مشاهدة نتائج الإستطلاع: هل تؤيد أســــــــرة الحــــــــياة فيما توم به ....؟؟

المصوتون
55. أنت لم تصوت في هذا الإستطلاع
  • نعم

    32 58.18%
  • لا

    23 41.82%
صفحة 3 من 15 الأولىالأولى 1234513 ... الأخيرةالأخيرة
النتائج 21 إلى 30 من 144

الموضوع: أســـرة الحــــياة بين الوجود و محاولات الإبعاد....

  1. #21
    Pharma Student
    تاريخ التسجيل
    Jul 2007
    الدولة
    damettia
    المشاركات
    557

    افتراضي

    معلهش فى نقطة عدت ..

    بالنسبة للدفاع عن الرسول .. انا رايى مثلا الشصى ان مش معرض هو اللى هيدافع عن الرسول و ربما رأيك ان المعرض ده اسلوب دفاع .. مش مشكلة بس متحكمش عليا انى اتحرك فى موضوع زى ده .. مش اجبار يعنى

  2. #22
    Pb Elite
    تاريخ التسجيل
    Oct 2009
    المشاركات
    6,117

    افتراضي

    اقتباس المشاركة الأصلية كتبت بواسطة RASHAD_RESALA مشاهدة المشاركة
    معلهش فى نقطة عدت ..

    بالنسبة للدفاع عن الرسول .. انا رايى مثلا الشصى ان مش معرض هو اللى هيدافع عن الرسول و ربما رأيك ان المعرض ده اسلوب دفاع .. مش مشكلة بس متحكمش عليا انى اتحرك فى موضوع زى ده .. مش اجبار يعنى

    اعذرني يا د.احمد علي المداخله....بس عايز اوضح حاجه

    انا مش لازم اكون اخوان عشان اكون مسلم...

    هل معني اني مش اخوان......اني مش مسلم لاقدر الله ؟؟؟؟؟؟؟

    اكيد كل مسلم سني (مش اخوان) بيدافع عن دينه و عن الرسول .....واكثر من الاخوان كمان في بعض الاحيان

    انا مش عايز ادخل في تفاصيل دينيه وما لاخره ....

    لكن النقطه الي عايز اوصلها .....اني مش لازم اكون اخوان عشان ادافع عن الاسلام...

  3. #23
    Pharma Student
    تاريخ التسجيل
    Jul 2007
    الدولة
    damettia
    المشاركات
    557

    افتراضي

    تمام يا محمد ..

    الدفاع ليش حكر على احد و من حق اى حد يدافع بطريقة تناسبه ..

  4. #24
    Pharma Student
    تاريخ التسجيل
    Mar 2009
    المشاركات
    1,136

    افتراضي

    اقتباس المشاركة الأصلية كتبت بواسطة SmSm مشاهدة المشاركة
    السلام عليكم

    الحقيقه انا كنت مشتركه السنه دي ف احد الاسر وعليه اعرف ان أي اسره في الكلية لابد الا يكون لها اي اتجاه ديني أو سياسي من أي نوع والا تتصل بمؤسسه خارجيه يعني متكونش تابعه جماعه أو جمعيه من أي نوع ..

    فى ملاحظة ؛ بافتراض صحة الكلام اللى اتقال 100 %
    يبقى المفروض يطبق على الجميع
    و بعض الأسر فى الكلية لها صلة بجمعيات تابعة لأحزاب فى الخارج


    حضرتك بتقول ده من دورنا اننا نوعي الطلاب بالاحداث و الوقائع (فعلا صحيح).. لكن ده طبعا بيكون ليه الطابع الديني أو السياسي غالبا لكن واضح من الاول في شروط تسجيل اي اسرة بالكليه وطالما عايز اكون اسرة في الكليه يبقه التزم بشروطها .. ونقدر نعمل النشاطات و التوعيه دي من خلال وسائل اخرى خارج الكليه وحرم الجامعه .. اعتقد ساعتها النشاطات دي هتقابل تأييد أكثر لأن عمل النشاطات دي داخل الكليه و الطلبه عارفيين ان الاسرة مش متسجله و ان الاعمال دي غير مطابقه لشروط الانشطه الطلابيه هو اللي ممكن يخلي في ناس بتعارض الاسره دي ..



    عايز أقول حاجة
    زمان لما كان فى قيمة أكبر للنشاط الطلابى و كان الطلاب أكثر وعيا بما يدور حولهم
    كان بيبقالهم تمثيل فى مجلس الشعب هذه نقطة

    الثانية
    لا زال إلى الآن بالجامعة تعقد بعض الدورات لطلبة من مختلف الكليات و بإشراف رعاية الطلاب لتدريب الطلبة على المشاركة فى البرلمان
    و يذهبون لحضور بعض الجلسات فى مجلس الشعب

    كمان فى أسر اكلمت السنة دى عن الحفريات تحت المسجد الأقصى

    و كان فى قبل كده مسيرة منظمة من إدارة الجامعة من أجل غزة و غيرها .........

    لماذا الكيل بميكيالين ؟؟؟

    بالنسبه للعقوبات اللي بيتم فرضها على الطلبه المنضمين لأسرة الحياه .. أول حاجه بشوفها من يوم ما دخلت الكليه صعود الطلاب الى المنصه وعرفت ان ده مرفوض برده من ادارة الكليه الا باذن مسبق لكن اعضاء اسرة الحياه بيطلعو ويتكلمو وطبعا العامل بتاع المدرج بيرفض انه يتكلم في الميكروفون عشان ميحصلوش مشاكل ..

    أعود فأقول : لماذا الكيل بميكيالين

    فى أسر بتطلع من غير إذن مسبق


    طلبه اعدادي فعلا بيكونو مش عندهم خبره كافيه ومعرفه باللي بيحصل في موضوع الاسر ده .. يثير غضبهم اسعار الكتب العاليه فبينحازو لأسرة الحياة لأنها بتلمس الموضوع ده في كلامها ويبدأو يبحثو عن الاسرة و عايزين يعرفو اكتر عنها عشان ينضمو ليها وفعلا انا لمست ده عن قرب في مدرج اعدادي في بداية السنه والاسره بتلاقي تأييد كبير من الطلاب اللي بيتصورلهم انهم واقع عليهم ظلم كبير .. لكن لما بيعرفو ان الاسره مش متسجله و ان الكلام ده مخالف لقوانين الجامعه بيتراجعو ..


    موضوع الانضمام اللى الناس مركزة عليه فى الكلام مش هو ده المطلب الرئيسى للأسرة و إن كان ضروريا للمحافظة على الاستمرار

    اللى بنطالب بيه معروف وواضح و لكم أن تلمسوه من أنشطة الأسرة

    عايز أقول إن الناس لما بتأيد الأسرة بتأيد حقها و فى مصلحتها

    و دا اللى حصل و كانت الأسرة سبب فى تغيير جدول الامتحانات فى العام الجامعى 2007 / 2008 و قد عاد ذلك بالنفع على كل الطلاب

    و دا دليل أن الناس متراجعتش لما عرفت إن الأسرة غير مسجلة لأن معظم المشاركين فى اعتصام جدول الامتحانات كانوا من الفرق التانية غير الاعدادية
    أليس كذلك ؟؟

    و على فكرة مش اللى عايز يعرفنا ينضملنا
    ممكن بسؤال صغير على المدرج لأحد أعضاء الأسرة يعرف اللى هو عايزه

    ده رأيي قلته بصراحه و كل ده حصل قدامي فعلا
    جزاكم الله خيرا على هذه الصراحة

    و تشرفت بمشاركتكم
    -----
    اقتباس المشاركة الأصلية كتبت بواسطة RASHAD_RESALA مشاهدة المشاركة
    يعنى انت عاوز تقنعنى ان التمويل الذاتى بيجيب تمن 4 ستاند بانر لا يقل عن 200 جنية و يمكن اكتر و الاسرة اعضائها لا يتجاوز زى ما انا شفت 10 ... اوك

    نقطة الاقتناع دى بتاعتك و حضرتك حر فيه
    و أنا بكلم عن الواقع
    و اللى مش مقتنع براحته
    و ليس لى تعليق على موضوع عدد الاخوة الاعضاء فى الأسرة

    كمان فى نقطة مذكرة الامتحانات من حق الاتحاد يخفى انها موجودة مجانية .. انا فى اسرة رسالة فضلت شهرين اخبى انى هنزل للفرقة الاعدادية بمعرض و حقى جدا ...

    طبعا حقك ونص و تلات أربع كمان


    كمان انك تبيع مذكرة امتحانات جوه الكلية ده ممنوع يا فندم ... يعنى حتى لو حضرتك بقيت اسرة معترف بيها مش هتقدر تعمل ده .. ده الالغاء فى صالحكم فى النقطة دى .. كمان لو حرب بقى كانت نزلت المذكرات لكل الناس مجانا لكن الموضوع مع اعدادى بس
    و لما المذكرة بقت متاحة مجانا بدأت توزع المذكرة مجانا مع القاموس فى اول السنة .. يبقى فين المكسب اللى يمول الانشطة

    لو تقدر تنزل لكل الناس تبقى خدمة ممتازة و شىء يسعدنا جدا جدا
    بس ممكن تليفون صغير عشان مطبعش ع الفاضى

    و بالرغم من إن المذكرة نزلت مع القاموس إلا أنها كانت بتكسب برده

    موضوع اعدادى و طبقا لطلبة اعدادى .. حضراتكوا مقيمين تقريبا هناك اوك حقك .. بس لحد النهاردة مرفوضين فى اعدادى و الطلبة فاهمة على فكرة كل حاجة مش زى زمان .. الدنيا اتغيرت

    بالعكس
    الطلبة كانت بتسأل علينا لما بنغيب و خصوصا الترم التانى
    و كنا فى كلامنا مع الناس بنسأل نكمل و لا لأ
    الناس تقول كملوا

    اوك جالك رفض للمعرض قبلها على طوول و ع اللحظة الاخيرة .. هو انت متخيل اننا كأسر كده بناخد اى موافقة بالساهل ياما اتلغى لينا حاجات و رحنا بندوات اترفضت و عادى بنكمل لاننا عاوزين نشتغل مش عاوزين نقول اهوووو خلى بالكم رفضوا كذا و كذا ...

    المعرض ده بالذات اتصرف عليه كتير و خصوصا إنه كان أول معرض رسمى للأسرة
    لم يوافق أى عضو فى الأسرة على الالغاء

    و اللى لغى المعرض مقلش أسباب واضحة
    و فى حاجات مش لاوم أقولها عشان أوضح إن الأسرة كانت محقة فى إقامة المعرض

    لما كنت فى الجمعية بدأت موجه غريبة من انضمام الطلبة المعروف بأنتمائهم للاخوان للجمعية .. طبعا من حقك .. بس بعد كده اختفوا .. طب كان قدامك طريق تمشى فيه و تمارس نشاط .. ليه مشيت

    قدر الله و ما شاء فعل

    لعل ذلك فى مصلحة الجمعية

    فى نقطة كمان ان باقى الاسر مش اترشحت لاتحاد الطلاب عادى انا شايف انى بقدم حاجة مفيدة فى اسرتى و بنجح فيها الحمد لله يبقى ايه لازمة الاتحاد عندى

    الاتحاد هيساعدك أنك تقدم أكتر و أكتر

    فى حاجة انا هقولها لانى شفتها و ربنا يعلم بيها و هى مذكرة الامتحانات .. السلاب شاف ايام و اتبهدل كتير علشان يصرف شيك بمبلغ معين لطباعتها .. مش الامن اللى وزع المذكرات دى و لا جاب الناس و قالهم وزعوها علشان الاخوان و لو كان توجه عام كان اسرة الاضواء فى طب نزل الاتحاد مذكرات قصادها .. ولا ايه !!!

    قولت قبل كده إنى سامع الكلام ده من الأمن نفسهم

    الانشطة السياسية منعدمة فى الكلية .. مين قال كده ؟؟ هو السياسية يبقى اهتمام بصراع احزاب و تزوير انتخابات .. لما اسرة ولا الجمعية تعمل انتخابات حرة و نزيهة مش ده ممارسة ديمقراطية و لو حتى على نطاق ضيق .. نقول معدوم كمان
    و سؤال معلهش هى اسرة الحياة ايه نظام الشغل فيها .. يعنى المقرر و المقرر المساعد بيتم اختيارهم على اى اساس ؟؟

    احنا مش أسرة رسمية
    هنعمل مقرر و مقرر مساعد لمين ؟؟؟

    كمان فى سؤال معلهش .. ليه كل الانشطة الخاصة بالاسرة نلاقى اللى واقفين فيها ناس من بره الكلية من طلاب الاخوان فى كليات تانية .. ليه ؟؟ متوقع علشان نأمن طلاب الاخوان فى الكلية من التحويل للتحقيق .. او ان العدد قليل جدا فى الكلية ..

    نسبة قليلة جدا جدا من الأنشطة اللى بيكون فيها طلبة من بره الكلية

    و فى حاجات بتتطلب عدد كبير
    زى الاحتجاج على التحقيقات و مجالس التأديب
    مش معقول هحتج بالعدد القليل جدا اللى حضرتك بتقول عليه

    اسرة الاصدقاء و هى اسرة طلابية محترمة جدا و اكن لها كل تقدير .. فى حقيقتها هى الخاصة ببنات معتقدين فى فكر الاخوان ربما اكون مخطئ او على صواب فى تلك النقطة و ارجو التصحيح و لكن لهم مكانة و نشاط و لهم حرية ربما مثلا باقى الاسر فى الكلية ..

    ربنا يوفقهم

    ارجو التعقيب على تلك النقاط ...
    و عايز اذكر بكلام قلته قبل كده


    صراحة هناك أكثر من نقطة أود أن نتناقش فيها سويا ليس بهدف الجدال أو مجرد انتصار أيا منا على الآخر ( ,إن كان ده الهدف ماكنتش كتبت الموضوع ) و إنما هدفنا هو الوصول إلى وجه نظر تكون أقرب إلى الواقع و أرضى لله عز وجل

    و جزاكم الله خيرا

    -----
    اقتباس المشاركة الأصلية كتبت بواسطة Dr/HULK مشاهدة المشاركة
    يبقى ليكم حق فعلا تزعلوا لما الاتحاد يشتغل هو الاسر ويبدأ فى مساعدة الناس

    وبعدين الوضع ده كله بيتغير بعد التخرج

    النقابة كلها اخوان وهما المتحكمين فيها واصحاب السلطة

    يعنى الوضع بيتغير كده كده
    عمرنا ما هنفكر إننا نفكر نزعل عشان فى خدمة بتتقدم للطلبة أيا كان مصدرها . . . معايا

    و و ضحت أنى بزعل لما أحس و أشوف بعينى أنك مبتتحركش بدافع الخدمة

    و موضوع النقابة . . . مكانه مش هنا

    أنا بكلم عن الجامعة . . . واضح

    و جزاكم الله خيرا



  5. #25
    Pharma Student
    تاريخ التسجيل
    Mar 2009
    المشاركات
    1,136

    افتراضي

    اقتباس المشاركة الأصلية كتبت بواسطة محمد عليوة مشاهدة المشاركة

    اعذرني يا د.احمد علي المداخله....بس عايز اوضح حاجه

    انا مش لازم اكون اخوان عشان اكون مسلم...

    هل معني اني مش اخوان......اني مش مسلم لاقدر الله ؟؟؟؟؟؟؟

    اكيد كل مسلم سني (مش اخوان) بيدافع عن دينه و عن الرسول .....واكثر من الاخوان كمان في بعض الاحيان

    انا مش عايز ادخل في تفاصيل دينيه وما لاخره ....

    لكن النقطه الي عايز اوصلها .....اني مش لازم اكون اخوان عشان ادافع عن الاسلام...
    عايز اعرف حاجة واحدة

    ايه مناسبة الكلام اللى اتقال دا كله ؟؟؟!!!



  6. #26
    Pb Elite
    تاريخ التسجيل
    Oct 2009
    المشاركات
    6,117

    افتراضي

    اقتباس المشاركة الأصلية كتبت بواسطة متفائل مشاهدة المشاركة
    عايز اعرف حاجة واحدة

    ايه مناسبة الكلام اللى اتقال دا كله ؟؟؟!!!




    المناسبه يا دكتور
    ان فيه اخوان بيقعدوا يقولوا ان المسلمين العاديين (السنه يعني) ...... مش مسلمين...ولا بيخافوا علي دينهم واحنا الي مسلمين علي حق....وانتوا ربنا هيحاسبكم والكلام ده كله...

    وانا لا اوافق عليه

    كمان انا عارف ان فيه كراهيه من جانب بعض الاخوان... للمسلمين السنه.....

    وانا ايضا غير موافق علي ده
    انا مش عارف ازاي مسلم.....يكره اخوه المسلم

  7. #27
    Pharma Student
    تاريخ التسجيل
    Mar 2009
    المشاركات
    1,136

    افتراضي

    اقتباس المشاركة الأصلية كتبت بواسطة محمد عليوة مشاهدة المشاركة

    المناسبه يا دكتور
    ان فيه اخوان بيقعدوا يقولوا ان المسلمين العاديين (السنه يعني) ...... مش مسلمين...ولا بيخافوا علي دينهم واحنا الي مسلمين علي حق....وانتوا ربنا هيحاسبكم والكلام ده كله...

    وانا لا اوافق عليه
    ازاى الكلام ده

    مين اللى قال كده

    كمان انا عارف ان فيه كراهيه من جانب بعض الاخوان... للمسلمين السنه.....

    وانا ايضا غير موافق علي ده
    انا مش عارف ازاي مسلم.....يكره اخوه المسلم

    دا على أساس إن الاخوان مثلا شيعة و لا ايه . . . مش فاهم

    الاخوان بيحملوا الخير لكل البشر ... فكيف لا يحملوه لمسلم ؟؟؟!!!

    دا من التشويه الإعلامى لصورة هذه الفئة

    و إن كان ( و دا طبعا مستحيل ) فى الإخوان من هم كذلك فهم ليسوا إخوان


  8. #28
    Pharma Student
    تاريخ التسجيل
    Apr 2007
    الدولة
    Al-Mansoura
    المشاركات
    1,610

    افتراضي

    حتى الآن أنا مأخر الرد على الموضوع لبعض الوقت محمد عليوه, أخ متفائل أرجو عدم الخوض فى نقطة من يمثل الإسلام وما إلى ذلك, ليس الموضوع لتقييم جماعة الأخوان المسلمين, وزي ما الأخ متفائل قال مافيش أسرة أصلآ وملوش لازمة مقرر ومقرر مساعد فأنا شايف إن ردى الجاي مالوش لازمة لأن الموضوع مقفول من طرفه, لكن فى نقط متناقضة وعارية تمامآ من الصحة ويستوجب عليا أقول رأيى, لكنى هاأخره شوية. بس رجاءآ عدم الخوض فى المعتقدات الدينية, حتى لو إنت فعلآ صح يا محمد إن ماينفعش المسلم يكره المسلم, حتى لو أخطأ, لأن ده مش مجال النقاش فى الموضوع ده.
    -----
    اقتباس المشاركة الأصلية كتبت بواسطة متفائل مشاهدة المشاركة

    دا على أساس إن الاخوان مثلا شيعة و لا ايه . . . مش فاهم

    الاخوان بيحملوا الخير لكل البشر ... فكيف لا يحملوه لمسلم ؟؟؟!!!

    دا من التشويه الإعلامى لصورة هذه الفئة

    و إن كان ( و دا طبعا مستحيل ) فى الإخوان من هم كذلك فهم ليسوا إخوان

    أنا زي ماقلت ماكنتش عايز أرد على النقطة دى: أولآ, لا يوجد منا ملاك, ولا يجب التعميم سواء فى الحسن أو السيئ, فالله لا يؤاخذ أحدآ بذنب الآخرين لكن بإختصار فى كتاب ومش متذكر أسمه لأنه لا يعنينى فى شيئ, ولكنه من كتب الأخوان, وأعتقد أن حضرتك عارفه جدآ ياد. متفائل موضوع الكتاب حول الجماعات الإسلامية الكتاب تناول جميع الجماعات و الأفكار من سنة وصوفيين و شيعة و و و و و .... لم يسلم من قلم الكاتب أي فكر أو مذهب أو إتجاه, بل كان التعميم و النقض الجارح و الخارج عن حدود الأدب, حتى وصلت إلى صفحات جماعة الأخوان المسلمين فكأننى أقرأ وصفآ للملائكة حماة الإسلام الإيجابين المجاهدين و و و و .... الكتاب موجود فى مكتبات توزيع كتب الجماعة, و أنا لا أقصد بالتفرقة بين الجماعة وعامة المسلمين, ولكن الجماعة و الأسرة أيضآ هي من ترفض الإختلاط و الإندماج فى المجتمع بفرض أنهم طبقة ملائكية ليست من مستوى البشر, والجماعة هى من خصصت المكتبات لتوزيع كتبها و إصدارتها غير متعرضين لباقى كتب العلماء. ده حتى فى الجوامع, فى جوامع خاصة بأعضاء الجماعة فقط. لا أريد الخوض فى هذا الموضوع كثيرآ, ولكن قبل أن أرد على الكثير من النقاط الوهمية سأحكى قصتى الشخصية مع أسرة الأخوان: فى إعدادى لفيت ورحت لكذا أسرة علشان نعمل منتدى للكلية, و شهادة حق: الأسرة الإيجابية التى رحبت بالموضوع كانت أسرة الأخوان, لن أتحدث عن طريقة الدعم المادى و الإجتماع كان بمنزل أحد زملائنا اللى هيتخرج السنادى إن شاء الله. للأسف المشروع ماكملش علشان الأسرة كانت عايز الموقع يكون تحت إدارة الأسرة فقط وبدون المشاركة و بدون ساحات مفتوحة للأسر الأخرى. بعد ذلك, إنقطعت علاقتى مع الأسرة, حتى لو بقينا و أعضائها تربطنا الأخوة فى الإسلام و الحب فى الله.
    و إن كان ( و دا طبعا مستحيل ) فى الإخوان من هم كذلك فهم ليسوا إخوان
    هل ده معناه نفي صفة الخطأ عن الإنسان الأخوانى؟
    التعديل الأخير تم بواسطة عامر إبراهيم ; 14-07-2010 الساعة 04:27 AM

  9. #29
    Pb Elite
    تاريخ التسجيل
    Oct 2009
    المشاركات
    6,117

    افتراضي

    محمد عليوه, أخ متفائل أرجو عدم الخوض فى نقطة من يمثل الإسلام وما إلى ذلك, ليس الموضوع لتقييم جماعة الأخوان المسلمين,

    انا والله ما كنت عايز اتكلم في الموضوع ده
    بس ما ينفعش اشوف تلميح عن النقطه دي ..... واقف اتفرج
    لازم اقول رأيي واوضحه للناس..
    كمان لان الموضوع ده مضايقني جدا من زمان



    و إن كان ( و دا طبعا مستحيل ) فى الإخوان من هم كذلك فهم ليسوا إخوان


    لا طبعا.....
    اخوان عاديين جدا .....بل مش عايز اقول ان بيمثلوا عدد كبير داخل الكيان الاخواني...
    ازاي يكونوا مش اخوان؟؟؟
    بل ان فيه حاجات تانيه مش عايز اقولها عن بعض التصرفات الي بتضايق اي مسلم عادي من المسلمين الاخوان..
    بس كده انا هحيد عن الموضوع اكتر واكتر.....
    فانا هاخد نصيحه اخويا عامر ومش هتكلم

  10. #30
    Pharma Student
    تاريخ التسجيل
    Apr 2007
    الدولة
    Al-Mansoura
    المشاركات
    1,610

    افتراضي

    ثانيآ, عدة نقاط يجب على توضيحها كأحد ممثلين النشاط الطلابى فى صيدلة المنصورة وده فخر ليا أنى بحاول أفيد و أخدم زملائنا الطلاب.
    1- التمويل:
    ماعتقدش إن مشكلة بالنسبة للتمويل يارشاد, كلنا بنجيب رعاة, أو بنجمع من الأعضاء المؤمنين بالفكرة, وساعات فى رعاة " سبونسرات يعنى بيحبوا فعل الخير وبيطلبوا عدم ظهور أسمائهم للعلن, فده من حقهم, فإحنا مش هنتكلم فى النقطة دى كتير لأن كل واحد حر فى تمويله طالما لا يتبع حرامآ.

    2- موقف إدارة الكلية:
    حضرتك قلت:
    - إدارة الكلية بتكلم الدكاترة القريبين من أعضاء الأسرة إنهم يتقدموا بطلب إنشاء أسرة من جديد
    وقلت
    - إدارة الكلية ترفض إنشاء الأسرة من جديد
    فأيهما رأي الكلية؟
    شخصيآ, لو مكان إدارة الكلية سوف يكون رأيى من مدى أهمية الأنشطة و مدى الإيجابية فى الطرح و التعامل, و حجم المشكلات أو السلبيات بالنسبة للإيجابيات, ومن حق إدارة الكلية إختيار المناسب للكلية.

    3- الإيجابية:
    مش هعرف الإيجابية لأن ليها معانى كتير, لأن الأهم من التعريف هو الإتفاق على الحصول على نتائج إيجابية.
    وزي ما الزملاء قالوا, إن الإيجابية مش إنى أعمل إتحاد حر أو أتقدم لإنتخابات و أسقط فيها حتى لو فى شك فى الإنتخابات دى.
    الإيجابية لها طرق كثيرة, ولكن الأهم الحصول على نتائج عظيمة.

    4- المرونة و الذكاء:
    كلنا عارفين موقف الأخين اللى معاهم برتقالة وبيتشاكلوا عليها, رغم إن كل واحد عايز جزء من البرتقالة التانى مش محتاجه, تقديم التنازلات و الحصول على النتائج ليس عيبآ.
    فمش كل أسرة يتلغلها شغل بقى تعمل مشاكل.
    المعرض كان تكلفته ألف؟ ألفين؟ 3 ألاف؟
    فى دورات مدعمة كانت هتوفر على طلاب الكلية 30 ألف ولكن أتفق معك أن هناك أمور غير عادلة فى التعامل مع بعض الأنشطة, وده حصل معايا شخصيآ, كان الحل إنى أعمل مشكلة و أحل الأسرة و أولع فى الكلية بقى؟
    خيرها فى غيرها ولعله خير, مش هقول إنى ماكنتش مضايق و جالى إكتئاب من الموقف ده, لكن لأن ليا هدف ولأنى مؤمن بمقولة مالايدرك كله لا يترك كله ماوقفتش وماعملتش مشاكل وخسرت الناس, والحمد لله الأمور ماشية ومرة ليك ومرة عليك.

    5- السياسة:
    حسب فهمى إن الأنشطة السياسية الحزبية هى التى غير مرحب بها سواء أي حزب بقى, لكن المشاركة السياية والتوعية السياسية هو حق لكل طالب و إدارة الجامعة تكفله, تمامآ كمنع الندوات الدينية, ولكن الجامعة ممكن تعمل ندوة لمفتى الديار المصرية أو شخصية دينية, أو المؤتمر العلمى للإعجاز فى القرآن, معاك إن ممكن يكون فى مشاركة أكبر من كده, ولكن مالايدرك كله, لا يترك كله.

    6- أهم نقطة: دور الأخوان و الأمن فى النشاط الطلابى:
    بصراحة يادكتور ماقدرتش أمسك نفسى من الضحك إن الأخوان هما اللى أحرجوا الأمن, قام رئيس الحرس باعت لد. حسن الكاشف و قاله هات الواد عامر و رشاد و العراقى و خالد السيد و ماهر و أبو الدهب و أكثر من 200 طالب وتعالولى علشان موضوع مهم, وبعد مارحنا هناك قالنا مصر محتاجاكم يارجالة, لازم نقاوم الضغط الإخوانى و نعمل شغل, أمال نسيبهم ياكلوا مننا الجو
    طبعآ بقى, أنا قلت لأ, إزاي نسيبهم ياكلوا مننا الجو, ده حتى الأكل غلى ومش هنسيبلهم الجو ياكلوه مننا
    وده طبعآ بناءآ على إن جميع ممثلين النشاط الطلابى بيشتغلوا علشان يحاربوا الأخوان " نظرية المؤامرة "

    نهاية, أنا إتكلمت فى 6 نقاط, منها ما هو نصائح أخوية للإستفادة من فكر و طاقات زملائنا فى أسرة الأخوان, ومنها تصحيحآ لمفاهيم لا أقبل أن تنتشر جهلآ بيننا.

    أعذرونى على عدم القدرة على تنسيق الكلام.
    التعديل الأخير تم بواسطة عامر إبراهيم ; 14-07-2010 الساعة 05:08 AM

صفحة 3 من 15 الأولىالأولى 1234513 ... الأخيرةالأخيرة

المواضيع المتشابهه

  1. كن جميلاً ترى الوجود جميل
    بواسطة Dr. Baher في المنتدى الدكتور باهر أبو زاهر
    مشاركات: 24
    آخر مشاركة: 18-09-2010, 06:28 PM
  2. مشاركات: 2
    آخر مشاركة: 06-05-2010, 06:47 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •