البحث المتقدم
pharma board, The Official Board

كلية الصيدلة تفعيل العضوية المحاضرات Practical Gallery ضوابط المشاركة هذا المنتدى الرئيسية

 

العودة   منتدى كلية الصيدلة - جامعة المنصورة ҉ ][ملتقـى طلاب كلية الصيدلة بجامعة المنصورة ][ ҉ الفـرقه الرابـعه الفرقة الرابعة 2012

الفرقة الرابعة 2012 هذا المنتدى تم أرشفته .. وأصبح فقط للإطلاع


 

 
أدوات الموضوع انواع عرض الموضوع
قديم 01-07-2012, 07:50 PM   #31
basma 90
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 1014
تاريخ التسجيل: Oct 2007
المشاركات: 504
الفرقة : خريـج 2012


basma 90 غير متواجد حالياً
افتراضي

دفعتى العزيزة
كل سنة كنت بكره بعض الحركات من مقالب امتحانات وحركات العيال الدحيحة اللى تفرس
وكل ماكنا نتفق ع حاجة كانت تخرب والحمدلله

دى تانى حاجة نتفق فيهااول مرة يوم مااشتكينا قسم الصيدلانيات ع الامتحان
وتانى مرة كانت امبارح وكان احلى يوم قضيته مع الدفعة
اللى اعرفهم منها واللى معرفهمش كان احساس حلو اووووووى

ابدا بقى ذكرياتى
فى اعدادى عمرى ماانسى اول يوم فى الكلية كنا فى رمضان ومحاضرتنا كانت الساعة 2 واحنا مكناش فاهمين اى حاجة فى اى حاجة ونازلين من 9 الصبح ومرزوعين فى عز الحر
وتقريبا فضلت الترم كله مش فاهمة اى حاجة وتايهة وحاسة بغربة غير طبيعية
واول امتحان كان الكيمياء لحد النهاردة فاكرة شكل ورق د. اسعد وحالتى وكل حاجة
بس النتيجة كانت حلوة اول ترم وكنت طايرة بيها اوى

واولى كانت سنة مايعة معرفش ليه مبحبهاش
بس مع الوقت عرفت اجدع واحسن ناس واشتركت فى الجمعية العلمية "SAMPS" وعرفت فيها اغلى واجدع بنات واخوات ساعدونى كتيييييييييير

وعرفت اكتر بنات سكشنى وبدات العلاقات تبقى اقوى وبقيت بحبهم وخصوصا كل بسمات وبسنتات

تانية وتالتة دول بقى بدات متعة صيدلة بغض النظر عن الظروف فى السنتين دول
بس محبتش صيدلة ولا مذاكرة المواد غير فيهم بمعنى اصح بدا افهم واحس انى فى صيدلة

منساش فضل د . محمد العوضى ع دفعتنا بجد ربنا يكرمه يارب
ساعدنا ع الاقل نحس بقيمة كليتنا عملنا محاضرة بس عشان يفهمنا اهمية الكيمياء التحليلية

وله الفضل انى فهمت حسابات ال titration لما سافر كنا زعلانين اوى
مفوتش محاضرة شرح ليه
وطبعا د.شحته ود. فاطمة النبوية
ود. عبدالمنعم انا كنت بحب محاضرته جدااااااا ود.حسن الراضى بغض النظر عن المادة
ود.ثناء ولما ادتنا حقوق انسان جزء صيدلة فرق معايا كلامها مش عشان المادة

ود.محمد عامر
ود.حسن الكاشف و.طارق لما كان بيدينا فى اعدادى دزء المناعة ^___^

ياااااااااه بجد ايام حلوة
مش مستوعبة ولا عاوزة استوعب انى خلاص اتخرجت

التعديل الأخير تم بواسطة basma 90 ; 01-07-2012 الساعة 07:56 PM
 
قديم 02-07-2012, 12:31 AM   #32
amira89
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 2716
تاريخ التسجيل: Sep 2008
الدولة: MEROO ALONE
المشاركات: 2,438
الفرقة : خريـج 2012

female

amira89 غير متواجد حالياً
Thumbs up

انا لحد دلوقتى مش مصدقة ان 5 سنين من حياتى اصبحوا مجرد ذكريات
بس هقول ايه
هى دى سنة الحياة
احبب من شئت فانك مفارقه
وزى ما اجتمعنا على الخير افترقنا على الخير
لاول مرة استشعر قول رسول الله
رجلان تحابا فى الله اجتمعا عليه وافترقا عليه
واكيد هنتقابل تانى
لو متقابلناش فى الدنيا اكيد هنتقابل فى الاخرة فى الجنة ان شاء الله
كنا اكيد هنفترق فى يوم من الايام مهما طالت مدة الدراسة
كل شويه اسمه اغنية اجدع صحاب واعيط جامد
بحبكم اوووووى
وهتوحشونى جدا يا اجمل دفعة قضيت معاها اجمل ايام عمرى
يارب دايما تفتكرونى بالخير
ونصيحتى ليا وليكم
استمتعوا بكل فترة هتعيشوها
كل مرحلة فى حياتنا ليها جمالها
لما مرحلة منهم تعدى بلاش نبكى عليها كتير
لاننا مش هنقدر نرجعها تانى
يارب اعمل انا بالكلام دا قبلكم
بس اكيد هنفضل فاكرين بعض دايما
كل واحد منكم سايب جوايا ذكرى جميلة
I will remember you always
I love you all
Do not forget me
Meroo Abdelrazik

 
قديم 03-07-2012, 02:52 PM   #33
white light
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 3208
تاريخ التسجيل: Dec 2008
الدولة: MANSOURA
المشاركات: 2,308
الفرقة : خريـج 2012

female

white light غير متواجد حالياً
افتراضي

السلام عليكم ورحمة الله وبركاته


كل ما خش الموضوع ده ببقى مش عارفة اقول ايه ...........مش مصدقة انى خلاص بقى اوت

انا لسه فاكرة نفسى وانا ف اعدادى وكنت بقول امتى اوصل لرابعة واتخرج وابقى دكتورة

انا لسه فاكرة اول يوم ليا فى الكليه كان فى رمضان واول محاضرة كانت بتهيألى فزياء واول بنتين اتعرفت عليهم

بجد حاسة ان 5 سنين مروا بسرعة قوووووووووى وخلصت امتحانات و خرجنا من حزب الطلاب الى حزب العاطلين


مبسوطة انى اتعرفت ع زمايلى ف الدفعه الحمد لله عمرى ما هنساهم

وبحمد ربنا انى دخلت ع المنتدى ده وكنت عضوة فيه عشان ربنا جعله سبب فى انى اتعرفت من خلاله ع بنات كتير

بجد هتوحشوووووووووووووووووووونى كلكم كل اللى اترعفت عليهم او اللى معرفش اساميهم كفايه وشوشهم هيوحشونى

وقفتنا فى السكاشن وهزارى مع زمايلى وشغل العملى ومنظرالمدرج ساعة محاضره الصناعية والمدرجات والمحاضرات والساحة والمسجد كل دول هيوحشونى

وطبعا الدكاترة..... عمرى ما هنسى د ايمان ولا دعزة ولا د دينا ود شحته الله يرحمه ودكاترة كتير علمونا وبهدلونا فى الشيتات والامتحانت ربنا يكرمهم يارب

الكليه كانت ذاكريات جميلة.........بس دى سنة الحياة اننا لازم نتخرج ونفارق بعض

مش باقلنا من الكلية اللى شوية صور وذكريات انا متأكده انى هكون فاكره الذكريات دى بعد 10 &15 سنة كده

بس الاهم من ده كله اننا مننساش بعض ونبقى ع اتصال ونفتكر بعض بالخير والدعاء عن ظهر قلب

بجد احلى حاجة فى الكية انى طلعت بصحبة صالحة وبنات اثروا فيا بجد ..............ان شاء الله ربنا يجمعنا يوم القيامة تحت ظل يوم لاظل الا ظله

انا اسفه لو كنت زعلت حد بدون قصد .............انا مسامحة كل حد زعلنى بقصد او بجون قصد

ربنا يوفقنا جميعا .................

التعديل الأخير تم بواسطة white light ; 03-07-2012 الساعة 02:56 PM
 
قديم 30-07-2012, 02:04 AM   #34
jojo_m
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 3759
تاريخ التسجيل: Apr 2009
الدولة: mansoura
المشاركات: 630
الفرقة : خريـج 2012
وأفوض أمرى إلى الله

female

jojo_m غير متواجد حالياً
افتراضي

اول يوم بعد ظهور النتيجه وتخرجنا رسمى
اللهم وفقنا لما تحب وترضى
 
 

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:54 PM.

Powered by vBulletin
جميع التعليقات تعبّر عن رأي كاتبها ، ولا تعبر عن رأي الموقع او الكلية مطلقا.