ياناس اسمعونى.........................

[harypotter]

ياناس اسمعوـــــــــــــــــــــــــى
ياناس اسمعونى انا عندى ليكم سؤال

اللى بيحصل فيا ده حرام ولا حلال

هاحكيلكم من الاول بس اسمعونى

بعدها حتى اشنقونى

او مصمصوا عليا الشفايف

وقولوا لاحول ولا قوة إلا بالله اتجننت ام العيال

اصبر واصبر واصبر وصبرى تئن منه الجبال

وافكر فى حاجه ويشطح بيا الخيال

بسأل ومحيرنى السؤال

هو يا الفقر مع الصحه والعيال

يا الغنى والصحه وتزول العيال

يا الفقر والعيال والصحه فى زوال

يا الصحه والعيال والمال ومفيش حرام وحلال

سداح مداح وكله بينهش فى كله

حتى اسألوا ميمى وتوتو ودلال

طيب لوخيرونى اختار ايه

لو اخترت المال ممكن اعبى شوال وشوال

واروح فين من ربنا

ويوم الحساب جاى جاى لامحال

وان اخترت الفقر والصحه بلا عيال

اعمل ايه بالصحه وزينه الحياه فى زوال

وان اخترت الفقر والعيال

طيب مافيه مصاريف ومطالب اد الجبال

عشان اشوفهم اشى دكتوره ومهندس

ومحاميه وظابط او حتى عمال

واجهز منين البت واجيب الشقه للواد منين امال

يعنى مفيش فايده منها ولا ايه وليه وازاى

حد يجاوبنى ؟!

لما مفيش فايده طب ليه بنقتل ونسرق ونزنى

ارفعوا ايديكم وادعوا معايا لربنا يغفرلنا

ويرحمنا ويدخلنا جنته بلا سؤال

[simsimstar]

فعلا كلام منطقى جدا يا دكتور
الموضوع حلو أوى
والأهم بجد الفكرة اللى فيه لو فهمناها
أكيد هتبقى الحياة أفضل

تسلم الأيااااااااااااااااااااااااااااااااادى

[same7]

بجد مفيش كلام يوصف
الموضوع تحفه جدا

مش كموضوع ادبى
لكن
كموضوع
فيه كلام ومغزى كبير

[dr.noody]

كلام جميل والهدف منه اجمل ..

[رحيق]

الله كلام راااااائع يا دكتور ومغزاة عميق اوى مع انى اول مرة ارد فى المنتدى الادبى بس عجبنى جداااااااااا جداااااا
بس باعتذر يعنى هو فية تعليق صغير اوى ان جملة (لا حول الله )دى غلط فى معناها ولو حضرتك يعنى تبقى تستبدلها
وباشكر حضرتك مرة تانية على الموضوع الهادف دة

[الجنة مرادى]

جميلة جدا ومعبرة

جزاكم الله خيرا

وجزاكى الله خيرا د/رحيق على التنبيه

سبقتينى ربنا يكرمك

[harypotter]

جميلة جدا ومعبرة

جزاكم الله خيرا

وجزاكى الله خيرا د/رحيق على التنبيه

سبقتينى ربنا يكرمك

-----

الله كلام راااااائع يا دكتور ومغزاة عميق اوى مع انى اول مرة ارد فى المنتدى الادبى بس عجبنى جداااااااااا جداااااا
بس باعتذر يعنى هو فية تعليق صغير اوى ان جملة (لا حول الله )دى غلط فى معناها ولو حضرتك يعنى تبقى تستبدلها
وباشكر حضرتك مرة تانية على الموضوع الهادف دة

-----

فعلا كلام منطقى جدا يا دكتور
الموضوع حلو أوى
والأهم بجد الفكرة اللى فيه لو فهمناها
أكيد هتبقى الحياة أفضل

تسلم الأيااااااااااااااااااااااااااااااااادى

-----

بجد مفيش كلام يوصف
الموضوع تحفه جدا

مش كموضوع ادبى
لكن
كموضوع
فيه كلام ومغزى كبير

-----

كلام جميل والهدف منه اجمل ..

اولا الف شكرا على مرور حضرتكم الى زود الموضوع جمال
ثانيا ان مش شايف فى الكلمة دى حاجة(لا حول اللة) ممكن تفهمونى وجهة نظركم ولو كدة هطلب من المشرفين يحزفوها وشكرا مرة تانية على المرور

[محمد سمير]

موضوع جميل

تسلم



ــــــــــــــــــــــــــــــ

وبالنسبه لعبارة لا حول الله

هو الصح تكون لا حول الا بالله

لكن لا حول الله معناها نفى الكلام عن الله سبحانه وتعالى فى اعطاء الحول والمدد والقوه

[harypotter]

موضوع جميل

تسلم



ــــــــــــــــــــــــــــــ

وبالنسبه لعبارة لا حول الله

هو الصح تكون لا حول الا بالله

لكن لا حول الله معناها نفى الكلام عن الله سبحانه وتعالى فى اعطاء الحول والمدد والقوه

اولا شكرا على المرور

ثانيا شكرا على توضيح حضرتك وسوف اطلب تعديلها بأذن اللة فى اقرب وقت

[M.32L]

نايس توبك