صفحة 1 من 2 12 الأخيرةالأخيرة
النتائج 1 إلى 10 من 13

الموضوع: ليه الزل ده

  1. #1
    Pharma Student
    تاريخ التسجيل
    Oct 2008
    الدولة
    مصر هي امي
    المشاركات
    120

    افتراضي ليه الزل ده

    يا دكاترة صحابي بتتريق على نتيجتى فى الترم الاول وهم فى اسنان و هندسة و جايبين 83% ما شاء الله معرفش بقى ليه هل لانها اصعب منهم الاتنين ولا ايه حد يرد عليا يا جماعة هاموووووووووووووووووووووووووووووت

  2. #2
    Pb Elite
    تاريخ التسجيل
    Apr 2009
    المشاركات
    566

    افتراضي

    دكتورة احنا فى اول الطريق خالص ولسة بنقول ياهادى متياسيش صحيح الواحد داخل بمجموع طب اللى هو اعلى من اسنان وهندسة وكنا متعودين على مستوى معين وعمرنا ماقلينا عنه وفعلا الواحد لاقى نفسه تايه فى الكلية وفى المواد لكن اكيد اكيد فى اولى الوضع هيختلف ليييه اولا عشان المواد بجد هتبقى صيدلى انتى عارفة ان كل اللى بناخده ده حتى النبات لايمت للصيدلة باى شىء وده مش كلامى لكن كلام العميد ودكتور حسن الكاشف ودكتور جوهر وقال ان اللى كانوا بيدرسوه دكاترة علوموبيقول انه كان اكتر تعقيدا من الوقتى هما اللى قالوا كده وطمنونا وتانى حاجة ان احنا هنكون اكتسابنا خبره كتير حلوة واكيد هتفدنا اكيد هنتعلم من الاخطاء الى وقعنا فيها السنة دى مش تياسى ربنا يسهلها معانا يارب تانى حاجة هندسة عموما من الكليات اللى مش عاوزة مذاكرة كتيير صحيح هى مش سهلة خالص لكن هما طبيعت الكلية بتاعتهم كده ام طب اسنان وطب بشرى والله العظيم اصحابى هم اللى قالولى بنفسهم انهم مش دخلوا صيدلة عشان الكمياء والنبات يعنى من وجهت نظرى والله اعلم ده صحيح ام لا ان صيدلة يمكن تكون اصعب ده اللى لحظته من كلام صحابى وفى ناس كتير بتقول كده وبعد ين انا مقتنعة بجد اقتناع كامل ان صيدلة اكتر كلية راقية ومش ا حد يدخلها دى عاوزة ناش مخصوص دماغهم بتفكر مش بتحفظ والله لازم تفتخرى انك فى صيدلة ونالكيش دعوة باى كلام يتالقك الوقتى اكيد السنة الجاية واللى بعدها هتتحسنى صدقينى ومتشليش هم ان شاء الله يوفقنا واسفى للتطويل

  3. #3
    Pharma Student
    تاريخ التسجيل
    Oct 2008
    الدولة
    مصر هي امي
    المشاركات
    120

    افتراضي

    ربنا يخليكى ليا و للشعب الصيدلاوى يا رب

  4. #4
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    اقتباس المشاركة الأصلية كتبت بواسطة rofaa مشاهدة المشاركة
    يا دكاترة صحابي بتتريق على نتيجتى فى الترم الاول وهم فى اسنان و هندسة و جايبين 83% ما شاء الله معرفش بقى ليه هل لانها اصعب منهم الاتنين ولا ايه حد يرد عليا يا جماعة هاموووووووووووووووووووووووووووووت



    كلامك دة بقى يخليني أعيط دلوقت .. أصلك فكرتيني

    أولا مالناش دعوة بحد ..

    ثانيا .. الطالب في أول سنة في الكلية بيكون مش عارف اجابة سؤال مهم هو ( كيف أذاكر ؟ )
    ولا بيكون عارف حاجة في أي حاجة ,
    ولا حتى عارف الفرق بين المعيد و الدكتور , أو الفرق بين المحاضرة و شرح العملي .. أهو كلهم دكاترة


    بس الشاطر اللي بيعرف الوضع بسرعة ..

    وبعدين للأسف سنة اعدادي بتعقد الناس , و أحلفلك بالله ان الكلية أحسن من كدة بكتير و انك هتحسي فيها انك فاهمة كل حاجة و انك شاطرة بس قدام شوية .. اصبري

    سنة اعدادي دي مش الصيدلة يا جماعة و لا دي الكلية ..

    الجاي أحسن ان شاء الله بجد مش بكدب عليكي ..

    هتبدأوا في سنة أولى تعملوا أدوية .. شراب مانع للقيء , و غرغرة للفم , و مستحلب أبيض كدة زي اللبن بيسموه emulsion ..

    حاجات جميييييييييييييييييييييييييييلة

    صبرا جميلا .. اعدادي يضاف منها نسبة بسيطة جدااا للتراكمي ولا تحسب في مرتبة الشرف ..

    و قريبا في اللائحة الجديدة تلغى سنة اعدادي ..

    الجاي أحسن وبكرة تفتكري ..


  5. #5
    Pharma Student
    تاريخ التسجيل
    Sep 2008
    المشاركات
    3,366

    افتراضي

    اقتباس المشاركة الأصلية كتبت بواسطة pharmacistina مشاهدة المشاركة



    هتبدأوا في سنة أولى تعملوا أدوية .. شراب مانع للقيء , و غرغرة للفم , و مستحلب أبيض كدة زي اللبن بيسموه emulsion ..

    حاجات جميييييييييييييييييييييييييييلة


    اهو انا بقى بجد نفسى فى دا
    انا اول السنه حسيت انى عندى احباط
    كانت الدراسه غير توقعاتى خاااااالص
    حسيت انى فى زراعه او علوم مش صيدله
    ولقيت الناس حواليا منبهرين بجو الجامعه ومش مهتمين
    بس الحمد لله انا خدت بالى وعرفت النظام بدرى
    ويا رب يا دكتوره ان شاء الله ربنا يكرمك كده فى النتيجه وانتى اللى تغيظى اصحابك

  6. #6
    مسئول الجمعية العلمية
    تاريخ التسجيل
    Nov 2007
    المشاركات
    1,173

    افتراضي

    يا ولاد استهدوا بالله كده ومتستعجلوش ع رزقكم

    أولا أعدادى دى مرحلة اعداد وتهيئة ازاى تذاكروا بالانجلش ازاى تعبروا انجلش ازاى تحفظوا مصطلحات تقريبا معظم منهج اعدادى درسناه قبل كده

    هتطلعوا اولى بقى ان شاء الله هتلاقوا مناهج أصعب عشر مرات وأطول عشر مرات بس ع قلوبنا زى العسل هنتعب أوى بس بنذاكر واحنا مرتاحين نفسيا حبة والتقدير تقريبا بيزيد حوالى 10 % والامتياز سهل فى أولى كمان

    وكفاية هتأخدوا صيدلانيات


    هتبدأوا في سنة أولى تعملوا أدوية .. شراب مانع للقيء , و غرغرة للفم , و مستحلب أبيض كدة زي اللبن بيسموه emulsion ..
    حاجة زى الفل كأنكوا فى صيدلية بتعملوا تركيبات

    وهتتبسطوا بس هتتعبوا فى المذاكرة لذيذة وعيشووووووووا يومين وانسوا الدراسة قبل ما النتيجة تطلع

  7. #7
    Pharma Student
    تاريخ التسجيل
    Apr 2007
    المشاركات
    1,578

    افتراضي

    ليه يادكتوره كدا اوعى تزعلى وانا مش عارفه ازاى بنقارن تقدير بين كليه وكليه
    ازاى اقارن بين طالبين لم يخضعوا لنفس الظروف لأ بل لكل منهما مجاله المختلف تماما عن الآخر
    اعدادى سنه من أسهل سنين الكليه ومن اصعبها أسهلها من حيث المناهج وقله تكثيف الامتحانات يعنى هو امتحان عملى ونظرى وقلما وجدتى امتحان شيت أو شفوى ومن أصعب السنين لأنك بتنتقلى من عالم لعالم تانى خالص مجهول ومش عارفه فيه حاجه بتنتقلى من مرحله لمرحله مختلفه بتبقى مش عارفه ازاى تذاكرى مش فاهمه ايه الوضع اللى انتى فيه ولا ازاى تتواكبى مع الظروف الجديده اللى انتى بتعاصريها والله كلنا فى اعدادى كنا حاسين بالضياع وانا استحاله فى يوم امشى فى الكليه دى انا مش فاهمه انا ضايعه مشاعر كتير وكلمات كتيره رددناها بل وصلنا لمرحله اننا مش مصدقين اللى بيتقالنا عن اعداى واننا فى المراحل اللى جايه هيكون كل شئ عادى وهنقدر نستوعب ونتكيف ومصدقناش الا فعلا لما جربنا المهم انك مش تستسلمى لليأس ولا تنظرى لكلام ممكن يضرك كتير اللى جاى هو المهم وهو مشوار كل خطوه فيه صعبه بس كل لما تمشى فيه شويه شويه بيقرب هدفك وببتكتسبى خبره وبكره تكون اعدادى ذكرى وان شاء الله ربنا يوفقك فى اللى جاى وتحققى أكتر مماتتمنى بس لازم يكون عندك ثقه وصبر وأمل ان اللى جاى أحسن بكتير

  8. #8
    Pharma Student
    تاريخ التسجيل
    Feb 2009
    الدولة
    in house
    المشاركات
    394

    افتراضي

    اقتباس المشاركة الأصلية كتبت بواسطة pharmacistina مشاهدة المشاركة



    هتبدأوا في سنة أولى تعملوا أدوية .. شراب مانع للقيء , و غرغرة للفم , و مستحلب أبيض كدة زي اللبن بيسموه emulsion ..

    حاجات جميييييييييييييييييييييييييييلة

    الله !!!
    نفسي اعمل الحاجات دى عشان احس انى دكتورة بجد
    بجد فرحتينى عشان كنت فاكرة الحاجات دى لسه بدرى على ما نعملها

  9. #9
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    اقتباس المشاركة الأصلية كتبت بواسطة goodverse مشاهدة المشاركة
    الله !!!
    نفسي اعمل الحاجات دى عشان احس انى دكتورة بجد
    بجد فرحتينى عشان كنت فاكرة الحاجات دى لسه بدرى على ما نعملها
    من السنة الجاية ان شاء الله ..

    هتزهقي منها ..

    و هتعملوا لبوس ..
    أهم حاجة اللبوس دة ظريف ..

    معجون أسنان ,

    شامبو سائل ..

    كريمات ترطيب و كريم تنظيف ..

    هترهقوا من الكلام دة , بس أنصحكم اتعلموا صح ابتداء من السنة الجاية , ذاكروا و حبوا المواد و احضروا المحاضرات و اسألوا الدكاترة ..

    اتعلموا الصنعة

    مهو دة أكل عيشنا ..

    اللي هيبدأ يفهم من سنة أولى صيدلة هيبقى - ان شاء الله - صيدلي ممتاز ..

    و المنتدى هنا بيجمع مجموعة كويسة ..

    اسألوا هنا ع المنتدى لو عايزين ..

    ( يا رب نعرف نجاوب , ربنا يسترنا ان شاء الله )

    زملاءكم طلاب البكالوريا تحت أمركم ..


  10. #10
    Pharma Student
    تاريخ التسجيل
    Apr 2007
    الدولة
    mansoura
    المشاركات
    64

    افتراضي

    اقتباس المشاركة الأصلية كتبت بواسطة pharmacistina مشاهدة المشاركة



    كلامك دة بقى يخليني أعيط دلوقت .. أصلك فكرتيني

    أولا مالناش دعوة بحد ..

    ثانيا .. الطالب في أول سنة في الكلية بيكون مش عارف اجابة سؤال مهم هو ( كيف أذاكر ؟ )
    ولا بيكون عارف حاجة في أي حاجة ,
    ولا حتى عارف الفرق بين المعيد و الدكتور , أو الفرق بين المحاضرة و شرح العملي .. أهو كلهم دكاترة


    بس الشاطر اللي بيعرف الوضع بسرعة ..

    وبعدين للأسف سنة اعدادي بتعقد الناس , و أحلفلك بالله ان الكلية أحسن من كدة بكتير و انك هتحسي فيها انك فاهمة كل حاجة و انك شاطرة بس قدام شوية .. اصبري

    سنة اعدادي دي مش الصيدلة يا جماعة و لا دي الكلية ..

    الجاي أحسن ان شاء الله بجد مش بكدب عليكي ..

    هتبدأوا في سنة أولى تعملوا أدوية .. شراب مانع للقيء , و غرغرة للفم , و مستحلب أبيض كدة زي اللبن بيسموه emulsion ..

    حاجات جميييييييييييييييييييييييييييلة

    صبرا جميلا .. اعدادي يضاف منها نسبة بسيطة جدااا للتراكمي ولا تحسب في مرتبة الشرف ..

    و قريبا في اللائحة الجديدة تلغى سنة اعدادي ..

    الجاي أحسن وبكرة تفتكري ..

    هو بالظبط كده وكمان عندكوا اعدادى بتبقى اكتر مشكله انك تذاكرى بالانجلش وده بياخد منكم وقت كتير اوووووووى فى المذاكرة لكن بالتعود هتلاقى الموضوع عادى وسهل جدا
    والصح اساسا مفيش حاجه اسمها مقارنه بين طالب فى صيدله وطالب فى هندسة
    كليه صيدله فيها مواد كتير بتعتمد على الحفظ اما هندسه اغلبها فهم فازاى تقارنى بين الكليتين
    اصبرى وان شاء الله السنة اللى جايه تجيبى التقدير اللى نفسك وبتحلمى بايه

صفحة 1 من 2 12 الأخيرةالأخيرة

المواضيع المتشابهه

  1. السيجارة .. السم القاتل وعلاجه
    بواسطة *محبة رسول الله* في المنتدى المنتدى الاسلامى
    مشاركات: 15
    آخر مشاركة: 29-06-2010, 11:10 PM
  2. معا نحو مكافحه مرض السل
    بواسطة s.m.e في المنتدى صيــدلـي المسـتقبل
    مشاركات: 4
    آخر مشاركة: 24-03-2008, 04:17 AM
  3. دعوة للقضاء على مرض السل (الدرن )
    بواسطة M.3esawy في المنتدى صيــدلـي المسـتقبل
    مشاركات: 1
    آخر مشاركة: 30-03-2007, 01:07 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •