ممكن تشوف (في الكلية) من 2006 لدلوقت من هنا
شباب وبنات أسرة (في الكلية)
اتعرفنا على بعض سنة 2006 و إتجمعنا حوالين حلم صغير،
أننا نبدأ مع بعض الأسرة، بمجهودنا وأفكارنا الخاصة..
حاولنا أننا نبدع و نتميز في كل اللي قدمناه ..
وفعلا .. تميزت أفكارنا وتوج مجهودنا بعد 3 سنين بأن أسرتنا بقت
أفضل الأسر الطلابية في كلية الصيدلة لعام 2008-2009 .
وخلال ذكرياتنا معاها .. وخلال مشوارنا معاها عرفنا .. أن الحلم مكنش صعب ..
لكن محتاج بس شوية من الأمل والحماس .. والعمل
الهدف
فكرنا كتير في هدف يجمعنا كلنا ..
فإتجهنا بأسرتنا " في الكلية " للتميز، والأفضلية ..
والتفوق في كل اللي بنقدمه من خدمات مفيدة وممتعة لجميع الطلاب..
هدفنا
إنشاء مجتمع صغير.. كل فرد فيه يقدر يلاقي نفسه وآماله وأحلامه ..
يقدر يلاقي مساحة للتعبير والإبداع.. بكل إمكانياته
هدفنا ابتكار جو من التعاون والتكاتف والاتحاد ..
لتكون طاقات الشباب فينا إلهام ومحفزا نحو القمة.
المهمه
بالتالي اصبحت مهمتنا صعبه ..
لكننا هنحاول – ان شاء الله – إتقان عملنا وإخراجه ليكم بأفضل صورة وأفضل مضمون..
ونخلي إفادتكم وإمتاعكم وقود يشجعنا على العمل وابتكار كل جديد..
فكل فكرة تنتجها الاسرة هي موجهة ليكم في المقام الأول..
وهنحاول انها تكون بمستوى يفوق توقعاتكم ..
بمستوى يدهشكم باستمرار ..
نتمنى ان شاء الله نقدر نستمر في تحقيق المهمه و الوصول للهدف ..
بوجودنا مع بعض .. و وجودكم معانا ..
و انضمامكم للاسره بأفكاركم .. و طاقاتكم .. و احلامكم
اسرة (في الكلية)
معا .. نصنع الاختلاف
Together We make The Difference