مجلة سامبس ع الحائط ....ما تيجى نحب !!
أول مجلة حائط للجمعية الترم الأول
تلاقيها فى مدخل الكلية الجديدة المبنى ج
صور من العمل
##########
وده كان نص المجلة
بطلنا نضحك !!!!!!!
بطلنا نضحك وبقينا متنشنين دا الزمن اتغير وكل الناس كدابين
بطلنا نضحك واحنا لسه ف عزنا امال بعد كده اما الدنيا تهدنا
بطلنا نضحك ملى بيحصلنا وخلاص دا بقى العادى عندنا
بطلنا نضحك من البنا والاكتئاب بقى سمه مننا
بطلنا نضحك والضحه ترن ف ودننا ولسه بدرى اوى على همنا
بطلنا نصحك بس ليه يا ترى يمكن على الى فات والى جرى
بطلنا نضحك وبقينا خايفين يا ترى احنا الصح ولا احنا الغلطانين
بطلنا نضحك وشاغلين نفسنا بثوابت الدنيا الى قالوها الى قبلنا
بطلنا نضحك ومتعصبين عالهايف نطلع ونرجع مهدودين
بطلنا نضحك والحزن بقى عامل كمين كل يوم يمسك فيك يا عم الحزين
بطلنا نضحك ودايما زهقانين والملل بقى صاحبنا الانتيم
بطلنا نضحك وسرحانين تقولشى حبيبه من الزمن القديم
بطلنا نضحك وراسمين نفسنا ف كاركتر الانبساط الى هو واقع مننا
بطلنا نضحك ومش ف المود ولا حتى اربنا من الحدود
بطلنا نضحك ومش طايقين والضحك لو مش لينا هيكون لمين
بطلنا نضحك والضحك بقى عزيز وان حد قال اقولك نكته نقوله no sorry please
بطلنا نضحك وبقينا دايما مغمومين وبقت اكتر حاجه فينا الأadrenaline
بطلنا نضحك طب ليه؟سؤال دايما بيتسألنا يمكن عشان الخوف بقى حته مننا
بطلنا نضحك ومش مستحملين بعضنا ومش عارف يمكن يكون قله عنايه مننا
بطلنا نضحك ومش مركزين فى نفسنا ودماغنا ف دماغ الى حوالينا لحد ما بقينا عيال منفسنه
بطلنا نضحك وعلى طول متنشنين وبنبص لكل عيون الناس واحنا غضبانين
بطلنا نضحك وكمان عيونا مغمضين ودايما لنص الكبايه الفاضى باصيين
بطلنا نضحك مع ان مافيش احلى من الدنيا دنيا ايه يا جدع دى بقت باميه
بطلنا نضحك وحيتنا بقت كلها كآآآآآبه زى فرحه وحطوها مع الاسود فى وسط غابه
بطلنا نضحك وحياتنا بقت كلها غم زى طبال ومش عارف حتى يقول ببؤه بم
بطلنا نضحك وحياتنا بقت كلها رخامه زى ما نكون واقفيين على الشط وخايفيين من الدوامه
بطلنا نضحك وحياتنا بقت كلها بئس زى خل واتحط على كبايه بيبس
بطلنا نضحك وحياتنا بقت كلها زن زى ما نجيب طرشى ونحطه فى كنكه بن
بطلنا نضحك طب وايه الحل طبعاغير اننا نسبها ونفل
بطلنا نضحك طب ونعمل ايه لأ ده انت الى لازم تقول يا بيه
بطلنا نضحك طب وايه العمل لازم تبدأ بنفسك وتغير حياتك وتخلى فى بكره عندك امل
ماتيجى نحب!!!!!!!
ما تيجى نحب ونتحب ونعيش حايتنا كلها في حب
ما تيجى نحب ونعيش حياتنا ننسى النكد ونكبر للي فاتنا
ما تيجى نحب ونفرح قلبنا بحياه كلها هنا وفرح تطول عمرنا
ما تيجى نحب ونرقص روحنا ونمتع ونداوي الي فات من جروحنا
ما تيجى نحب ونفوق بدل ما احنا زى العيال عمالين نأوأ
ما تيجى نحب ونفرفش ونفضل قاعدين نسبل ونبربش
ما تيجى نحس بالشمس ونشوف الدنيا بخير بدل ما احنا بردانين وشيفنها كلها ليل
ما تيجى نفك ونفكر كلنا في بعض عشان نحمى نفسنا حتى لو كان من الرعد
ما تيجى نحب وبالحب نملى قلبنا ونقول يارب يفوقنا ويعيشنا شبابنا وعمرنا
ما تيجى نجب ونقوم من مكانا وخلى ايدك ف ايدى نحقق دايما امالنا
ما تيجى نقرب اوى من بعضنا عشان نعرف نعيش ونعيش معانا حبنا
ما تيجى نحب ونعيش حياتنا ننسى الهم ونكبر للي فاتنا
ما تيجى نحب ونبص لقدام نحدد هدفنا ونمشي للأمام
ماتيجى نحب مستقبلنا وعيلتنا اصحابنا وبيتنا وكليتنا
ما تيجى نحب الدنيا والناس وكل الى حوالينا شوارعها ونيلها وبلدنا ماهيا الى لينا
ما تيجى نحب السما والبحر والزهور الشجر والجنانين وتغريد الطيور
ما تيجى نخليها بمبي والدنيا ربيع زى ما قالت السندريلا ف الزمن البديع
جرب مره تشوفها وردى يا عم اسمع كلامى وخدني على ادي
هي مش سوده اوى بس انت ونظرتك ليها يا تشوفها قشطه يا تشوف نهارها اسود من لياليها
يبقى اتفقنا هنحط خطه ليها عشان نعيشها ونقضيها
ليه كانوا زمان شايفنها كده ودلوقتى العكس كانوا عايشنها ببساطه ورضا ف النفس
ما تيجى نحب ونرضي ربنا هنفرح اوي ويشيل عنا همنا
ما تيجى نحب ونضحك اوي من قلبنا عشان يجى بكره لأنه من حقنا
يا عم كبر الG وروق الDوقضيها مزيكا وفيديو وDVD
ما تيجى نحب ونرسم لحياتنا جد نمليها تفاؤل وبسمه وطموح ملوش حد
ما تيجى نحب ونروق دماغنا كده هنبقى عيال جامده ومفيش بعد كده
ما تيجى نحب ودماغنا مش بس نت واغانى وسيمات دماغنا مليانا افكار وخطط وافتكاسات
ما تيجى نشيل من تركيزنا المظاهر والSTYLEوالمنظره كلها تقاليع فارغه للناس الى غاويه افوره
ما تيجى نحب ونستغل كل حاجه حلوه حوالينا هتبقى فل والصعب يبقى سهل في ايدينا
ما تيجى نحب ونقف جنب بعضنا هنقوى ونشد ونحقق سوا حلمنا
ما تيجى نحب ونريح نفسنا نشيل من دماغنا الحقد والحسد والحاجات المنفسنه
ما تيجى نحبونركز فى نفسنا نعرف عايزين ايه والبدايه تكون عندنا
ما تيجى نحب ونطلع الطاقه الى جوانا ننفذ الى في دماغنا ونفرفش نفوسنا الزهقانه
ما تيجى نحب ونحبب الناس فينا هتتغير الدنيا وتبقى حلوه في عنينا
ما تيجى نحب وكلامنا مش فرقعه ف الهوا دى جرعه فرفشه لملل ملوش دوا
ما تيجى نحب وننفذ ضحك ولعب وجد وحب كفيانا بقى زهق كفايانا غلب
ما تيجى نحب ونتكلم ونقول الي في نفسنا طب ونسكت ليه محدش ليه حاجه عندنا
ما تيجى نحب ومنركزش في الي الناس بتقوله اصله مش هيخلص لو اتكلموا العمر بطوله
ما تيجى نحب ومنشلش هم حاجه الى جى احلى مش محتاجه
ما تيجى نحب ونحييي سوا نفسنا عشان كتبنالكوا كلام بجد من قلبنا
OMEGA
BOSY
TAW
TANGO
شكرا أميرة جمال .. أميرة .. بسمة ... توحيد
ع المجهود فى المجلة وبالتوفيق فى العدد الثانى
رد مع اقتباس
المشاركة الأصلية كتبت بواسطة drsherbiny
