مشاهدة نتائج الإستطلاع: مالذى يعوقنا فى الوصول الى مصاف افضل 500 جامعة على مستوى العالم

المصوتون
291. أنت لم تصوت في هذا الإستطلاع
  • ليس لدينا كليات معتمدة او متزاملة مع جامعات عالمية المستوى

    151 51.89%
  • مستوى الخريج لا يناسب متطلبات سوق العمل

    189 64.95%
  • العملية التعليمية قليلة الفاعلية فى إستيفاء مخرجات تعلم ممتازة للطالب

    200 68.73%
  • الأنشطة الموجهة لخدمة المجتمع و تنمية البيئة غير مؤثرة او قليلة

    119 40.89%
  • مجمل الأبحاث العلمية لا تنشر فى مجلات عالية الأثر مثل الطبيعة و العلم

    131 45.02%
  • النشاط الطلابى قليل او لا ينشر على موقع الجامعة او لا يشارك فيه اكثر من 50% من الطلاب

    148 50.86%
  • النشاط الطلابى لا يشمل خدمة المجتمع و البيئة المحيطة

    92 31.62%
  • تفتقد العملية التدريسية مهارة انماء التعلم الذاتى لدى الطلاب

    192 65.98%
  • الأرشاد الأكاديمى للطلاب غير فعال

    187 64.26%
  • مصادر التعلم: المكتبة الإلكترونية - المراجع المعاصرة - التعليم الإلكترونى الخ, غير كافية

    113 38.83%
  • ليس هناك الكثير من أعضاء هيئة التدريس حصل على جوائز عالمية رفيعة المستوى من علماء الجامعة

    77 26.46%
  • نسبة الطلاب الى أعضاء هيئة التدريس ليست مثالية (اكثر من 25 الى 1)

    172 59.11%
  • مساحة الجامعة بالنسبة لعدد الطلاب و العاملين بها ليست مثالية

    80 27.49%
  • المعلومات المتداولة عن الجامعة غير كافية للطلاب و العلماء و المجتمع الخارجى المحلى و العالمى

    107 36.77%
  • لا يشترك الطلاب و طلاب الدراسات العليا بفعالية فى لجان الكليات و ليس لهم وجود فى مجالس الكليات

    161 55.33%
  • تعمل الجامعة على تيسير الحصول على عمل او توظيف الخريجين

    39 13.40%
  • ليست هناك ادارة فعالة لشئون الطلاب الوافدين و استيعابهم

    93 31.96%
  • لا تستعين الجامعة بأعضاء هيئة التدريس او العلماء الأجانب ذو المستوى العالمى

    154 52.92%
  • نسبة الطلاب الأجانب الى الطلاب المحليين ضئيلة للغاية

    110 37.80%
  • هناك خريجين حصلوا على جوائز نوبل او فيلد

    15 5.15%
إستطلاع متعدد الإختيارات.
صفحة 3 من 9 الأولىالأولى 12345 ... الأخيرةالأخيرة
النتائج 21 إلى 30 من 86

الموضوع: العشرة الأوائل.... هل مستحيل؟.

  1. #21

    افتراضي

    حتى لا نخرج عن صلب الموضوع

    اذا كان المجتمع غير متقبل فكرة التعليم الفنى البناء
    فان الغاء كليات الشهادات او تحجيم عدد طلابها
    سوف يجبر المجتمع بأكمله على تغيير وجهة نظره
    مع انعدام البديل الذى يعطى المظهر الأجتماعى الكاذب
    والمضر بمصلحة الوطن
    انا لا أعترف بأن تغيير الثقافة يحتاج لقرون
    العملية كلها محتاجة صبر وهمة
    مسألة الزواج دى نقطة لا نناقشها فى موضوعنا
    وان كانت ليست بالحدة التى ذكرتها بها
    ـ..ـ..ـ..ـ..ـ
    يجب ان نضع فى الأعتبار ان مصلحة المجتمع فوق كل شىء
    يجب على الجامعات وطلابها ان تخرج من حيز سور الجامعة
    وتبدأ فى مناقشة الناس وتطبيق علومها فيما يصب فى صالح المجتمع
    لأن مسئولية الجامعة تفوق مجرد تعليم الطلاب
    ولك يجب ان تكون الجامعة منارة تربوية
    تنشر ثقافتها عبر أطر وبنود محددة
    سواء من خلال طلابها
    أو اعضاء هيئة تدريسها نفسها
    يعنى كمثال
    اا خبرتى فى الجامعة عمرها ماهتكون بنفس مستوى خبرتى فى الثانوى
    حاجات كثير اتغير مفاهيمها بالسبة لى فى الجامعة
    ووظيفتى انى انقلها لعائلتى وأقاربى ومعارفى
    بطريقة تسمح بوصول العلم الى دى واسع وبشكل بسيط يفهمه أقل المستويات
    وهذه نقطة أخرى من نقاط التطوير التى لا تطبق فى مجتمعنا الجامعى
    قلما وجدت جامعة مختلطة بمجتمعها المحيط
    ..التطوير يبدا بمن نفسك..
    ـــــ...فان غيرت منها...ــــ
    فغير من حولك
    وانشر الرسالة حسبما يتوافر لك
    من قوة ومركز
    وحتى أضعف الأيمان
    مهو ثقافة المجتمع
    اللى احنا جزء منه
    مسئوليتنا برضه
    وتغيير المفاهيم فيدنا
    ولكن نحتاج لنيبدأ
    فى شكل منسق ومجدول
    ودون الوقوع فى أخطاء التسرع والحماسة الزائدة
    التى يقع بها اشباب
    لايجب ان نتعجل التغيير
    وفى نفس الوقت لا يجب ان نتكاسل ونقول
    وانا مالى
    بس كده
    ومتردش تانى بقى لغاية لبكره

  2. #22
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    _____________
    الموضوع ده عاوز له قعدة خاصة ....
    بس مبدئيا ... أنا أؤيد كلام د\ عبد الله في نقاط كتييييير
    لي عودة ان شاء الله أكيـــد
    ___
    حد يعرف ترتيب جامعة Louisiana اللي فيها د\ فتحي و د\ محمد ؟؟... انا بحثت شوية و مش لاقياها
    يمكن لما نعرف ترتيبها و نقارن بين الجامعتين نشوف ايه اللي رافعها عننا و بما ان دكاترتنا هناك .... المقارنة هتكون بناء علي واقع ملموس مش مجرد كلام علي مواقع أو ورق أو مظاهر
    أكيييييييد ان شاء الله هرجع اقرأ تاني الموضوع براحة كده
    .
    .
    .
    د\ عطا الله لو حضرتك مدرستليش قبل ما اتخرج ... هكون خسرت كتيييييييير جدا ...
    المفروض الشهادة يتكتب فيها : "بكالوريوس علوم صيدلية جامعة المنصورة و تتلمذ علي يد الدكتور عطا الله "
    عشان خاطري تدرسلنا الترم القادم .... ...
    التعديل الأخير تم بواسطة BoNbOoNa ; 30-09-2009 الساعة 12:52 PM

  3. #23
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    ولكن نحتاج لنيبدأ

    فى شكل منسق ومجدول
    ودون الوقوع فى أخطاء التسرع والحماسة الزائدة
    التى يقع بها اشباب
    لايجب ان نتعجل التغيير
    وفى نفس الوقت لا يجب ان نتكاسل ونقول
    وانا مالى
    بس كده
    ومتردش تانى بقى لغاية لبكره




    مردتش اهه بس مش عشان طلبك

    لأ عشان كنت نايم

    بعض الاقتراحاتاللى فى رأى المتواضع خالث ممكن تسرع من عملية التطور:
    1. يتم تغيير طريقة تعيين الدكاترة فى الكليات على اساس ان الاول يبقى هو الدكتور (لازم يبقى التعيين زى نظام القطاع الخاص انه يكون عن طريق تقديم c.v ويبقى لاى فرد فى البلد دى درس الشىء اللى المطلوب انه يدرسه الحق فى التقدم ويكون التعيين للاجدر بعض عمل اختبارات لقياس قدراته فكرة أحد استاذتنا مش فكرتى )

    2)يكون فى فصل بين الدكتور الاكاديمى (اللى بيدرس لطلبة) وبين دكتور الابحاث(يعنى مثلا يكون الدكتور اللى يقوم بالتدريس للطلبة غير مسموح ليه بالدخول فى مجال البحث والعكس)

    طبعا ناس هتقول ان الدكتور فى الجامعات المتقدمة بيبقى معاه الدورين بحث وتدريس

    ماشى انا عارف بس النوع ده بيدرس ل50 طالب بالكتير فمش بياخده منه مجهود كبير يعطله

    اما عندنا فعضو هيئة التدريس بيدرس ل300 طالب فى اقل الكليات كثافة طلابية وده يبقى محتاج مجهود وتركيز اكبر منه فلو الدكتور بيقوم بابحاث تلاقيه داخل المحاضرة من غير مايكون محضرها وبالتالى فبيكون فى مشكلة من جانبه فى توصيل المعلومة

    فلو تم الفصل بحيث ان يكون

    الدكتور اللى بيدى محاضرات مايكنش ليه اى نشاط تانى فى الكلية غير التدريس(مع عمل اختبارات ليه كل فترة للتأكد من مواكبته لاخر ماتوصل له العلم فى مجاله)ويكون صاحب اعلى اجر لتركه المجد الشخصى اللى كان ممكن يحصل عليه من البحث العلمى

    والدكتور اللى بيقوم بالبحث العلمى ميكنش ليه اى علاقة بالمحاضرات مع مساعدة عضو هيئة التدريس فى تحصيل اخر المعلومات

    اه ونفس الشىء ينطبق على الدكاترة اللى ليهم مسئولية ادارية فى الكلية لازم يكون فى تفرغ للمجال اللى كل دكتور مهتم بيه

    طبعا الكلام ده كله سهل تحقيقه من الحل الاولانى يعنى لما تكون الكلية محتاجة عضو هيئة تدريس تكون عاملة اعلان يكون فيه طلب عضو هيئة تدريس ويكون قياس قدراته على الاساس ده

    ونفس الشىء لو كانت محتاجة دكتور ابحاث

    الكلام اللى فوق ده ليه

    لسبب بسيط لان اكبر عائق بيتكلم عنه كل مسئول فى المشكلة التعليمية هى عدد الطلبة

    طب حكاية عدد الطلبة دى المفروض انها تطرح لما يكون الطالب مش لاقى مكان يتعلم فيه

    لكن احنا عندنا اماكن بس المشكلة ان الطالب مش بيستفيد منها

    يعنى تلاقى الطالب بيحضر المحاضرة وخارج زى مادخلها بدون اى استفادة

    والسبب واضح وهو ان بيكون فى بعض الدكاترة جاى المحاضرة من غير مايكون محضرها او قرأها حتى

    او بيكون مش لاقى اسلوب جيد لتوصيل المعلومة للطلبة

    بالنسبة لكليتنا واللى محتاجة امكانيات مالية لشراء موارد العملى

    انا هقول حاجة قالى عليها ام فارماسيست بتطبق فى الهند

    وهى ان الشركات اللى بتمول الابحاث العلمية والجامعات تعفى من الضرائب

    طبعا حاجة زى دى لو اطبقت عندنا يروح فيها الدكتور يو..........غالى






    التعديل الأخير تم بواسطة Dr. Atallah F. Ahmed ; 30-09-2009 الساعة 07:23 PM

  4. #24

    افتراضي خلاصة مركزة

    حسنا لكى نخرج من هذه المناقشة بنتائج مثمرة وقابلة للتطبيق فعلينا ان نضع أفكارنا فى شكل معنون وممنطقة؛فتقويم الجامعات يكون من خلال:-

