مشاهدة نتائج الإستطلاع: .. رأيك فى تعميم ارتداء الفتيات للنقاب فى ظل حكم الجماعات الدينيه ..

المصوتون
41. أنت لم تصوت في هذا الإستطلاع
  • .. مؤيد ..

    13 31.71%
  • .. معارض ..

    28 68.29%
صفحة 1 من 2 12 الأخيرةالأخيرة
النتائج 1 إلى 10 من 13

الموضوع: .. صوره الفتيات فى حكم الجماعات الدينيه ..

  1. #1
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up .. صوره الفتيات فى حكم الجماعات الدينيه ..



    السلام عليكم
    منورين

    حبيت اشوف ارائكم واعرف ايه وجهه النظر فن موضوع الحجاب
    اللى تردد بقوه من قبل الانتخابات وحتى بعد بدء ظهور بشاير الفوز للجماعات الاسلاميه بشكل عام


    اللى بيقول ان اما الاخوان بعد اكتمال فوزها
    هتلزم الناس بلبس النقاب
    او هيئه البنات هتبقى بالنقاب غالبا
    وبدأت اشوف فيديوهات وكاريكاتيرات معترضه على الكلام ده




    انت كــ شاب

    رافض للفكره ولا مؤيد؟
    اسباب رفضك او تأيدك ايه؟


    وانتى كـ فتاه

    رافضه للفكره ولا مؤيده؟
    اسباب رفضك او تأييدك؟



  2. #2
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    اقتباس المشاركة الأصلية كتبت بواسطة same7 مشاهدة المشاركة



    السلام عليكم
    وعليكم السلام ورحمة الله وبركاته

    اللى بيقول ان اما الاخوان بعد اكتمال فوزها
    هتلزم الناس بلبس النقاب
    او هيئه البنات هتبقى بالنقاب غالبا
    وبدأت اشوف فيديوهات وكاريكاتيرات معترضه على الكلام ده

    ماعتقدش انهم هيجبروا حد على حاجه
    ممكن يعملوا حملات توعيه او تعليم البنات الحجاب الشرعى .. لكن مش اجبار ... لان اصلا ديننا مش بيجبر حد على حاجه ... الدعوه اصلا مبتكونش بالاجبار ( أدع إلى سبيل ربك بالحكمة والموعظه الحسنة )




    وانتى كـ فتاه

    رافضه للفكره ولا مؤيده؟
    اسباب رفضك او تأييدك؟

    موافقه انى البسه عادى ،، يــارييييت
    لكن مش مقتنعه انهم يجبروا الناس كلها على لبسه وان كان الزام البنات بيه هيريحنا من فتن ومشاكل كتير

    لكن فى نفس الوقت إلزام بنت مش موافقه عليه هيكرهها فى الدين اولا ، ثانيا الاولى الاقناع قبل الاجبار

    رأيى يعملوا حملات توعيه ويظبطوا الإعلام و البنات من نفسها ممكن نسبه كبيره جدا منهم تقتنع .. ويبقوا صححوا دماغ الناس و برضو الناس لبست اللبس الشرعى
    لكن الاجبار هيبقى لبس شرعى من غير تفكير سليم ... يبقى مستفدناش حاجه

    ولو اجبروا البنات بلبس النقاب يبقى لازم يزودوا الامان فى البلد عشان محدش يستغل النقاب غلط

    وبرضو فى الاخر مظنش انهم يعملوا كده

  3. #3
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    كل كلامك تمام يا اميره
    بس الفتره اللى فاتت دى

    فى بعض الشيوخ قالت ده واتكلمت عنه

    بالاضافه انى حسيت فى مخاوف من ده فى الاوساط الاخرى

    فحبيت اعرف اراء الناس ايه؟
    وهل فعلا فى مخاوف ولا مرحبين بده

  4. #4
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    وادى عشان الى اتردد فى الوسائل

    + YouTube Video
    ERROR: If you can see this, then YouTube is down or you don't have Flash installed.


  5. #5
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي


    الأول مش كل الجماعات الدينية تفكيرها وأولوياتها واحدة


    بالنسبة للسؤال بقى

    أنا صحيح بحب النقاب جدا مش لإنه فرض ولا لإي سبب غير انه زي أمهات المؤمنين

    بس في نفس الوقت مش من حق حد يفرضه ولا يفرض الحجاب حتى


    أصلًا مش دي الأولوية في السنين الجاية خااالص حتى لو ممكن تكون أولوية..

    وحتى لو البلد استقرت وعمرت فيه مشاكل -دينية- أكبر مليون مرة من الحجاب

    لما الواحد يمشي في الشارع يسمع ألفاظ زبالة وشتايم بالدين وشباب مدمنين مخدرات وبنات وأولاد أخلاقهم بايظة

    مش معقول في وسط دا كله نقول الحجاب والنقاب

    الحجاب دا انعكاس لإيمان البنت مش العكس ولو اتفرض عليها فرضًا ممكن أخلاقها تبوظ مش تبقى أحسن

    وهتبقى بتحاول تتحرر منه وتسيء له بأي شكل ودا بيحصل في دول تانية

    وحتى في مصر عشان الأهالي بقوا بيهتموا البنت محجبة ولا لأ وخلاص، بنشوف أسوء الأفعال من المحجبات قبل غيرهم


    وحتى لو وصلنا لمجتمع مثالي قدام إن شاء الله.. فربنا بردو قال (ولو شاء ربك لجعل الناس أمة واحدة ولا يزالون مختلفين)



  6. #6
    Pharma Student
    تاريخ التسجيل
    Apr 2009
    المشاركات
    1,168

    افتراضي

    أنا برده مع رأي البنات ان النقاب ده حرية شخصية أنا بحبه جداا ويارب ألبسه بإذن الله
    بس ميجيش بالاجبار !!!!!! لان ساعتها هيكون استخدامه غلط !!؟؟
    وبالتالي انا بقترح يكون في اختيار تالت فالاستفتاء ( مؤيد مع مراعاة الحرية الشخصية
    )
    التعديل الأخير تم بواسطة dr_orchida ; 23-12-2011 الساعة 01:56 PM

  7. #7
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    اول ماقرأت العنوان تخيلت انه هيتكلم عن
    العمل بالنسبه للبنات
    او الفصل ما بين الشباب و البنات

    في حاجات كتير لازم نركز عليها قبل اللبس
    المظهر الخارجي بتظبط تلقائي مع الاستقرار الداخلي بالقرب من الله

    عامة انا مع احياء القلوب اولا ...لان ناس كتير بعدت اوي و محتاجين ايد تتمد ليهم و تفكرهم باساسيات الدين
    بمجرد دا ما يحصل هتلاقي المجتمع كله بيتغير للافضل

    ودا مش هيحصل لو حضرتك بتكلم واحد مش لاقي ياكل و بيسرق لمجرد انه يعيش
    العدل ثم العدل ثم العدل
    ودي المهمه الاصعب بالنسبه للاسلاميين
    حققوا العداله و الحريه و الامن و نمو اقتصادي ......مطلوب منهم تحويلها لواقع مش مجرد شعارات

    و يوم دا ما يحصل هتبقي مصر بجد ام الدنيا

  8. #8
    Pharma Student
    تاريخ التسجيل
    Sep 2007
    المشاركات
    2,797

    افتراضي

    معارضه طبعا لان مينفعش يكون فى احكام فرديه الا لو اعلنو زى رسمى للبلد ودى حاجه صعبه ومش من حقهم يفرضو لبس على حد مش مقتنعه بيه

  9. #9
    Pharma Student
    تاريخ التسجيل
    Jun 2007
    الدولة
    البيت
    المشاركات
    896

    افتراضي

    انا عن نفسي معترض علي فرضه بالقوة

    لكن اتمني قبل مااموت اشوف بنات مصر لابسين حجاب كما ينبغي ان يكون

    لأني لما بنزل الجامعه بشوف مناظر غريبه

    بحس ان انا في بلد أوروبي أو اسرائيلي


    لبس البنات بقي مستفز لدرجه صعبه

    ولا حول ولا قوة الا بالله العلي العظيم

    ربنا يهديهم ويهدينا

  10. #10
    Pharma Student
    تاريخ التسجيل
    Jun 2007
    الدولة
    البيت
    المشاركات
    896

    افتراضي

    موضوع عجبني جدا جدا جدا جدا جدا

    وجرئ جدا جدا جدا جدا جدا جدا



    ياريت تشوفوا كده

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •