صفحة 1 من 2 12 الأخيرةالأخيرة
النتائج 1 إلى 10 من 13

الموضوع: قصه شاب مفيش حد بيرن عليه

  1. #1
    Pharma Student
    تاريخ التسجيل
    Jul 2009
    المشاركات
    155

    Talking قصه شاب مفيش حد بيرن عليه

    السلام عليكم ورحمه الله وبركاته
    ((قصه شاب مفيش حد بيرن عليه))

    انا بقالي 3 سنين جايب موبايل ... يعني بقالي 3 سنين جايب خط ... وبرده

    بقالي 3 سنين عمال انزل فى نغمــات .... نزلت كل نغمات الدنيـا لموبايلي

    .... دا على اساس أنه لما يرن النغمـه دي تشتغل ...

    و من هنا بقى ظهرت المشكله .... إنه يرن .... الموبايل مابيرنش خالص ...

    انا قلت يمكن العيب من الجهاز .... غيرت الجهاز ..طب من الخط....غيرت الخط

    .... طب ممكن من النغمــه .... غيرت النغمــه

    عملت كل المحاولات عشان أسمع نغمـة موبايلي بترن من غير ما اشغلهــا انا ...

    بس مفيــش فايده.. كل محاولاتي كانت نتيجتها بالفشــل..

    و في اليوم الموعود (إللي كنت مستنيه من زمان) .... قمت من النــوم ... ببص في الموبايل لقيــت ميسد كول ..

    مش معقول....انا جالي ميسد كوول ... لأ لا يمكـن ....

    فكرت افتحها على طول ولا أروح أخد شاور الأول عشان أبقى مستعد ... دخلت

    حلقت دقنى و خدت شاور و عملت شعرى سبايك و حطيت بارفان و لبست احلى طقم

    عندى و لسه همسك الموبايل فى ايدى و..... وكانت الصدمه ....

    أخــويا دخل عليا و قال لي : الجهاز بتاعي باظ وانا حطيت الخط بتاعي في جهازك مؤقتــا ......

    تحطمــت كل احلامي ... نعم تحطمــت كل امالي التي كنت اعقدها في رؤية هذه الميسد .....

    وبعد شهرين من تاريخ الميسد كنت ماشي في الشـارع رايح الدرس ... وفجأه

    حسيــت بهزه في جيبي ( فيبريشن بقى ) ..... و سمعــت نغمــة موبايلي ....

    انا طبعا مصدقتــش ان دا موبايلــي .... بس مكنش في حد بيـرد جنبي على

    موبايلـه ..... يا نهار ابيض .... دا موبايلي اللي بيرن و إفتكرت ان دي

    نغمتــي .....

    كان وقت جميل اوي وانا اول مره أسمع نغمتي فيها من غير ما اشغلها ... يا

    حلاوتــك يا نغمتــي ..... وقمــت مدخل ايدي في جيبـي و مطلــع الموبايل

    ..... و فتــحت المكالمه .....ونقول الووو

    لقيــت واحد بيقولي : إيه يا بنتي انتــي فين انا مستنيـكــي قدام السينما بقالي ساعه .....خسئت

    ساعتها تـــأكدت ان النمــره غلط ... بس انا ما رديتش عشــان ميعرفش إن

    النمره غلط و يحرمنــي من أجمل لحظـــات حياتي ... بس هو قفل ... قفل

    لما انا مردتش عليـه .....

    و بعد الحدث ده رجعت البيــت و ما روحتش الدرس و إتعقــدت بصراحــه ... و جــالي إكتــئاب ..

    الإكتــئاب زاد.. زاد زاد جــدا لحــد ما مبقيــت أقعــد في الأوضة

    لوحدي و باصص للحيطــه وفي إيدي الموبايل و ما بكلمــش حد ...

    كانوا بيخشــوا عليــا يكلمــوني بس ما كنتش برد عليــهم ..... يجيبولي أكل ماكلــش ....

    حاولوا كتير معايا عشــان يخرجونــي من حالة الإكتــئاب إللي انا فيهــا

    لحد ما بابا جه وكلمنــي وقالي: الموبايل مش كل حاجه يا بنــي ... على

    أيــامنا ما كنش فيه موبايلات ولا كلام من ده ..وكنا عايشيــن يا حبيبي ...

    و قعد ناس كتير و دكاتره كتــير ييجوا يكلمـوني ... بس ما كنش فيه فايده ....

    فقدوا الأمل في علاجـــي ..و بقيت انا مجنــون العيله .... كانوا مسمينــي مجنون الموبايل ....

    بعد فتره بدأت أتحســن و اقتنع بكلامهم و جيت في يوم وقمــت و نسيت حكاية

    الموبايل دي خالص .... وانا فاكر ســاعتها لما فتحــت التلفزيـون لقيــت

    إعلان لموبايل... حاولت اقلب القناه عشان ما افكرش.. لقيــت إعلان عصام

    الحضرى بتاع فودافون....

    حاولت أقلب القناه عشان ما افكرش في المــوبايل ....لقيـــت إعلان نغمات فيديو تون...

    الإعلان دا أثر فيــه اوي...هو انا حتــى طايل نغمــه عاديه عشان يجبلي

    فيديو توووون .... الإكتئــاب رجعلي تاني ..... و قمــت قايم وجايب ورقه

    وقلم وكتبت :بابا ماما سامحـوني أنا كنت عايز أخف بس انا قررت خلاص انى

    انتحــر

    و جيـــت ارمي نفسي من البلكونــه .... بس سمعت الموبايل بتاعي بيرن ....

    اممممم دي نغمــة الرسايل أنا عارفها تين تين تين ..... فرحت اوي .....

    فتحت الرساله لقيت رساله .....



    "عزيزي العميل دلوقتي ممكن تشترك في خدمة الإنتــظار عشان إللي بيتــصلوا بيـــك وانت مشغـــول......"



    لأ لأ ...... انتــم كده عايزين تموتوني

    آآآآآآآآآآآآآآآ آآآآآآآآة بوووووووووووووو م

    (دا وهو بيقع م البلكونة)



  2. #2
    Pharma Student
    تاريخ التسجيل
    Oct 2009
    الدولة
    ♥ ______ ♥
    المشاركات
    1,789

    افتراضي

    يا عينى
    انتحر
    يلا خد الشر وراح
    المهم الموبايل جرالة حاجة؟؟؟

  3. #3
    Pharma Student
    تاريخ التسجيل
    Jul 2008
    الدولة
    In my HEART .
    المشاركات
    15

    افتراضي

    بدل دا كله كان كتب نمرته ف ورقه وعلقها على باب الدرس اللى كان رايحه او على اول الشارع اللى ساكن فيه كان هيزهق من كتر الرنات بس يمكن الانتحار كان اسهل حل فكر فيه
    ودى كانت أخرت اللى يشتال موبايل

  4. #4
    Pb Elite
    تاريخ التسجيل
    Dec 2009
    الدولة
    at a home of my dreams
    المشاركات
    1,961

    افتراضي

    ههههههههههههههههههههههه


    لكن يمكن المشكله الحقيقية
    انه نسى يدي نمرته لحد اصلا

  5. #5
    Pharma Student
    تاريخ التسجيل
    Mar 2009
    الدولة
    ...........
    المشاركات
    839

    افتراضي

    هههههههههههههههههه

  6. #6
    Pharma Student
    تاريخ التسجيل
    Mar 2009
    الدولة
    يارب فى الجنة
    المشاركات
    1,468

    افتراضي

    هههههههههههههههههه................لا حلوة

    ام هند ..........
    حد كسر وراه اولة ...............لا ؟؟؟..............طب ولا زير حتى ؟؟؟؟؟؟؟.....لا برده
    طب خلاص مش مشكلة .........اهم حاجة احنا ارتحنا من هذا الشاب المجنون
    ثكلته بنت خالة ابن عم مرات ابو بنت الجيران

  7. #7
    Pharma Student
    تاريخ التسجيل
    Jan 2008
    الدولة
    algamalia-dakahlia
    المشاركات
    723

    افتراضي

    ههههههههههههههههههههههه
    عجبتنى اوى خدمة الانتظار دى تغيظ تغيظ يعنى
    خد الشر وراح المهم ان الموبايل سليم .. هههههههههه

  8. #8
    Pharma Student
    تاريخ التسجيل
    Aug 2009
    الدولة
    في بيتنا أكيد!!
    المشاركات
    55

    افتراضي

    يا حرااااااااااااااااااااااااام

    يلا ع البركه

    كله يهون المهم التليفوووووووووون

  9. #9
    Pharma Student
    تاريخ التسجيل
    Sep 2008
    الدولة
    في قلب أحبابي
    المشاركات
    312

    افتراضي

    gamela gedan dr.sara
    so3ob 3lya wallahy
    kan yedene nemreto wana ahree ranat
    bas 5alas ma3atsh yenfa3

  10. #10
    Pharma Student
    تاريخ التسجيل
    Sep 2007
    الدولة
    Damietta
    المشاركات
    211

    افتراضي

    دة الواد بيستهبل ..طب مهو ممكن يقعد يعاكس اي نمر..وهترن عليه ومس هيبقى ملاحق كمان

صفحة 1 من 2 12 الأخيرةالأخيرة

المواضيع المتشابهه

  1. مفيش مانع نقول رأينا في آخر امتحان
    بواسطة Amira Said في المنتدى الفرقة الرابعة 2010
    مشاركات: 13
    آخر مشاركة: 21-07-2010, 04:13 PM
  2. طلب لسه عليه بدرى
    بواسطة داليا عبد الله في المنتدى الفرقة الاولى 2010
    مشاركات: 14
    آخر مشاركة: 03-10-2009, 09:59 AM
  3. مفيش فايده
    بواسطة Dr Anonymous في المنتدى المنتدى الأدبي
    مشاركات: 14
    آخر مشاركة: 29-08-2009, 08:24 AM
  4. هيّا هيّا.. مفيش غيرها!!
    بواسطة همسة عتاب في المنتدى الفرقة الثالثة 2009
    مشاركات: 15
    آخر مشاركة: 26-06-2009, 09:46 PM
  5. مفيش حاجة ...رائعة ايمان بكرى
    بواسطة زهرة الياسمين في المنتدى المنتدى الأدبي
    مشاركات: 4
    آخر مشاركة: 14-08-2008, 03:43 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •