صفحة 1 من 2 12 الأخيرةالأخيرة
النتائج 1 إلى 10 من 15

الموضوع: طرائف إمتحان الشفوى...متجدد بمشاركاتكم

  1. #1
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    Thumbs up طرائف إمتحان الشفوى...متجدد بمشاركاتكم

    السلام عليكم ورحمة الله وبركاته

    ---
    أخباركم ايه يا دكاترة
    الحمد لله؟
    طيب طيب
    خلونا فى المهم

    النهاردة هنتكلم فى موضوع كدة يعنى

    اكيد كلنا فى امتحان الشفوى مرينا بتجارب

    بعضها مؤلم

    والبعض الاخر مضحك
    والبعض الاخر محرج
    --
    فى ناس لما بتخرج من الامتحان بتقول على نفسها انها محظوظة

    وفى ناس بتقول على نفسها .....

    فى ناس بتخرج كدة
    وفى ناس بتخرج كدة
    وناس بتخرج كدة



    يمكن ساعة الامتحان نكون متضايقين من بعض المواقف بس بعد كدة لما بنفتكرها بنضحك ونقول:

    انا ازاى عملت كدة
    ايه اللى انا جاوبته دة

    وبالتالى موضوعنا النهاردة عن الشفوى
    وايه هى اكتر المواقف المحرجة او المضحكة اللى حصلتلنا فيه

    اتفضلوا الميكروفون معاكوا


    اتحفونا
    .....

  2. #2
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    فى امتحان شفوى عقاقير سنه اولى ... قبل ما ادخل صاحبتى متلخبطه فى النبات اللى الa.c بتاعته pilocrpine

    فانا واقفه معاها بقولها سهله اهه japorandi بيطلع pilocarpine

    وواقفين كل شويه تنسى وانا افكرها ، فدخلنا الشفوى انا وهى وبنت وولد كمان
    كنت تانى واحده فى الاسئله فالدكتور يسال الولد ويجاوب .. يجى عليا قالى ال a.c فى ال japorandi ايه ؟؟
    سكت خاالص قام سائل صحبتى عرفتها

    السؤال التانى عرفته

    السؤال التالت سالنى سؤال قعدت افكر معرفتش فقولت للدكتور بنفس الطريقه كده " طب لف شويه فى الاسئله على ما أفكر " فضحك وسالهم وجاوبوا برضو

    وجالى تانى فبيقولى فكرتى قولتله " هو انت كنت عاوز ايه " ههههههه

    قالى انتى منين قولتله اصلا من شربين بس عايشين هنا من زمان أووى قالى أحسن ناس يلا قوموا

    كان طيب والله اسمه مقبول او ممتاز مش فاكره ومن الصعيد

    ====
    والسنادى فى شفوى الصناعيه الدكتور سال حوالى 3 اسئله لكل واحد وجاوبنا كلنا جه السؤال الرابع كله جاوب وسالنى بيقولى قولى مثال على ال filter media
    الاجابه سهله جدا .. Filter paper
    وانا نسيتها خالص وفضلت ساكته لما لقى مفيش امل قالى
    يخربيت شيطانك مش عارفه ال filter paper

    بس الحمد لله كان مبسوط من اجابتنا فى باقى الاسئله

  3. #3
    Pb Elite
    تاريخ التسجيل
    Nov 2008
    الدولة
    Mansoura
    المشاركات
    2,213

    افتراضي

    و الله يا أميرة كنت مستنياكى تدخلى أصل الموضوع ده مناسب لمواقفك فالشفوى أوى .....
    واخدة بالك انتى .......

  4. #4
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    اقتباس المشاركة الأصلية كتبت بواسطة Nayroz مشاهدة المشاركة
    و الله يا أميرة كنت مستنياكى تدخلى أصل الموضوع ده مناسب لمواقفك فالشفوى أوى .....


    واخدة بالك انتى .......


    ههههههههههه
    يادى الفضايح
    بس والله هم الدكاتره اللى بيلبخونى بقى

    فكرتييينى ... .. لسه حاكيهالك يوم امتحان الصناعيه تقريبا

    د.فاطمه " عضويه " شفوى العملى بتقولى قولى مثال على polysaccharide رحت قايلالها أميره محمد هههههههههه قالتلى اهلا وسهلا قولى مثال بقى

    الجو كان حر ومش مركزه افتكرتها بتسال عن اسمى

  5. #5
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    اقتباس المشاركة الأصلية كتبت بواسطة Amira مشاهدة المشاركة
    فى امتحان شفوى عقاقير سنه اولى ... قبل ما ادخل صاحبتى متلخبطه فى النبات اللى الa.c بتاعته pilocrpine

    فانا واقفه معاها بقولها سهله اهه japorandi بيطلع pilocarpine

    وواقفين كل شويه تنسى وانا افكرها ، فدخلنا الشفوى انا وهى وبنت وولد كمان
    كنت تانى واحده فى الاسئله فالدكتور يسال الولد ويجاوب .. يجى عليا قالى ال a.c فى ال japorandi ايه ؟؟
    سكت خاالص قام سائل صحبتى عرفتها


    ادى اخرة اللى يعمل خير فى الناس
    يلا معلش بتحصل معايا كتير على فكرة انى اقعد اسال اللى حواليا فى حاجات معينة كدة
    المشكلة انى بدخل الدكتور يسال فى حاجات مختلفة تماما غير اللى كنت بسال فيها
    بس اكيد كان احساسك ساعتها انك عاوزة تضربى صاحبتك دى ضربة مبرحة
    .....
    -----
    اقتباس المشاركة الأصلية كتبت بواسطة Amira مشاهدة المشاركة

    د.فاطمه " عضويه " شفوى العملى بتقولى قولى مثال على polysaccharide رحت قايلالها أميره محمد هههههههههه قالتلى اهلا وسهلا قولى مثال بقى

    الجو كان حر ومش مركزه افتكرتها بتسال عن اسمى [/center]
    هههههههههههههههههه
    مش هرد مش عارفة اقول ايه والله يا بنتى هههههه ياريتك سكتتى احسن ما تقوليلها كدة
    بس فعلا والله الواحد بيبقى مش مركز خالص ساعات او مش سامعة او مش قادرة تفهمى الكلام اللى بيقوله الدكتور كدة فبتلاقى نفسك بيطلع منك كلام غريب! والاصعب بقا انك بتبقى مثلا قاعدة مع جروب قدام الدكتور فى امتحان الشفوى وبتلاقى الناس اللى معاكى ياعينى يجاوبوا بكلام غريب والدكتور عمال يهزلهم راسه كدة قال يعنى بيجاوبوا صح وهما بقا ياعينى يستمروا فى الاجابة مفكرين انهم صحبابقى متغاظة اوى ساعتها م التصرف دة
    .....


  6. #6
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    C.N.S stimulant

    The answer is : cannabis

    w ramadan kareem

  7. #7
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة
    C.N.S stimulant

    The answer is : cannabis

    w ramadan kareem

    الله اكرم
    والله فعلا زى ماقالوا خير الكلام ما قل ودلّ
    .....


  8. #8
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    الله اكرم
    والله فعلا زى ماقالوا خير الكلام ما قل ودلّ
    .....


    شامبوا اتنين فى واحد ؟؟!!!!!
    le me : شامبوا الراس والكتف >>> أنا قلت هيد اند شولدرز يعنى ؟<<<<<<<< الدكتور ممتاز وراح ادانى 18
    اللى يغيظ انى خرجت بضحك مع انى اتظلمت اصلا لأنى كنت مذاكر المادة كويس ومليش ذنب انى وقعت فى ايد واحد اهبل



  9. #9
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة


    شامبوا اتنين فى واحد ؟؟!!!!!
    le me : شامبوا الراس والكتف >>> أنا قلت هيد اند شولدرز يعنى ؟<<<<<<<< الدكتور ممتاز وراح ادانى 18
    اللى يغيظ انى خرجت بضحك مع انى اتظلمت اصلا لأنى كنت مذاكر المادة كويس ومليش ذنب انى وقعت فى ايد واحد اهبل


    18 من 20 ولا 18 من 30 ايام ماكان الشفوى ب 30؟اصلها تفرق
    شكلها كانت صيدلانيات تالتة ولا ايه
    واضح ان فعلا ساعات مش بنكون احنا السبب فى الدرجات دى ممكن برضو بعض الدكاترة بيبقوا هم السبب وبيبقوا مش مركزين
    والله يا جماعة احنا كويسين بس الظروف المحيطة هى اللى مش ملائمة لينا كبيئة نعيش ونتعايش فيها
    .....

  10. #10
    Volunteer
    تاريخ التسجيل
    Oct 2008
    الدولة
    على كوكب سحلقون
    المشاركات
    3,955

    افتراضي

    اما اقول انا كمان موقف كدة من المواقف المؤثرة المؤلمة بتاعتى فى الشفوى


    مرة دخلت امتحان وعرفت من اللى امتحنوا قبلى ان الدكتور بيسال اسئلة غريبة عجيبة المنطق والشكل من برا المنهج تماماااااااااااا فقولت هى كدة كدة خلاص باظت وزى ما تيجى تيجى بقا انا هعمل ايه يعنى انا تعبت
    فبعد ما دخلنا احنا الاربعة كنت انا تانى واحدة فسال زميلتى اللى قبلى :
    ايه العلاقة بين 19 و37؟
    قالتله:اعداد اولية
    سالها:يعنى ايه عدد اولى؟
    معرفتش تجاوب
    وكنت انا اللى عليا الدور فقولتله اقول انا قاللى قولى:قولتله هو العدد الذى لا يقبل القسمة الا على نفسه وعلى الواحد الصحيح بصلى كدة وقالى برافو عليكى قولتله اقوم امشى بقا؟

    راح سأل زميلتى سؤال تانى فمجاوبتش راح سائلنى نفس السؤال فجاوبته بربع كلمة وكنت ناسية الباقى وخوفت اوى يسالنى فيه تانى لانى معرفش كنت هقوله ايه بس الحمد لله مسالش واكتفى باللى قولتهوله قاللى برافو عليكى لالا انتى شاطرة اوى

    وكل ما يسال زمايلى اسئلة يبصلى ويقوللى اوعى تجاوبى انا عارف انك شاطرة وعارفة كل حاجة
    ومسالنيش بعدها خالص طول القعدة وبعد ما خلص واحنا ماشيين قعد يقول للدكتورة اللى بتكتب الدرجات:اه لا دى شاطرة جدا

    وانا اضححححححححححححححححححححك
    لو كان الدكتور سالنى بجد كان هيتصدم صدمة عمره والله العظيم

    معرفش هل الكلام دة حقيقى فعلا ولا الدكتور كان بيضحك عليا وادانى الصفر الكبير
    .....

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •