إن شاء الله سنة أولى تكون سنة حلوة وسعيدة علينا كلنا بإذن الله
كل الناس إلي أعرفهم قالو إن أولى سنه جميله
بس إن شاء الله ربنا يكرمنا كلنا ف النتيجة
يااااااااااااااارب
إن شاء الله سنة أولى تكون سنة حلوة وسعيدة علينا كلنا بإذن الله
كل الناس إلي أعرفهم قالو إن أولى سنه جميله
بس إن شاء الله ربنا يكرمنا كلنا ف النتيجة
يااااااااااااااارب
Pb Designing team
ذاكر كل حاجه أول بأول
بجد احنا مش ضامنين ظروف السنه دى شكلها ايه!!
جبتى المفيد يامنى والله..
فعلاً محدش عارف السنه الجايه ظروفها ايه..
كانت صعبه اوى حكاية يومن قبل كل ماده دى..
مواد سنه اولى اللى اخدتها كانت لذيذه جداً
العضويه..هتظهر بمفهومها الحقيقي بقي..سواء عملى او نظرى
بدل شويه الكلام الملعبك بتاع اعدادى
التحليليه هترجعلكوا تاااااااانى..بس المره دى هتصالحكوا بجد اوى..لان زى ما منى قالت
كورس خفيف ولذيذ..كنت باذاكرها ف اليومين اللى قبل الامتحان بس..والحمدلله جبت امتياز باعجوبه
النباتات الطبيه..او العقاقير يعنى..لو د.احمد جوهر اللى اداه هيبقي لذيذ..
ومش هتحتاجوا تعتمدوا على حاجه غير الباور بوينت
والعملى هيساعدكوا كتير ف النظرى..
الصيدلانيات..احم احم..يعنى لذيذه..بس بصراحه مش فاكره منها ولا كلمه دلوقتى..بتتبخر بسرعه
الباكيج بتاع(الفسيولوجى والاناتومى والهستولوجى)حلو..لو حد بيحفظ كويس هيعدى فيه بسهوله
السيكولوجى مخدتوش بصراحه لسه..بس شكله لذيذ..
وهيظهر السنه دى الشفوى بجد بقي..
بشكل عام..اكيد حضور المحاضرات هيفرق كتير
واللى كان بيحضر ف اعدادى مييجيش على صيدله اللى بجد ويكسل بقي
طيب حضرتك تفتكري الدراسه في سنه اولى محتاجه اني اكون مقيمه في المنصوره ولا اقضيها ع الطريق زي اعدادي
اسمحيلي ارد عالسؤال ده بما اننا من محافظه واحده بقي
لو عرفتى تجمعى جدولك وتظبطيه ف 3ايام ف الاسبوع..محاضرات وسكاشن
سواء ايام متفرقه او متواليه..يستحسن تروحى وتيجى
لان بجد مفيش زى المذاكره اللى ف البيت واهلك حواليكى..بتفرق كتير ف الحاله النفسيه
بس لو لاقيتى الجدول معقرب ومتفنط ف كل يوم حاجه..يبقي يستحسن تقيمي ف المنصورة
بدل السفر الكتير المتعب
ربنا يوفقكم..وتكون اولى اسهل بكتير من اعدادى المتعبه دى..
معلش طووووولت
التعديل الأخير تم بواسطة Nada Radwan ; 13-07-2010 الساعة 04:37 PM
حاليا لسه مشفناش حاجة من أولى
بس أنا متفائل خير إن شاء الله أن أولى حتبقى أحسن من اعدادي(أو يعنى بتمنى ده)
ما احنا بنبقى ناويين نذاكر من الأول بس مش عارفة أيه اللي بيحصل بالظبطذاكر كل حاجه أول بأول
بجد احنا مش ضامنين ظروف السنه دى شكلها ايه!!
والناس اللى لسه مخلصين تانيه كلهم بيقولوا ذاكروا من الأول
يعنى كل المواد تتذاكر من الاول ,
وفجأة نلاقى الامتحان جه واحنا لسه مذاكرناش حاجة
برغم أننا بنبقى عارفين معاد الامتحان قبلها بفترة بس بحس أنه جه فجأة
جزاك الله خيرا على النصيحة
ححاول أطبقها(يمكن أعرف اعملها)
معاكي يا دكتورة في الكلام دهيعنى كل المواد تتذاكر من الاول ,
بالذات العضويه والعقاقير والصيدلانيات وجزء فسيولوجى بتاع صيدله,
التحليليه الكورس بتاعها صغير ولذيذ جدا ممكن يتجمع فى يوم واحد
وجزء الفسيولوجى بتاع طب الدكتور بيحدد اسئله فى الاخر والامتحان مش بيخرج عنه بأذن الله.,
الترم التانى نفس النظام بالظبط,
لما الواحد بيركز على مادة وله مادتين ويسيب باقى المواد بيضيع نفسه
وممكن الامتحان ييجي صعب في المواد اللي كان مذاكرها
ويبقى ضيع كل المواد
غير أن فيه مواد سهلة ممكن بأقل مجهود نجيب فيها تقدير
فغلط أننا نضيعها
على عكس مواد تانية بتاخد معظم الوقت في المذاكرة
وبيبقى صعب حتى على المذاكر كويس أنه يجيب فيه تقدير
اللي ناوية أعمله في أول إن شاء الله أني مستهترش بأي مادة
لان المواد اللي الواحد بيآمنلها بينضرب فيها جامد
بالنسبة لحضور المحاضرات بتبقى حسب الدكتور
في دكاترة من حلاوة المحاضرة الواحدما بيبقاش عايز يفوت اي حاجة من المحاضرة
وفي محاضرات تانية الواحد بيقضيها نوم
علشان كده ناويه في أولى إن شاء الله لأما ابقى فايقة في المحاضرة
لأما أنام في بيتنا أحسن ما أنام في المدرج
بعد النتيجة بقى ححدد اذا كان أسلوب المذاكرة بتاعتي صح وله غلط
مستني اعدي الاول من اعدادي و بعدين افكر في اولي
اسمحولى بقى أرد بما اننا من نفس ذات المحافظه
سنه أولى شغلها الى حد ما كتير على الرغم ان كل السكاشن بتشتغل اسبوع واسبوع,
غالبا بيكون أكتر السكاشن فى اسبوع واحد والأسبوع دا هتحسى فيه بضغط كبير.
والأسبوع التانى هتحسى انك فاضيه ومادام مفيش قدامك غير المحاضرات يبقى مش مهم أريح النهارده احسن.,
لو عايزه نصيحتى خدى سكن من الأول وظبطى نفسك حتى لو هتعدى تلت أيام ورا بعض وتروحى باقى الأسبوع.,
الاستقرار مفيش احسن منه.,ولو حتى فى يومين.
.
وزى ما ندى بتقول الحاله النفسيه مهمه جدا فى المذاكره
المهم تبقى عارفه انتى نفسيتك بتستريح فين!!!
أنا كنت بأسيب اليومين اللى بأرجع فيهم البيت علشان أريح وألعب فيهم وأشوف عيلتى..
فبالتالى على عكس ندى كنت باستريح أكتر فى مذاكره المنصوره.,
بس برضو دى تختلف من حد للتانى ..
اولي دي من احلي السنين في الجامعه ... جميله جدا جدا
وهي دي السنه اللي حسيت فيها اني حبيت كليه الصيدله ... هي سهله اوي بس عاوزه تتذاكر علي طول لان المواد طويله شويه بس سهله ..
اما بالنسبه للمحاضرات فانا اللي نجحني فيها وخلاني اجيب تقدير هو حضوري للمحاضرات لان الصراحه كان معانا دكاتره ربنا يكرمهم يارب ..
بس مش عارفه نظام الدكاتره عندكم هيبقي ازاي ..
بس ماتقلقوش منها خالص دي سنه ممتعه جدا ... وربنا يوفقكم ويوفقنا جميعا لما يحبه ويرضاه ..
طب لو سمحت ممكن دكاترة أولى يقولولنا على الأخطاء الى وقعو فيها من غير قصد فى اولى علشان نحاول نتفا دها والحاجات الى هتفيدنا فى أولى علشان نعملها.
Pb Designing team
اسمحولى بقى أرد بما اننا من نفس ذات المحافظه
ياأهلا ياأهلا..
هههههههههههه و أنا برضه..بس ف اوقات الامتحانات..مبعرفش اذاكر غير ف بيتناأنا كنت بأسيب اليومين اللى بأرجع فيهم البيت علشان أريح وألعب فيهم وأشوف عيلتى..
القعده ف المنصورة ف الامتحانات وحشه اوى
ياريتنى كنت أقدر اروح وآجى بجد..
بس للأسف..
الشغل عندنا 5أيام ف الاسبوع من9ل3العصر
فكرى بهدوء ويستحسن تحجزى سكن من دلوقتى..
لان محدش ضامن الظروف