المشاركة الأصلية كتبت بواسطة A.Elrayes
من المواقف الغريبة اللي مريت بيها في الشفوي المديسنال الترم الاول من رابعة
انا دخلت عالدكتور قمت قايل دعاء وقاعد عالكرسي وتقريبا الدكتور سمعني
بعد كده سأل السؤال الاول فقلت بسم الله الرحمن الرحيم وجاوبت
قالي يا حبيبي التسميه مرة واحده فانا افتكرت ان انا قلت اسم المركب مرتين
المهم سأل السؤال التاني فقلت بسم الله الرحمن الرحيم
الدكتور زعقلي وقالي انا قلتلك التسمية مرة واحده انت هاتعملي فيها شيخ ولا فاكر نفسك حازم شومان
اهو انتوا فالحين في كده وخلاص وفضل يزعق بطريقة غريبه وبعد كده كل ما اقوله علي اجابه يقولي غلط وفالاخر يقول نفس اجابتي بكلمات مختلفة
المهم في الاخر عطاني ورقة الغياب امضي فاتاخرت
فبيقولي بتعمل ايه قلتله اسمي احمد عبد الله عبد السلام عبد المجيد لقيته بيقولي ايه عبد عبد عبد دي قوم قوم
فانا خفت يعطيني درجه وحشه فبقوله يا ريت تعطيني درجه حلوة انا السابع عالدفعه لقيته بيقولي وانا مالي السابع ولا السبعميه قووووووووووووم
لا حول ولا قوة الا بالله
طب ايه اللى زعله يعنى فى ان حضرتك بتسمى قبل البدء فى اى اجابة !! دى حاجة المفروض انها كويسة جدا وبعدين هو ايه علاقته اصلا اذا كنت حضرتك بتسمى ولالا دة ايه علاقته بالموضوع اساسا!ايه اللى يضايق فى كدة
اعتقد لو حضرتك او اى حد مكانك كان اتناقش معاه او رد عليه كان الرد الطبيعى منه ساعتها انه هيقعد يزعق اكتر واكيد هيدى درجة تحت الارض وساعتها هنبقى برضو احنا اللى غلطانين
وكمان مش عاجبه الاسم!هما عندهم حق يا جماعة احنا المفروض اهالينا كانوا يسمونا اسامى سهلة وسلسة عشان تعجب الدكاترة
.
.
.
دة مش موقف طريف
دة موقف يحرق الدم
.....