متحمسين و بنذاكر و بندور ع المعلومه و كلنا كطلبة بنتعاون مع بعض

فيها ايه لو عممنا التجربه دي و خلينا دكتور في كل ماده لكل فرقه يشارك

يتفضل مشكورآ يحدد الساعه اللي تناسبه و يتواصل مع الطلبة من خلال النت

صدقوني هتلاقوا نتايج مذهله و بالمره المنتدي هيحقق هدفه اللي اتأسس عشانه

اعتقد التواصل هيحل مشاكل كتير جدل من اللي الطلبة بيعانوا منها

الدكاتره يتفهموا الطلبة اكتر ..طريقة تفكيرهم....مشاكلهم ......من الجو العام للحوار هيعرف ايه الاجزاء العامة في المنهج اللي محتاجه توضيح.....و أكيد كل دا هيبان بعد كدا في اسلوب الشرح في المحاضرات

////////

و ياريت الاستبيان اللي بيتعمل عمياني (لاننا مش لاقيناه بيفرق) نحسس الطلبة انه مؤثر بجد

و نشوف الطلبة و تقييمهم للدكاتره,,,,,و نعمل حاجه بجد

في دكاتره أفاضل ممتازين و عندهم علم لكن في مشكله في توصيل المعلومه للطلبه

فياريت نسمع الطلبة قبل ما يضطروا يستخدموا أسلوب قد يخرج عن اللياقه في طلب تغيير دكتور

[عبدالله عبدالرحمن]

دى التفاصيل الخاصة بالبرنامج
الهدف:-إعداد الطلاب وتأهيل الخريجين لسوق العمل كصيدلى أهلى وعضو فى فريق الرعاية الصحية من خلال تزويده بمقرر ممارسة الصيدلة فى منهج قائم على التعليم الذاتى والتطوير المستمر.
الرؤية:-تقوية نقاط الضعف المنتشرة فى مناهج الصيدلة الحالية بربط النظريات بالتطبيق العملى من خلال المواقف التفاعلية والحالات الدراسية ؛ليخرج الطالب صيدلى مكتمل النضج وقادر على ممارسة مهنته بالحدود والمعايير المقبلوة مع استمرار وتطور مستويات البرنامج ليناسب مختلف المراحل والأطوار
المستهدفون:-طلاب كلية الصيدلة جامعة المنصورة الفرقة الثالثة والرابعة والمستوى الثالث ومايليه من مستويات فى برنامج الصيدلة الإكلينكية ؛الخريجون والراسات العليا.
المتطلبات:- دراسة مبادىء الفارماكولوجى.
التوصيفات:- الخطوط العريضة للبرنامج مع إمكانية الحذف والإضافة طبقا للظروف
1- المعلومات والتفاعلات الدوائية المؤثرة على حياة المريض فى حلات الطوارىء مثلا كيفية التعامل مع التسمم الأزمات القلبية والأزمة الإعوارية.
2- الرعاية الصحية للمريض من خلال الأستشارة ووصف الأدوية التى تصرف دون تذكرة طبية
3- التعليم الوقائى من خلال تعليم المريض استخدام الواء بشكل سليم- الجرعة السليمة فى التوقيت السليم والطريقة الصحيحة لتناول الدواء فى حالة بعض الصيغ الصيدلانية للدواء .
4- تصحيح وضبط نوعية الحياة وادارة الأمراض المزمنة مثل الضغط والسكر
5- رعاية المجتمع من خلال التوعية ضد بعض العادات والظواهر المضرة بصحة المجتمع كالتدخين والإدمان ,وكيفية المحافظة على الصحة العامة من خلال إرشادات النظافة الشخصية وكيفية التعامل مع الأمراض المعدية
6- ساعات دراسية تتضمن مشاركة الطلاب من خلال الندوات واللقاءات القائمة على الحالات الدراسية وورش العمل لدعم وتطوير امكانيات الطالب فى التواصل وتقديم المعلومة وكيفية التعامل مع المرضى.


أدوات المنهج وأساليب التدريس:-
1-استخدام نموذج الساعات المعتمدة فى وضع جدول زمنى لتنفيذ المنهج بمختلف مستوياته
2-استخدام المذكرات والمراجع العلمية والمرجعية كمصدر للمعلومات ودفع الطالب لاستخدامها
3-وسائل التقييم المستمر من خلال الأختبارات السريعة فى بداية المحاضرات أو من خلال الأختبارات الألكترونية على منتدى الكلية أو موقع الكلية
4-حالات راسية تحاكى الحياة العملية من خلال تعامل الطالب مع مريض افتراضى وجها لوجه من خلال الصيدلية المصغرة المعدة خصيصا للبرنامج
5-تكليف الطلاب بمهام لقياس المشكلات ووضع الحلول وعرضها على المشرف المختص ثم مناقشتها فى ندوات مصغرة .
6-المحاضرات الأسبوعية المعتادة طبقا لأحتياجات المنهج والبرنامج المعد

المعيقات:-
1- الطلبة غير معتادين على برامج التعلم الذاتى أو القائم على التفاعل وان كان هناك رغبة حثيثة للمشاركة فى المشاركة فى برامج التعليم المستمر.
2- المناهج الدراسية التى يتم دراستها تتسم بالنظرية البحتة مما أدى الى فقدان القدرة على تطبيق المعلومات على أرض الواقع أو نسيانها بالكامل فى أغلب الأوقات
3- تحديد موعد بدء البرنامج وعدد المشاركين وفئاتهم على الأقل فى النسخة الأولى من البرنامج
4- لايوجد مؤشرات معلنة عن مدى تقبل وقدرة الأقسام المختلفة على المساهمة فى تطبيق البرنامج –دعم الكلية للبرنامج-
5- توفير الكتب المرجعية للبرنامج
6- لايوجد رعاة رسميين للبرنامج وافتقاد ألية دعن الأستمرار- الدعم المالى
المميزات:-
1-رغبة الطلاب والخريجين فى تطوير الذات والتـأهيل القائم على الجودة ؛فافى استفتاء على منتدى كلية الصيدلة أبدى 481 طالبا رغبته فى المشاركة من مجمل 487ولازال الأستبيان مفتوحا للمشاركة
2-البرنامج قائم على التعلم الذاتى وبذلك يوفر الكثير من الوقت ويضع الأستاذ فى دور المشرف والموجه بدلا من دور الأستاذ التقليدى.
الجهات التى يجب أن تتبنى البرنامج :-
1-ادراة الكلية
2-اتحاد الطلاب والجمعية العلمية
3--نقابة الصيادلة
4--الصيادلة العاملون فى الصيدليات العامة
4- شركات الأدوية
أدوار الجهات المشاركة:-
1-ادارة الكلية:- توفر الدعم المعنوى والأدارى للبرنامج وتوفير أماكن وأدوات التدريس المختلفة
2-الأتحاد الطلابى والجمعية العليمة:-الدعم المادى والتقنى بتوفير الدعاية ونشر الفكرة بين الطلاب من خلال منشورات أسبوعية ومجلات علمية ومختلف الأحاث العلمية ذات الصلة بأهداف البرنامج
3-نقابة الصيادلة:-من خلال تغذية البرنامج بقاعدة بيانات عن المشكلات التى تواجه الصيادلة وتطبيق الحلول التى يصل لها المشاركون من خلال اتصالها بوزارة الصحة ونقابات المهن الطبية المختلفة كمثال وضع تصور معين للتكرة الطبية تختلف باختلاف الدواء ودرجة تخصص الطبيب لمنع الأخطاء الطبية وضبط صرف بعض الأدوية التى يساء استخدامها مثل المضادات الحيوية والأدوية المؤثرة على الحالة العقلية وأيضا تمهيدا للرعاية الصحية المتكاملة من خلال الأحتفاظ بسجلات للتاريخ المرضى لكل مريض وتعمل النقابة على تعميم البرنامج ونشره فى كافة كليات الصيدلة .
4-الصيادلة:- من خلال مساهمتم المادية والمعنوية والمشاركة فى تدريب الطلاب من خلال التدريب الصيفى
5-شركات الأدوية :- الدور الحيوى لشركات الأدوية فى تطوير التعليم الصيدلى يضع على عاتقها المشاركة فى العملية التعليمية عن طريق المؤتمرات العلمية ودعم سياسات التعليم المستمر وأيضا المساهمة فى إنشاء صيدلية متكاملة داخل كليات الصيدلة لمحاكاة الحياة العملية بشكل يجعل الطالب متكيفا مع الواقع,



أى اقتراح أو استفسار
لا تترددوا فى طرحه

[yojeena]

توصيف دقيق للمشاكل و تقرير رائع

وأيضا المساهمة فى إنشاء صيدلية متكاملة داخل كليات الصيدلة لمحاكاة الحياة العملية بشكل يجعل الطالب متكيفا مع الواقع,

علي فكرة هوا دا المشروع اللي كنت قلت اني هطرحه بس حضرتك نوهت له بعد كدا في احدي مشاركاتك و لم اجد رد فعل

انا شايفه ان المشروع دا مفيد جداااااااا

لانه هيبقي ممون للكلية ممكن نسخر عائده المادي في البحث داخل الكليه و شراء ما يلزم من ادوات و اجهزه

و كمان الطالب يعيش الواقع بنفسه لدرجة اني كنت بفكر نخلي طلبة البكالريوس هم المسئوليين عن الصيدليه و بالطبع يبقي عليهم دكتور مشرف عشان يرجعوا ليه في اي استفسار لكن كل الشغل يبقي عليهم

حتي لو كل طالب يقعد ساعه هيستفيد جدا

و كمان بدل سكاشن التوكسو ما تبقي cases من غير تخيل

نجيب الادوية من الصيدليه و نعمل تمثيليه طالب ياخد دور المريض و المعيد يشرح عليه

و الادويه المستخدمه نشوفها بعنينا و بدايلها و التركيزات و الدوز و كم مره!!...بتهيألي دي هتفرق كتير اوي معانا

نفسي حلمي يتحول لحقيقة

كده هتتخرج صيدلي و أنت رافع راسك

[Amira Said]

http://www.pharma-board.com/board/sh...ad.php?t=20616
-----
لمناقشة البرنامج

[Shady-Let`s Go]

ياه يا دكتور اكاد اجزم لك ان كلنا ان ماكنش معظمنا ماكنش عارف يتصرف في اي موقف حصل له في الصيدليه

كلنا فاكرين لما وقفنا في الصيدليه لاول مره غير مؤهلين لاي حاجه و انعدام الثقة بالنفس اللي بتكون نتيجة اكيده لاعتمادك علي واحد او واحده في الصيدليه دبلووووووم هيا اللي بتشربك الصنعه

مش عارفين نتعامل مع المريض ازاي مش عارفين نبتسم له لان الابتسامه صدقه ولا نكشر و نترسم عشان يعرف اني صيدلي مش عامل


((مطلوب اننا ندرس مع ماده علم النفس طبيعة المريض و كيفية التعامل معاه و شوية تنميه بشريه))



جهل تااااااااااام بالاسماء التجاريه و بالتالي تلاقيك واقف قدام المريض زي التلميذ الخيبان و غير كدا ,,,,,اطرش

ايوه اطرش

المريض يقولك هات كذا و انت عامل كدا و تقوله نعم حضرتك بتقول ايه

ساعات كتير المواد الفعاله نساها او تفتكرها بس تنسي تبع ايه دا طبيعي لانك اخدت اكتر من 1000 في ترم

((يبقي لازم نبدأ دراسه الفارما من اول سنه عشان نلحق نلم اكبر قدر ممكن علي مدي 5 سنوات مش نقلبهم بسرعه في سنة ولا اتنين))

التعامل مع الحالات اللي جايه يا دكتور انا تعبان و ضرسي بيوجعني اخد ايه

يا دكتور انا عندي حبوب في جسمي لونها احمر دي ايه

يا دكتور رحقت للحلاق و جالي بقع بيضا

يا دكتور انا عندي ضغط ينفع اخد الحقنه دي مسكن

هل في تفاعل مابين الدوا دا و اللي باخده؟؟؟؟؟

طبعا اول حاجه بقول لنفسي هوا انا اساسا دخلت كليه في القطاع الطبي

ممكن يكون في حاجات اخدناها في الكليه و لكن طريقة تدريسها كانت ازاي؟؟؟؟؟

مافيش تخيل ....مافيش ربط بين المعلومات......مافيش امثله من الواقع ........مافيش فهم هيا كدا

و الدكتور الفاضل مش عنده وقت عاوز يحشي عقول الطلبة بأكبر قدر ممكن لان المنهج محدد و الساعات قليله و لازم تاخده كله ومش بيفكر ابدا اني لو وصلت معلومه تتنفذ في حياة الطالب العملية افضل مليون مرة من التلقين

الكلام النظري كتير ومالي الكتب لكن القدره علي تنفيذ النظري هيا الابداع

و ماينفعش اكون صيدلي من غير ما يكون عندي فكر و تخيل و ابداع و قدره علي ربط كل المعلومات


و لما تقتل فيه كيانه و تنزع عنه الصفات الضروريه في مجاله يبقي قتلت مستقبله كصيدلي فعال

فكر كدا في اي مجال ممكن الصيدلي يسلكه بعد تخرجه هتلاقيه لازم يكون عنده قدره علي التخيل

سواء في البحوث في المصانع في الكواليتي كونترول او حتي الصيدليه الاهليه
وفي الاخر نلوم الصيادلة و نقول هوا مستوي الصيادلة ليه بقي في النازل؟؟؟؟؟؟

انا اسفه اني اقول الكليه لم تؤهلني بتاتا بصراحه بعد ما خلصت 5 سنين في صيدله احتاج 5 سنين عشان اعلم نفسي ازاي اكون صيدلي

دا البعض و للحديث بقيه ان شاء الله

كلااااااااااااااااااااام جميل جدا جدا انا طالب في اولي دخلت الكليه وانا فرحان والوالد بيقول الدكتور راح الدكتور جه وانا اساسا مش بعرف حاجه زيي زي اي حد عادي دخلت اعدادي قولت هالاقي ادويه ومستحضرات و....................وللاسف لايت كمياء وفيزياء وكهربيه وحيوا وانا ماحادش قالي المواد دي لازمتها ايه حتي الدكتور من المفروض انه يقولي الكورس دا لازمته ايه لكن للاسف هو بيدخل يشرح في المنهج علي طوووووووول خلصت اعدادي وجات الاجازه قولت اروح اقف في الصيداليه واعمل فيها دكتور بقا وارسم الدور لاتني مش فاهم حاجه وكل ماحفظ دواء انسا صبرت نفسي وقلت انا لسه صغير دخلت اولي لايت في صيدلانيات فرحت وقولت هاااااااااااااااااايفرجت لقيت حاجه قريبه من الصيدله انا بقيت صيدلي خلاص لقيت كورس كببببببببببببببببر وذكرت ولايت في الاخر الحفظ هو الي بيجيب نتيجه انا من الاخر بقيت كل ام **اخش سنه جديده ببق عامل زي الي اتخبط علي دماغه وجاله ارتجاج ودايخ وما بفوقش الا مالسنه تخلص وتيجي الاجازه

[كوكى 66]

بجد يا دكتوره summer breeze كلام حضرتك عجبني جدا اولا لانه سهل يتحقق مش صعب
هو انا تقريب اصغر واحده ولسه ماخدتش فكره عن المواد اللي هدرسها بعد كده
بس زي حضرتك ما قولتي انا لما مثلا يكون في حاجه مش فاهماها وادور عليها واجمع معلومات عنها من كذا مكان بحس ان انا عرفت حاجات كتير وعمري ما بنسي اللي عرفته بالطريقه دي بس للاسف مع الكميات والامتحاات اللي ورا بعضها بضطر للحفظ وقلب المواد.وللاسف مبفتكرش اي حاجه والانيل لما حد يسالني عن حاجه بعد كده ومكنش عرفه ارد عليه بيكون رد الفعل ...(امال انتوا بتاخدوا ايه في الكليه بتاعتكوا دي!!!!!!!) وحته لما باجي اخد دورات تدريبه في الاجازه اغلبها اكلينيكي بقعد مبكونش فاهمه حاجه.
-----
سوري كان في مشكله قابلتني هيه بصراحه مشكله غبيه جدا يعني في الاورجانيك في اولي كنا بناخد عملي اللي هندرسه في نظري تانيه كان فيها ايه لما العملي يكون تطبيق علي النظري وكذلك في العقاقير يبقي العملي بتاع النظري اللي هناخده الترم التاني وكذلك الميكرو والصيدلانيات برده
هوه حرام يعني لما اخد النظري واطلع في المعمل اطبق عليه عملي ده قصور من مين بقي لما احفظلي كلمتين من اشرق وكلمتين من الغرب واروح اصب في الامتحان
في حين ان المواد اللي كان بيبقي فيها النظري والعملي هم هماهم بجد كانت بتكون مواد سهله ومش محتاجه تعب لان اللي بدرسه بشتغله