أحب أشكركم كلكم على الحلقة ديه
بجد أنا سعدت بيها جدا وبمشاركاتكم وأسئلتكم وسعدت كمان بأن الحلقة نالت إعجابكم ( ده شرف ليا )
رغم إنها كانت أسئلة محتاجة وقت طويل للإجابة بس كنت سعيد وأنا بجاوب عليها
كان أسبوع مليان بالأسئلة بس عدى بسرعة
رغم إن ياسر اتبع معايا نظام جديد في الضيافة بس الأعضاء ربنا يكرمهم صلحوا الموقف

يارب تكون الإجابات عند حسن الظن
ويارب تكون حلقة مفيدة زي ما كانت ممتعة



والله كلامكم فيا ده أنا حاسس إنه أكبر مني بكتير
وباعتربه شهادة في حقي أعتز بيها جدا
وأحطها وسام على صدري أفخر بيه

أسأل الله أن يغفر لي ما لا تعلمون وأن يديم علي ستره




وفي النهاية أتقدم باعتذار لأي عضو في المنتدى ممكن أكون زعلته بطريقة أو بأخرى في أي وقت
وأستغفر الله وأتوب إليه من أي مشاركة أو تعليق ليا أكون اتكلمت فيه بالخطأ



و شكرا يا ياسر على التقديم الرائع للحلقة

كنت عاوز ألفت انتباهكم لحاجة جميلة قامت بيها أسرة صيدلي المستقبل ربنا يبارك فيهم
هيبقة فيه تحفيظ قرآن على مدار التيرم بإذن الله بمواعيد ثابتة
أتمنى كل الأعضاء يتفاعلوا مع الموضوع ده - حفظ القرآن شرف لكل واحد وثوابه وأجره لا يخفى عليكم
للتواصل فيه موضوع مخصوص بكدة في قسم أسرة صيدلي المستقبل ( ربنا يجازيهم خير )

ـــــــــــــــــــــــــــ



إلهي لاتعذبي فإني ... مقر بالذي قد كان مني
وكم من زلة لي البرايا ... وأنت علي ذو فضل ومن
يظن الناس بي خيرا وإني ... لشر الناس إن لم تعف عني


ياريت محدش ينساني من دعاؤه
وأختم زي ما ياسر ختم بدعاء كفارة المجلس
سبحانك اللهم وبحمدك ، أشهد ألا إله إلا أنت ، أستغفرك وأتوب إليك



خالص تحياتي وشكري ودعائي للجميع بالتوفيق
أخوكم في الله