اتمنى من ربنا الفوز لمصر بكرة
اتمنى من ربنا الفوز لمصر بكرة
تعافي حسني عبد ربه لاعب وسط المنتخب المصري الأول لكرة القدم من الإصابة التي لحقت به في مران الفريق أمس الجمعة، لتكتمل صفوف الفريق قبل مواجهة زامبيا غداً السبت في إطار تصفيات كأس العالم.
وكان عبد ربه قد شعر بإجهاد في العضلة الضامة، قبل أن يؤكد طبيب الفريق شفاءه تماماً وجاهزيته لخوض اللقاء.
وقال مهيب عبد الهادي مراسل قناة الحياة أنه لا وجود لأي إصابات بالفريق المصري، مشيراً إلي أن جميع اللاعبين شاركوا في المران الرئيسي اليوم السبت وسط إرتفاع الروح المعنوية.
وعن التشكيل المقرر أن يبدأ به مباراة الغد قال مراسل الحياة، "لن يتم الدفع بمحمد بركات منذ بداية اللقاء خوفاً من تجدد إصابته"، مشيراً إلي أن كل الإختيارات متاحة للجهاز الفني.
وقال عبد الهادي في اتصال هاتفي ببرنامج "الكورة مع شوبير"، "من المقرر أن يبدأ شحاته مباراته غداً بعصام الحضري في حراسة المرمي، وائل جمعة وأحمد سعيد اوكا وهاني سعيد وأحمد فتحي وسيد معوض في خط الدفاع، حسني عبد ربه ومحمد حمص وأحمد حسن في خط الوسط، أبو تريكة وعمرو زكي في خط الهجوم".
واختتم مراسل الحيات تصريحاته مشيراً إلي أنه قد يشارك أحمد رءوف في المباراة كأساسياً في حال البدأ برأسي حربة.
ويحتل المنتخب المصري وصافة المجموعة الثالثة بالتصفيات برصيد سبع نقاط بفارق ثلاث نقاط عن المنتخب الجزائري المتصدر، فيما يحتل المنتخب الزمبى المركز الثالث برصيد أربع نقاط، وتتذيل رواندا جدول الترتيب برصيد نقطة واحدة.
طبعا بعد الكلام ده كله
انا عندى سؤال
يعنى ايه كاس عالم
واحنا عاوزين نصعده ليه؟؟؟؟؟؟؟؟؟؟
لو حد بس قدر يعرفنى يعنى ايه كاس عالم
دا كل العالم راح كاس العالم ماعدا احنا
طبعا كله هيقول ماحنا صعدنا سنة 90
هقوله لو حد فيكوا يقدر يقولى على تشكيل اللاعبين اللى لعبوا فى كاس العالم ده
يبقى هو عرفنى معنى كلمة كاس عالم
واللى انا من يوم ماتولدت مشفتش فريقنا بيلعب فيه
فالحين بس يخبطوا مليون تصريح قبل التصفيات
وفى التصفيات يبقوا خيبتها
حد كان سمع قبل كده عن الحجى ضيوف ولا دروجبا
كلها اسماء اتعرفت بسبب منتخبنا العظيم
وهتشوفوا بكره لما نلاقى واحد اخره الدورى القطرى عامل فيها احسن لاعب فى العالم
برضه بسببنا
ربنا يستر بكره
عشان انا اتخنقت خالص واخر الكرة المصرية دى معايا كاس العالم ده
لو مصعدناش معدتش مشجع كورة تانى وهتم بقى بمستقبلى واستريح من حرق الاعصاب بتاع كل بطولة بندخلها
انا اتمنى من كل قلبي اننا نفوز بكرة مش عشان اننا بنحلم بالصعود وبس عشان مش نشوف شماتة الجزائريين وهما جايين يلاعبونا الماتش الاخير تقضية واجب وعشان ان شاء الله نرد على التصريحات اللي بيقولوها في حقنا بس مش بالكلام وبس بجد مش عايزين نحس الاحساس ده
بس انا متفائلة خير ان شاء الله وهندخل بكرة كلنا ان شاء الله نهنئ بعض بالفوز
كلنا هنعرف قدر الكورة في مصر بكره
من كل قلبي اتمنى بكره فرحه مصريه ,, ربنا قادر عليها باذن الله ,, و بعدين المنتخب دا فرحنا كتير لازم نقف جنبهم و ان شاء الله ربنا يوفقهم
انا بتوقع ان شاء الله
3-1
لمصر
ازاى هو كدا وخلاص
كسبنا واحد صفر بس
يادوب يودونا اخر الشارع
لكن كاس العالم بالطريقة دى مش احنا اللى هنروحله
هو اللى لازم يجيلنا
وباذن الله رواندا تجيبهولنا وربنا يستر
مبروك الفوز لمنتخبنا ولينا ولشعب مصر
انا فرحان اوى رغم ان الاداء لم يقنعنى وكان فريق زامبيا متحكم فى الماتش بصوره كبيره
ولكن لا ننس ان الملعب كان سيىء جدا والجو حار
ومش عاوزين ننسى عصام الحضرى ياجماعه كان بجد نجم المباراه
اهم حاجه خدنا 3 نقط