ساحة حوار الفيتو الترم التاني

[رقة القلب]

حد عنده فكره ياجماعه عن امتحان طلاب فرصة من الخارج
وياريت حد يسأل ويبلغنى ضرورى جدا وربنا يجزيه كل خير

[Dr/HULK]

الدكتورة أمل قالت:
تجربة الاساى وشيت بس
الا اذا كانوا غيروا رأيهم

شكرا لحضرتك يادكتورة

اصل كليتنا دى الطلبة فيها تموت لو مبطلوش اشاعات

[Anas]

حد عنده فكره ياجماعه عن امتحان طلاب فرصة من الخارج
وياريت حد يسأل ويبلغنى ضرورى جدا وربنا يجزيه كل خير

مش متعلق اي حاجة بخصوص طلاب الفرصة من الخارج

بس هما تقريبا بيمتحنو مع طلبة التخلفات

و دي مواعيدهم

و هحاول اسأل النهاردة او بكره ان شاء الله في الكلية

[محمد_على_سلام]

ازيكم يا شباب متقلقوش خالص من امتحان العملى ده
كل العملية شوية titration against fehling وان شاء الله هيعدى على خير على فكرة احنا امتحناه السبت اللى فات بس عندنا كان ميد ترم عملى مش العملى النهائى وربنا يوفقكم ويكون الامتحان سهل ان شاء الله

[ahmed helmy]

هو احنا هنمسك السحاحه في ايدينا ولا نشعبطها في الحامل
وياريت لو حد يقولي ايه الادوات المطلوبه بالظبط

[Anas]

هتمسكها في ايديك ... و السامبل هي اللي في السحاحة
" و انت بتغسل السحاحة بالسامبل اغسلها بأقل كمية ممكنة لان انت اصلا معاك كمية مش كبيرة "

و تحط في الفلاسك 5 مل fehling A تاخدهم بماصة 5 مل bulb
و تحط عليهم 5 مل fehling B تاخدهم بماصة تانية 5 مل bulb

* نزود الفلاسك بـ 40 مل ماء

و تحط الفلاسك عالنار مباشرة لحد ما تبدأ تغلي
و تبدأ تنزل من السحاحة 1 مل و تستنى لما تتقلب و كمان 1 مل و هكذا
لحد ما اللون يبقى أحمر ... تقوم ضايف 4 نقط methylene blue
هتلاقي اللون قلب ازرق .. تضيف من السحاحة 0.5 مل و تستنى 10 ثواني
و هكذا لحد ما اللون الأزرق يختفي و يبقى اللون كله أحمر خالص ... تشوف الاند بوينت دي كام

و تعمل فلاسكة جديدة و تسيبها عالنار لحد ما تغلي
و تضيف كمية من السامبل = اند بوينت - 1

و تحط الـ 4 نقط methylene blue
و تضيف بعدها من السحاحة 4 نقط و تستنى 10 ثواني و 4 نقط و هكذا لحد ما الفلاسكة كلها تبقى أحمر خالص

لو معاك سامبل كمان و لسه في وقت اعمل كمان فلاسكة للتأكيد

تكتب الإند بوينت في الورقة و تسلمها و تدعيلي

[بنت الشاطىء]

يعنى احنا بنضيف ال4 نقط ميثلين بلو لما يبقى لون الفلاسك احمر خالص ولا احمر فيه تنج ازرق
ارجو الرد

[Anas]

المفروض و الصح ... بنضيفها لما يبقى لون الفلاسك أحمر خالص

بس لو حد خايف ان اللون يعدي منه ممكن في أواخر اللون الأزرق " يكون فاضل لون أزرق خفيف "

لكن في الحالة دي بتستهلك وقت أكبر ... لاننا بعد اضافة الـ Methylene blue بننزل من السحاحة 0.5 مل كل مرة

[محمد_على_سلام]

يعنى احنا بنضيف ال4 نقط ميثلين بلو لما يبقى لون الفلاسك احمر خالص ولا احمر فيه تنج ازرق
ارجو الرد

بصى يا دكتورة حضرتك تحطى ال4 نقط لما يبقى اللون فى الفلاسك زى لون البنش فى قسم العقاقير
وبعدين حطى 4 نقط ميثلين بلو هيديكى ازرق او بنفسجى حسب تركيز العينة اللى مع حضرتك وتبتدى تضيفى نصف مل بنصف مل لحد لما تحسى ان الازرق بدأ يختفى تحطى 4 نقط وتستنى 10 ثوانى لحد لما توصلى لاكتر احمر يظهر معاكى وبعدين ضيفى 4 نقط تانى لو اللون مفتحش يبقى الايند بوينت هو الرقم قبل اضافة 4 نقط الاخيرة
وطبعا لو فى سحاحة بتسرب كام نقطة هتفرق فى الايند بوينت
لو سربت على البنش عدى النقط كل 2 نقطة ب 0.1 مل

وبالتوفيق ان شاء الله

[bosbos]

فى كالكيوليشن هتتحفظ ياجماعه ..او ممكن يجى unknown carbohydrates...والامتحان هيبى اوبن بوك ولا لاء ؟؟؟