يللا نشجع بعضنا على التدريب ونحاول نستفيد اكتر ..

[Anas]

جزاكم الله خيرا علي الاضافة
و ان شاء الله معظمها صح

و بالنسبة لأدوية الكحة اللي ضفتيها ... فهي مظبوطة
و أكيد كلنا لاحظنا ان معظم أدوية الكحة فيها الجزء tuss
و لو ضورنا هنلاقي معظمهم نفس التركيب
واحيانا بيكون في مادة زيادة أو أكثر حسب نوع الكحة

* في بس حاجة عاوز ألفت نظر الناس ليها ...مش كل حاجة عندنا في المستشفي ... دي حكومة

* و في حاجة تانية عاوز برضه ألفت نظر الناس ليها
هي ان الأدوية معظمها عندنا بالاسم العلمي مش التجاري !!!!
لان الأدوية من وزارة الصحة !!!!!

بس بحاول أجيب الأسماء التجارية علشان نقرب المعلومة بقدر الامكان

* و مننساش اننا برضه - كطلبة صيدلة - لاااااااازم نكون عارفين الأسماء العلمية للأدوية
بحيث يبقي في فرق بين الصيدلي و اللي واقف في الصيدلية معاه دبلوم و أحيانا مش معاه أساسن !!!!

......‏ و ثانكس

[~Am@ny~]

الأدوية معظمها عندنا بالاسم العلمي مش التجاري !!!!
لان الأدوية من وزارة الصحة !!!!!

بس بحاول أجيب الأسماء التجارية علشان نقرب المعلومة بقدر الامكان

* و مننساش اننا برضه - كطلبة صيدلة - لاااااااازم نكون عارفين الأسماء العلمية للأدوية
بحيث يبقي في فرق بين الصيدلي و اللي واقف في الصيدلية معاه دبلوم و أحيانا مش معاه أساسن !!!!

طيب والله ده جميل خالص انها تنزل بالاسم العلمى كده بسط الموضوع وجاب من الاخر
وان شاء الله هحاول بعد كده لو نزلت حاجه اكتبها الاسم علمى وتجارى
بس انا بصراحه بنسى الاسم العلمى وبيثبت معايا التجارى الى حد مااا
سبحان الله

[Anas]

هي مش بتنزل بالاسم العلمي جدعنة ....

بتبقي عطاءات من الشركات لوزارة الصحة

و ممنوع الدعاية

[آيه محمد]

يا دكتور انس عمر ما الاسم العلمي كان فرق بيننا وبين الناس اللي مش درست
انا اللي بيدربوني ناس مش خريجه صيدله ومع ذلك عارفين الاسم العلمي والتجاري والسعر والصلاحيه
وممكن اي حاجه بيشخصوها
هي مجرد خبره

[lamiaa]

ما شاء الله موضوع عسول زيك يا نسمة ومفيد
انا بقى هقول حاجة بسيطة عن الضغط العالى
زى مثلا الادوية دى
alka press _ altiazem=delay tia zem_disartan
يعنى دول بعض الحاجات الى عرفتها وان شاء الله ليا مشاركات تانية
وفعلا بجد موضوع مفيد جدا

[نسومه]

اهلا بيكى يا لمياء نورتى الموضوع يا حبيبتى ...
وشكرا على المعلومه الجميله دى ... وننتظر مشاركاتك ان شاء الله ...

[Anas]

يا دكتور انس عمر ما الاسم العلمي كان فرق بيننا وبين الناس اللي مش درست
انا اللي بيدربوني ناس مش خريجه صيدله ومع ذلك عارفين الاسم العلمي والتجاري والسعر والصلاحيه
وممكن اي حاجه بيشخصوها
هي مجرد خبره

عادي جدا ان أي حد يعرف شوية أسماء علمية
بس مش معني ان حد عرف ان البارامول فيه باراسيتامول
و ان الكيتوفان فيه كيتوبروفين
و ان الريفو فيه أسبرين
يبقى كده عارف أسماء علمية للأدوية

أنا مش ضد الناس دي أبدا
مجرد بس مبحبش حد يتدخل في اللي ملوش فيه
و بتضايق جدا لما حد منهم يعمل نفسه عارف و يطلع كلامه أحيانا غلط

[آيه محمد]

يا ريت تيجي علي قد اللي انت ذكرته
ده كل دوا عارف تأثيره في الجسم
وبصراحه كل الادويه اللي في الصيدليه عارف عنها كل حاجه من الالف للياء
انا بقول ان الخبره مهمه
كمان الناس دي بتدرس بس بطريقتها
مش زينا بالكتب
لا بالسؤال فضلوا يسألوا عن كل حاجه لغايه ما عرفوا كتير
اكيد في حجات بتفوتهم بس اي انسان معرض لكده حتي وهو دارس

[Anas]

خلاص ....... على كده بقى نخرج من الكلية - أو مندخلهاش من الأساس - و نروح نتدرب و خلاص

و نتعلم مش من الكتب ... انما من بالسؤال لحد م نعرف كل حاجة

و مش مشكلة الحاجات اللى هتفوتنا ....... لان أى انسان معرض لكده طبعا حتى لو هو دارس

و زى ما قلت قبل كده ..... دى مجرد و جهات نظر

[SaFroOoOTA]

الموضوع حلو اوى يا جماعه وفكره حلوه بجد وانا رائى ان احنا كمان ممكن اللى مش عارف حاجه يسأل التانى ونقدر نفيد بعض ان شاء الله وانا النهارده عرفت حاجات بسيطه كده بس مش انواع ادويه بس مصطلحات لفتت نظرى زىMRيعنى Modified Releaseبس انا مش عارفه بالضبط يعنى ايه ده فا لو حد يعرف المعنى يقولى عليه وكمان عرفت DAيعنىdouble actionوده mixtureمن sustained release &modified releaseوفى كمان ادويه injectionsزى mobitil&melocam&mexicamدول كلهم حاجه واحده لأن ال active constituent فيهم واحده وهيه meloxicam والادويه دى كلها تستخدم ك anti rheumatic&analgesic&anti_inflammatory ان شاء الله هضيف بعد كده الاثار الجانبيه لكل الادويه دى