    1-جودة التعليم
    2-مسايرة سوق العمل
    3-الدراسات العليا والبحوث
    4-أنشطة الجامعة داخل المجتمع ومدى المساهمة فى تطويره

    تحت كل عنوان عدة بنود كالتالى

    جودة التعليم :-
    احد أهم مقومات الجامعات المتقدمة فى الترتيب هوجودة التعليم وتتمثل معايير الجودة فى التالى:-

    أ-المقررات المدرسة وتقويم الطالب
    ب--عدد الطلاب وقاعات الدراسةو الجدول الدراسى
    جأعضاء التدريس
    دـ-أدوات التعلم وتقويم العملية التعليمية

    أ-المقررات المدرسة(المواد الأكاديمية) :- بالطبع تتغير طبيعةالمقرر المدرس من تخصص لأخر وان كان هناك مشتركة فى جميع المقررات يجب ان تتحقق بحدود دنيا معروفة ومقررة عالميا وهذه الصفات كالتالى
    1-التصاعدية وبناء القواعد :- يعنى ذلك ان اى مقرر يبدا بالقاعدة التى يبنى الطالب عليها علمه
    وتشكل هذه القاعدة الحد الأدنى من المعلومات-مع ملاحظة ان هذه القاعدة تتسع مع انتقال الطلاب من مرحلة لأخرى -تقيس جودة هذ المرحلة مدى امكانية الطالب من استخدام هذه المعلومات فى التطبيق ومعدل فقدانه لما تم دراسته مع مراعه الفروق الفردية.

    2-المقررات التطبيقية:- هى المقررات التى تستخدم المعلومات الأساسية فى حل مشكلات وظواهر
    وتعتبر هذه ميزانا حساسا فى قياس جودة التعلم ةتعتبر الغرض الأساسى من التعليم الجامعى

    -ملاحظة :- التوازن بين المواد الأكاديمية والمواد التطبيقية فى المقررات الدراسية امر ضرورى لتحقيق معاييرالجودة ؛فلا يصح ان تكون المواد الأكاديمية التى تبنى الأساس المعلوماتى للطالب أكثر من مواد التطبيق وفى نفس الوقت لايجب ان تقل عن المعدل الذى يمكن الطالب من تفهم المواد التطبيقية

    3-المقررات الأضافية :- هى المقررات التى تستجيب لميول الطالب وتجعل تحديده لمجال التخصص المستقبلى اكثر سهولة وتخصصا وفى نفس الوقت هذه المقررات لا تؤثر على المحتوى المعلوماتى الكلى للمقررات الأساسية
    ويعتبر تعدد المقررات الأضافيةامرا جيدا اذا كان سق العمل يتطلب تعددا فى التخصصات داخل المجال الواحد بل تعتبر مطلبا أساسيا يجب ان تلتزم به الجامعة وتطبقه

    4-المقررات العملية :-يزداد هذا البند عندما يتعلق الأمر بالدراسة داخل المجالات العملية ؛يجب ان تكون المقرررات العملية ذو صلةواضحة بالمناهج النظرية وقابلية تطبيقها سواء داخل الجامعة او بأحد المؤسسات العلمية الأخرى
    لأن هذه المقررات هى التى تضمن تخرج طالب الكلية العملية كعضو عامل فى المجتمع

    ملاحظة :- كلما زاد الأرتباط بين المقررات النظرية والعملية كلما كانت جودة التعليم المتلقى أفضل وأعلى والعكس صحيح

    تقويم الطالب :-
    ان عملية تقويم الطالب هى الضمان الوحيد على ان الطالب أستوعب المقررات المدرسة علما وتطبيقا وانه قادر على تحويل العلم الذى تحصل عليه الىمفاتيح وحلول لمشكلات قد تقابله عندما يأخذ مكانه داخل المجتمع
    وللتقويم أيضا صفات ثابتة ومحددة لا تختلف مع اختلاف واضع الأختبار وهى مبنية تماما على أساس نوع المقررات المدرسة ؛ ويجب ان يحتوى التقويم على انواع محددة ومختلفة من السئلة نسردها بسرعة فى شكلين من اشكال التقويم :-
    1-أسئلة التذكر وتعلم الحدود الدنيا من المقررات الأكاديمية
    2- أسئلة مبنية على التطبيق ولحل المشكلات تتطلب الماما بالمقررات الأكاديمية وتطبيقا لما تعلمه الطالب ليس فقط فى المقرر ذاته ولكن ايضا بما قد درسه خلال المواد ذاتها فى سنين سابقة او مواد أخرى ذات علاقة بالمعلومة
    التى يختبرها الممتحن وهذه الأسئلة تعتبر الأكثر قدرة على تحيد مستوى الطالب بشكل أدق

    أيضا من معايير جودة التقويم هو المعدل الزمنى للتقويم ؛فيجب ان يكون مجموع العلامات التى حصل عليها الطالب من خلال أكثر من امتحان واحد ومن خلال عملية تستمر طوال فترة تدريس المقرر حتى حلول موعد الأختبار النهائى
    وبذلك نضمن عدم ظلم الطالب باختبار قدراته من خلال امتحان واحد او حتى امتحانين
    والصور المطبقةفى ذلك الشان مثل الشيتات والميد ترم والأختبارات الشفهية وغيرهم من أشكال الأختبارات الأخرى

    لن أتحدث عن معايير التقويم الأخرى مثل وقت الأختبار وصيغ السؤال وتدرج الأسئلة ولمن يرغب فهذها هو رابط
    ميكانكية وضع الأختبار فى أسفل المشاركة

    هنا

    سنكمل فيما بعد ان شاء الله
    على نفس النسق

    اقتباس المشاركة الأصلية كتبت بواسطة BoNbOoNa مشاهدة المشاركة
    ___
    حد يعرف ترتيب جامعة Louisiana اللي فيها د\ فتحي و د\ محمد ؟؟... انا بحثت شوية و مش لاقياها
    يمكن لما نعرف ترتيبها و نقارن بين الجامعتين نشوف ايه اللي رافعها عننا و بما ان دكاترتنا هناك .... المقارنة هتكون بناء علي واقع ملموس مش مجرد كلام علي مواقع أو ورق أو مظاهر
    أكيييييييد ان شاء الله هرجع اقرأ تاني الموضوع براحة كده


    فعلا عايزين دكتور محمدودكتور فتحى يشاركونا فى المناقشة وهيفيدونا بالنسبة اللجامعات بره عاملة ايه
    ومنتظرين مشاركة حضرتك يا دكتورة

  5. #25
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة BoNbOoNa مشاهدة المشاركة
    _____________



    الموضوع ده عاوز له قعدة خاصة ....
    بس مبدئيا ... أنا أؤيد كلام د\ عبد الله في نقاط كتييييير
    لي عودة ان شاء الله أكيـــد
    ___
    حد يعرف ترتيب جامعة Louisiana اللي فيها د\ فتحي و د\ محمد ؟؟... انا بحثت شوية و مش لاقياها
    يمكن لما نعرف ترتيبها و نقارن بين الجامعتين نشوف ايه اللي رافعها عننا و بما ان دكاترتنا هناك .... المقارنة هتكون بناء علي واقع ملموس مش مجرد كلام علي مواقع أو ورق أو مظاهر
    أكيييييييد ان شاء الله هرجع اقرأ تاني الموضوع براحة كده
    هذا الرابط به ترتيب جامعة لويزيانا فى مونرو. و لكن يجب ان يؤخذ فى الإعتبار ان ترتيب الجامعة قد لا يكون معبر عن مستوى كلية او معهد بعينه داخل هذه الجامعة و لكنه ترتيب بناء على متوسط معايير اجمالية.
    http://www.webometrics.info/rank_by_country.asp?country=us&offset=750


    اقتباس المشاركة الأصلية كتبت بواسطة BoNbOoNa مشاهدة المشاركة
    عشان خاطري تدرسلنا الترم القادم .... ...
    اكرمك الله و انا يشرفنى ذلك. يفعل الله ما يشاء
    -----
    اقتباس المشاركة الأصلية كتبت بواسطة عبدالله عبدالرحمن مشاهدة المشاركة
    1-جودة التعليم
    2-مسايرة سوق العمل
    3-الدراسات العليا والبحوث
    4-أنشطة الجامعة داخل المجتمع ومدى المساهمة فى تطويره
    جازاك الله خيرا يا عبد الله على تلك المشاركات الثرية و لكن افضل للمشاركين اعطاؤنا فكرة عما هو موجود داخل الجامعات الأولى عالميا من خلال الأنشطة التى تتصل بالمحاور التى ذكرتها (كما هو موثق فى مواقعها الإلكترونية و ارتباطتها التشعبية) حتى يسهل علينا عقد مقارنة عملية بيننا و بينهم لحصر الفجوات التى عندنا حتى يمكن المساعدة فى وضع تصور للعلاج بدأ من واقعنا.
    التعديل الأخير تم بواسطة Dr. Atallah F. Ahmed ; 03-10-2009 الساعة 06:12 PM
    "من لا يتقدم يتقادم .. فلا بصمة و لا أثر"

  6. #26
    عضـو هيئـة التـدريـس
    تاريخ التسجيل
    Jun 2008
    المشاركات
    289

    افتراضي

    I want to share in this debate
    Ok. but I will catch the suitable moment to can write on arabic

    my next report will be under the title of ( the value and the human) who find that? thank you
    -----
    thanks Dr Atallh as he gave us this area of a good discussion
    small comment, the website of universities order depends on the mount of university's sharing on internet. this is noticed from its name web-o-metrics
    I mean that there are some universities with no rank because for example it has no website, scientific journal or forums
    thanks
    coming back soon
    with ALLAH

  7. #27
    Pharma Student
    تاريخ التسجيل
    Jul 2009
    المشاركات
    36

    افتراضي

    موضوع جميل جدا بس ده حقيقه لازم نتفق عليها ان العيب مش الطلبه بس ولا هيئه التدريس الموقره ولا جامعه المنصوره بحد عينه
    العيب اكيد فى النظام من اوله
    مش بس التعليم يعنى لو جهنا النظر ان المشكله فى جامعه المنصوره بس يبقى دى نظره محدوده والا كان يبقى لينا ترتيب فى باقى المشاركات والتواجد على الساحه العالميه فى اى موضوع ولكن التاخر والتخازل
    بقه سمه وعلامه بارزه فى النظام
    يبقى لابد من ثوره تصحيح وشكرا

  8. #28
    Pharma Student
    تاريخ التسجيل
    Mar 2009
    الدولة
    يا رب مع النبى
    المشاركات
    1,178

    افتراضي

    موضوع جميل جدا دكتور عطاالله
    جزاكم الله خير الجزاء.......
    انا لسه امبارح شايفه محاضرة لدكتور أحمد زويل
    كان فى الرياض
    وكان بيتكلم عن نفس الموضوع
    بيقول ايه السبب فى تخلف الدول العربية؟
    اولا هو سأل هل السبب هو كوننا عرب او مسلمين
    ولكنه أجاب بالنفى
    فهناك من هم عرب ومسلمين قد صنعوا الحضارة
    فهناك : جابر بن حيان, والحسن بن الهيثم, وأبو بكر الرازى.....وغيرهم الكثير ممن عرفوا العالم معنى الحضارة وممن ملؤوا الدنيا بأسرها علما
    وهناك ابن خلدون: مؤسس علم الاجتماع
    كل هؤلاء مسلمون وعرب
    فلماذا حازوا على هذه المكانة
    ليس فقط فى الدول العربية او الاسلامية
    ولكن هم علماء لهم مكانتهم فى الغرب................

    فأين نحن منهم؟
    دكتور عطاالله..... لسنا نحن السبب.......
    ولكن ثقافة التعليم المتخلف هى السبب
    فأنا أريد أن أسأل نفسى واياكم
    ما الذى تتذكرونه من العام الماضى؟

    يا دكتور احنا بنذاكر بس عشان ننجح
    مش عشان نستفيد او نكتسب معلومة

    وده مش ذنبنا ابدا
    يعنى ابدأ الدراسة وبعدها باسبوعين الاقى كل دكتور بيقولى ان عندى امتحان على العملى كل سكشن
    لما يكون عندى 3 سكاشن كل اسبوع
    أكيد مش هلاقى الفرصه انى اكتشف حاجة جديدة
    لا وقت للتأمل فى ما ندرسه

    دكتور احمد زويل بيقول لما كنت معيد فى جامعة اسكندرية كنا بناخد الكيماويات نعينها فى الدولاب ونشترى اقفال ونقفل عليها لانها كانت بنستوردها واحنا اصلا دوله فقيرة فالمفروض اننا نحافظ عليها
    بيقول روحت امريكا لقيت الكميات كبيرة جدا
    اخدت شوية وعينتهم وجبت قفل وقفلت عليهم وبعدين لقيت ان مفيش كده خالص عندهم روحت رامى القفل
    كل حاجة متاحة للجميع بنظام

    والناس كلها بتساعد بعضها
    المشكله عندنا اننا دولة فقيرة
    وغير مهتمين بالتعليم من اى ناحية

    يعنى احنا كطلبة فى صيدلة يا دكتور
    ايه المفروض اننا ادرسه
    انا والله بدرس حاجات مش عارفه ليه بدرسها

    الغالب دلوقتى ان معظم الصيادلة بيقفوا فى صيدليات يعنى مش بيكونوا محتاجين لا عضوية ولا تحليلية ولا حاجات من دى
    انا كل سنه احفظ شوية معادلات ادخل الامتحان انساهم
    واللى بفتكره بكتبه وخلاص
    وبعد كده معرفش حاجة عن المواد دى
    يعنى الهدف عندنا مش التعليم

    التعليم لم يعد يعنى احد
    انا كل ما اسال حد صغير عاوز تطلع ايه يا حبيبى لما تكبر؟
    يقولى لاعب كورة.......
    يا ابنى دكتور , مهندس, مفيش.....

    فيعنى ربنا يسترها على الاجيال الجاية لانهم مظلومين
    احنا لحقنا نفسنا شوية يعنى........


    جزاكم الله خيرا دكتور عطالله
    وطبعا احنا سعيدين بحضرتك جدا
    حضرتك علمتنا وبتعلمنا دايما ومتواصل معانا فى كل وقت وفى كل موضوع

    فاحنا يشرفنا ان لنا دكتور زى حضرتك

    اسفه جدا على الاطاله

  9. #29
    Pharma Student
    تاريخ التسجيل
    Sep 2007
    المشاركات
    82

    افتراضي

    انا كنت عايز اقول حاجة بسيطة

    جامعة المنصوره ترتبها 2,943

    وجامعة القاهرة ترتيبها 1,219

    ليه الاتنين مش زى بعض؟؟





    وكمان الموضوع ده اكيد مش من اختصاص الطالب فى مجلس ادارة للجامعة ده شغله

  10. #30
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة live_and_learn2002 مشاهدة المشاركة
    انا كنت عايز اقول حاجة بسيطة

    جامعة المنصوره ترتبها 2,943

    وجامعة القاهرة ترتيبها 1,219

    ليه الاتنين مش زى بعض؟؟
    هذا هو السؤال الذى من أجله وضعنا هذا الموضوع. ما هو الفرق بين جامعتنا و الجامعات المصنفة عالميا. أهو الفرق فى الإدارة التى تعرف كيف تطبق الجودة الشاملة و تحترم ثروتها البشرية و تنميها و تستثمرهم افضل استثمار و تطبق عليهم القانون بمصداقية و شفافية و تعرف كيف توفر لهم بيئة العمل المريحة التى يبدعون بها؟ - هل الفرق فى جودة و كمية الأبحاث التى تترجم بمدى تواتر اسم الجامعة و اسماء علمائها فى الدوريات العلمية العالمية او بكمية و نوعية الجوائز التى يحصدونها؟ - هل الفرق فى الفاعلية التعليمية التى تترجم على هيئة خريجيين أكفاء محترفيين يتمناهم سوق العمل العالمى؟ او التى تترجم كطلاب لهم جهود مجتمعية و انشطة علمية و يعرفون كيف يتعلمون ذاتيا؟ ام فى توفير بيئة جيدة لفرص التعلم و تسلك معهم الجامعة مسلك التنمية المتعددة الإتجاهات و التى تضع بصمتها عليهم بعد التخرج ام فى القدرة على جذب عدد اكبر من الطلاب الوافدين من شتى ارجاء العالم؟؟؟؟؟؟
    لذا نود منكم ان تتعرفو على هذه الجامعات العالمية و مواقعها (من فضلكم راجعوا بداية الموضوع) و تعطوا لنا الركائز التى بها وصلت هذه الجامعات الى ما وصلت اليه.



    اقتباس المشاركة الأصلية كتبت بواسطة live_and_learn2002 مشاهدة المشاركة
    وكمان الموضوع ده اكيد مش من اختصاص الطالب فى مجلس ادارة للجامعة ده شغله
    لو احسستم بأهميتكم ما قلتم هذه العبارة. لاتستهينوا برأيكم (طالما كان نافعا) فالكلمة الصحيحة لها أثر و تنمى روح التغيير للأفضل و اعتقد ان المسئولين يمكنهم الإستفادة من هذه الأراء.
    التعديل الأخير تم بواسطة Dr. Atallah F. Ahmed ; 24-10-2009 الساعة 03:37 AM
    "من لا يتقدم يتقادم .. فلا بصمة و لا أثر"

صفحة 3 من 9 الأولىالأولى 12345 ... الأخيرةالأخيرة

المواضيع المتشابهه

  1. مستحيل افرط فى الشنطة بتاعتى ابدااااااا
    بواسطة sara ahmed في المنتدى المنتدى الاسلامى
    مشاركات: 16
    آخر مشاركة: 02-08-2010, 11:39 PM
  2. الأوائل على اعدادى
    بواسطة rofaa في المنتدى الفرقة الاولى 2010
    مشاركات: 15
    آخر مشاركة: 10-11-2009, 09:18 PM
  3. «فيس بوك» يصل إلى 200 مليون مستخدم
    بواسطة Dr.Mohamed في المنتدى قسـم الكومبيوتر والانترنت
    مشاركات: 4
    آخر مشاركة: 13-04-2009, 10:46 PM
  4. ~*¤ô§ô¤*~المفاتيح العشرة للتفوق الدراسي~*¤ô§ô¤*~
    بواسطة dr..asma في المنتدى المنتـدى العـام
    مشاركات: 11
    آخر مشاركة: 29-09-2008, 02:35 AM
  5. المفاتيح العشرة للنجاح
    بواسطة mr_toxic في المنتدى التنمية البشرية وتطوير الذات
    مشاركات: 13
    آخر مشاركة: 23-12-2007, 03:38 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •