زائر من صيدلية عين شمس محتاج منكم معلومات بسيطة

[zahraa hassan]

سلام عليكم
انا زهراء حسن صيدلة عين شمس دفعة 2009

مش هطول عليكم انا محتاجة شوية معلومات كده عن نظام تدريس الصيدلة الاكلينيكية في جامعات مصر

وشدني جدا عناوين موضوعات كتير عندكم بس للاسف مليش احقية ادخلها عشان انا مش من جامعتكم

يا ريت لو حد عنده وقت يقولي مناهج الكلينكال اللي بتدرس عندكم تقريبا محتواها ايه
وهل الشهادة اللي بتمنحها الكلية بكالوريس صيدلة اكلينيكية ام بكالوريس علوم صيدلة (الكلمتين دول غشتهم من موضوع تاني عندكو )
ولا النظامين موجودين؟

[Mohamed Al Gohary]

النظام اللي عندنا نظام الساعات المعتمدة في الصيدلة الإكلينيكية .. برنامج موازي للبرنامج العادي الي بيدي للخريج بكاليريوس في العلوم الصيدلية ..

بس أكيد أكبر جامعتين في مصر عندهم برنامج الصيدلة الإكلينيكية هم جامعة عين شمس وجامعة طنطا ..

وأهلا بيكي عندنا

[m_pharmacist89]

اهلا بيكى يا دكتورة

حضرتك ممكن تدخلى على رابط وصف برنامج الصيدلة الاكلينيكية الخاص بجامعة المنصورة من خلال الرابط التالى

http://www.mans.edu.eg/facphar/arabi...nical_main.htm

وممكن تدخلى على برنامج بكالوريوس العلوم الصيدلية من خلال الرابط

http://mudb.mans.edu.eg/muQA/QA/Acad....44.&AppLang=A

وبالنسبة لشهادتنا (اصحاب النظام العادى) فهي شهادة بكالوريوس علوم صيدلية زى اى جامعة

اما نظام كلينيكال يكتب لهم فى الشهادة - على حد معرفتى - بكالوريوس علوم صيدلية( صيدلة اكلنيكية/ نظام الساعات المعتمدة)

واكيد حد من زملائنا فى كلينيكال هيدخل وهيجاوب على اسئلة حضرتك احسن منى

واهلا بيكى مرة تانية يا دكتورة فى منتدانا

[Amira Said]

أهلا بحضرتك يا د/زهراء، ان شاء الله حد من زملائنا في كلينيكال يفيد حضرتك

[zahraa hassan]

بس أكيد أكبر جامعتين في مصر عندهم برنامج الصيدلة الإكلينيكية هم جامعة عين شمس وجامعة طنطا ..

وأهلا بيكي عندنا

تخيل انا كنت فاكرة كده وبعدين اكتشفت ان شهادة البكالوريس بتاعتنا مكتوب عليها بكالوريس في العلوم الصيدلية
مش بكالوريس صيدلية اكلينيكية

وشكرا يا دكاترة على الردود وعلى اللينكات المفيدة

بالنسبة للادمن بس ليا سؤال انا عاملة ان التبليغ يكون فوري بالبريد الالكتروني بس موصلنيش اي اميل ان حد رد على التوبيك معرفش ليه

[a_fouda2]

سلام عليكم
انا زهراء حسن صيدلة عين شمس دفعة 2009



وشدني جدا عناوين موضوعات كتير عندكم بس للاسف مليش احقية ادخلها عشان انا مش من جامعتكم

و عليكم السلام ورحمة الله وبركاته
أهلا يا دكتورة حضرتك نورتينا

مش هطول عليكم انا محتاجة شوية معلومات كده عن نظام تدريس الصيدلة الاكلينيكية في جامعات مصر


وهل الشهادة اللي بتمنحها الكلية بكالوريس صيدلة اكلينيكية ام بكالوريس علوم صيدلة (الكلمتين دول غشتهم من موضوع تاني عندكو )
ولا النظامين موجودين؟

النظام تقريبا موجود في كل جامعات مصر بس مع اختلاف بس بدأ امتى في كل جامعه
يعني هو بادئ في المنصورة من 4 سنين والقاهرة 5 سنين ده اللي انا عارفهم
ونظام ساعات معتمدة برده وبفلوس (غالبا بيختلف من جامعة لجامعة المبلغ اللي بندفعه)


هو فيه نظامين يا دكتورة
نظام عادي بيمنح بكالوريوس علوم صيدلية والدراسة فيه خمس سنين ( ده النظام العادي بتاع اي كلية صيدلة )
نظام ساعات معتمدة وده اللي بيمنح في الاخر بكالوريوس صيدلة اكلينيكية وعلوم صيدلية والدراسة فيه خمس سنين


كمان في دبلومة كلينيكال دي ممكن حضرتك تاخديها بس تسألى عنها في شئون الخريجين في الكلية
أو لوحد من الخريجين عنده فكرة ممكن يقول لحضرتك عليها

يا ريت لو حد عنده وقت يقولي مناهج الكلينكال اللي بتدرس عندكم تقريبا محتواها ايه

دي اسماء بعض المواد اللي بندرسها ومش موجوده في النظام العادي

( علم الأمراض - الإسعافات الأولية - صيدلة إكلينيكية 1 - صيدلة مستشفيات - صحة عامة - فارماكولوجى2 - صيدلة إكلينيكية 2 - العلاج بالأعشاب - كيمياء حيوية إكلينيكية - تفاعلات الأدوية - السموم والكيمياء الشرعية - علم الأورام - علاجيات 1 - صيدلة حركية إكلينيكية - تغذية إكلينيكية - فارماكولوجى إكلينيكى - علاجيــات 2 - علاج الامراض الجلدية والتناسلية -علاج أمراض الأطفال -علاج أمراض القلب والاوعية الدموية - علاج امراض الجهاز الهضمى - علاج امراض الجهاز التنفسى -المعلومات الدوائية )

[zahraa hassan]

thank You