ساحة حوار الفرقة الاعدادية 2009 / 2010

[ameer]

سكشن المراجعة مالوش اى لزمة بجد
يعنى انهاردة انا نازلة مخصوص علشانة
وفى الآخر نروح... المعيد يقولنا يلا يا بنات التجارب قدامكم افتكروا كنتوا بتشتغلوا ازاى واشتغلوا أو اتفرجوا ع الاجهزة
يعنى خدولكوا جولة كدة
ولو مش عاوزين تقعدوا قدامكم open door
اللى عاوز يمشى مع السلامة
قولناله طيب وحضرتك مش هتفكرنا بحاجة يعنى
قالنا لاء أنا مصدع انهاردة ومش قادر اشرح ومش فاضى اشرح ليكوا بعد كدة

فما كان رد فعلنا الا اننا قولنا ألف سلامة
ومع السلامة ومشينا ويا ريتنا ما نزلنا

طيب ماهو ده الطبيعي زي الترم الاول كل واحد معملش تجربة يروح يلبخ فيها مع نفسة واللي مش عايز ميرحش مفيش غياب ولا حاجة
اذا كان المعيدين بيشرحوا في السكاشن العادية بالعافية
الترم دة مفيش معيد شرحلنا تجربة بضمير غير اول سكشن خالص معيد محترم مسك ورقة وقلم واستنتج القانون معانا خطوة بخطوة وشرح النظرية كاملة ووصل معانا كل حاجة وبعد كدة مجلناش تاني
غير كدة بقي كل المعيدين يدخلوا يقولوا (اقراوا النظرية من الكتاب وهنوصل دة بدة يطلعلنا دة ناخد دة نركبه مع دة يطلعلنا الارقام نكتبها وشكر)

[طيور الجنه]

طيب ماهو ده الطبيعي زي الترم الاول كل واحد معملش تجربة يروح يلبخ فيها مع نفسة واللي مش عايز ميرحش مفيش غياب ولا حاجة
اذا كان المعيدين بيشرحوا في السكاشن العادية بالعافية
الترم دة مفيش معيد شرحلنا تجربة بضمير غير اول سكشن خالص معيد محترم مسك ورقة وقلم واستنتج القانون معانا خطوة بخطوة وشرح النظرية كاملة ووصل معانا كل حاجة وبعد كدة مجلناش تاني
غير كدة بقي كل المعيدين يدخلوا يقولوا (اقراوا النظرية من الكتاب وهنوصل دة بدة يطلعلنا دة ناخد دة نركبه مع دة يطلعلنا الارقام نكتبها وشكر)

الترم الاول كان بيدينا معيد محترم بجد
وكان شرحة جميل جدا
دا حتى فى سكشن المراجعة راجع لنا على كل التجارب تجربة تجربة وعلى السبورة
وفى اليوم ده كان عندى امتحان عملى حيوان وجيت متأخر
شرحلى تانى التجارب اللى فاتتنى فى الشرح

لكن الترم ده بقى المعيد يدخل يقعد على الكرسى أو على اللاب توب بتاعة
وفين وفين على ما يفتكر ان وراه سكشن يقوم يقول كلمتين فض مجالس واشتغلوا بقى
واللى كان بيغظنى انه ما بيقولش كل حاجة فى التجربة ولما نخلص ونظبط النتايج يقولنا امسحوا بقى كل اللى انتوا عملتوه ده اصلى نسيت اقولكوا اضربوا فى كذا

ومن ده كتييييييييير

يلا ربنا ما يجعلنا نصيب ندخل علوم دى تانى

[طيور الجنه]

يا جماعة د/ليلى انهاردة أكدت ان امتحان العملى ان شاء الله يوم 22/5
ومدتة 50 دقيقة وتقريبا الدفعة كلها فى نفس اليوم

وقالت شوية precautions علشان الامتحان

أهما كان safty glass
وcolourless file علشان نحط فيه ورقة الاجابة علشان تفضل سليمة ونظيفة
وقالت ان لو مثلا المركب اللى معايا طلع مثلا فى sodalime على البارد odor معينة
بعد ما بكتب الكومنت بتاع الريحة دى
بعمل تسخين
وبشوف لو طلع نفس الريحة يبقى مفيش مشاكل ومش بكتب حاجة فى كومنت ال hot

لكن لو طلع مثلا odor تانية غير الاولانية
يبقى فى شق تانى فى المركب

يعنى مثلا يا جماعة لو المركب اللى معايا كان amm.salisylat
مع الصودا لايم on cold يدينى amm.odor
وon hot يدينى phenolic odor

وأكدت اننا لازم نراجع كل samples اللى أخدناها فى كل السكاشن ونحاول نربط الخطوات بتاع الاسكيم ببعضها

بيتهيألى ده اهم اللى اتقال ولو افتكرت حاجة تانية ان شاء الله هقولها

[فراشة الربيع]

شكرا يا دكتورة طيور
ربنا يوفقنا جميعا

[LOVELY BIRD]

ميرسي كتير ياد/طيور
بس ازاي العملي 50دقيقه بس؟

[harypotter]

لو سمحتو يادكاترة انتو متأكدين ان شيت الفارما دة الساعة 1؟؟؟

[ASOOOM]

لو سمحتو يادكاترة انتو متأكدين ان شيت الفارما دة الساعة 1؟؟؟

[harypotter]

[dr.emy91]

عملتوا ايه يا جماعة في شيت الفارما انا للاسف حليت وحش جدا و بجد جالي احباط جااامد مش عارفة فعلا هكمل ازاي حد يرد عليه لاني بجد حزينة
-----
هو امتحان الفارما عليه كام درجة بالظبط يعني 5 و لا 10 ضروري

[Messi]

زي ما توقعت
الامتحان كان فيه حاجات غريبه الي حد ما.....
وده الطبيعي الي اتعودت عليه...
ان واضح ان من الطبيعي لازم نشوف دايما كل ما هوه جديد...
-----