صفحات من مذكراتي قابلة للنشر

[pharmacistina]

مفيش مكان أمييين و أنا مش بحب حد يقرأ كلامي اللي بيني وبين نفسي والمشكله التانيه اني ساعات لما كنت بحتفظ بحاجه وألاقيها تاني بالصدفه كنت بتكسف م الكلام اللي أنا كاتباه وبقول ياااه ايه العبط ده دي قتره وعدت خلاص يمكن أو أكيد لأني مش بكتب بالبراعه اللي حضرتك بتكتبي بيها

دكتورة SALMA
بالنسبة للمكان ..
و الله كل البيوت فيها أماكن حلوة محدش بيروحها ..
بالنسبة للكلام انك تنكسفي منه .. بالعكس و الله عادي دة كلامك و انتي صغيرة ..
عارفة الأجندات الصغيرة اللي البنات بيكتبوا فيها لبعض كلمة للذكرى ..
عندي واحدة من زمان أيام ابتدائي ..
خط وحش و كتابة غلط وأسلوب أطفال ..
( أكتب لكي بالمقلوب لتدوم المحبة في القلوب )
وحاجات تانية كتير )..
عادي لو الكلام مش بارع ..
اكتبي حتى لو بالعامية ..
أشكرك ع المرور الطيب ..
ان شاء الله موضوع مستمر

[norten]

متشكره جدا لرد حضرتك على مشاركتى وعلى تقبل التعليق

فاذا لم تكن مهنة الصيدلة هي حلمك القديم ولم تحبها مسبقا ..
فلابد أن تحبها بدافع ( الانتمــــــــــــاء )

أما اذا كنت تحبها ..
و تشعر بالانتماء نحوها ..
فهذه نعمة كبيرة من الله عز وجل ..

انا اتفق مع حضرتك ان لازم كلنا نحب مهنتنا مجالنا اللى هيشكل حياتنا لأن لو لم نحب ما نعمل عمرنا ما هنخلص فى عملنا عمرنا ماهنتقدم ونرتقى بمهناتنا لازم دايما يكون عندنا أمل ونعرف ازاى نستغل الوضع اللى احنا فيه وازاى نحقق نجاح ازاى نبقى متميزين بمهناتنا مش مهم كان حلمك ايه بس الاهم انك ترضى بقضاء الله قولا وفعلا المهم ترى ماذا لديك لأنك لو قعدت تبكى على الماضى هتخسر الحاضر والمستقبل لكن لازم تفكر ازاى تصل الى ماتصبو اليه من حاضرك هذا
ومتشكره جدا لحضرتك على الموضوع الرائع ده وعلى رد حضرتك اللى اسعدنى

[pharmacistina]

الموضوعين اجمل من بعض و اسلوبك حلو
الموضوع التاني اقرب لينا فعلا احنا محتاجين شويه ثقه بالنفس
انا والله لسه مش حاسه اني اقدر افيد الناس
بس يمكن ان شاء الله لما اتخرج و اشتغل اقدر اساعد الناس وانا واثقه في نفسي
( عشان ما حدش يجرا له حاجه وحشه بسببي)
بس الحمد لله بقيت اعرف ادي حقن الوقتي وانا كنت فبل كده بقول عمرها ما هتحصل

فعلا محتاجين ثقة بالنفس ..
اللي ينزل الشغل لازم يكون واثق من نفسه ..
لأن مجال الشغل اللي مش بيكون قوي فيه ..
الناس بتستهين بيه جداااا ..
جوا البيت انتي شخصية ..
وفي التدريب أو الشغل انتي شخصية مختلفة ..
لازم ناخد على كدة ..

تقدري تفيدي الناس ..
طيب في موضوع ربنا يعين و أقدر أعمله في منتدانا ( الفرقة الثالثة ) ..
عايزاكي تفضلي متابعاه ..
ربنا يسهل أنا ناوية عليه من قبل الأجازة ..
ونحاول نعرف فيه مع بعض ازاي هنفيد الناس و نفيد نفسنا ..
زميلتي الغالية .. جميل جدااا تواجدك في موضوعي ..
آسفة على الرد المتأخر بس ماخدتش بالي خالص و الله ..

[WELWEL]

اشكرك جدا يا دكتوره فارمسيستينا علي موضوعك الجميل ده انا في الفرقه التانيه لسه بس بجد بفتخر جدا ان انا في كلية الصيدله برغم ان انا بدات احس بصعو بة الصيدله ولكن هتفضل هي كليتي التي ا حبها اوافتخر بها دائما

[pharmacistina]

اشكرك جدا يا دكتوره فارمسيستينا علي موضوعك الجميل ده انا في الفرقه التانيه لسه بس بجد بفتخر جدا ان انا في كلية الصيدله برغم ان انا بدات احس بصعو بة الصيدله ولكن هتفضل هي كليتي التي ا حبها اوافتخر بها دائما

الشكر لله ..
أنا اللي أشكرك ع المرور الطيب ..

أكيد كلنا عارفين ان الصيدلة مش مجال سهل ..

وقد ما المجال دة صعب قد ما هو محتاج ناس تقدر المسئولية ..

دورك كصيدلي يسألك عليه ربنا .. أديته صح ولا قصرت ..

كل أمنيات التوفيق ..

[pharmacistina]

دكتورة norten

لكم أسعدني مرورك ومشاركتك الجميلة في موضوعي ..
جزيل الشكر مني لك ..
وفقك الله ونفع بك ..

الاهم انك ترضى بقضاء الله قولا وفعلا المهم ترى ماذا لديك

يكون هذا الاقتباس ختام المذكرة الثانية ..
مازلت معجبة بكلية الصيدلة ..

[pharmacistina]

المذكرة الثالثة

عندما تتبدل الأدوار

النوع : اجتماعية واقعية

جلسنا مرة أنا ومجموعة كبيرة من البنات معا بعد العشاء الجماعي ..
في وقت من أوقات الصفا الجميلة ..
وانفتح النقاش بسؤال ..
( كيف تريدين أن يكون ؟ )



كانت أحد الآراء : أريده متدينا حافظا للقرآن الكريم ولا يهمني المؤهل الدراسي ..
رأي آخر كان : أريده ذو منصب عالي ..
رأي آخر : أريده مثقفا مقدرا للعلم ..
رأي آخر : أريده غنيا أسافر معه وأرى العالم ويحقق لي أمنياتي ..


كانت هذه هي عناوين مختلفة لاجابة سؤال ( كيف تريدين أن يكون ؟ )

اختلفت الآراء ..
وطال النقاش ..
لكني وجدت ان الكل تقريبا أجمع على شيء واحد ..

كلنا أردنا أن يكون قوي الشخصية ..
كلنا أردنا أن يكون مسئولا ..
كلنا أردنا أن يكون كبيرا ..
ليس كبيرا بالسن لكن كبيرا بالتصرفات و الأخلاق و الشهامة ..


بعدها كتبت هذه المذكرة ..

عندما تتبدل الأدوار

قديما اذا رجعنا الى الماضي البعيـــــــــــــــد ..
قديـــــــــــما ..
كيف بدأ آدم وحواء حياتهما ؟؟
كيف عاش الانسان البدائي ؟؟

كان آدم يخرج الى الغابة صباحا ..
يصطاد الحيوانات و يجمع الثمار ..
ويعود بعد عناء اليوم الى حواء و الى أولاده ..
ليطعمهم و يغدق عليهم من حنانه كأب و كزوج ..
يعود اليهم ليحميهم من وحوش الغابة وحيواناتها المفترسة ..
كان آدم حاكم البيت وكبيره ..

هذه كانت حياة الأسرة البدائية ..
هادئة ..
بسيطة ..
سعيدة ..
فطرية ..

هكذا خلق الله الأسرة ..

ولكننا .....

بدلنا الأدوار ..

نظرت حولي حديثا .. فماذا وجدت ؟؟
وجدت آدم لم يعد يخرج للصيد ..
لم يعد يحمي حواء ..
لم يعد مستحقا لثقة حواء ..
فقررت حواء أن تجد من المال و السلطة و المنصب حماية لها من وحوش الغاب الحديث ( البشر )
فقدت حواء استكانتها التي كانت أجمل ما بها ..
فقد آدم سلطته وفقد دوره ..

تبدلت الأدوار ..
فانقلبت الحياة ..
أصبح آدم لا يحكم المنزل ..
ولا يقطع في أي أمر حتى لو كان استشاريا ..
بل يكتفي بقول ( اعملي اللي تشوفيه , أنا بثق في قراراتك دايما )..
أصبحت حواء هي صاحبة الأمر و القرار ..
أصبحنا غير سعداء ..
أصبحت الأسرة غير مستقرة ..
واختلطت المفاهيم


آدم ..
عد الى طبيعتك ..
انهج نهجك القديم ..


آدم ..
ألا تعلم أن قوتك مصدر أمان حواء ..
و أن حواء قد تتمنى بداخلها أن ترفض بعض الأمور ..
لتحس بقيمة قبولك لأمور أخرى ..


آدم..
كن طيبا و في نفس الوقت قويا ..
كن مسئولا كبير القدر في نظر حواء ..

عملك وعقلك وقوتك سر قوامتك ..
فلا تضيعهم ..

تفوقك الدراسي ..
اتقانك لمهنتك ..
يرفع من قدرك عند حواء ..
و الأهم أن يرفع قدرك عند الله عز وجل ..

أدم ..
عد كما كنت ..
لتعود حواء كما كانت تثق بك ..
وتحترمك..
وتقدرك ..

لتعود أسرنا سعيدة ..


عد كما كنت يا آدم ..
ولا تبدل الأدوار ..

pharmacistina
Wednesday
4-2-2009
10:7 PM

[pharmacistina]

نسيت أقول حاجة بخصوص كتابة المذكرات ..
المذكرات الحزينة ..
لو كان أبطالها ناس حوالينا ..
يستحسن عدم كتابة أسماء أشخاص فيها ..
لأن دة بيحفظ ذكرى الأذية من الناس ..
ودة مش مطلوب ..
لأنه بيخلي القلب اسود ..
وهو مش ناقص ..
أو الأفضل تتقطع بعد كتابتها ..

بانتظار مذكرة جديدة .. قريب ان شاء الله

[pharmacistina]

ملحوظة : ليست المذكرة تناقش قضية عمل المرأة ..
لأن قضية عمل المرأة تحكمها ظروف أسرية ومادية ..

و الملحوظة الأهم : ليست المذكرة تعارض تعليم المرأة أبدااااا أبداااااا ..

بالعكس ..

لأن حواء المتعلمة تستطيع أن تسعد أسرتها وتربي نشأ صالح أكثر من حواء الغير متعلمة ..

ولكن المذكرة تعارض وبكل وضوح أن تقود حواء آدم ..
لأن هذا تبديل للأدوار التي فطر الله الانسان عليها ..

[pharmacistina]

على فكرة ..

مش كل آدم معاصر كدة ..

في ناس مسئولة و كويسة جداا ..

طبعا المفروض أن يكون كل آدم مسئول وقوي الشخصية وفي نفس الوقت طيب ..

وكل التأكيد و ألف خط على كلمة طيب ..

لكن كتير ممكن نلاقي دلوقت آدم طيب ولكن غير قوي الشخصية ..

أو آدم ( مفتري ) وعامل سي السيد و هو غير مسئول ..

وفي الحالتين دة مش نموذج كويس ..

زي ما قلت مازال في آدم كويس ..