صفحات من مذكراتي قابلة للنشر

[dr/noony]

موضوعاتك ماشاء الله كلها جميييييييييييييييييلة وجديدة
عجبانى الفكرة جداااااااااااااااا
فعلا فكرة المذكرات بتغنى كتير عن الاصدقاءاللى بقوا قلة اليومين دول
ممكن نلاقى ناس كتير حولينا بس للاسف مش بيفهمونا ............
بس عيبها انك لازم تخبيها
زى ماقولتى وده شئ متعب جداااااااااااا
وكمان بتخلى الانسان انطوائى شوية ..........

[pharmacistina]

Bonbona
و الله كلية الصيدلة أعلى عندي من أي كلية في الدنيا .. وعلى فكرة من قبل ما أدخلها .. لسة و الله لما تدخلي سنة أولى و تاخدي صيدلانيات .. عارفة أنا أول مستحضر حضرته كان دواء للقيء هتاخدوه في سنة أولى ان شاء الله .. فضلت محتفظة بيه فترة بس اضطريت أرميه ( ريحته بقت وحشة ) .. وفضلت محتفظة بالـ Gargle الغرغرة يعني فترة ..أنا أصلا أي حاجة بحضرها في الصيدلانيات لازم أوريها لأسرتي و خصوصا ماما .. لسة عندي لبوستين جلسرين من صنع ايديا ( بصرف النظر عن امتحان العملي يا سنة تالتة ) ..
لسة هتحبيها أكتر و أكتر و الله السنين الجاية .. وهتملا حياتك و تفكيرك ..
شكرا ع المرور الجميل زيك ..

dr- noony
زميلتي الغالية ..منور موضوعي بتواجدك..

بس عيبها انك لازم تخبيها
زى ماقولتى وده شئ متعب جداااااااااااا

أقول الأماكن ولا ما أقولش .. أقول ولا ما أقولش .. عشان خاطرك هقول
كنت في سنة اعدادي عايناهم في دولاب الأدوات اللي في الكلية القديمة ..
على فكرة شلتهم من هناك مفيش داعي لعمليات السطو المسلح .. .. هههههه
دلوقت في البيت في مكان أمين محدش يعرفوا غيري ..
يا بنتي في كل بيت أماكن محترمة ولا تخطر لحد على بال .. بس فكري انتي هتلاقي كتير ..
أشكرك ع المرور الطيب ..

د- الصيدلي الذهبي ..

وبالرغم من التعب اللى بيحصلى الا انى دايما بفتخر انى صيدلى (باعتبار ماسيكون )

لابد أن نصعد الجبل و نتعب في صعوده لنصل الى القمة .. و أعرف مقدار التعب
ربنا يوفقك و كلنا يا رب جميعا و نقوم بواجبنا تجاه الصيدلة .. و هو دور كبيـــــــــــــــــــر و قد يكون شاق .. لكن هنكون قدها ان شاء الله .. دة اللي أنا شفته في كلام حضرتك وانبسطت بيه ..
شكرا جزيلا على المرور

[Pharmcist_girl]

السلام عليكم ورحمه الله وبركاته

اولا الموضوع ده يعتبر حلقه فى سلسله موضايع كلها ما شاء الله متميزة ورائعه وده مش غريب عليكى فارمستينيا

اشكرك على الكلمات الجميله ديه وانا بجد معجبه بكل كلمه

الله يبارك فيكى ويوفقك

[dr moory]

الموضوع الاول جميل جدا
الموضوع التانى انا بحسه كتير قوى نفسى الناس تقدرنا عموماومحدش ينظر الينا على اننا بايعين فى سوبر ماركت معظم الناس للاسف بتسمينا كده
اتمنى تكملة الموضوع

[pharmacistina]

السلام عليكم ورحمه الله وبركاته

اولا الموضوع ده يعتبر حلقه فى سلسله موضايع كلها ما شاء الله متميزة ورائعه وده مش غريب عليكى فارمستينيا

اشكرك على الكلمات الجميله ديه وانا بجد معجبه بكل كلمه

الله يبارك فيكى ويوفقك

وعليكم السلام ورحمة الله وبركاته
ربنا يكرمك يا دكتورة .. ألف شكر ليكي ع المرور الطيب ..
الموضوع أجمل بمرورك

[yojeena]

الموضوعين اجمل من بعض و اسلوبك حلو
الموضوع التاني اقرب لينا فعلا احنا محتاجين شويه ثقه بالنفس
انا والله لسه مش حاسه اني اقدر افيد الناس
بس يمكن ان شاء الله لما اتخرج و اشتغل اقدر اساعد الناس وانا واثقه في نفسي
( عشان ما حدش يجرا له حاجه وحشه بسببي)
بس الحمد لله بقيت اعرف ادي حقن الوقتي وانا كنت فبل كده بقول عمرها ما هتحصل

[pharmacistina]

الموضوع الاول جميل جدا
الموضوع التانى انا بحسه كتير قوى نفسى الناس تقدرنا عموماومحدش ينظر الينا على اننا بايعين فى سوبر ماركت معظم الناس للاسف بتسمينا كده
اتمنى تكملة الموضوع

عارفة زمان كنت بتضايق لو حد قال كدة ..
بس دلوقت مابقاش الكلام دة يضايقني و الله ..
لأنه ما يهمنيش و مش مستنية حد يقيم مهنتنا ويقول فيها رأيه ..
أهم شيء انتي ازاي شايفة نفسك ..
أكيد اني عايشة في مجتمع فيه ناس بيحبوكي و ناس مش بيحبوكي ..
ناس بيحترموا مهنتك و ناس مش بيحترموها ..
عادي دة طبيعي ..
اللي بيحبوكي و بيحترموكي لو أظهرولك دة بتقوليلهم شكرا ..
أما الآخرين فليهم رأيهم .. ممكن يغيروه في يوم .. وحتى لو ما غيروهوش ..
عــــــــــــــــــــــادي ..

بس هقولك تاني ..

من لا يعجب نفسه لن يعجب الناس .. ومن لا يثق بنفسه لن يثق به الناس ..
شكرا جزيلا ع المرور الجميل .. نورتي موضوعي

[norten]

موضوع متميز بجد أثر فيا كتير اسمحيلى أعقب على اللى حضرتك كتبتيه من الأول لأنه لم تتح ليا الفرصه لرؤيه هذا الموضوع الا اليوم
أولا كل ماذكرتيه حضرتك عن المذكرات صحيح جدا وفعلا الورقه والقلم تحفظ كثيرا من أسرار الانسان لأننا بكل بساطه لا نستطيع ان نعبر عن كل مانشعر بيه ونعرض انفسنا مجردين من كل شئ امام الآخر مهما كان هذا الآخر أكيد فى شئ بنشعر بيه بنفكر فيه ولا نستطيع اشراك الآخرين فيه على الرغم من اننا فى بعض الأحيان لا نستطيع ان نحتفظ بما نشعر بيه لفترات طويله ونريد ان يشاركنا أى شخص فيما نشعر بيه نريد ان نتكلم ومع هذا لا نستطيع الكلام لذلك تكون الكتابه بمثابه المخرج والملجأ لنا
اننى اختلف مع البعض لأننى تعودت الكتابه فى لحظات حزنى الشديده لأننى فى اقصى درجات الحزن افضل الوحده لذلك الكتاه تفكرنى بمواقف مؤلمه لكن حينما أقرأ ماكتبت اتذكر كم كنت قريبه من ربى كم كنت أفضل من هذا الحال بكثير على الرغم من المواقف السيئه بل كنت أقرب مايكون لربى اريد ان ارجع كما كنت ولعلى استطيع
.................................................. .................
أما بالنسبه لما ذكرتيه عن الكليه اريد ان اعلق على شئ ذكرتيه لسنا مجتمعين جميعا على اننا اردنا دخول الكليه ( كليه الصيدله) فقد كانت أحلامى وطموحاتى ابعد مايكون على مجرد دخول هذه الكليه ولكن قدر الله وماشاء فعل والتحقت بها لأنها كانت فى نظرى مثلها مثل غيرها ولكننى احببتها فعلا لأننى ادركت انها كانت الافضل بالنسبه الى ولكننى ادركت هذه الحقيقه متأخر بعدما استسلمت لليأس وفعل بى مافعل
خلاصه مااريد قوله اننا فى اغلب الاحيان لا نرى الحقيقه فكل نفعله اننا نستسلم لليأس وننظر لما فقدناه ونبكى عليه ولا ننظر دائما لما لدينا وكيف انه من الممكن ان يكون الافضل أو اننا من الممكن ان نحقق منه ماكنا نريد ونصيحتى التى تعلمتها بعد تجربه مريره انه لا تترك نفسك لكى يتملكك اليأس ولكن كن على يقين بان الله أرحم مايكون بك
متأسف جدا على الاطاله لكننى تأثرت بما كتبتى واعادت لي بعض الذكريات
وأخيرا بشكرك على الموضوع الجميل ده وجزاكى الله خيرا

[SmSm]

أنا حاولت كتير أكتب مذكراتي بس كان في مشكلتين أولا ان مفيش مكان أمييين و أنا مش بحب حد يقرأ كلامي اللي بيني وبين نفسي والمشكله التانيه اني ساعات لما كنت بحتفظ بحاجه وألاقيها تاني بالصدفه كنت بتكسف م الكلام اللي أنا كاتباه وبقول ياااه ايه العبط ده دي قتره وعدت خلاص يمكن أو أكيد لأني مش بكتب بالبراعه اللي حضرتك بتكتبي بيها بس ساعات كنت بكتب حاجات في لحظات بكون فيها قريبه من ربنا ولما بشوفها دلوقتي ببقى محتاجه أرجع للوقت ده تاني
على فكره المذكرتين قربين جدا من قلوبنا كلنا.....
ياريت تفيدينا أكتر بجد كلامك جميييييييييل و طريقتك فوق الوصف
اسفه ع الاطاله.....

[pharmacistina]

أما بالنسبه لما ذكرتيه عن الكليه اريد ان اعلق على شئ ذكرتيه لسنا مجتمعين جميعا على اننا اردنا دخول الكليه ( كليه الصيدله) فقد كانت أحلامى وطموحاتى ابعد مايكون على مجرد دخول هذه الكليه ولكن قدر الله وماشاء فعل والتحقت بها لأنها كانت فى نظرى مثلها مثل غيرها ولكننى احببتها فعلا لأننى ادركت انها كانت الافضل بالنسبه الى ولكننى ادركت هذه الحقيقه متأخر بعدما استسلمت لليأس وفعل بى مافعل
خلاصه مااريد قوله اننا فى اغلب الاحيان لا نرى الحقيقه فكل نفعله اننا نستسلم لليأس وننظر لما فقدناه ونبكى عليه ولا ننظر دائما لما لدينا وكيف انه من الممكن ان يكون الافضل أو اننا من الممكن ان نحقق منه ماكنا نريد ونصيحتى التى تعلمتها بعد تجربه مريره انه لا تترك نفسك لكى يتملكك اليأس ولكن كن على يقين بان الله أرحم مايكون بك

أيوة عندك حق في اني كنت بتكلم عن نفسي بخصوص الرغبة في الكلية ..
لكن عارفة .. في شعور آخر ممكن تحسيه تجاه الكلية غير حب المواد وغير حب المهنة و الافتخار بأساتذتنا .. عارفة ايه هو الاحساس دة .. احســـــــــــــاس اسمه ( الانتمــــاء ) ..
حتى لو كنت/ ي دخلت/ي كلية الصيدلة بدون رغبتك أو غصب عنك لأن دة نصيبك ..
فاحنا جميعا بننتمي للكلية دي ..
يبقى من منطلق احساسنا بالانتماء ليها و ان معايا كارنيه مكتوب فيه اسمي تحت كلمة ( كلية الصيدلة ) يبقى لازم أحبها حتى لو مبحبش المواد ..
زي مثلا احنا عايشين في وطننا ( جمهورية مصر العربية ) ..
كتبت كتير مذكرات غاضبة عن أوضاع غلط لا تحدث للأسف الا عندنا .. ( مش هحكي المذكرات دي عموما عشان ممكن تتحذف فما أتعبش نفسي في كتابتها ) ..
رشاوي .. وسايط .. نصب علني .. ظلم .. تسول الناس في الشارع .. حاجات أبشع بكتير من كدة كمان ..
بس رغم كل دة ورغم ان ساعات بحس ان شباب مصر بيضيع عمرهم في بلدهم ..
هنفضل مرتبطين بمصر طول عمرنا برابطة ( الانتماء للوطن ) ..
وأكيد محدش فينا أبدا يرضى ان حد غير مصري يقعد يعيب في مصر .. ( مهما كان فيها من بلاوي لأنها بلدنا ) ..
على فكرة لو شخص غير مصري قال على مصر حاجة وحشة قدامي عمري ما هسكتله حتى لو كلامه صح ..
كذلك كليتنا .. لو بيحصل تقصير في حاجة معينة ..
ولو في عندنا قصور في دور الصيدلي ( و دة شيء جديد لأن زمان الصيدلة كانت أعلى المهن ) ..
احنا بس كصيادلة نتناقش في القصور و نحله ..
أحيانا بشوف البعض من الزميلات بيقعد يشتم ( الكلية دي كذا و كذا .. )
بتضايق جداااا من كدة و ما أرضاش بيه ..
لو الصيدلة فيها عيب فاحنا سببه ..
الأوجب ان كل واحد يروح يصلح نفسه دة اللي قصدته ..
وبعدين على فكرة بعض المذكرات كاتباها و أنا بعيط .. عادي كلنا مرينا بأوقات صعبة ..
و على فكرة تانية أنا مريت في الكلية بمحنة دراسية كانت صعبة جداااا ..
كانت أسوأ و أصعب سنة في حياتي ..
بس لاكرهت الكلية و لا هكرها ..
الصح تساعدي غيرك عشان ما يمرش بنفس المحنة ..
وكذلك تخيلي لو شخص كويس أهله ناس بينصبوا ع الناس أو بيعملوا أي حاجة وحشة ..
هو ما اتمناش يكون له أهل وحشين كدة ..
بس في الآخر هينصحهم ويحاول يغير الغلط ..
و لازم يحبهم ..
لأنه منتمي ليهم ..

فاذا لم تكن مهنة الصيدلة هي حلمك القديم ولم تحبها مسبقا ..
فلابد أن تحبها بدافع ( الانتمــــــــــــاء )

أما اذا كنت تحبها ..
و تشعر بالانتماء نحوها ..
فهذه نعمة كبيرة من الله عز وجل ..

كل الشكر و التقدير لك على مشاركتك الفعالة ..
بانتظار أي تعليق بكل سرور ..