الجدول المقترح لامتحانات النظري الترم التاني

[Anas]

يا ريت يا دكاترة كل واحد مش عاجبه حاجة ف الجدول يقولها عشان نقدر نوفق بين الآراء بإذن الله

و زي ما قلنا الاقتراحات تكون في ترتيب المواد

مثلا انا بقترح التالي

1- كيمياء العقاقير

2- كيمياء حيوية

3- فارماكولوجي

4- كيمياء طبية

5- معايرات إحيائية

6- مستحضرات صيدلية

[mememe]

شكرا يا د/ أنس على اللينك
و الله الواحد تعبك معاه مره بسبب نتيجة الموبايل و مرة تانية بسبب ال browser بتاع النت

[Dr/HULK]

1- كيمياء العقاقير

2- كيمياء حيوية

3- فارماكولوجي

4- كيمياء طبية

5- معايرات إحيائية

6- مستحضرات صيدلية

ترتيب كويس بس ياريت الميديسنال تبقى رقم 3

والفارما رقم 4

اما الباقى فكويسين كده

بس على فكرة التيرم الاول الجدول المقترح اللى نزل متغيرش فيه حاجة

ونزل زى ماالكلية عملته وكأن اللى كنا بنعمله فى المنتدى عبارة عن لعب عيال

[Anas]

ترتيب كويس بس ياريت الميديسنال تبقى رقم 3
والفارما رقم 4
اما الباقى فكويسين كده

انت لما تذاكر فارما بعد كده مديسنال أسهل بكتير من انك تذاكر المديسنال الأول

و كمان يمنفعش تاخد الفايتو باستراكشراتها و تدخل في البايو باستراكشراتها

و بعد ده كله تقوم داخل في المديسنال بالاستراكشرات كلها
-----

بس على فكرة التيرم الاول الجدول المقترح اللى نزل متغيرش فيه حاجة

ونزل زى ماالكلية عملته وكأن اللى كنا بنعمله فى المنتدى عبارة عن لعب عيال

اتغير في دفعات تانية و رابعة و مش متأكد اذا كان اتغير عندنا ولا لأ

بس اللي متأكد منه ان اللي في صالحنا و اللي نتفق عليه هيتعمل ان شاء الله

[Dr/HULK]

الفايتو باستراكشراتها و تدخل في البايو باستراكشراتها

و بعد ده كله تقوم داخل في المديسنال بالاستراكشرات كلها

ماهى هى دى الميزة

ان كله باستركشراته ورا بعضه لحد مالواحد يبقى ساتيوراتد بالاستركشرات

انا عارف انها ليها ميزة وعيوب بس مش هنختلف كتير

كده كده الجدول اللى انت مقترحه كويس

لان مينفعش خالص بأى حال من الاحوال ناخد الميديسنال اخر يوم

[dr_sho0osho0o]

يا ريت يا دكاترة كل واحد مش عاجبه حاجة ف الجدول يقولها عشان نقدر نوفق بين الآراء بإذن الله

و زي ما قلنا الاقتراحات تكون في ترتيب المواد

مثلا انا بقترح التالي

1- كيمياء العقاقير

2- كيمياء حيوية

3- فارماكولوجي

4- كيمياء طبية

5- معايرات إحيائية

6- مستحضرات صيدلية

بما ان مدة الجدول بقت امر واقع
انا شايفة الترتيب ده كويس
بس الاساي يزيد كمان يوم علي الاقل
وربنا يسترها معانا

[Chimera]

بصراحة لو قولت رد فعلي دلوقتي و رأيي .. هاخد بان
بس بعد كده ياريت ميجيش حد لذيذ يقول ادارة الكلية بتعمل ف صالح الطالب و الإكلاشيها المحفوظة دي إللي ما شوفناش منها حاجه

الجدول فيه ميزتين حلوين ..

الاولي : اننا ف يوم لوحدنا .. و معنى كده اننا هنمتحن الشفوي بعد النظري على طول مش هنستنى اولى زي التيرم الأول لما يخلصوا ( أولى و تانيه لبسوا مع بعض ف نفس اليوم )

التانيه : ان الجدول اتاح للي شايلين الاساي .. انهم يكنسلوا المادة ف سبيل المديسينال ( kill one ,, save the other )

.,,

[rose_pharm]

التانيه : ان الجدول اتاح للي شايلين الاساي .. انهم يكنسلوا المادة ف سبيل المديسينال ( kill one ,, save the other )

.,,

الحتة دي فكرتني بفيلم احمد حلمي بتاع جعلتني مجرما

كل نفسك قبل ما حد يكلك مش عارفه ليه افتكرتها هههههههههه

مينفعش خالص علي فكره كفايه التوتر اللي بنبقي فيه

[D.H.A]

وأنا رأيي :
1- كيمياء حيوية
2- كيمياء عقاقير
3- فارماكولوجي

4- كيمياء طبية

5- معايرات إحيائية

6- مستحضرات صيدلية

[monosh]

والله يا جماعة الجدول كويس إلى حد ما ...


مع الأخذ بالإعتبار ان الصيدلانيات مادة شاذة عن الفارما والمديسنال والأساى...

يعنى موضوعاتها بعيدة...

فهى كمان ياريت تبقى بعيدة...يعنى الجدول يرجع زى الترم الأول والصيدلانيات تبقى الآخر وهى وحظها بقى...

هبطنا او صعدنا مش فارقة..


شوية جد بقى...

بما ان الموضوعات مربطة مع بعضها ومتشابهة لحد كبير فى محتواها فى الفارما والإستركشرات فى المديسنال والتطبيق الفظيع فى الأساى ..
فياريت يبقوا ورا بعض ...والأفظع بقى لو يبقى قبل الأساى 3أيام زى الباقين ..

لا تفريق..

حاجة مهمة قوى....


يبقى قبل المادة يوم ولا اتنين ولا تلاتة حتى...ده يتوقف على عااااامل مهم جدا جدا..


الأ وهو....


احنا هنخلص العملى امتى...مش يعملوا بقى شيت مادة كذا قبل النظرى ب أسبوع ...

ونفضل ننزل فى السكاشن ويقولك الشيت على كل السكاشن بعد أخر سيكشن بيومين ..


لو الفترة كافية قبل النظرى ان الناس تجمع اى حاجة فى أى مادة..وهى فى بيوتها ومش متعصبة عشان شيت عملى ولا تمسك النظرى..
يبقى عظيم قوى...

أصل يا جماعة خلينا واقعيين ...ان المدة مش هتزيد عن كده ولا هتتغير وكل اللى فى إدينا تغير ترتيب المواد مش أكتر..


واحنا طبعا شطار و كل واحد عرف هو عمل إيه الترم الأول...وهيعمل إيه الترم التانى..

عشان يعوض أو حتى يحسن أويرفع تقديره أكتر وأكتر ..


ولله الأمر من قبل ومن بعد يا سنة تالتة..

ربنا معانا جميعا ان شاء الله...