بستغرب أنا على طالب... مفتحش فى سنته كتاب
جى ببجاحته ويتغالب... والسنة قضاها غياب
وان جه بيقضيها مطالب... معملش لنفسه حساب
يتحجج مرة بمرضه ... يحضر حصته عالباب
اليوم يقضيه فى بلياردو...وبقية اليوم العاب
يوم ضايع طوله وعرضه... والامتحانات عالباب
بين ** ونت وبرضه... قال يعنى خلاص بقى شاب
وان نصحه ابوه ويعارضه...يخلقله عشر اسباب
بالاستاذ هنا كان طارده... او منهج كله عذاب
او كل الناس بتطارده... وفى كل مدرس عاب
ده مدرس صفته ونعته... ودى لجنة ظروفها هباب
ده مراقب شد ورقته... وده منعه يخش بكاب
وده شد موبايله وساعته...حججه كثير ما هو كداب
عاب فى الكل ومن جهله... وياريت عن كل ده تاب
بصراحة لو انا من اهله... هعتبره شاب وخاب
(منقول)
ده كلام لفت نظرى وحبيت آخد رأيكم فيه لاته للأسف النموذج ده موجود