بتهيالي يادكتوره مساله انك تحاولي تتعلمي مهارات تسيري بيها شغله دي مثاليه فوق الحدود حتى الزوج نفسه صعب ان هو يطالب بيها يعني ممكن مثلا توفريله الجو الهادي الراحه النفسيه اللي تساعديه بيها على ان هو ينجح ويبدع لكن انك تتعلمي علمه فدي كبيره حبتين يعني لو مهندس هتتعلمي الهندسه طبعا صعبه قوي ومش معقوله هتقعديه يشرحلك لو دكتور هتتعلمي التشخيص والامراض وقس على ذلك لو هو بقى حابب انه يتزوج من بنت تشاركه في الاراء ووجهات النظر في الشغل فالاولى انه ياخد واحده من نفس تخصصه انا بتكلم في النقطه دي بس علشان اوضح بس يادكتوره ان حته انك تتعلمي شغله دي حاجه الرجل نفسه مبيطلبهاش من زوجته ياريت بس يكون المعنى اللي عاوزه اوضحه وصلك صح
انا قولت اساعده فى شغلة مش انى اعملة شغلة اعتقد فى فرق يعنى لا اعتقد انها مثالية مبالغ فيها خالص انى احاول انى يكون تفكيرى قريب منة اوى ايا كان مجاله بس انا فعلا مع الارتباط من نفس المجال
بتهيالي يادكتوره الحاله اللي حضرتك بتوصفيها دي مش ممكن تحصل الا في حاله وجود خلل يا اما في الزوج يا اما في الزوجه يعني مثلا لو واحد متجوز واحده متعلمه ومثقفه سهل ان هو يتواصل معاها فكريا في اي موضوع لان عندها خلفيه علميه وثقافيه تؤهلها لدا في الحاله دي لو قال مفيش تكافؤ يبقى اسمحيلي بيلتمس عذر واهي لنفسه انه يطفش او بيتلكك بمعنى اصح لان دا علشان يحصل يااما الزوجه تكون جاهله (مش متعلمه من الاساس) يا اما متعلمه بس تافهه ودماغها فاضيه وساعتها هتبقى دي غلطه في الاختيار من الاساس وعمل المراه او عدمه ملوش دعوه بالنقطه دي
حضرتك قولتى ان شرط التواصل وجود خلفية علمية وثقافية والثقافات انواع يعنى عشان يكون فية تواصل لازم يكون تفكيرهم فيه اشتراك فى الثقافة يعنى بردة لازم الزوجة تساير عمل زوجها عشان اصلا يبقى عندها خلفية عشان يبقى فية تواصل
طبعا فكر يحترم جدا ودا فعلا نموذج موجود لسيدات وبنات بتشوف انها حققت ذاتها في اولادها لما تلاقيهم ناجحين وفي كليات محترمه لكن برضه الاكيد ان المجتمع مليان بنماذج السيدات العاملات اللي مكونين اسر سعيده واولادهم ناجحين وفي مراكز مرموقه .....
مش معنى كدة انى انسى نفسى خالص بس الاولوية الاكبر ليهم
ميرسي كتير ليكي ع المداخله القيمه والكتر من رائعه بجد وسلامي ليكي
ميرسى جدا ليكى يا دكتورة
رد مع اقتباس
المشاركة الأصلية كتبت بواسطة Anas
.gif "Fop (43)")
