مشاهدة نتائج الإستطلاع: ماذا تصبو أن تكون بعد التخرج ان شاء الله

المصوتون
142. أنت لم تصوت في هذا الإستطلاع
  • صيدلى أهلى

    30 21.13%
  • الطب الشرعى

    18 12.68%
  • عضو هيئة تدريس

    24 16.90%
  • مندوب دعاية (مسوق)

    4 2.82%
  • صاحب مخزن أعشاب

    2 1.41%
  • مدير تحكم جودة فى شركة أدوية

    43 30.28%
  • أخرى

    21 14.79%
صفحة 1 من 5 123 ... الأخيرةالأخيرة
النتائج 1 إلى 10 من 47

الموضوع: ماهى شمسك؟ ما هو هدفك؟

  1. #1
    عضـو هيئـة التـدريـس
    تاريخ التسجيل
    May 2007
    المشاركات
    765

    Arrow ماهى شمسك؟ ما هو هدفك؟

    اعزائى الطلاب: تختلف نظرة كل واحد منكم للمستقبل و مكانه فيه. طبيعى الكل يصبوا الى السعادة الدائمة مع النفس و مع الغير و معها الرزق الوفير. معادلة الرزق واحدة لكل فرد و لكن مفرادتها تختلف قيمتها و كميتها من فرد الى فرد. هكذا انا مقنع فالسعادة بعض مفرداتها. هى معادلة موزونة و لكن كل فرد منا يبغى السعادة فى تعميق مفرد أو مفردين أو أكثر من هذه المعادلة. هذا حق لكل انسان و لكن لأن هناك شيئ غيبى فى هذه المفردات فستجد بالخبرة الشخصية أن هذا سيكون على حساب السعادة الحقيقية. فمن أراد الإكثار من المال مثلا كمفرد (يراه أخطر شيئ فى المعادلة) فسيأتى بالمال و بكل ماأوتى من قوة و لكن سيكتشف بعد حين ان مفرد اخر مثل الصحة أو العلاقات مع الناس او غير ذلك من مفرادات المعادلة قد اختل عما سبق. عموما لأننا لا نعلم الغيب فالإنسان غالبا يتعامل مع الأمور بطريقة افتراضية مجردة بدون حساب لكل العوامل و لكن اذا كان معه الترمومتر فإن شاء الله لاخوف عليه لأنه سيصحح مساره فى معظم الأحوال. انت كصيدلى ان شاء الله تصبو لأمر انت تحبه فى هذا المجال. يختلف طبعا هذا الهدف من شخص الى اخر على اساس ان هذا الهدف الذى تصبو اليه يحقق ملكاتك و يثبت ذاتك و يطبق ما تعلمته أو على الأقل ما أحببته فيجلب لك السعادة. لأن هذا الهدف كبير.
    أرحب بالدردشة حول هذا الأمر المعادلة: المهنة و الرزق و السعادة. و كذلك لاتنسوا الإستبيان المرفق مع تحياتى.
    "من لا يتقدم يتقادم .. فلا بصمة و لا أثر"

  2. #2

    افتراضي

    استاذنا الفاضل /
    د. عطا الله

    يشهد الله انت من الناس اللى أنا باحترمها جدا فى الكلية
    لان ما شاء الله على حضرتك ...

    و باشكر لحضرتك انك اتحت هذه الفرصة للمحاورة و الدردشة حول المهنة و الرزق و السعادة
    بس عاوزة اقول حاجة الاول

    لو حضرتك دخلت عندنا الفرقة الرابعة
    هتلاقى كم الاحباط اللى مالينا
    دا طبعا لظروف الحياة اللى احنا عايشنها الوقتى
    و اللى بتفرض علينا اليأس و الاحباط

    لكن انا الحمد لله دايما بببص للحياة بنظرة متفاءله
    حتى بعض الناس بالحرف بتقولى : بيغيظنى الامل اللى مليكى

    دا مش لشئ والله قد ماهوتعلق بربنا
    لان اولا و اخيرا الامر بايده
    و رغم الظروف اللى عايشنها لكن دا لا يمنعنى انى ارسم حياتى
    بطريقة مرنة تتكيف مع الظروف

    انا بصراحة اخترت مدير تحكم جودة
    و ممكن الطب الشرعى لو امكن

    و رغم انى عارفة ان دا صعب جدا جدا
    لكن ماعنديش مانع انى اكون صيدلانية اهلية
    او اى شئ تانى
    لكن دايما هافضل احلم بوضعى اللى رسمته لنفسى
    قبل ما ادخل كلية الصيدلة
    لانى داخلاها عن حب فيها

    و انا متأكدة ان جوا كل واحد فينا حلم كبير جدا
    لكنه مقيد خلف الظروف
    و كل واحد خايف يقوله لحسن نتريق عليه
    لكن انا قلت ابتدى
    و ياريت فعلا كل واحد يدخل يقول حلمه بجد
    و اللى ماعندوش حلم ... ياريت يبدأ يحلم

    و مايضحكش على الكلام دا
    لان اكيد الظروف هتتغير
    و مش هنفضل كدا على طول
    لكن يا ترى لو الحياة اتغيرت
    هتلاقى لك مكان ؟؟؟!!..

    هى دى فايدة الحلم
    و آسفة جدا على الاطالة
    و شكرا لحضرتك مرة تانية

  3. #3

    افتراضي

    حول المهنة و الرزق و السعادة

    المهنة ــــــــــ>>> رزق ــــــــــ>>> سعادة

    فى رأيى
    ان الانسان عندما يقرر ان يمتهن مهنة ... فلتحقيق هدف يصبو اليه
    انا مثلا باحب صيدلة و احب انى اشتغل فى شركة فى الرقابة
    لانى احب كدا و باحب شغل الابحاث العملى جدا
    و ماعنديش مانع انى اقدم المعلومة اللى عندى فى محاضرة اوندوة

    و ممكن كمان الطب الشرعى لانه محل ابحاث بردوا
    دا ليه؟؟؟

    اولا لانى اهوى البحث و الشغل العملى و الحصول على نتائج غير مسبوقة
    هذا يحقق لى السعادة
    لماذا؟؟
    لانى توصلت الى شئ جديد ..
    شئ فريد
    و مش هيفيدنى لوحدى
    يعنى بافيد ناس تانية

    و لما الاقى ان مجهودىدا بيكون له عائد ...اللى هو الرزق
    بردوا بافرح
    ليه؟؟؟
    لانى مش عايشة حياتى ال24 ساعة فى المعمل
    و ليا احتياجاتى
    اكل شرب لبس
    كدا
    و كل حاجة من دى عاوزة مادة

    يعنى اذن انا هاحقق نفسى
    هاقدم اللى عندى
    هاعيش حياتى
    و اكون سعيدة

    دا طبعا مش فى مصر حاليا
    لكن دا هو المسار الطبيعى لاى مهنة
    و دا اللى مفروض يتحقق

    و طبعا اولا و اخيرا فهو هدفنا ارضاء ربنا
    و شكر لنعمته علينا
    لانه اكيد ماحطنيش فى المكان دا
    الا لانه عارف اننى قد المسئولية دى
    فاكيد هابذل اللى عندى علشان اكون قد المسئولية

    عارفة انى اتجهت اتجاهات تانية
    بس مش مشكلة
    يارب اكون جاوبت اللى حضرتك عاوزه

    و شكرا لحضرتك

  4. #4
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    سعيد جدا بأول مشاركة فى هذا الموضوع و الذى يعطى لنا الأمل فى أجيالنا و قدرتهم. على الأقل توثبهم لأخذ المكانة. نعم سيأتى هذا الوقت بإذن الله. كذلك مدى إدراك العلاقة بين ما اختاره الإنسان كمهنه عن حب و اسباب سعادته مع أخذ الواقع فى الإعتبار شيئ رائع ينم عن شخص حاضر الذهن واضح الهدف يتلمس موضع لقدم ثابتة. احيى صاحب المشاركة و ننتظر المزيد من كل اعزائنا الطلاب.

    لاحظت أكثر من 35 ولوج للموضوع حتى الان و لكن بدون ملأ الإستبيان. يعنى قد تكون الكتابة مكلفة شيئا ما, فلا أقل من التأشير على دائرة إختيار فى الإستبيان اللهم إلا إذا كان الأمر يحتاج الى التفكير العميق ليوم أو بعض يوم.
    مرحبا بكم و تحياتى
    "من لا يتقدم يتقادم .. فلا بصمة و لا أثر"

  5. #5
    Pharma Student
    تاريخ التسجيل
    Sep 2007
    الدولة
    senbellaween
    المشاركات
    1,743

    افتراضي

    والله يادكتور
    انا رايى من رائ د/فارما
    وانا بردة متفائل لدرجة خيالية
    يعنى انا من اعدادى حاطط ادامىهدف يارب اقدر احققة
    هوة ممكن يكون خيالى
    بس زى مالحديث بيقول
    -اذا سئلتم الله فاسألوة الفردوس الاعلى من الجنة
    يعنى انا لو كان حلمى صغير هفضل صغير طول عمرى
    يعنى انا حلمى معلقة فى الاوضة والخطوات من اعدادى
    انى افتح شركة ادوية اشمها nabifarm pharma
    انا شايف ان كتير من الفرص الى حضرتك مقترحة فى التصويت بتغطى كل الاهتمامات بتاعتنا
    يعنى انا حابب اوى الطب الشرعى
    وباحب اوى كمان موضوع ال computed drug design
    بس دة ميمنعش انا انا فى بداية حياتى اذا كنت هكمل واعمل ماجيستير ممكن اشتغل مندوب عشان اصرف على الرسالة

    شكرا جدا يادكتور على الموضوع الهايل دة

  6. #6
    Pharma Student
    تاريخ التسجيل
    Sep 2007
    الدولة
    senbellaween
    المشاركات
    1,743

    افتراضي

    بالنسبة للسعادة والرزق والمهنة

    انا فى حكمة للشيخ الشعراوى بتعجبنى اوى

    بيقول اية
    قمة السعادة ان ترى النعمة فى الدنيا وترى المنعم فى الاخرة

    يعنى ان احنا نحب نعمل حاجة يكون ليها عائد مادى كبير علينا يجعلنا نعيش حياة الى حد ما ميسورة دة مش حرام
    وانا شايف ان ربنا يسر كل واحد لحاجة معينة
    يعنى ممكن اوى واحد مكنش موفق فى الكلية لانة مضايق من طريقة التعليم وشايف انة لو اتحط فى منظومة احسن هيدى وهيكون افضل مش شرط ان التقصير يكون من عندة هوة

    وبردة يا جماعة لازم نحط فى دماغنا ان ربنا عاوز لينا الخير
    والمشكلة اللى بتخلينا منرضاش عن اللى بيحصلنا - دة طبعا لو كنا عاملين اللى علينا مش مقصرين- ان احنا بنبص تحت رجلينا
    يعنى ممكن ربنا ميوفقكش فى حاجةمعينة عشان عاوزك تمشى فى اتجاة اخر هو جل جلالة بحكمتة الازلية يعلم انك هتكون احسن فى الاتجاة دة
    ارجو انى اكون وصلت وجهة نظرى

  7. #7
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    شكرا جزيلا يا mr_toxic وفقك الله واثبت على هذه القناعة. انا استفدت جدا من مداختلك. تحياتى
    "من لا يتقدم يتقادم .. فلا بصمة و لا أثر"

  8. #8
    Pharma Student
    تاريخ التسجيل
    Nov 2007
    الدولة
    Mansoura
    المشاركات
    799

    افتراضي

    موضوع جميل اوي بس اي حاجه من اللي فوق ليها دور كبير في المجتمع
    ونفسي برده في الطب الشرعي او تحكم الجوده
    وربنا معانا كلنا وانا "بحب الكليه اللي مطلعه عنيا"

  9. #9
    Pharma Student
    تاريخ التسجيل
    Sep 2007
    المشاركات
    80

    افتراضي


    أسمحلى يا دكتور أشارك حضرتك فى الموضوع ده مع أنى خلصت كليه خلاص
    بس أنا رأيى أن مهنتنا دى سهل جدا تتحب الحمد لله
    مهما الإنسان واجه فيها من صعوبات سواء فى دراسته أو بدايه حياته , و دا بسبب الجانب الإنسانى الكبير اللى فيها , اللى بيحتم على الإنسان أو الصيدلى تحديدا انه يكون فى مرحله تعليم مستمر
    بيفرضوا الواقع عليه و اللى بيخليه بيحاول انه يكون قد المسئوليه على قد ما يقدر
    و فى نفس الوقت يكون عنده مصداقيه - يعنى لو مش عارف حاجة يقول بصراحة - و يقرأ فيها بعد كده .. فيحس الإنسان انه كل يوم بيتعلم شيئ جديد
    أما بالنسبة للمهنه و الرزق و السعاده
    دول برضه الحمد لله سهل نحققهم بمجالات الصيدله المختلفة
    هو طبعا حياتنا مش جنه علشان تكون كلها سهله ، بس على حسب شخصيه و اهداف كل واحد إن شاء الله هيوصل للى عايزه بتوفيق ربنا ليه
    و إذا كان حاجة فيهم اهم بالنسبالى فهتكون السعاده
    لأن الإنسان لما بيحب حاجة أكيد هيعمل فيها أحسن حاجة و دا هيجيب الرزق و المكانه اللى هوا عايزها إن شاء الله

    و بالنسبه للاستفتاء
    فحلو قوى
    مدير تحكم جودة فى شركة أدوية

    هو مش لازم مدير يعنى بس أحب أنى اشتغل فى شركة أدويه خصوصا فى ال quality control

    و شكرا للموضوع و لأهتمام حضرتك
    و آسفه للإطالة

  10. #10
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    شكرا جزيلا يا dr noha
    أحب ان ابرز هذا المعنى الجميل الذى تفضلتى بالإشارة إليه و الذى يثبت حقيقة مهنتنا الجميلة و بالتالى سمو مهنة الصيدلى الأهلى و مدى عمق جذره و تأثيره فى المجتمع المصرى. فالأمر ليس مجرد مال يجمع , فإنها لشبه جريمة ان تفتح الصيدلية بحفنة من أنصاف المتعلمين من غير الصيادلة توفيرا للمال.

    "أن مهنتنا دى سهل جدا تتحب الحمد لله

    مهما الإنسان واجه فيها من صعوبات سواء فى دراسته أو بدايه حياته , و دا بسبب الجانب الإنسانى الكبير اللى فيها , اللى بيحتم على الإنسان أو الصيدلى تحديدا انه يكون فى مرحله تعليم مستمر
    بيفرضوا الواقع عليه و اللى بيخليه بيحاول انه يكون قد المسئوليه على قد ما يقدر
    و فى نفس الوقت يكون عنده مصداقيه "

    مع تحياتى
    "من لا يتقدم يتقادم .. فلا بصمة و لا أثر"

صفحة 1 من 5 123 ... الأخيرةالأخيرة

المواضيع المتشابهه

  1. ادخل هنا لتحقق هدفك ............لاتتردد
    بواسطة عاشقة الشهادة في المنتدى التنمية البشرية وتطوير الذات
    مشاركات: 23
    آخر مشاركة: 18-03-2011, 07:04 PM
  2. `•. عندما تغيب شمسك.... .•`
    بواسطة زهرة الايمان في المنتدى المنتدى الاسلامى
    مشاركات: 6
    آخر مشاركة: 17-07-2009, 03:06 AM
  3. الغيرة ماهي ؟؟
    بواسطة drsherbiny في المنتدى المنتـدى العـام
    مشاركات: 8
    آخر مشاركة: 07-07-2009, 11:53 PM
  4. ماهى السعاده ؟؟؟؟
    بواسطة Amira في المنتدى منتدى المناقشات
    مشاركات: 10
    آخر مشاركة: 29-03-2009, 10:19 PM
  5. عاوز ايه من سنة تانية ؟؟؟ .... تعالى و شاركنا هدفك ...
    بواسطة Anas في المنتدى الفرقة الثانية 2009
    مشاركات: 22
    آخر مشاركة: 28-09-2008, 10:38 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •