النتائج 1 إلى 8 من 8

الموضوع: مواد الفرقة الأولى

  1. #1
    Pharma Student
    تاريخ التسجيل
    Oct 2009
    الدولة
    البلد كلها بتاعتى
    المشاركات
    86

    Post مواد الفرقة الأولى

    السلام عليكم دفعة (إعدادى الصغنونة سابقاً) وأولى حالياً,طبعاً مبرووووووووووووووووووك علينا كلنا النجاح وهارد لاك لأى حد لم يوفق وإن شاء الله الجاى أحلى

    يسعدنى أن أقدم شرح مبسط ومنقول عن أحد زملائنا بإيجاز عن مواد السنة دى إن شاء الله


    الكيمياء التحليليه :

    بتركز على الــ titration .. ودى طريقه لتحديد تركيز sample باستخدام تفاعله مع حاجه تانيه .. هتاخدوا اليترم الاول نوعين منه .. الـ aquous و الـ non-aquous .

    والتيرم التانى بيكون برضه titration بس بأنواع معينه .. وبرضه بيكون جزئين

    أما العملى بيكون هو هو النظرى .. وده بيسهل حاجات كتير .. خصوصا فى شيت العملى .. والشغل ذات نفسه بيكون سهل وبسيط ومش محتاج اى مذاكره خالص .. فقط تبقى بتعرف تشتغل ازاى ..

    أهم حاجه تعرفوها ان تحليلة أولى ماده جميله اوى اوى وسهله .. خصوصا لو الدكتوره ناهد هى اللى هتديكم برضه ..

    الكيمياء العضويه :

    دى فيها كتير من الثانويه العامه .. بس بتوسع كبير جدا .. يعنى التيرم الاول هناخده الـ Alkanes والـ Alkenes والـ Alkynes والـ Alcohols و الـ Alkyle halides والـ Ethers والـ Thiols .. والتيرم التانى بتاخده الـ Aldehydes & Ketones والـ Carbohydrates والـ Carboxylic acids والـ drevatives of carboxylic acids والـ Amines والـ Amino acids ..
    وكل حاجه من دول بتاخده فيها التسميه وطرق التحضير والتفاعلات ولو فيه تطبيقات طبيه ..
    والعملى بيكون عباره عن سامبلز .. وبتعملوا عليها تفاعلات .. وفى الامتحان بينزل لك سامبل على هيئة unknown والمطلوب منك انك تكتب اسكيمة التفاعلات بتاعته وتعرفه هو ايه .. وده الفرق بين اولى واعدادى .. انت فى اعدادى كنت بتكتب الاسكيمه وخلاص .. لكن فى أولى انت مطلوب منك تعرف ايه ده ؟؟

    العقاقير :

    اسمها فى اولى النباتات الطبيه .. فى التيرم الاول بتاخدوا شوية انترودكشن على الليف .. وبعدين بتاخده leaf ومعاهم dusting powder ..
    وجزء الـ leaf بتاخده كل الـ leaves اللى بيكون لها قيمة طبيه .. وبتاخده لكل واحده الـ origin بتاعها .. والـ active consituents اللى فيها .. وكمان الـ uses بتاعتها .. ولو ليها رسومات T.S .. وكمان الـ Powder بتاعها .. والـ chemical test .. وشوية notes كده عليهم .. والـ dusting powder بيكون عباره عن البودر اللى بيكون له استخدام طبى .. وبرضه بتاخده فيه نفس حاجه الـ leaf زى مثلا الـ talc powder بودرة التلك ..

    والتيرم التانى فيه bark و flower و wood و animal products وبرضه زى الـ leaf بتاخده كل حاجه عنه ..

    العملى بيكون عباره عن شوية عد معين من الـ Leaves فى التيرم التانى مش كل اللى فى النظرى طبعا .. والتيرم التانى برضه عدد معين من الـ folower و الـ bark والـ wood .. وفى الامتحان بينزل لك عينه unknown والمطلوب منك تعرف هي ايه وتكتب الاسكيمة بتاعتها .. وبيكون فيه شيت وشوية spots كده ..
    أهم حاجه تعرفها عن العقاقير فى اولى انها محتاجه حفظ رهيب .. وتبدا فيها من بدرى ما تسيبهاش ايام الامتحانات .. لانها محتاجه مراجعه كتير عشان تثبت فى الدماغ ..

    الصيدلانيات :

    من المواد الجميله جدا اللى هتحبوها .. .. وهى بتتكلم عن الادويه .. كيفية صناعتها وكيفية تعبئتها وتخزينها ..
    يعنى اى دوا فى الدينا بيكون من 3 حاجات drug + vehicle + additives ( دوا و ومذيب زى الماء و بعض الإضافات ) الـ drug اللى هوا الدوا بيتاخده فى العقاقير .. الـ additives و الـ vehicle بتاخدهم فى الصيدلانيات ..

    التيرم الاول هتاخدوا الـ solution والـ suspension والـ emulsion والـ powder والـ colloid والـ capsule والـ tablet وشوية calculation كده ..
    التيرم التانى بتاخدوا الـ oral solution اللى هو اى دوا بيتبلع والـ external preparation اللى هى زى المراهم والكريمات والمس يعنى اى دوا بيستخدم استخدام خارجى ومش بيتبلع .. وجزء تانى فيه بقيت الـ calculation بتاعة التيرم الاول وجزء الـ suppository اللى هو اللبوس .. وجزء الـ Incomptability ..

    العملى هتاخدوا فيه الروشتات ازاى بتتكتب .. ومكوناتها .. وهتتاخدوا شوية تحضيرات تعلموها .. وفى الامتحان بينزل لكم تحضيره واحده تعلموها ..

    هى ماده محتاجه حفظ برضه .. لكن مع الفهم الحفظ هيبقى سهل ..

    المواد الطبيه :

    هى عباره عن مواد من كلية طب .. وهى physiology و anatomy و histology و psychology ..
    التيرم الاول بتاخده physiology بس .. جزء منه بيكون من صيدله وجزء منه بيكون فى طب .. وبتاخدوا فيها اجهزة الجسم من الناحيه الوظيفيه .. الجهاز الهضمى والتنفسى والدم والاخراجى .. وهكذا ..

    التيرم التانى بتاخده anatomy و histology ودول بيبقول سهلين .. فى الـ histology الدكتور بيحدد 10 اسئله short notes بيجيب منهم 5 فى الامتحان .. والـ anatomy الدكتور برضه بيحدد أجزاء مهمه فى المنهج ..

    الـ psychology يكون منفصل كماده لواحدها وليها امتحان لواحدها .. وبيكون منهج صغير كده ..


    ده بالاضافه للحاسب الآلى



    وكل سنة واحنا طيبين وعقبال السنين الجاية

    التعديل الأخير تم بواسطة harhera ; 10-08-2011 الساعة 03:58 AM

  2. #2
    Pharma Student
    تاريخ التسجيل
    Oct 2010
    المشاركات
    9

    افتراضي

    وانتا طييييييب يا حبيبي ويااااارب اكتب علينا التقدير وشكرا ع المعلومات الجميلة دي

  3. #3
    Pharma Student
    تاريخ التسجيل
    Jan 2011
    المشاركات
    27

    افتراضي

    bgad nice topic thnxxxxxxx aloOoOoOoOoOot

  4. #4
    Pb Elite
    تاريخ التسجيل
    Feb 2010
    الدولة
    فى أرض الله الواسعة
    المشاركات
    195

    افتراضي

    اقتباس المشاركة الأصلية كتبت بواسطة harhera مشاهدة المشاركة

    المواد الطبيه :

    هى عباره عن مواد من كلية طب .. وهى physiology و anatomy و histology و psychology ..
    التيرم الاول بتاخده physiology بس .. جزء منه بيكون من صيدله وجزء منه بيكون فى طب .. وبتاخدوا فيها اجهزة الجسم من الناحيه الوظيفيه .. الجهاز الهضمى والتنفسى والدم والاخراجى .. وهكذا ..

    التيرم التانى بتاخده anatomy و histology ودول بيبقول سهلين .. فى الـ histology الدكتور بيحدد 10 اسئله short notes بيجيب منهم 5 فى الامتحان .. والـ anatomy الدكتور برضه بيحدد أجزاء مهمه فى المنهج ..

    الـ psychology يكون منفصل كماده لواحدها وليها امتحان لواحدها .. وبيكون منهج صغير كده ..


    ده بالاضافه للحاسب الآلى



    zlمعلش لى تعليق صغير على كلام الدكتور أولا الحاسسب الآلى اتلغى معدش موجود
    بالنسبة للمواد الطبية الامتحان بتاعه معدش
    short notes زى كل سنة دة بقى ام سى كيو ملوش عملى الترم الاول بسس فيه عملى هستولوجى فى الترم التانى وبيكون عليه 10 درجات والمادة دى ملهاش شفوى خالص لاترم اول ولا تانى. وشكرا وطبعا انا لا أعدل على الدكتور فإنه جل من لا يسهو
    التعديل الأخير تم بواسطة dr/M.Eldesoki ; 16-09-2011 الساعة 01:39 AM

  5. #5
    Pharma Student
    تاريخ التسجيل
    Oct 2009
    الدولة
    البلد كلها بتاعتى
    المشاركات
    86

    افتراضي

    اقتباس المشاركة الأصلية كتبت بواسطة dr/M.Eldesoki مشاهدة المشاركة
    zlمعلش لى تعليق صغير على كلام الدكتور أولا الحاسسب الآلى اتلغى معدش موجود
    بالنسبة للمواد الطبية الامتحان بتاعه معدش
    short notes زى كل سنة دة بقى ام سى كيو ملوش عملى الترم الاول بسس فيه عملى هستولوجى فى الترم التانى وبيكون عليه 10 درجات والمادة دى ملهاش شفوى خالص لاترم اول ولا تانى. وشكرا وطبعا انا لا أعدل على الدكتور فإنه جل من لا يسهو


    مشكور جداً على التصحيح البسيط لبعض المعلومات

    فى البداية الحاسب الآلى قيل بإنه رجع تانى بعد ما دورة ICDL اتلغت فضرورى إننا ناخد حاسب آلى لأن السنة اللى فاتت كان ليها وضع خاص حتى فى تحول بعض نماذج الامتحانات لام سى كيو نظراً للاعتماد اللى الكليه والحمد لله حصلت عليه

    فكل سنة وليها ظروفها وهنا الكلام لابد وأن يكون بشكل عام

    وفى النهاية أنا أشرت فى بداية كلامى بإن التوبيك منقول بس فى الحقيقه أنا مانقلتوش اللا بعد ما تأكدت منه بنسبة كبيرة وزى ما حضرتك قلت

    جل من لا يسهو

  6. #6
    Pb Elite
    تاريخ التسجيل
    Dec 2009
    الدولة
    at a home of my dreams
    المشاركات
    1,961

    افتراضي

    ربنا يعينا ان شاء الله
    ونعدي السنة دي بسلام

    لكن فيه كمان علم النفس مش عارفة موجود الترم الأول أ والتاني

  7. #7
    Pharma Student
    تاريخ التسجيل
    Sep 2008
    المشاركات
    3,366

    افتراضي

    اقتباس المشاركة الأصلية كتبت بواسطة harhera مشاهدة المشاركة

    فى البداية الحاسب الآلى قيل بإنه رجع تانى بعد ما دورة ICDL اتلغت فضرورى إننا ناخد حاسب آلى لأن السنة اللى فاتت كان ليها وضع خاص حتى فى تحول بعض نماذج الامتحانات لام سى كيو نظراً للاعتماد اللى الكليه والحمد لله حصلت عليه
    ايه !!

    هيا اتلغت ؟؟

    ممكن لو حد يعرف حاجه عن الموضوع دا يقول اذا سمحتوا

  8. #8
    Pharma Student
    تاريخ التسجيل
    Oct 2010
    الدولة
    رئيس جمهورية نفسي
    المشاركات
    400

    افتراضي

    يعني ايه ؟ Icdl اتغلى لو حد عنده علم و تفاصيييبل للموضوع يوضح ؟؟
    و الحاسب الالي ده نظامه ايه هناخده ولا م ملغي ولا ايه ولا ايه ؟؟

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •