شيت الصيدلانيات

[Mohamed Al Gohary]

امتحنا جميعا شيت الصيدلانيات .. ورأينا كم المعلومات التى اوردت فيه .. وطبعا كان لازم الطالب يبقى مذاكر كويس جدا علشان يعرف يجاوب على الاسئله ..


طبعا كل ده هزار ..


ايه رايكم يا جماعه فى شيت الصيدلانيات ؟؟؟

[MAI HABIB]

شيت الصيدلانيات ......كان أسهل حاجة عدت عليا
وبعدين مش بيقيس فهلوة ولا حاجة .....كان بيعتمد انك حافظ التحويلات ودا اساسي
والسؤال التاني بيعتمد على معلومات من الروشتات اللي انت مزاكرها
والصح والغلط بيقيس الفرق بين اللي حافظ وبين اللي فاهم

ومش محتاج واحد مزاكر كويس ولا حاجة على فكرة ...يادوب مراجعة الروشتات قبل الامتحان وهتحل كويس

وكل واحد ليه وجهة نظر

[lamiaa]

مش عارفة صراحة انا كنت حاسة انى قاعدة فى امتحان لغة مش صيدلانيات وده بالذات طبعا فى سؤال الصح والغلط يعنى باقى الاسئلة اقول ماشى لكن الصح والغلط ده الى يحير والواحد يخاف يجاوب يطلع غلط وبعدين ينقصوه على حاجة تانية حاللها صح بجد انا خايفة امتحان النظرى كمان يجى كده يبقى ما نحلش احسن ونضمن نحل الصح بس الى عارفينه
ربنا يستر ونعدى بخير

[NESMA2010]

صراحه انا شايفة ان شيت الصيدلانيات دة مش عايز واحد مذاكر دة عايز واحد يكون قارء للمنهج بس يكون فايق اووووووووى ومركز اكتر خصوصا صح وغلط معتمدة كليا على اللغة ياترى اللغويات دى هاتفرق معانا بعد كده كصيادله وبعدين احنا ذنبنا ايه نعمل الصح ويتشطب علية عشان حلينا حاجه تانية غلط

[~Am@ny~]

السلام عليكم. شيت الصيدلانيات طبعا السؤال الاول والتانى كانت اسئله عاديه وحلوه ومنقدرشى نقول حاجه عليها لكن بصراحه ربنا سؤال الصح والغلط ده سؤال حرااااااااااااااام بكل المقايس من ناحيه ان الدكتور يشطب سؤال صح ادام سؤال غلط ده هو الغلط نفسه وبعدين احنا دخلنا ايه كصيادله بجمله يعتمد حلها على اللغه ومش عاوزه اقول الجرامر يعنى بعد كده يا جماعه قبل ما تدخل امتحان صيدلانيات زاكر الجرامر كويس والفرق بين كلمه andوكلمه or.النهايه يا جماعه انا حاسه بظلم رهييييييييب من حكايه التصحيح بالسلب دى .خاصه انى كنت فاهمه وحافظه يعنى مثلا الجزء الى جابه فى صح وغلط انا عارفه الصح ليه لكن مش قادره افهم هو عاوزه ايه من السؤال نحل على اساس andولا or.اسفه للاطاله ياله ربنا يوفقنا كلنا

[أميرة الحسانين]

نظام التصحيح بالسلب دا نظام اجنبى واحنا منحبش المستورد ماكفاية كل حياتنا مستوردة يخلوا كمان الامتحان تصحيحه بالمستورد كمان

[~*nourel3en*~]

هاااااااااااااااااااااااى يا جماعة
انا بصراحة حاسة بظلم رهيييييييييييب من الامتحان ده والله
احنا كنا مذاكرين وفاهمين بس مش عارفين نعمل ايهالصح وايه الغلط
السؤال صيغته غريييييييييبة جدااااااا ايه and و orدى يعنى فعلا على راى امانى اذاكر الجرامر قبل ما اروح هههههههههههههههه والله حاجة غريبة والمشكلة الاكبر كمااااااااااااان حكاية التصحيح بالسلب دى والله الوااااااااااااااااااااحد متضااااااااااااااااايق جدااااااااااااااااااااا

[Mohamed Al Gohary]

مع احترامى ليكى يا دوكتوره مى حبيب .. لكن هل معنى انى مقدرش افهم الجمله عاوزه ايه بالظبط ومقدرش احلها يبقىانا مش مذاكر !!

مثلا على سبيل المثال كلنا عارفين ان ال diffusible مش بيحتاج suspending agent وال الـ indiffusible بيحتاج suspending agent .. هل معنى كده اننا كلنا عرفنا نحل الجمله الخاصه بالمعلومه دى فى سؤال الصح والغلط !!

اظن كله عمل الجمله اللى خاصه بيها فى الصح والغلط غلط .. طب ايه رايكم ان الدكتور عبدالمنعم قال انها صح .. رغم ان الجمله غلط ..

فيها ايه يعنى لو كانت الجمله جت واضحه ..

Mixtures containing indiffusible solids need suspunding agent .... true
Mixtures containing diffusible solids need suspunding agent .... flase


وده برضه اكيد محتاج حد مذاكر .. وعلى فكره انا كل اعتراضى على سؤال الصح والغلط .. اما الباقى فى غبار عليها سواء سؤال الـ complete او سؤال الـ give example

[MAI HABIB]

ياجماعة نظام التصحيح دا مش نظام اجنبي ....دا نظام معدل (يعني عليه ختم مصري)
النظام الاجبني ان كل غلطة تشيل 4 صح مش كل غلطة ب صح

وكمان حاجة .....مش على سؤال اننا نحكم على الامتحان كلو.....اه كان سؤال غلس بس بقية الامتحان ظريف

ومع احترامي للدكتور عبد المنعم اللي هوا دكتور المادة بس فعلا الجملة غلط ......
الجملة بتقول
misturs contain diffusible and/or undifsible agents need suspenting agent

لو هنقرأها ب صيغة and تبقى غلط لانه جمع الdifuslible مع الundifusible مع بعض ف نفس العينة

لو هنقرأها ب Or برده غلط لان undifusble مش محتاج

اكيد فاهمين قصدي ......صح؟.

[B@Ssma]

بصراحه انا مش عاجبنى خالص حكايه الغلط بيشيل صح معاه ده لو امتحان النظرى كده
يبقى نشيل ايدينا منه احسن من تعب الاعصاب والمذاكرة ووجع القلب