معلش ياجماعةانانصف تانى وعايز اعرف امتى المفروض اقدم وإيه الورق المطلوب
وياريت بتوع نص اول يحكولنا على اللى عملوه
معلش ياجماعةانانصف تانى وعايز اعرف امتى المفروض اقدم وإيه الورق المطلوب
وياريت بتوع نص اول يحكولنا على اللى عملوه
انا معاااك يادكتور وبسأل برده احنا نص تاني هل نمشي في إجراءات النقابة ولا لأ ؟؟؟؟؟؟؟؟؟؟
على فكرة يادكتور احمد طالما خدت الشهادة المؤقتة ممكن تمشى فى اجراءات النقابة ومالهاش دعوة بالتجنيد مع انه كان مكتوب كده فى ورق النقابة بس ناس سألت وقالت مش ضرورى طالما لسة بدرى على جيشك علشان الأجراءات دية بتأخد وقت وكذلك الكارنيه على مايطلع واكيد انت هتحتاجة لو بدات فى اى صيدلية علشان التفتيش
شكرا جدااا يادكتور . طب بالنسبة لإجراءات النقابة بتاخد وقت أد إيه وإيه المطلوب مني الوقتي بالضبط يعني يوم الأحد أروح فين وأعمل إيه ؟؟
الإجراءات مش بتاخد وقت ..
المطلوب موجود فى ورقة كده بتتوزع فى الكلية .. لو محدتهاش ممكن نقول تانى ..
أول حاجة مبلغ 200 جنيه ( كان الأول 195 و بعدين غلى .. ما إحنا فى رمضان بقى ) ..
6 صور حديثة ( تكون حلوة يعنى هتتحط فى الكارنيه بتاعك ) .. مختومة بختم الشعار ( بتتختم من الكلية .. بس حالياً بيضحكوا علينا و يقولولنا الختم مكسور .. و اللى يقول الحبر خلصان .. مع إن فى ناس خاتمة ورق البطاقة بتاعتها من الدفعات الصغيرة بعد ما قالولنا الكلام ده ) ..
2 أصل شهادة التخرج .. إنت مستلم 4 .. هياخدوا هم اتنين .. واحدة للنقابة .. و واحدة للوزارة ..
3 صور للبطاقة ..
دوسيه حفظ أوراق .. أنا جبت اتنين .. ميضرش ..
2 صورة شهادة التجنيد ( تحديد الموقف .. أو غيره ) + الأصل ( للاطلاع طبعاً ) ..
فيش جنائى ( صحيفة الحالة الجنائية ) موجه لـــ ( النقابة العامة للصيادلة ) .. فى واحد عادى بيطلع فى 10 أيام .. و فى كمبيوتر بـ 15 جنيه و بيطلع تانى يوم ..
5 طوابع دمغة الواحد بـ 90 قرش + 5 طوابع تنمية الواحد بـ 10 قروش ( سبحان الله و الله من سنتين و زيادة قالولنا الدمغة اتلغت ) ..
طلب قيد بالجدول + طلب قيد بوزارة الصحة ( و دول من النقابة ) ..
~~~~~
هتروح الأول تعمل الفيش .. لو مكنتش لسة عملته ..
لما يطلع .. تروح الصبح تختم الصور من الكلية .. و بعدين تطلع على النقابة الفرعية فى طلخا ( بالنسبة للى من محافظة الدقهلية .. ) .. هم متواجدين هناك لحد الساعة 3 و نص ..
تخلص ورقك .. و تروح ..
بالتوفيق إن شاء الله ،
ربنا يعينكم
حد م النص الأول معانا فى المنتدى
يطمنا على الأخبار .........
اللهم اجعله خيييييييييييير
أنا نص تاني
بس اللي سمعته ان كل القطاعات الطبية من النص الأول لبست
ربنا يستر
---------------------
بالنسبة للنص التاني أنا لسه معملتش حاجة في الورق
هو احنا هنفيّش امتي ؟
واحد صحبي يادكتور كلمته قالي انه راح قسم اول وقال ان الفيش الاول بعد العيد إن شاء الله
طب هل بما ان القطاعات الطبيه لبست في النص الاول يبقى احنا كده لا قدر الله ولا ايه ؟
بجد الواحد اضايق لما سمع الخبر ده بس السنه اللي فاتت كان حصل العكس جايز يمشوها كده وكده
لأ
السنة اللي فاتت محصلش العكس ولا حاجة
الاتنين مدخلوش إلا لو ككان لبس مواليد
بس
لكن هي مش قاعدة
واحد أعرفه صيدلة في الجيش بيقول لي إن الصيادلة فيهم عجز كبير في الجيش
"كانوا نايمين وفجأة خدوا بالهم"
عموما يا شباب
مش شرط
ممكن اللي لبسوا يكفوا وساعتها مش هياخدوا في النصف التاني
الله أعلم
سيبوها لله