مين بيحبك أكتر
اللي بيكون حزين جدا لحزنك
ولا اللي فرحان جدا لفرحك
أنا بقول:
الحزن عشان حد سهل جدا جدا وخصوصا لو بتحبه
انت ممكن تكون ماشي في الشارع وتشوف منظر مؤثر ممكن تحس بالحزن
لكن بسبب طبيعة البشر الفرحة عشان فرحة حد صعبة جدا جدا
اللي فرحان ده فرحان عشان مثلا نجح اتجوز جاب عربية جديدة عمل حج
البشر طبيعتهم غيورة وحقودة مش علي الإطلاق طبعا بس بنسب مختلفة
عشان كده أكتر حد يفرح لفرحك أبوك وأمك
لأن حبهم ليك لا يشوبه أي شائبة
حتي اخواتك ممكن يغيرو منك
وفي الغالب بيغيرو منك
عشان كده بقول
بسهولة جدا تقدر تحزن لحزن حد انت بتحبه
وبالطبع انت مش هتحسده أو هتغير منه عشان هو حزين
ولكن لما تشارك حد فرحته بإخلاص
لما تحس ان نجاحه أو الشيء الحلو اللي حصله حاجة جميلة جدا بالنسبة ليك
يبقي انت بتحب الشخص ده بجد
ده بالإضافة ان اللي هتفرح لفرحه ده أكيد هتحزن لحزنه
لكن مش كل حد بنحزن لحزنه نقدر نفرح لفرحه
ياريت تقولولي رأيكم