اقتراااح ..العياده الصيدليه

[احمد الجوجرى]

بسب الكلام الذى يقال على الصيادله من اننا مجرد بنبيع دوا وكده وغيرها من الكلام الذى يقال على المهنه
فلقيت ان الكلام ده كله بسبب ان الصيدليه فى الشارع يعنى تشبه الدكان
طيب ممكن نعمل ايه

بصراحه انا جه فى بالى فكره مش خارقه طبعا بس تحتاج تدخل من النقابه

( وهى ان يكون من حق الصيدلى يفتح الصيدليه ان كان فى الشارع

او يشترى شقه ويعملها صيدليه مثل الطبيب بيشترى شقه وبيعملها عياده)
7
7
7
7
يعنى تخيلو كده

المريض بيروح العياده بيدفع الكشف اول مايدخل العياده

مقابل الحصول على طلبه وهو الكشف

وبيطلع للدكتور فى العياده حتى لو كانت العياده فى الادوار العليا
وطبعا المريض بيروح للطبيب وبيكون فى اشد تعبه

معنى كده ان المريض يقدر يطلع للصيدليه بردوا

وكذالك بيدفع ثمن الدواء وبيخدوا

وان احتاج لأى مشوره طبيه او دوائيه يستطيع ان يسأل الصيدلى التانى او يدخل للمدير
(يتم عمل غرفه للمدير لأى استشاره وكذالك وضع الاوراق الهامه بداخل مكتبه المخصص )

فيه بعض الاراء بتقول ان المريض بيكون تعبان ومش هيقدر يطلع للصيدليه فوق

اقول اذاى بقه دا المريض بيروح للطبيب وهو فى اشد المرض مثلا فى حالات الولاده فأن المرأه الحامل

لازم تطلع للعياده وهى بتكون على وشك الولاده يعنى اكثر وقت بتكون تعبانه فيه وعلى الرغم من كده بتطلع للدكتور فى العياده

وطبعا عمر ما المريض هيجى يصرف الدواء وهو تعبان جدا والا هيبعت حد يصرفله الدواء

فكروا يا دكاتره فى الاقتراح بأن يتم الغاء القرار القديم بشأن مكان الصيدليه ويتم اضافه بند
(للصيدلى الحق فى اختيار مكان فتح الصيدليه ان كان فى شقه او على واجهه الشارع)

قولولى رأيكم

[MoRsY]

والله يا دكتور هو إقتراح حلو وياريت يتنفذ فعلا بس صعب جدا يعني عايز يطرح على النقابة ولسه هيتناقش وفين وفين بقى لما يبقى قانون مفعل يعني الموضوع هيطول بس بجد لما يتعمل هيكون حاجة مشرفة جدا إن الواحد قاعد في مكتب وإلي عايز إستفسار يجي يسأله ...................شكرا على طرح الموضوع

[عبدالله عبدالرحمن]

السلام عليكم ورحمة الله وبركاته
اذيك يا دكتور أحمد
كل عام وانت بخير
عيد مبارك

بص بقى ياسيدى انا ملاحظ ان حضرتك مهتم جدا بمقارنة وضع الصيادلة بالدكاترة
وياريت بنقاط تتعلق بالخدمة الصحية
لأ
حضرتك بتتكلم فى امور شكلية
؟(مش عايز أقول سطحية)
ليست هى التى ستغير من اوضاع الصيادلة حاليا
دكتور أحمد
الصيدلى ليس بالبالطو
وليس بمكان الصيدلية
الصيدلى بعلمه
وقدرته على التفاعل مع الناس
وتجنيبهم مضار الدواء قدر المسطاع هذا هو هدف صيدلى المجتمع الحقيقى
ان يتأكد تماما من صحة تناول المريض للعلاج
وانه لن يحدث اى اثار جانبية غير مدروسة
فلماذا نتحدث عن امور محلولة
وفى ايدينا -كصيادلة-
ونترك ما يحتاج الى العمل
والجهد المبذول بصدق
لا يجب ان نستمر فى مقارنة الطبيب فى الصيدلى
لأن هذا لن يولد سوى جدال لا نهاية له
هل تعتقد ان وضع الصيدلية فى شقة او فى ادوار عليا سيغير الأمر
وما فائدة ان المدير جالس فى غرفة
لماذ لا تنزع عن مخيلتك
صورة الطبيب البشرى
وتركز على صورتك كصيدلى
اجتهد وادرس
اعمل لكى تكو صيدلى حقيقى
عالم كما كان يقول لنا الدكتور عبدالمنعم فودة
فلنتسأل انفسنا
ما هى مشكلتنا!!
ولنبدا فى حلها
بصمت ودون حنق من مدى حجمها
او مدة حلها
لا انا لست مع اقتراحك على الأطلاق
سواء لما ذكرته من أسباب من زيادة معاناة المريض
من صعوده لأدوار متعددة
ولقناعتى الشخصية بأن الصيدلى هو بوابة المريض الصحية التى يمر عليها داخلا كان ام خارجا
ارشاده خلال هذه المرحلة يتطلب ان يكون الصيدلى فى مكان متوفر وسريع
كذلك وجود الصيدلية فىشقة سيصعب من مهام الرقابة والتفتيش الصيدلى
لأن الصيدلية لا يجب ان تكون مفتوحة على اى قطاع اخر
ويجب ان يكون مغلقه ذاتيا
والأساس عدم اقتناعى بأن هذا سوف يحسن من احترام الصيدلى بل على العكس
قد يزيد الأمور سوءا

والله يا دكتور هو إقتراح حلو وياريت يتنفذ فعلا بس صعب جدا يعني عايز يطرح على النقابة ولسه هيتناقش وفين وفين بقى لما يبقى قانون مفعل يعني الموضوع هيطول بس بجد لما يتعمل هيكون حاجة مشرفة جدا إن الواحد قاعد في مكتب وإلي عايز إستفسار يجي يسأله

معلش يا دكتور ايه المشرف انك تبقلى قاعد فى مكتبك وسليب المريض بره
وظيفتك انك تستخدم خبرتك لحل مشكل المريض
ولن تفرق اذا كانت فى غرفة او واقفا على قدميك فى صيدليتك

ياجماعة انتوا كده بتحصروا المهنة فىكلام بسيط
مش أساس ولا جوهر الوظيفة النبيلة دى
ارجوكم فكروا شوية فى هدفكم الأصلى
وانسوا الشكليات والمظاهردى
ولما بقى صح صيالدلة
هنلاقى الأحترام ده ثمرة تعبنا

هذا رايي
فما اصبت فيه فمن الله
وما أخطئت فمن نفسى والشيطان

[Dr/HULK]

كل سنة وانتوا طيبين

رمضان خلص واهو النهاردة اخر ايام االعيد

بالنسبة للموضوع

ففكرة الصيدلية فى شقة دى جديدة

بس تفتكر انها لو اتنفذت هتبقى ناجحة؟؟؟؟؟؟؟؟؟؟؟

الصيدلى عندنا اللى وصله للى المكانة اللى هو فيها

بالنسبة لناس كتير

هى تواجده بالقرب من الناس

يعنى مثلا تلاقى واحد ماشى فى الشارع وعنده اعراض مرض

اول مابيسأل بيروح يسأل الصيدلى

لانه قريب منه ومش محتاج حجز ولا طلوع عيادة والانتظار

ودى ميزة للصيدلى مش عيب زى مانت صورتها

لكن اللى قلل من مكانة الصيدلى

هو الصيدلى نفسه

لان فى اى مجال صاحب المجال هو الشخص الوحيد اللى يقدر يقلل من نفسه او يكبر منها

وطبعا كلنا عارفين احنا قللنا من نفسنا ازاى ومش هتكلم كل شوية نفس الكلام

وعبدالله وضح كتير منه

بالنسبة للفكرة فتخيل بسيط

احنا عندنا فى الشعب بتاعنا ثقافة الكسل

وهو ده اللى بيخلى الناس تخلى فكرة استشارة الطبيب اخر حاجة

معظم الناس بتبقى اولوياتها

الصيدلى اهو جنب بيتى

بعد كده لو الصيدلى معرفش يبقى اى مجمع عيادات قريب من المكان

لانه برضه فى الشارع والانتظار فيه اقل

وبعد كده عيادة طبيب

كفاية كده احسن المواضيع دى بتخرج الواحد عن مود العيد ومش ناقصة العيد بييجى مرة واحدة بس بعد رمضان

[Mohamed Reda]

الصيدلية لو في طرقة جوه عمارة محدش بيدخلها الا اذا كان فيها عيادات
فما بالك مين اللي هيطلع صيدلية في الدور التاني؟؟ ده مستحيل

انا شخصيا كنت بشتري بالتليفون

على واجهةالشارع: ايدك على مليون جنية

[**SAMAR_RESALA**]

كل ده شكليات وإهتمام بالمظاهر
أهم حاجه الإهتمام بالتفتيش
لإن خلاص ما عدش فيه صيادله فى الصيدليات
كل واحد فتح صيدليه قاعد فى بيته مكسل يشتغل
ومشغل فيها واحد دبلوم
أهم حاجه التفتيش على الصيدليات ما يكونش حاجه صوريه
ويبقى فى إهتمام شويه من النقابه بموضوع التفتيش ده
يعنى ما نقولش الوضع اللى المهنه فيه ده
بسبب إن الصيدليه فى دكان مش فى شقه زى العيادات والمكاتب
السبب الصيادله نفسهم
بيستسهلوا

[Dr/HULK]

انا شخصيا كنت بشتري بالتليفون

على واجهةالشارع: ايدك على مليون جنية

لأ انا كنت ببعت حد من اخولتى

وانا على السرير

عشان مكسل اقوم اتكلم من التليفون

ايد حضرتك على 2 مليون

[احمد شبند]

وليه كدا يا جماعة

نتعب العيان ليه

انت فى الاول انتقدت ان العيادة تبقى فوق لانها بتتعب العيان (جانب سلبى للعيادات)

ليه بقى ننقل الالجانب السلبى ده لينا


وطبعا حاجة المريض للطبيب مش زى الصيدلية وده حقيقة ليه بس ننكرها

الدكتور الشاطر واحد فى وسط ميت الف (اقصد الرقم بزبط) لكن الدوا تاريبا فى كل الصيدلية

مع الاسف ده قياس فاسد

جزاكم الله خيرا على طرح الموضوع

[احمدلطفى]

السلام عليكم ورحمة الله وبركاته
بص يا عم احمد
وجهة نظري ان لما تكون الصيدليه (في الشارع) بيكون ليه مميزات كتير.
1-بعمل علي راحة المريض دي كبيره اوي (ولو مفيش الا هيه تبقي كفايه)
2-الاستشارات الدوائيه العاجله (امتا وكم حبايه يتخدوا من الدوا ده )
3-حالات الحروق والتسمم والاصابات (اللي ما تستحملش أي تأخير)
4-زيادة الثقافه الصحيه للجمهور(خاصة في القري تلاقي عمك الحاج قاعد عند صيدلية الدكتور فلان والدكتور يكلمه ويقتنع - الكلام ده حصل قدامي-)

[Mahmoud_Seif]

ماعنديش كلام اقوله اكتر من اللي الدكاتره قالوه ربنا يجزيهم خير ...وطبعا موافقهم في كل كلمة قالوها ..