استجوب وزيرة الصحة

[AbU ElKhAiR-Let`s Go]

بعد اذن حضرتك يا دكتوره

1-انت قلت على خطط لتطوير مستشفيات كب الأسره لكن مش قلتى الهدف من التطوير ده اى أساسا؟؟
يعنى بمعنى أااااخر محددتيش الخدمات اللى ممكن تقدمها المستشفيات دى ؟؟؟؟؟
2-وبعدين حضرتك قلتى عايزه تعملى طب الأسره فى كلية طب؟
ازاى ؟ ولىه ؟
3-كمان حضرتك أنا عايز أعرف طب الأسره ماذا يعنى لك ؟؟؟ هل هو مجرد حملات تنظيم الأسره و عمليات احصاء عدد السكان فحسب ؟؟؟؟
أم ستعملين على توسيع الدائره التى تغطيها هذه المستشفيات ؟؟؟؟؟
وذلك استغلالا لكل هذه الأموال الطائله التى تنفق فى الهواء ؟؟؟؟؟
4-حضرتك قلتى انك معجبه بالمستشفيات المتخصصه ,كمان قلتى انه ممكن تلغى المستشفيات العامه .
ماذا تعنى المستشفيات المتخصصه من وجهة نظرك ؟؟؟؟
وكيف يمكن ادارتها على أكمل وجهة كى تقدم أفضل رعايه طبيه للمريض؟؟؟؟
وهل ستحاولين الاستفاده من خبرات الصيادله للارتقاء بمستوى الرعايه الصحيه فى هذه المستشفيات؟؟؟؟
5-هل معنى انك ستقومين بالغاء المستشفيات العامه أنك ستقومين أيضاء بالغاء مستشفيات الطوارئ ؟؟؟
وما هو وضعها فى خطتك الوزاريه للارتقاء بمستوى وزاره الصحه التى هى بمثابة الرحمه......

[*محبة رسول الله*]

أنا أسفه جدا

بس أنا رديت على الأسئلة وفجأة لقيتها اتمحست تقريبا النور مش مظبوط

فعشان كده ان شاء الله هرد بكرة وربنا ييسر

جزاكم الله خيرا

[*محبة رسول الله*]

بعد اذن حضرتك يا دكتوره

1-انت قلت على خطط لتطوير مستشفيات كب الأسره لكن مش قلتى الهدف من التطوير ده اى أساسا؟؟
يعنى بمعنى أااااخر محددتيش الخدمات اللى ممكن تقدمها المستشفيات دى ؟؟؟؟؟
طب الأسرة عاوز تطوير شامل
حتى من حيث المسمى لازم نفهمه صح
احنا نقلنا الموضوع ده من الدول المتقدمة لكن كاسم وبس
فان شاء الله نشوف ازاى الدول المتقدمة بتعمل على تطويره ونسلك نفس المسلك
ونوسع دراية الأطباء ووعيهم بالنسبة للمجال ده
2-وبعدين حضرتك قلتى عايزه تعملى طب الأسره فى كلية طب؟
ازاى ؟ ولىه ؟
أكيد لازم نزود الكورسات فى الدراسة
لأنه مفيش تخصص اسمه طبيب أسرة وبرده مفيش مواد كافية
زى مثلا ما الناس بتدرس باطنة وأطفال ونسا ومخ وأعصاب وهكذا , لكن المجال ده ملوش أهمية فى الكليات

3-كمان حضرتك أنا عايز أعرف طب الأسره ماذا يعنى لك ؟؟؟ هل هو مجرد حملات تنظيم الأسره و عمليات احصاء عدد السكان فحسب ؟؟؟؟
ده اللى اتكلمت فيه
وقلت انه عمل الأطباء بيتمثل فقط فى الأعمال الكتابية
وهى دى مشكلتنا
أهم حاجة عندنا الورق
فلازم نخصص موظفين للكلام ده وللأطباء لشغلهم
أم ستعملين على توسيع الدائره التى تغطيها هذه المستشفيات ؟؟؟؟؟
طبعا هيبقى فيه تطوير لكل مستشفى على حدة وكمان زيادة لعدد المستشفيات دى
وذلك استغلالا لكل هذه الأموال الطائله التى تنفق فى الهواء ؟؟؟؟؟
4-حضرتك قلتى انك معجبه بالمستشفيات المتخصصه ,كمان قلتى انه ممكن تلغى المستشفيات العامه .
ماذا تعنى المستشفيات المتخصصه من وجهة نظرك ؟؟؟؟
المستشفيات المتخصصة فى علاج أمراض معينة
زى الكلى والرمد مثلا
وكيف يمكن ادارتها على أكمل وجهة كى تقدم أفضل رعايه طبيه للمريض؟؟؟؟
معظمها بيكون فيه اهتمام من البداية
لكن أكيد برده ممكن هنزود عدد الأطباء المهرة فى التخصص ده
ونزود المستشفيات بالرعاية اللى بيحتاجها المريض
وهنزود أسرة الرعاية المركزة
وبالنسبة مثلا للكلى هنقوم بإنشاء مراكز أو أقسام لزرع الكلى
والتوسع فى جراحات المخ والأعصاب والعمود الفقرى وقساطر القلب
وسيتم أيضا التوسع فى أدوية السرطان وادخال أصناف دوائية جديدة وزيادة البحث العملى للتوصل لأدوية للأمراض التى لم يكتشف لها علاج حتى الآن
وهل ستحاولين الاستفاده من خبرات الصيادله للارتقاء بمستوى الرعايه الصحيه فى هذه المستشفيات؟؟؟؟
بينت ان دور الصيدلى لن يقتصر على صرف الدوا فحسب
ولكن دور الطبيب هو الذى سيقتصر على تشخيص الحالة
ثم وصف الدوا المناسب للحالة من قبل الصيدلى

فأكيد هنستفيد من معلومات الصيدلى لأن هو أدرى واحد بالدوا
5-هل معنى انك ستقومين بالغاء المستشفيات العامه أنك ستقومين أيضاء بالغاء مستشفيات الطوارئ ؟؟؟
طبعا لأ
والا يبقى بقضى على الناس
كنت بقصد بالغاء المستشفيات العامة انى هحولها لمستشفيات متخصصة
مع زيادة معامل التحاليل المتطورة

لكن مستشفيات الطوارئ لن يتم الغاءها بل سيتم تطويرها لأنها الأهم أحيانا فى حالات الطوارئ وما أكثرها

وعشان كده كنت قلت انى هزود وحدات الاسعاف على الطرق وفى الأماكن البعيدة

وما هو وضعها فى خطتك الوزاريه للارتقاء بمستوى وزاره الصحه التى هى بمثابة الرحمه......
سيتم تجهيزها بكافة الأجهزة الحديثة وبالكادر الطبى والتمريض ومكتب استقبال يعمل على مدار ال 24 ساعة

تزويد المستشفيات دى بغرفة للحوادث وغرفة للباطنة والقلب وغرف عزل لحالات العدوى أيضا

جزاكم الله خيرا

[AbU ElKhAiR-Let`s Go]

هكذا نكون قد ان انتهينا من المستفيات
والأن جاء دور الصيدليات

1-الصيدليه كيف تنظر اليها الوزيره الجديده ؟؟؟؟؟

2-ما هى أهم المشكلات التى تواجه الصيدليات من وجهة نظرها ؟؟؟؟؟؟
وكيف يمكن لك التخلص منها أو الحد منها ؟؟؟؟

3-هل لديك أليه جديده للرقابه على الصيدليات أم ترين أن الرقابه بوضعها الحالى مناسب ؟؟؟

4-كذلك هل ترين أن العقوبات التى تطبق الآن سواء على الأطباء أو الصيادله المخطئين هى عقوبات رادعه ؟؟؟؟؟؟؟
واذا ذكرت العقوبات لابد من ذكر المكافأت والجوائز ...... ما رأيك فيها ؟؟؟؟

5-دائما أكدت على ضروره اتساع دائرة العلاقات المجتمعيه لوزارة الصحه ؟؟
فما هى مدى علاقاتك بالنقابات المهنيه ؟؟؟؟
وكيف يمكن تحقيق الاستفاده القصوى من مثل هذه العلاقات ؟؟؟؟

[*محبة رسول الله*]

هكذا نكون قد ان انتهينا من المستفيات

والأن جاء دور الصيدليات

1-الصيدليه كيف تنظر اليها الوزيره الجديده ؟؟؟؟؟
الصيدلية كما نراها جميعا الآن مجرد محل بقالة
ومديهاش أكتر من كده والله
ولولا انها مكتوب عليها صيدلية من بره ممكن مقدرش أفرق

2-ما هى أهم المشكلات التى تواجه الصيدليات من وجهة نظرها ؟؟؟؟؟؟
مشاكلهم كتير وعاوزة واقفة
وهما اللى عملوا فى نفسهم كده

وكيف يمكن لك التخلص منها أو الحد منها ؟؟؟؟
1-محدش بيحس بأهميتهم وهما السبب
(الحل نرجع لهم مكانتهم بوصف الدوا مش مجرد صرف روشته وخلاص)
2-الصيدليات زى ما بنشوف بيطغى على مظهرها الخارجى ديكورات المراكز التجارية الحديثة وما يعرض فى واجهتها لا يمت للادوية وصناعتها بأى صلة
(الحل عند الصيادلة هما اللى لازم يعملوا لنفسهم شخصيهويحسسونا انهم دكاترة)
3-أصبح من الطبيعى اننا نلاقى أشخاص لا يتجاوز تحصيلهم العملى حد الثانوية يرتدون البالطو الأبيض ويقومون بصرف الأدوية
(منع أى شخص غير الصيدلى بصرف الدوا)
4-استثمار الصيدليات أو تأجير الشهادات مما يؤدى الى أخطاء فى تشخيص الوصفات الطبية
(ليه كده يا صيادلة)
(طبعا نقوم بمنع الموضوع ده والا فستفرض غرامة على كل من أجر نفسه وشهادته عشان الفلوس)

5- بيع بعض الأدوية المهربة أو منتهية الصلاحية ويكسرون سعر الأدوية
(مجلس تأديب وعقوبات رادعة كافية لقمع المخالفات)

وغيرها الكثير والكثير من المشكلات والمخالفات

3-هل لديك أليه جديده للرقابه على الصيدليات أم ترين أن الرقابه بوضعها الحالى مناسب ؟؟؟
لو كانت الرقابة الحالية كافية لما كانت هناك كل هذه المخالفات

4-كذلك هل ترين أن العقوبات التى تطبق الآن سواء على الأطباء أو الصيادله المخطئين هى عقوبات رادعه ؟؟؟؟؟؟؟
واذا ذكرت العقوبات لابد من ذكر المكافأت والجوائز ...... ما رأيك فيها ؟؟؟؟

5-دائما أكدت على ضروره اتساع دائرة العلاقات المجتمعيه لوزارة الصحه ؟؟
فما هى مدى علاقاتك بالنقابات المهنيه ؟؟؟؟

وكيف يمكن تحقيق الاستفاده القصوى من مثل هذه العلاقات ؟؟؟؟

اسمحولى شوية وان شاء الله هرجع اكمل

[*محبة رسول الله*]

3-هل لديك أليه جديده للرقابه على الصيدليات أم ترين أن الرقابه بوضعها الحالى مناسب ؟؟؟
أنا قرأت قبل كده ان كان فيه خطة كده بينا وبين أمريكا بالنسبة للرقابة على الأدوية المغشوشه بتتمثل فى:

ضرورة أن يكون تداول المستحضر من المصنع إلى المخازن إلى الصيدليات، من خلال أرقام التشغيل على الفواتير ومستندات التداول، مع تحديد عدد مخازن الأدوية فى مصر وعرض الأدوية الواردة بصحبة الركاب بالمنافذ على الرقابة على الواردات والصادرات.
-
إنشاء قاعدة بيانات إلكترونية متكاملة عن السلع والأدوية المقلدة والشركات والدول المنتجة لها، ووضع تلك الشركات والدول فى الاعتبار، مع إعطاء مسؤولى الجمارك صلاحيات ضبط البضائع التى يثبت أنها مغشوشة ومراقبة تداول الأدوية عبر الإنترنت، ووضع وسائل تنبيه للأدوية والمستلزمات المغشوشة والمقلدة.

تدريب المفتشين والمسؤولين عن الإفراج عن الأدوية فى وزارتى الصحة والمالية ومصلحة الجمارك على اكتشاف الأدوية والمستلزمات الطبية المغشوشة، والمقلدة، ووضع آلية بين وزارتى الصحة والمالية لتبادل البيانات عن الأدوية المسجلة والوكلاء المعتمدين لتوزيعها.

بالنسبة للصيدليات اللى عندنا فلازم نزود الرقابة نظرا لما نعانيه الان من مافيا الأدوية المغشوشة ومنتهية الصلاحية من معدومى الضمير من الصيادلة
وكمان لازم نهتم بضرورة توعية المواطن وانه يجب أولا رؤية تاريخ الصلاحية قبل أخذ الدواء من خلال الاعلانات .وأيضا توعية الناس الى ضرورة الابلاغ عن أى صيدلية مشكوك فى أمانة صاحبها
أنا عن نفسى من فترة كنت أعرف صيدلية عندنا فى البلد كان واقف فيها واحد مش صيدلى كان مظبط الشباب بالمخدرات...
ومكنش حد بيتكلم كل واحد بيريح نفسه.......

4-كذلك هل ترين أن العقوبات التى تطبق الآن سواء على الأطباء أو الصيادله المخطئين هى عقوبات رادعه ؟؟؟؟؟؟؟
فيه عقوبات رادعة بتؤخذ طبعا مثل اغلاق عدد من الصيدليات التى تتاجر فى الأدوية المغشوشة والغير مرخصة
لكن أيضا هناك عقوبات لن تنقص من اصرار صاحبها على فعل الجريمة والدليل استمرار فعل مثل هؤلاء الأشخاص تلك الجرائم
فقد نحاول تغيير تلك العقوبات لكى تكون كافية لصدهم عن ذلك

واذا ذكرت العقوبات لابد من ذكر المكافأت والجوائز ...... ما رأيك فيها ؟؟؟؟
طبعا حاجة كويسة
وقلت قبل كده انى هكمل مكافآت لأصحاب السمعه الحسنة والطيبة ولمن التزم بالقوانين من الأطباء والصيادلة

5-دائما أكدت على ضروره اتساع دائرة العلاقات المجتمعيه لوزارة الصحه ؟؟
فما هى مدى علاقاتك بالنقابات المهنيه ؟؟؟؟
طبعا احنا بلد واحده وفى مركب واحد
فأكيد هيكون فيه علاقات قائمة ما بين الوزارة والنقابات المهنية

وكيف يمكن تحقيق الاستفاده القصوى من مثل هذه العلاقات ؟؟؟؟
طبعا ممكن نتعاون مع بعض من أجل العمل العام الخيرى
يعنى فى حالة حدوث أى حاجة ممكن نتعاون مع بعض من أجل مرور الأزمة زى مثلا فى حالات الزلازل زى ما حصل قبل كده عام 92

أرجو اجاباتى تكون مقنعة لعامة الشعب ان شاء الله

[عائشة]

انا بقى يامحبة عاوزاكى تعرفيلى حاجة شاغلة بالى كدة
هو لية اللى بيدخل الوزارة بيلزق والود ودة ياخد الكرسى وهو ماشى؟؟؟؟؟؟

[*محبة رسول الله*]

انا بقى يامحبة عاوزاكى تعرفيلى حاجة شاغلة بالى كدة
هو لية اللى بيدخل الوزارة بيلزق والود ودة ياخد الكرسى وهو ماشى؟؟؟؟؟؟

أنا والله يا عائشة من أول يوم لا ده من قبل ما أنجح أصلا قلت لاصحابى يا جماعه أنا هتنحى عن الوزارة دى

قالولى لأ اثبتى واصمدى وثقى فى نفسك وادونى درس أبوى

أنا ممكن أخد الكرسى اللى جابه دكتور عطالله بس انا مش عاوزة الوزارة اصلا.........

بالنسبة بقى للناس اللى بتقعد لها 30 سنة دى فأنا لو م الكرسى كنت زمانى اتكسرت ووقعتهم........

[Hope1]

بمناسبة الكرسي أنا مألفالك يا هالة قصيدة كده صغننة عن الكرسي ليكي مخصوص

كرسيا و انتو مالكو ........

كرسيا حبيبي يا عمــري هفديك بروحي و دمــــــي
يا اغلي حاجة عــــــندي ياللي انت كل همـــــــــي
مستكترينك عليــــــــــــا 30 سنة في حضنـــــــــي
لو مهما يحاولوا معايــــــا مش ممكن يخدوك منــــي
آعد و متبت فيـــــــــــــك لو مهما كان سنــــــــــــي
و ان حتي في يوم سبتك هأعد عليك ابنــــــــــــــــي
و ده حالي و مالي حيلــة في حبك اللي ملازمنــــــي
ده منايا و كل املـــــــــي ان انت ترضي عنـــــــــــــي
و نفضل مع بعض دايمـــا و عمرك ما في يوم تسيبني

اوعي تكوني منهم يا هالة

[*محبة رسول الله*]

بمناسبة الكرسي أنا مألفالك يا هالة قصيدة كده صغننة عن الكرسي ليكي مخصوص

كرسيا و انتو مالكو ........

كرسيا حبيبي يا عمــري هفديك بروحي و دمــــــي
يا اغلي حاجة عــــــندي ياللي انت كل همـــــــــي
مستكترينك عليــــــــــــا 30 سنة في حضنـــــــــي
لو مهما يحاولوا معايــــــا مش ممكن يخدوك منــــي
آعد و متبت فيـــــــــــــك لو مهما كان سنــــــــــــي
و ان حتي في يوم سبتك هأعد عليك ابنــــــــــــــــي
و ده حالي و مالي حيلــة في حبك اللي ملازمنــــــي
ده منايا و كل املـــــــــي ان انت ترضي عنـــــــــــــي
و نفضل مع بعض دايمـــا و عمرك ما في يوم تسيبني

اوعي تكوني منهم يا هالة

أمنيتى كيفك ؟
مش بشوفك من زمان

طبعا قصيدة حلوة وعندك حق

بس متخافيش يا أمنية أنا والله مش منهم خالص

وشوفى يا ستى هما سنتين بس ان شاء الله وبعدها هسيب الوزراة , ده اذا الاعضاء سمحولى يعنى

شكرا ليكى يا أمنية ونورتينى فى الوزرارة