شكرا ليكى ياريماس على الموضوع الصعب دا والاصعب انى اخترت ادخل اجاوب فيه بس الحياة مجازفات 
وربنا يستر
ونبتدي الحكايه
_كيف بدات رحلتك(حكايتك) مع المنتدي وكيف وصلت له
انا اول مرة عرفت فها بان فى منتدى لكليتنا كانت من واحده صاحبتى كانت دخلت عليه من بدرى وانا كنت وقتها بحاول انى اشترك فىى منتديات لكن كانت لاسر فقط مكنش المنتدى الاساسى وبعد ماعرفت اشتركت ولقيت انه مجتمع لمعظم الطلبه فى صيدله بجانب ان كل حاجه تخص الدراسه او اى اخبار جديدة بتنزل عليه
********* منتدى فارما بورد ماذا يمثل لك.......
_هل تفكر في المنتدي وانت خارجه والي اي درجه.......وبما تفكر
بيمثلى حاجه كبيرة جدا رغم انى مش بدخل كتير فى اقسام الدراسه بس انا شايفه انه ادانى فرصه كبيرة انى اقدم الحاجات اللى بكتبها من غير موزعها شخصيا .والاجمل ان فى ناس حبوا حاجتى فعلا ودا خلانى اشعر بفرحه كبيرة جداااااااااا وغالبا لما بفكر بيه وانا بره غالبا بيبقى تشوق لنقاش معين او تشوق لمعرفه رد فعل المنتدى على حاجه جديدة كتبتها وغيره لكن لما بصراحه احيانا بكون متضايقه ججدا لدرجه انى ممكن مدخلش المنتدى خالص لفترة لانى مبيبقاش فيه نفس لاى حاجه 
_ما أول شئ تفعله عند دخولك المنتدي....(بشرح لو سمحت)
غالبا لو كاتبه جديد بحب اشوفه ولو مش كاتبه ممكن اشوف مين المتواجدين حاليا وبعد كده اتصفح فى اقسام المنتدى وياسلام لو عندى رسايل بقراها قبل اى شىء
_من هم الثلاثه الذي يشغلون تفكيركـ وانت خارج المنتدي
طب هم مش تلاته انا اعمل ايه
__من الثلاثه الذي تبحث عنهم وانت في المنتدي
شخصيات من اللى تقدرى تقولى اتكلمت معاهم بصورة اقرب من مجرد المشاركات فى المواضيع بالاضافه لصاحباتى اساسا عشان الرغى وكده
_من الذي يسعدك عند مروره في موضوع لك ويوقع فيه
ناس كتير منهم اللى دخلولى تقريبا بصفه مستمرة ومن غير مابوس ايديهم وردودهم مميزة فعلا وبحس بفرحه كبيرة كانى سامعاهم وشايفاهم بيتكلموا ادامى
يوجينا ونيروزة واديب مصر وسامح وسلمى رساله وسمر رساله mone_phوناس تانيه كتيره، وفى مرة معجزة حصلت ودخلى دكتور ضيا كنت سعيدة جدا بس مع الاسف كان موضوع واحد كان فيه اتجاه دينى حسيت ان دخوله لمواضيعى محصورة فى الزاويه دى فقط بس سعدت بوجوده ,come back وكمان العندليب فى اكتر مواضيعى القديمه كان ليه عامل تشجيعى كبيير وثقه عجيبه فيا بشكره جدا عليها
0000000000000000
_موضوع تمنيت ان تكتبه لكنه موجود باسم عضو آخر
لا مفيش انا بتبسط اكتر لو حاجه كتبتها بايدى 
وموضوع يخصنى ،فى مواضيع كتير حلوة جدا واروع من انى افكر اكتبها لكن انا عمرى مفكرت ان موضوع فلان وبالذات على الادبى لكن ممكن موضوع يبقى عامل ضجه كبيرة ممكن اقول اتمنى لو كنت صاحبه الموضوع الاقى الاقبال دا ودا غالبا فى الاقسام التانيه
_ رسالة خاصه الي مين ترسلها وماذا تقول فيها
اه مع الاسف مفيش
_ما هو الشئ الذي يقلق في المنتدي
الى حد كبير مافيش قلق ماعدا يمكن تجاوزات صغيرة ممكن تحصل وافتكر بيتم احتوائها كويس بحذفها
_اصعب موقف مر عليك في المنتدي ولا تقدر ان تنساه
بصراحه اصعب موقف لما احس انى فى اختبار لم انجح فيه بعد ولم افشل زى فكرة انى اكتب حاجه ومن جوايا نفسى الناس تحس اللى انا حساه لان ساعتها هتقبل على المشاركه ومش بردود رسميه او صور تعبيريه لكن هتستغرب انى قدرت اخرج احيانا احاسيس جواهم وانا معرفهمش ...وموضوعى يتارجح للخلف احساس متعب انك تكونى بتفكرى كتير وانتى بتكبى فكرة وتشعرى بالاسف ان ملقتش الاقبال اللى يوازى مدة كتابتك ليا او تفكيرك فيها
_لحظه مرت عليك في المنتدي ولم تنساها ألي اليوم من شدة الفرح به
لحظه كتابتى لاول موضوع واقبال الناس عليه بشدة واحساسى انى فجاة بقيت مرشحه فى نظر بعض الناس انى احصل على لقب اديبه رغم انى لسه عضوة جديدة بس فى ناس حست انى مميزة ..وفى حاجه كمان بس دى تخصنى شخصيا شويه انى الاقى معامله متميزة بجد من اشخاص انا بحترمهم فى الاساس
0000000000000000
_اي القسم التي ترتاح فيه وتحب ان تكون فيه ......
واي قسم الذي تبدع فيه
انا غالبا نفسى ابدع فى القسم الادبى وممكن احاول ارتاح فى الترفيهى واحيانا فىى العام
_عضو معاك في المنتدي تريد ان تقول له
شكرا كتييييييييييير لمساندتك 
.gif "Fop (43)")
_هل تريد ان تقول شىء قبل ان تغادر
عايزة اقول انى يمكن تكون دى فكرة سخيفه ورغم التعب والاككتئاب والتهييس اللى بيجيلنا فى الكليه االا انى غالبا هشتاق لها بعد خروجنا منها مش للدراسه خاااالص لكل الناس والمواقف والهزار والحاجات العجيبه واحاله الفرحه الجماعيه او حتى الحزن بس حاسه كاننا فجاه كده اسره وخاصه على المنتدى والمشكله اننا يمكن احيانا منقبلش على المنتدى بعد تخرجنا زى ما واحنا طلبه فيه عشان كده انا سعيدة انى موجودة لسه على المنتدى اللى بجد من هنا حتى اتركه ادانى فرصه كويسه جدا فى التعبير عنى ولو تحت اسم مستعار
_من هو العضو الذي ترشحه او تورطه بعدك كي يشرفنا
في الموضوع ويحكي حكايته
same7
بس على الله ميتهربش على اساس انه مشرف
هاااااااااااااااا النتيجه بتاعه الاختبار امتى ربنا يستر واكون حليت كويس
ميرسى ياريمى على الموضوع وسعيدة انى اول واحده اتعذبت فيه .gif "Fop (18)")
حكايتى مع المنتدى ********
رد مع اقتباس
المشاركة الأصلية كتبت بواسطة mone_new
.gif "Fop (28)")
