المشاركة الأصلية كتبت بواسطة Gohary
بص يا سيدي ..
اولا : الاستبيان اتسلم اصلا للدكتوره ماجده مطبوع ..
ثانيا : الموضوع ده البت فيه اصلا من شهر تقريبا .. وكان فيه قرارات بخصوصه .. لكن الدكتوره ماجده حبت ان يتعدل عليه شويه ..
ثالثا : لائحة الكلية الجديدة انتهت .. لكن الموافقه على تطبيقها ده شغل وزارة التعليم اللعالى .. مش موضوع الكليه الوقتي ..
رابعا : كل حاجه فى الكليه وليها المختص بيها .. يعني التدريب غير النتيجه غير اى حاجه تانيه .. احنا فى كلية محترمه ..
خامسا : حتى لو كان كلام سيادتك كويس .. وايه المشكله ؟؟ ليه منحلمش .. حضرتك كنت تتوقع ان المدرجات تبقى مكيفه ؟؟ طيب لو كان حد قالك كده قبل ما تتعمل .. برضه كنت هتقول له سنة 2020 ..
للاسف طول ما فينا الياس ده صدقني عمرنا ما هنعرف نعمل حاجه ولا نتقدم .. حتى لو حصل والاداره انشغلت عن الموضوع .. احنا الطلاب لازم نفكرهم ونحمسهم .. ونلح عليهم .. لاننا احنا المستفيدين ..
سادسا : حضرتك حر فى اللى وصلت له .. لكن بقيت الطلاب مش معاك .. وانا عن نفسي ان شاء الله هتدرب في الكليه .. تحب تبقى معايا .. ولا هتستني لسنة 2020 !!!
موضوع كويس بجد بس عليه ملا حظات كتيرة
منها فعلا عملية البطء الأدارى لأنى اشك فعلا ان المشروع يتعمل فى الأجازة دى على الأقل وده مش بسبب الكلية بس لكن بسبب حاجات تانية كتير
اولا افرض ان عدد كبير قرر الأشتراك هل المعامل والمعيدين هيحتملوهم
وهل تم وضع منهج تدريبى يسير عليه الطلاب
وهل وهل كتير اوى
المشروع كنواة فكرة ممتازة
لكن كتنفيذ على الواقع محتاج شغل كتير جدا
عشان نضمن النظام وكفاءة وتساوى فرص التدريب
واعتقد ان كلام دكتور Hulk من كتر اللى شافه
صحيح الكلية اتطورت كتير لكن لسه قدامها مشوار طويل جدا
كطلاب وايضا كأعضاء هيئة تدريس
يعنى متحسسنيش يادكتور جوهرى ان الدنيا زى الفل
وان الكلية تمام التمام
والا فليه الكلية مش الصيدلة الأولى على العالم
او على الأقل مصر
وفى نفس الوقت لسه الأمل موجود ان احنا نطور ونرتقى بكليتنا
خصوصا مع الثروة البشرية اللى بتمتلكها الكلية