السلام عليكم
معلش هانرجع في الزمن شوية
لامتحان الصيدلنيات
أسهل مادة في سنة ثالثة
و اللى الناس كلها بتقول انها من سهولتها تتذاكر ليلة الامتحان
و الدكتورة دعاء فعلا لخصت الموضوع في كلمة واحدة لاتعليق
المهم هابدا بأحسن جزءها يا جماعة ايه اخبار الصيدلانيات؟؟؟!!!!!!!!!!!!!!!!
انا عن نفسي
no comment
جزء الدكتور الحسيني
الجزء دا محدش يقدر يقول عليه ولا كلمة
ربنا يخليك يا دكتور
الأسئلة مباشرة وواضحة و الاكمل مفهوم
و الصح و غلط مفيش فيها اي مشاكل
لولا حضرتك كان ناس كتير شالوا المادة
الجزء التانى جزء الدكتورة محاسن
طبعا الدفعة كلها واخدة على ان الامتحان هايجي MCQ و اكمل و حاجات من دي
لكن الامتحان جه بالكامل بم تفسر و علل
المشاكل
الفقرة الرابعة في السؤال الاول pKa, pKb
فقرة مسألة الاسبرين
معادلة هاسل بخ : فعلا خضت نص الدفعة
الناس مش عارفة الحاجات دي جت منين
اللى عمرنا ماسمعنا عنها؟؟
ناس قالت ان القوانين و المسائل دي من الترم التانى
على اساس ان التعليم مفتوح و ان الطالب لازم يكون عنده حب اطلاع و يقرأ كل حاجة
لكن بعد الاستقصاء و السؤال
اكتشفنا ان الكلام دا من المنهج
لكن الدكتورة شرحته في المجموعة ب و نسيت تقوله في المجموعة أ
و مانعرفش الكلام دا مصيره اية في التصحيح!!!
بس هو الكلام دا غلطة الطلاب طبعا لأنهم ماسألوش بعض
ليه ذاكروا من الورق اللى كتبوه في المحاضرة؟؟؟
لية ماشتروش ورق الكورسات من برة؟؟؟
ليه ماأخدوش كورس اساسا؟؟
الفقرة الخامسة blood level and pharma. effect
بعد سؤال الدكتور المطلوب في الفقرة رسم العلاقة البيانية Bell shape
لا تعليق
المسائل
لاتعليق
جزء الدكتور اسماعيل رمضان
اول فقرة
Give short Noteو هنا انقسم الناس
Supp. as targeting dosage form
البعض قال ان المطلوب
لية بنستخدم اللبوس كنوع من dose form يعنى مميزات اللبوس
و البعض قال
ليه بنستخدم الdosage form بتاعة اللبوس
يعنى torpedo shape, pencil-like shape
و بعد البحث و الاسقصاء
وجد ان الفئتين غلط
المطلوب هو الdose بتاعة اللبوس نفسها بتروح فين؟؟
ان الهدف هو الجزء السفلي من المستقيم
لا تعليق
الفقرة الثانية
غير مفهومة
الدكتور قال ان اللى حضروا المحاضرة بس اللى هايعرفوا
و بسؤال الناس اللى حضروا المحاضرة قالوا
لا تعليق
بصراحة مش عارف اقول اية
لساني عاجز عن الكلام
اتمنى ان الدفعة تشد حيلها في المادة الترم التانى
ولا حول و لا قوة الا بالله
امتحان الفارماكولوجي
من أحسن الإمتحانات اللى إمتحنتها في الكلية
جزء الدكتور الكبير/طارق
الأسئلة واضحة و مباشرة
وكما وعدنا الدكتور الامتحان جه من الشيت بالنص
وأنا معجب بجد بالفكرة العبقرية بتاعة الشيت دي
لان هو دا فعلا غرض التعليم
أنا المفروض علشان أنجح في مادة الفارما المفروض أكون عارف مجموعة من الأساسيات لو ماعرفهاش يبقى أنا ماأستحقش أنجح في المادة
الدكتور لخصلنا اللى المفروض نعرفه من الكورس على هيئة أسئلة نزلت في الشيت
الناس معتقدة ان الدكتور لغي نص المنهج مثلا !!! لألألأ الدكتور بس قال صيغة الاسئلة
بحيث اننا لما دخلنا الامتحان ما اتصدمناش( نتمني أن الدكاترة كلها تعمل كدا)
مع العلم ان الدكتور طارق بس اللى التزم بأن الامتحان من الشيت
الناس كلها طلعت مبسوطه من الجزء دا بس محتارة ازاى الدرجات هاتتوزع
ربنا يخليك لينا يا دكتور
و ان شاء الله مستنين حضرتك تدرسلنا تانى في المستقبل
جزء الدكتورة الكبيرة ناريمان
فعلا اللى حضر محاضرات الدكتورة قفل الامتحان(عن تجربة شخصية)
لأن الفرق بين حضور المحاضرات و المذاكرة من الورق الخارجى
ان اللى حاضر المحاضرة بيعرف الدكتور بيركز على ايه و بالتالى بيكون عندة احساس بالحاجات اللى الدكتور هايجيبها في الامتحان
مثلا الجزئيتين بتوع
G6P
و
Photosensitive
الدكتورة ركزت على الحاجات دي في المحاضرات لدرجة أجبرتني على كتابة المعلومات في أخر صفحة في الكتاب (الطلبة اللى دماغها عالية ممكن يكونوا عملوا كدا من نفسهم)
بينما دكاترة الكورسات قالوا حساسية ضوء ايه الى هاتيجي في الامتحان و ماركزوش عليها
المشكلة الوحيدة ان الدكتورة طلبت كتابة الجملة بجوار الاجابة
و طبعا لان ناس كتير مابتقرأش رأس السؤال أساسا فمكتبوش الجملة
نتمنى ان الدكتورة تلتمس لهم العذر
جزء الدكتور شحتة
السؤال برضة مباشر
لكن كنا نتمني انه يكون محدد اكتر من كدا
يعنى يطلب استخدام واحد أو اتنين
لأن الاسئلة على غرار اكتب الاستخدامات الاساسية، الواحد ممكن يكتب فيها صفحة بينما هي بدرجة او اتنين، دا لاننا مش قادرين نحدد معنى كلمة استخدامات اساسية (مش كل الاستخدمات اساسية برضة)
الطلبة كتير غلطوا في الspelling بتاع الادوية (طبعا توتر و استعجال)
ونتمنى ان الدكاترة يغضوا الطرف عنها
الشفهي كان أكتر من رائع
و لأول مرة السنة دي قسم يتكرم علينا و يقسم الدفعة قسمين قسم يمتحن يوم الأمتحان و قسم لتانى يوم مما أدي لسهولة و يسر و سرعة الامتحان
ترسخ عند طالب كلية الصيدلة ان أحسن دكتور شفهي هو الدكتور الكبير طارق
الدكاترة كلها درجاتهم مرتفعة مع بعض الاستثناء (مش هاقدر اكتب أسامي علشان مستقبلى مايضعش )
في النهاية
** مفيش سؤال واحدة من خارج المنهج أو من خارج الكتاب أو حتى فقرة غير واضحة
** كورس من أقوي الكورسات في كلية صيدلة
** مازلنا مستغربين ازاى الطالب بيدرس في اعدادي نبات و اولي و تانية عقاقير و تالتة فيتو و رابعة ابليد
و يجي في سنة واحدة بس يدرس فارماكولوجي
** كتاب المادة من الكتب القليلة جدا اللى ممكن تذاكر منها
و الورق الخارجي منقول بالنص من الكتاب مع بعض التنسيق
يعنى لو ان الكتاب منسق اكتر شوية مكنش حد اشتري ورق خارجي
(مازال كتاب الدكتور الشابوري يحمل لقب افضل كتاب صالح للمذاكرة)
** من المرات النادرة اللى كنا نتمني ان الكورس يكون أطول شوية (لكبر الأستفادة)
لكن الناس خافت من ثقل المنهج
كنا نتمي ان يتم الغاء جميع جزئيات ال Toxicity من المنهج مش لأن مالهاش لازمة : لكن لأننا كدا كدا هاندرسها السنة الجاية في التوكسو
فبما اننا كدا كدا هانخدها ماتتلغي و ندرس حاجات تانية بدلها ( ولا انتوا رايكم أية؟؟؟)
نتمني للجميع التوفيق في المعايرات و مانخرجش "نعاير" بعض
فين السهولة واليسر دول اللي ضيعو م الاساي كمان يوم وبعد المعاناة عشان تدخل الشفوي الدكتور لا صابر ان الطالب يفتكر ولا بيفكره ولا بياخد ويدي معاه ...وبعدين دي معلومات بايتة يعني حمضت
كلامي تعليقا علي
وبسالشفهي كان أكتر من رائع
و لأول مرة السنة دي قسم يتكرم علينا و يقسم الدفعة قسمين قسم يمتحن يوم الأمتحان و قسم لتانى يوم مما أدي لسهولة و يسر و سرعة الامتحان
واضح اننا كلنا متفقين في النقطة دي
هو انا معدتش بتفرق معايا لأني خلاص اتعودت على امتحان الشفوي تاني يوم بس لما نفكر فيها برضه هنحس بنوع من الظلم للي هيمتحنوا تاني يوم لأن اليوم كده تقريبا بيضيع في الشفوي في نفس الوقت ناس تانية هتكون امتحنت في نفس يوم الامتحان وخلاص
ولكن من ناحية أخرى في الفارما بالذات اللي امتحنوا اول يوم في ناس منهم اتظلموا جدا وخدوا درجات غريبة جدا مع انهم كانوا بيحلوا واكيد لو كانوا خيروهم بين الدرجات دي وانهم يمتحنوا تاني يوم اكيد كانوا هيختاروا تاني يوم
محدش عارف الخير فين... سبحان الله
السلام عليكم
ايه اخبار المعايرات
يارب يكون الحمد لله
يارب سهل في الميديسنال
المشاركة الأصلية كتبت بواسطة DoAa_RESALA
و الله يا أخت دعاء الشفوي على طول تانى يوم
بس قسمة الناس على يومين ريحت اللى امتحنوا
يعنى اللى امتحنوا اول يوم كفاية انهم خلصوا بدري و كسبوا وقت
و تانى يوم الناس خلصت بدري جدا ماعدا اللى عند الدكتور طارق
يعنى تانى يوم، الدكاترة كلهم خلصوا بعد الظهر مش زي المواد التانية اللى كانوا بيخلصوا بعد العصر
كمان اللى معاده تانى يوم كان ممكن يمتحن في اول يوم و كمان بتوع اول يوم فيهم ناس روحت و جت تانى يوم يعنى القسم كان متساهل خالص في الموضوع دا
مش زي البيو او الفيتو
يعنى يكفي انهم منحونا خيار اننا نمتحن عند اي دكتور و في اي وقت و الناس برضة زعلت وكلموا الدكاترة قاموا عملوا امتحان شفوي الأساي كله في تانى يوم علشان الناس تتبسط
بالظبط ربنا يوفقك و يوفقنا للي فيه الخيرمحدش عارف الخير فين... سبحان الله
التعديل الأخير تم بواسطة M.3esawy ; 19-01-2008 الساعة 01:03 AM
لا محدش يفكرني بشفوي الفارما
زي ما قالت دعاء لو كانوا خيروني بين الامتحان فى نفس اليوم والامتحان تانى يوم مع أى دكتور تاني
اكيد كنت هختار انى امتحن تاني يوم
وعموما انا الحمد لله اكتشفت بدرجات الدكتور ده انى طلعت عبقرية وانه قدرني أبشع تقدير
أما عن الأساي
جزء دكتور حاتم كان أكتر من رائع
جزء دكتور شحتة كان فى حاجات تكات بسيطة كده
بس فى المجمل الامتحان تمام
والشفوي الحمد لله كان تمام
ما عدا بعض الناس اللى كانت بتمتحن مع استثناءات برده
وربنا يوفقنا كلنا فى الميديسنال