واخدها عن حب ..........؟

[الواثقة بالله]

للاسف الشديد واخداها عن حب
من وانا صغيرة خالث كان نفسى ابقى دكتورة بس ماكنتش محددة النوع
وبعدين لما كبرت شويه كان نفسى اوى ابقى دكتورة امراض نفسيه وعصبيه ولحد دلوقتى على فكرة
بس لما دخلت 2 ثانوى حبيت ادخل صيدله وحبيتها جدا الحمد لله
بس مش بحس بحبها وانا جوة الجامعه للاسف
بس بحس فعلا انى بحبها ومش بندم انى دخلتها وبحس فعلا انى دكتورة لما بروح الصيدليه فى الاجازة
وفى نفس الوقت بردة ليا بصمه مع الامراض النفسبه
ربنا يوفقنا كلنا للخير
وحتى لو فى ناس مش بتحبها اوى فلازم نتاكد انه هو الخير
وربنا مش بيكتب لحد حاجه وحشه
اسفه على الاطاله

[* lovely heart *]

[COLOR="DarkSlateBlue"]للاسف الشديد بقى انا عمرى فى حياتى ماحطيت لى هدف ادخل ايه
لانى كنت كل مرة اقول نفسى اجيب كذا واعمل كذا ومفيش حاجة كانت بتتحققر
كان العكس دايما اللى بيحصل
وطبعا انا خفت اتمنى انى ابقى دكتورة ليحصل عكس كدة

لحد ماجت الصاعقة الكبرى بقى
فى تانيه ثانوى كدة يعنى جبت مجموع هو حلو بس امى كان نفسها اكون احسن من كدة
وبما انى البكرية بقى فاملها انى انا الوحيدة اللى اعوضها

ومن يومها قالتلى نفسى تدخلى صيدلة واتمنى انك تحققهالى بجد
والله من يومها حطيت هدف صيدلة قدامى
وكنت دايما بدعى ربنا انه ينولهالى
مش عشانى عشان دى امنية امى

والحمد لله بما ان الهدف كان تلبيه دعوة امى اولا وكمان حاجة كويسة لى ثانيا
فانا حبيت صيدلة من قبل ام اشوفها وكانت لى رغبة اولى والحمد لله جتلى
وكل اللى حولى فرحولى وهنونى لم جتلى صيدلة ومحدش هنانى اوى فى المجموع الا لم يشوفى التنسيق

حققت امنيتك ياامى ويارب يخليكى ل

[A.Denewar]

لا انا مكنتش صيدلة دي في بالي اطلاقا
انا كان نفسي ادخل سياسة واقتصاد وكانت بتاخد من علمي 98.5% ولما جبت 99% كنت فرحانة اوي اني هدخلها
لكن وقعت الصاعقة لما دخلت علي النت قبل كتابة الرغبات بيومين
لقيت انها لا شيء لمن لا يملك وساطة مع وزير او سفير او ممثل او راقصة مهذبة ............للاسف الشديد
وبعدين بقي قدامي طب او صيدلة او طب اسنان
وانا مش هقدر استحمل شكل حد سايح في دمه او امراض جلدية ولا اقدر استحمل اشتغل في فم واحد
وخلصت الحكاية دخلت صيدلة وبعد مرور سنتين بحب صيدلة جدا وبفتخر خصوصا اني من صيدلة المنصورة وبفتخر وبحب دفعتي جدا جدا جدا لانها دفعة رائعة وفيري اكتيف
ولكني ما زلت احن لحبي وحلمي القديم (كلية سياسة واقتصاد)

[white light]

كنت بحبها من تانيه ثانوى

وكنت بحلم بأرتباطى بيها كانت حافز لى للمذاكره لكن
اتصدمت فيها من اول اعدادى مكنتش اتوقع ده منها
من المواد اللى كان ملهاش اى لازمه

بس برده لسه بحبها ونفسى بجد تطور شويه
من المناهج العقيمه اللى بنوجع دماغنا بيها
والتى لا تفيد ربنا يسامحها بقى

بكل الاحباط والمجهود وتعب الاعصاب اللى
شوفته معاها لسه برده بحبها
وفخوره انى فيها

وربنا يجعل كلامنا خفيف عليها
ومتزعلناش منها

[محمد سمير]

لا انا مكنتش صيدلة دي في بالي اطلاقا
انا كان نفسي ادخل سياسة واقتصاد وكانت بتاخد من علمي 98.5% ولما جبت 99% كنت فرحانة اوي اني هدخلها
لكن وقعت الصاعقة لما دخلت علي النت قبل كتابة الرغبات بيومين
لقيت انها لا شيء لمن لا يملك وساطة مع وزير او سفير او ممثل او راقصة مهذبة ............للاسف الشديد
)

انا اخويا واخد سياسه واقتصاد

واشتغل من غير واسطه ولا حاجه

اشتغل بمجهوده وتقديره العالى

وهو حاليا فى رئاسة الوزراء فى مركز دعم واتخاذ القرار

وكان مديره د ماجد عثمان اللى اصبح وزير الاتصالات حاليا

يلا كل واحد بياخد نصيبه

وربنا يرجع اخويا بالسلامه لانه سافر النهارده الكويت تبع الشغل وراجع بعد اسبوعين

[cendrella]

ياااااااااااااااااااااااااااااااه
انا مهما وصفت انا بحبها اد ايه مش هاقدر الاقي كلام بجد
وانا طفلة صغيرة كنت دايما العب اني في صيدلية وبابيع الدوا وباكتب الروشتات واصرفها واشتري طلبيات واكتب الاستخدام وكدة يعني
وطبعا في الثانوية العامة كتبتها رغبة اولى وكل الناس كانت معارضاني لاني كنت جايبة 99
وكنت باقابل ناس ماعرفهمش في الشارع يسالوني انتي دخلتي صيدلة ليه مش خسارة المجموع كنت برد واقولهم بحبها
وفعلا رغم اني اتصدمت في اعدادي شوية بس حبي ليها لم يتاثر بالعكس كل يوم بيزيد
دلوقتي وانا في سنة رابعة مش عارفة هاسيبها ازاي فعلا كانت احلى سنين عمري ولو الزمن رجع تاني مليون مرة اكيد هادخل صيدلة

[thelovertiger]

تصدق مش عارف انا واخدها عن ايه؟؟؟


مش فاكر
هفكر شوية وافتكر

[ضياء القلب]

كنت بحلم بيها ديما
سبحان الله معرفش نويت ادخلها ازاى
كانت فى ضغوط كتيره جدا للرجوع عن الحلم ده بس الحمد لله تمسكت بيها لاخر لحظه بعد مارحت
كتبت الرغبات وعدلتها 3 مرات وربنا هدانى ف المره الاخيره
وكانت حبى الاول والاخير صيدله رغبة اولى
اتصدمت فيها بس انا مؤمنه جدا ان اى حاحه مش لازم تيجى لينا على طبق من فضه لازم تعب وكفاح بس اهم
حاجه نكون مقتنعين باللى بنعمله
والحمد لله ادى 3 سنه ليا ف الكليه صحيح رخمت شويه بس بحبها برضه مهما عملت فيا

ربنا يوفقنا جميعا ونكون خير صيادله لخير بلد فى الوجود

[pharmachemist]

واخذتها عن حب امى ليها مع انى مش اول واحد ولكن 3 واحد فى الاسره بصراحه كنت عاوز اغير ولكن لحبى الشديد لامى ولحبى انى ارضيها دخلتها وحبتها على حب امى ليها والحمد الله حاسه انها فعلا جميله حاسه انى بتعامل مع عقليات كتير مختلفه من المرضى وحاسه ان مصدر الثواب فيها كتير حتى مجرد الكلام والتخفيف عن المرضى الامهم واوجاعهم مش بداوء بس بالكلام كمان بجد حاسها حاجه جميله جدا وده طبعا بعيد عن الدراسه وعن لى احنا تنشوفه فى الكليه دى بس الحمد الله على كل شى بجد نفسى اكون صيدلانيه بجد ربنا معايا ومعاكم كلكم ياااااارب ربنا يوفقنا الى ما يحبه ويرضاه

[A.Denewar]

وربنا يرجع اخويا بالسلامه لانه سافر النهارده الكويت تبع الشغل وراجع بعد اسبوعين

ربنا يرجعه بالسلامة ان شاء الله
لكن دي حالات نادرة وربنا يوفقه
انا جاري كان خريج سياسة واقتصاد وللاسف اتخرج واشتغل محاسب زي خريج تجارة يعني............ وطبعا اقنع والدي اني مدخلشي سياسة
وواحدة في سياسة واقتصاد كمان .........والدها قال لوالدي ياريتها كانت دخلت تجارة
وطبعا كان من الطبيعي جدا.............بالضغط من جميع اعضاء الاسرة اني استسلم
رغم تمسكي الشديد جدا بيها
والغريبة اني لسه بفكر فيها وبحن لها لحد دلوقتي
بس يلا الحمد لله اكيد صيدلة خير لي