صفحة 3 من 5 الأولىالأولى 12345 الأخيرةالأخيرة
النتائج 21 إلى 30 من 48

الموضوع: شايف أولى صيدلة شكلها أزاى

  1. #21
    Pharma Student
    تاريخ التسجيل
    Sep 2008
    المشاركات
    44

    افتراضي

    نصيحة لوجه الله اوعوا تعتمدوا ان دكاترة طب بيحددوا حاجة في المنهج النظام بيتغير من سنة للتانية خليكو عارفين الكلام كمعلومات و في الا خر حدوو او محددوش ابقو ذاكروا الكلام ده يعني مثلا الفسيولوجي كل سنة يحددوا اسئلة الا السنة بتاعتنا عااااااااااااااادي


    الصيدلانيات بالذات لازم تذاكر اول باول و مش مرة واحدة و العضوية لازم تتفهم كويس و التحليلية انا مكنتش ببقى فاهمة حاجة بس الناس كلها بتجيب امتياز فيها و العقاقير برضه لازم تتذاكر اكتر من مرة
    ويارب توصلوا لسنة اولى بسلااااااااااااام
    -----
    نصيحة لوجه الله اوعوا تعتمدوا ان دكاترة طب بيحددوا حاجة في المنهج النظام بيتغير من سنة للتانية خليكو عارفين الكلام كمعلومات و في الا خر حدوو او محددوش ابقو ذاكروا الكلام ده يعني مثلا الفسيولوجي كل سنة يحددوا اسئلة الا السنة بتاعتنا عااااااااااااااادي
    الصيدلانيات بالذات لازم تذاكر اول باول و مش مرة واحدة و العضوية لازم تتفهم كويس و التحليلية انا مكنتش ببقى فاهمة حاجة بس الناس كلها بتجيب امتياز فيها و العقاقير برضه لازم تتذاكر اكتر من مرة
    ويارب توصلوا لسنة اولى بسلااااااااااااام

  2. #22
    Pharma Student
    تاريخ التسجيل
    Oct 2009
    المشاركات
    109

    افتراضي

    اقتباس المشاركة الأصلية كتبت بواسطة *Jessy* مشاهدة المشاركة
    اولي دي من احلي السنين في الجامعه ... جميله جدا جدا

    وهي دي السنه اللي حسيت فيها اني حبيت كليه الصيدله ... هي سهله اوي بس عاوزه تتذاكر علي طول لان المواد طويله شويه بس سهله ..

    اما بالنسبه للمحاضرات فانا اللي نجحني فيها وخلاني اجيب تقدير هو حضوري للمحاضرات لان الصراحه كان معانا دكاتره ربنا يكرمهم يارب ..
    بس مش عارفه نظام الدكاتره عندكم هيبقي ازاي ..

    بس ماتقلقوش منها خالص دي سنه ممتعه جدا ... وربنا يوفقكم ويوفقنا جميعا لما يحبه ويرضاه ..
    يا رب تكون ممتعة فعلا
    أصلي قبل ما ادخل الكلية قعدوا يقولولي صيدلة جميلة صيدلة سهلة صيدلة ممتعة
    ومن ساعة ما دخلت ماشفتش أي حاجة من دي خالص
    قالولي لا ده اعدادي بس لان موادها مواد علوم
    من أول أولى حتحسي أنك بقيتي في صيدلة
    بحاول أكون متفائلة
    بس خايفة أن كل سنة
    يقولولي من أول السنة الجاية الكلية حتبقى جميلة وسهلة وممتعة ....إلخ
    وكل سنة يتكرر نفس الموقف لغاية ما اتخرج

  3. #23
    Pharma Student
    تاريخ التسجيل
    Sep 2008
    المشاركات
    3,366

    افتراضي

    أولى سنه حلوه وممتعه للى هيذاكر من الأول حتى لو قراءه., بس المهم انها تكون قراءه بفهم وتركيز.
    المهم انك ترجع تقرأ اللى أخدته طول اليوم ., ويا سلام بقى لو عملت يوم أخر الاسبوع تذاكر فيه اللى أخدته بالورقه والقلم. ترتب على طول ( دا بجد على فكره مش هزار).
    وسنه تقيــــــــــله وكبيسه وفى فرق شاسع بينها وبين دلع اعدادى للى هيركن لأخر شهر .,

    والحاجات الى هتفيدنا فى أولى علشان نعملها.
    حضور المحاضرات ثم حضور المحاضرات ثم حضور المحاضرات.,
    حتى لو مش فاهمه المحاضره أحب بردو أحضرها بحيث انى لما أجى اذاكرها بعد كده وأفهمها أفتكر ان الجزء دا الدكتور كرره كذا مره أو أهتم بيه

    صدقونى هيا أهم حاجه ., حتى لو شايفين كل حاجه مكتوبه فى الورق.. فيه حاجات الدكتور بيقولها فى المحاضره ومش بتكون موجوده فى الورق وصدقونى هيا دى اللى بييجى منها الامتحان . واتكررت كذا مره معانا فى أولى.,

    لو جينا نشوف ماده ماده فى التيرم الأول .,

    العضوية لاااااااازم تتذاكر من الأول تراجعوا عليها كذا مره لأنها كبيره وبتتنسى بسرعه..
    ميزتها انها متقسمه مش زى بتاعه اعدادى
    .
    فى اعدادى كانت العضويه كلها على بعضها عنوان واحد كبير وتحته كلام كتير.,
    لكن فى أولى الأمر مبسط وواضح أكتر..,

    يعنى متقسمه classes وكل class ممكن تقسمها لتلت عناوين nomenclature & synthesis& reactions . وتذاكرها بناءا على كده هتكون سهله ان شاء الله.

    مش عارفه بصراحه مين هيكون معاكم من الدكاتره بس لو د.على ماهر كان معاكم يااااااااااريت تحضروا المحاضره., ببساطه محاضره د.على ماهر هيا الامتحان.
    يعنى لو جينا نلخص العضويه فى حاجه هنلاقى حضور المحاضره والمذاكره أول باول .

    لو حاسين انكم استفدتم من الكلام قولوا وهأكمل لكم ان شاء الله

  4. #24
    Pharma Student
    تاريخ التسجيل
    Sep 2009
    الدولة
    دمياط
    المشاركات
    1,294

    افتراضي

    اقتباس المشاركة الأصلية كتبت بواسطة منى نور مشاهدة المشاركة
    لو عايزه نصيحتى خدى سكن من الأول وظبطى نفسك حتى لو هتعدى تلت أيام ورا بعض وتروحى باقى الأسبوع.,

    الاستقرار مفيش احسن منه.,ولو حتى فى يومين.
    .
    وزى ما ندى بتقول الحاله النفسيه مهمه جدا فى المذاكره

    المهم تبقى عارفه انتى نفسيتك بتستريح فين!!!

    أنا كنت بأسيب اليومين اللى بأرجع فيهم البيت علشان أريح وألعب فيهم وأشوف عيلتى..

    فبالتالى على عكس ندى كنت باستريح أكتر فى مذاكره المنصوره.,

    بس برضو دى تختلف من حد للتانى ..


    جزاك الله خيرا دكتوره منى

    ان شاء الله أشوف سكن و ربنا يوفقنا جميعا ان شاء الله

    اقتباس المشاركة الأصلية كتبت بواسطة Nada Radwan مشاهدة المشاركة


    فكرى بهدوء ويستحسن تحجزى سكن من دلوقتى..

    لان محدش ضامن الظروف



    ان شاء الله ربنا يوفقنى في سكن كويس لان فعلا محدش ضامن الظروف


    جزاكم الله خيرا كثيرا

    جزاك الله خيرا د/ harypotter على الموضوع
    و ان شاء الله تكون اولى احسن من اعدادى

    -----
    اقتباس المشاركة الأصلية كتبت بواسطة منى نور مشاهدة المشاركة
    لو حاسين انكم استفدتم من الكلام قولوا وهأكمل لكم ان شاء الله
    طبعا بنستفيد

    waiting ....

  5. #25
    Pharma Student
    تاريخ التسجيل
    Dec 2009
    الدولة
    ام الدنيا غصب عن كل جزائرى
    المشاركات
    952

    افتراضي

    لو حاسين انكم استفدتم من الكلام قولوا وهأكمل لكم ان شاء الله

    جزاكى الله خيرا يادكتورة

    طبعا بنستفيد
    فى انتظار تكملة حضرتك

    -----
    جزاك الله خيرا د/ harypotter على الموضوع
    و ان شاء الله تكون اولى احسن من اعدادى
    شكرا يادكتورة
    يارب كلنا نستفيد من الكلام دة
    ويار ب أولى تبقى أحسن من أعدادى

  6. #26
    Pharma Student
    تاريخ التسجيل
    May 2010
    المشاركات
    114

    افتراضي

    السلام عليكم
    ايه الاخبار يادكاتره
    ربنا معكم وتكون النتيجه مبشره وجميله باذن الله

    بالنسبه لاولى
    اولى فعلا جميله وسهله بس اهم حاجه يادكاتره فى المذاكره التنظيم فى الوقت بما اننا قولنا اننا نذاكر من الاول لازم نحط لنفسنا جدول من الاول وياريت لو نعمل كده مع مجموعه من زمايلنا لان ده بيشجع كتير

    بالنسبه للعملى كمان ياريت نركز فيه قوى خاصه لان مثلا التحليليه هتلاقى اللى بيشرح فى العملى هو هواه اللى فى النظرى بس على توسع شويه فى النظرى

    العقاقير كمان هتلاقى اللى بتدرسه فى الهملى تقريبا نص منهج النظرى عشان كده لو اهتمينا بالعملى قوى واحنا بنذاكره ده هيريحنا جدا فى مذاكره النظرى

    اكتر حاجه بجد حبيتها فى اولى الصيدلانيات رغم انها متعبه شويه فى المذاكره بس بجد هتبدى تحس وانت بتدرسها انك فى صيدله فعلا

    اهم حاجه كمان مفيش حاجه تتساب للمذاكره فى اليومين اللى قبل الامتحان ياريت تكون نص الماده على الاقل متقفله كويس قوى قبل ايام الامتحانات لان الله اعلم بالايام الجايه عشان متتزنقوش زينا

    عشان نكون فى الضمان عملى اولى سهل قوى ومضمون فياريت نكون حريصين على ان احنا نقفله تمام عشان النظرى مش مضمون

    ربنا ييسر الحال

  7. #27
    Pharma Student
    تاريخ التسجيل
    Dec 2009
    الدولة
    ام الدنيا غصب عن كل جزائرى
    المشاركات
    952

    افتراضي

    شكرا يادكتورة عاشقة الصيدلة على المعلومات دى


    اولى فعلا جميله وسهله بس اهم حاجه يادكاتره فى المذاكره التنظيم فى الوقت بما اننا قولنا اننا نذاكر من الاول لازم نحط لنفسنا جدول من الاول وياريت لو نعمل كده مع مجموعه من زمايلنا لان ده بيشجع كتير


    المشكلة الى بتوجهنى انى مبعرفش امشى على جدول خالص

  8. #28
    Pharma Student
    تاريخ التسجيل
    Sep 2008
    المشاركات
    3,366

    افتراضي

    الصيدلانيات
    أطول ماده فى أولى صيدله

    علشان كده لازم لازم لازم تتذاكر من أول يوم ., والا هتتعبوا فيها بدرجه رهيبه فى الأخر

    أصلا الماده لوحدها هتشجعكم انكم تذاكروها من الأول .,لذيذه جدا وجميله وتحسسك انك فى بدايه طريقك انك تكون صيدلى..

    علشان بس تكونوا فاهمين .. أى دوا فى الدنيا بيتكون من تلت حاجات

    ماده فعاله .. ووسط موجود فيه الماده الفعاله .. واضافات علشان تحسن الدوا

    فى الصيدلانيات انت هتدرس الوسط والاضافات بس

    الماده كبيره ومقسمه على تلت دكاتره هما ثابتين من زمان مع دفعه أولى فبتهيألى ان شاء الله هما اللى هيكونوا معاكم.,

    د.حسن الصباغ و د.حمدى عبد العليم و د.عبد المنعم فوده

    محاضره د.حسن دى بجد أنا أصغر بكتير من انى اقيمها جميله جدا وجزءه دايما short notes فالحفظ بيها بيكون بكل كلمه .. وامتحانه بالمللى من المحاضره .. مفيش سؤال هتحس انه غريب فى جزء د.حسن.

    د.حمدى .. اللى موجود على الداتا شو هوا نفسه اللى فى الكتاب هوا نفسه اللى الدكتور بيقوله هوا نفسه اللى بييجى فى الامتحان
    وبيعمل محاضره كده مفاجأه المفروض انها تكون أخر محاضره بس هيا مش بتكون أخر واحده فعلا لانها بتكون مكافأه للناس المواظبين على الحضور .. المهم المحاضره دى بتكون هيا أسئله الامتحان بنفس الترتـــــــيب

    جزء د.عبد المنعم بيكون صغير جدا حوالى خمس محاضرات والمفاجأه انه بيكون عليه درجات زى الجزئين التانيين تمام يعنى بنعتبره مكافأه.., وزى طبعا باقى الدكاتره امتحانه كان من المحاضره بالذات المسائل بنفس الارقام والاسلوب من المحاضره.,

    يعنى الصيدلانيات = المحاضره والمذاكره بالورقه والقلم من أول محاضره لانها فعلا طويــــــــــــــــــــــله

  9. #29
    Pharma Student
    تاريخ التسجيل
    Dec 2009
    الدولة
    ام الدنيا غصب عن كل جزائرى
    المشاركات
    952

    افتراضي

    بس من كلام حضرتك يدكتور ة منى
    أفهم من كدة ان حضور المحاضرات أهم حاجة
    طب انا عايز اطنش شوية محاضرات اطنشها بقى فى أى مادة؟؟؟؟؟؟؟
    هوة مفيش مادة سهلة ولا أية؟؟؟؟؟؟؟؟؟؟؟؟؟
    يعنى الصيدلانيات = المحاضره والمذاكره بالورقه والقلم من أول محاضره لانها فعلا طويــــــــــــــــــــــله
    من أول محاضرة
    باين علينا هنتعب أوووووووووووووووووى فى أولى

    والله منا عارف أقول لحضرتك اية
    بجد جزاكى الله عنا خيرا يدكتورة
    تعبينك معانا

  10. #30
    Pharma Student
    تاريخ التسجيل
    May 2010
    المشاركات
    114

    افتراضي

    المشكلة الى بتوجهنى انى مبعرفش امشى على جدول خالص

    عادى مفيش مشكله خالص دى حاجه بتبقى عند كتير مننا فعلا
    عشان كده انا بقول لو بنعمله فى اطار جماعى ده هيكون مجرد تشجيع والجدول طبعا استحاله هنلتزم بيه قوى من اول يوم بس على الاقل نكون خدنا فكره الموضوع ماشى ازاى لا اكثر والمذاكره دى هتكون من خلال مثلا لما اروح اقرا اللى كتبته ورا الدكتور مجرد قراءه بفهم عشان اكون متابع مع الدكتور لان المشكله ان احنا بنستنى لما المحاضرات تتراكم وبعدين اكيد فيه حاجات كتير بتقف علينا فده بيوتر الواحد شويه وهو بيذاكر
    اما لو انا متابع الموضوع من الاول اكيد الحال هيختلف كتير قوى

    كمان الاطار الجماعى ده هيفيدنا
    لو مثلا فى حد بيكتب ورا الدكتور بطريقه كويسه افضل منى هقدر استفيد وبجد المحاضرات ثم المحاضرات ثم المحاضرات
    ومفكرش فى عدم الحضور الا بقى لو خلاص فاض بيا ومفيش حل غير كده

صفحة 3 من 5 الأولىالأولى 12345 الأخيرةالأخيرة

المواضيع المتشابهه

  1. نصايح مهمه لدفعة أولى الجديدة .. شرح كامل ومبسط لمواد أولى
    بواسطة Mohamed Al Gohary في المنتدى الفرقة الاولى 2011
    مشاركات: 74
    آخر مشاركة: 26-12-2010, 07:06 PM
  2. يا ترى تالتة هتبقى شكلها ايه
    بواسطة Ahmed-Helmy في المنتدى الفرقة الثانية 2010
    مشاركات: 41
    آخر مشاركة: 21-07-2010, 11:01 AM
  3. نصايح مهمه لدفعة أولى الجديدة .. شرح كامل ومبسط لمواد أولى
    بواسطة Mohamed Al Gohary في المنتدى الفرقة الاولى 2010
    مشاركات: 39
    آخر مشاركة: 18-02-2010, 11:58 PM
  4. أنا شايف ان الكلام دا حلو...ايه رأيكم؟
    بواسطة a_elkamhawy في المنتدى المنتـدى العـام
    مشاركات: 8
    آخر مشاركة: 01-07-2009, 09:50 PM
  5. نصايح مهمه لدفعة أولى الجديدة .. شرح كامل ومبسط لمواد أولى
    بواسطة Mohamed Al Gohary في المنتدى الفرقة الاولى 2009
    مشاركات: 91
    آخر مشاركة: 29-04-2009, 04:03 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •